2022ರಲ್ಲಿ ಚೀನಾದಲ್ಲಿ ನಡೆಯಲಿರುವ ಒಲಿಂಪಿಕ್ಸ್​ಗೆ ರಾಜತಾಂತ್ರಿಕ ಬಹಿಷ್ಕಾರ ಹಾಕಲು ಅಮೆರಿಕ ಸಂಸತ್​ ಪ್ರತಿನಿಧಿಗಳ ಸ್ಪೀಕರ್​ ನ್ಯಾನ್ಸಿ ಪೆಲೋಸಿ ಕರೆ..

ವಾಷಿಂಗ್ಟನ್​: ಬೀಜಿಂಗ್​​ನಲ್ಲಿ 2022ರಲ್ಲಿ ನಡೆಯಲಿರುವ ಚಳಿಗಾಲದ ಒಲಿಂಪಿಕ್​​ಗೆ ಯುಎಸ್​ನಿಂದ ರಾಜತಾಂತ್ರಿಕ ಬಹಿಷ್ಕಾರ ಹಾಕಬೇಕು ಎಂದು ಅಮೆರಿಕ ಸಂಸತ್​ ಪ್ರತಿನಿಧಿಗಳ ಸ್ಪೀಕರ್​ ನ್ಯಾನ್ಸಿ ಪೆಲೋಸಿ ಕರೆ ನೀಡಿದ್ದಾರೆ. ಚೀನಾ ಮಾನವ ಹಕ್ಕುಗಳ ಉಲ್ಲಂಘನೆ ಮಾಡಿದೆ ಎಂದು ಆರೋಪಿಸಿರುವ ಅವರು, ಜಗತ್ತಿನ ಯಾವುದೇ ನಾಯಕ ಈ ಒಲಿಂಪಿಕ್ಸ್​ನಲ್ಲಿ ಪಾಲ್ಗೊಂಡರೆ ಅವರು ತಮ್ಮ ಅಧಿಕಾರದ ನೈತಿಕತೆ ಕಳೆದುಕೊಂಡಂತೆ ಎಂದೂ ಹೇಳಿದ್ದಾರೆ.

ಡೆಮಾಕ್ರಟಿಕ್​ ಪಕ್ಷದವರಾಗಿರುವ ಪೆಲೋಸಿ, ಫೆಬ್ರವರಿಯಲ್ಲಿ ನಿಗದಿಯಾಗಿರುವ ಈ ಒಲಿಂಪಿಕ್ಸ್​​ನಿಂದ ಇಡೀ ವಿಶ್ವವೇ ದೂರ ಇರಬೇಕು ಎಂದು ಯುಎಸ್​ ಸಂಸತ್ತಿನ ಉಭಯ ಪಕ್ಷಗಳ ಸಂಸದರಿಗೆ ಮತ್ತು ಜಗತ್ತಿನ ಎಲ್ಲ ದೇಶಗಳಿಗೆ ಕರೆ ನೀಡಿದ್ದಾರೆ. ನ್ಯಾನ್ಸಿ ಪೆಲೋಸಿಯವರ ಈ ಹೇಳಿಕೆ ಹೊರಬೀಳುತ್ತಿದ್ದಂತೆ ಚೀನಾದಿಂದ ಕಟು ಪ್ರತಿಕ್ರಿಯೆ ಹೊರಬಿದ್ದಿದೆ. ಯುಎಸ್​ ರಾಜಕಾರಣಿಗಳು ಒಲಿಂಪಿಕ್​ ಹೆಸರಲ್ಲಿ ತುಚ್ಛ ರಾಜಕಾರಣದ ಆಟ ಆಡುವುದನ್ನು ಬಿಡಬೇಕು ಎಂದು ಚೀನಾ ಸರ್ಕಾರದ ವಕ್ತಾರ ತಿಳಿಸಿದ್ದಾರೆ.

ಇನ್ನು ಅಮೆರಿಕದಲ್ಲಿ ಕೇವಲ ನ್ಯಾನ್ಸಿ ಪೆಲೋಸಿಯವರಷ್ಟೇ ಅಲ್ಲ, ಅಲ್ಲಿನ ರಿಪಬ್ಲಿಕನ್ ಹಾಗೂ ಡೆಮಾಕ್ರಟಿಕ್ ಪಕ್ಷದ ಹಲವು ಪ್ರತಿನಿಧಿಗಳು ಈಗಾಗಲೇ ಒಲಿಂಪಿಕ್​ ಬಹಿಷ್ಕರಿಸಬೇಕು ಎಂಬ ಧ್ವನಿ ಎತ್ತಿದ್ದಾರೆ. 2022ರಲ್ಲಿ ಒಲಿಂಪಿಕ್​​ನ್ನು ಬೀಜಿಂಗ್​ನಲ್ಲಿ ನಡೆಸಬಾರದು. ಬೇರೆ ಎಲ್ಲಾದರೂ ನಡೆಸಬೇಕು ಎಂದು ಒತ್ತಾಯ ಮಾಡುತ್ತಿದ್ದಾರೆ. ಹಾಗೊಮ್ಮೆ ಬೀಜಿಂಗ್​​ನಲ್ಲಿ ನಡೆದರೆ ಅದನ್ನು ಬಹಿಷ್ಕರಿಸಬೇಕು ಎಂಬ ಆಗ್ತಹ ಹೆಚ್ಚಾಗುತ್ತಿದೆ. ​ ಇನ್ನು 2022ರ ಬೀಜಿಂಗ್​ ಒಲಿಂಪಿಕ್​​ಗೆ ರಾಜತಾಂತ್ರಿಕ ಬಹಿಷ್ಕಾರ ಹಾಕಿದರೆ, ವಿಶ್ವದ ಪ್ರಮುಖ ರಾಷ್ಟ್ರಗಳು ಸಹಜವಾಗಿಯೇ ಅದರಿಂದ ಹಿಂದೆ ಸರಿಯುತ್ತವೆ.. ಈ ಬಹಿಷ್ಕಾರಕ್ಕೆ ಕೈಜೋಡಿಸಲೇಬೇಕಾಗುತ್ತದೆ ಎಂದು ನ್ಯಾನ್ಸಿ ಪೆಲೋಸಿ ತಿಳಿಸಿದ್ದಾರೆ.

ಇದನ್ನೂ ಓದಿ: ಕಳೆದ 15 ದಿನಗಳ ಅಂತರದಲ್ಲಿ 20 ಜನ ಬಲಿ; ಸಾವಿಗೆ ಕಾರಣ ತಿಳಿಯದೆ ಬೀದರ್ ಜನ ಕಂಗಾಲು

Viral Video: ಕೊರೊನಾ ವಾರಿಯರ್ಸ್​ಗೆ ಗೌರವ ಸೂಚಿಸಲು ಐಟಿಬಿಪಿ ಕಾನ್​ಸ್ಟೇಬಲ್​ ಭಾವ ಪೂರ್ಣರಾಗ

US House of Representatives speaker Nacn world leaders to boycott China 2022 Olympics

Published On - 3:11 pm, Wed, 19 May 21