Video: ಗೌರವ ಡಿಪ್ಲೊಮಾ ಪದವಿ ಪಡೆದ US ವಿದ್ಯಾರ್ಥಿನಿಯ ಸೇವಾ ಶ್ವಾನ

ಕೆಲವೊಂದು ನಮ್ಮ ಸಾಧನೆಗಳಿಗೆ ಸ್ಪೂರ್ತಿ ತುಂಬಾ ಶಕ್ತಿಗಳು ಬೇಕು, ನಮ್ಮ ಭಾವನೆಗಳಿಗೆ ತುಂಬಾ ಹತ್ತಿರುವ ವ್ಯಕ್ತಿಗಳ ಜತೆಗೆ, ಪ್ರಾಣಿಗಳು ನಮ್ಮ ಸಾಧನೆಗೆ ಸ್ಪೂರ್ತಿಯಾಗುತ್ತದೆ ಎಂಬುದಕ್ಕೆ ಈ ಶ್ವಾನದ ವೀಡಿಯೊ ಸಾಕ್ಷಿ, ಹೌದು ಮನುಷ್ಯ ಮತ್ತು ಶ್ವಾನದ ಯಾವ ಜನ್ಮದ ನಂಟು ಗೊತ್ತಿಲ್ಲ, ಆದರೆ ಅನೇಕರ ಜೀವನದ ಪ್ರಾರಂಭದಿಂದ ಕೊನೆಯ ತನಕ ಜತೆಯಾಗಿರುವುದು ಶ್ವಾನಗಳು, ಇಲ್ಲೊಂದು ಅಮೆರಿಕದ ವೀಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​​ ಆಗುತ್ತಿದೆ. ನ್ಯೂಜೆರ್ಸಿಯ ಸೆಟಾನ್ ಹಾಲ್ ವಿಶ್ವವಿದ್ಯಾನಿಲಯದಲ್ಲಿ ನಡೆದ ಪದವಿ ಪ್ರದಾನ ಸಮಾರಂಭದಲ್ಲಿ ಜಸ್ಟಿನ್ ಎಂಬ ಸೇವಾ ನಾಯಿಯು ವೇದಿಕೆಯಲ್ಲಿ ಡಿಪ್ಲೊಮಾ ಪದವಿಯನ್ನು ಪಡೆದ ಕ್ಷಣ ಈಗ ಎಲ್ಲ ಕಡೆ ವೈರಲ್​​​ ಆಗುತ್ತಿದೆ.

ವೈರಲ್ ವೀಡಿಯೊವನ್ನು ನೋಡಿ ಜನರು ಈ ವಿಚಾರವನ್ನು ಶ್ಲಾಘಿಸುತ್ತಿದ್ದಾರೆ, ಇದನ್ನು ಸಂಸ್ಥೆಯು ಕೂಡ ಟ್ವಿಟರ್​​​ನಲ್ಲಿಯೂ ಹಂಚಿಕೊಂಡಿದೆ ಮತ್ತು ಜಸ್ಟಿನ್ ಎಂಬ ಶ್ವಾನ ತನ್ನ ಡಿಪ್ಲೊಮಾ ಪದವಿಯನ್ನು ಸ್ವೀಕರಿಸುತ್ತಿರುವುದನ್ನು ಈ ವೀಡಿಯೊದಲ್ಲಿ ಕಾಣಬಹುದು.

ವೀಡಿಯೊದಲ್ಲಿ, ಸೆಟಾನ್ ಹಾಲ್‌ನ ಜೋಸೆಫ್ ಇ. ನೈರ್ ಗ್ರೇಸ್ ಮರಿಯಾನಿ ಮತ್ತು ಜಸ್ಟಿನ್ ಪದವಿ ಪತ್ರವನ್ನು ಪಡೆಯುವುದನ್ನು ಕಾಣಬಹುದು. ಮರಿಯಾನಿ ಅವರು ಸ್ವಲ್ಪ ವಿಕಲಚೇತನ ಯುವತಿ, ತನ್ನ ಪ್ರತಿ ಕ್ಷಣದಲ್ಲೂ ಜಸ್ಟಿನ್ ಇತ್ತು ಎಂದು ಹೇಳಿದ್ದಾರೆ.

ಇದನ್ನೂ ಓದಿ:Viral Video: ವಯಸ್ಸಾದ ತಾಯಿಯನ್ನು ಅವರ ತವರಿಗೆ ಕರೆದುಕೊಂಡು ಹೋದ ಮಗ; ನೆಟ್ಟಿಗರಿಂದ ಮೆಚ್ಚುಗೆಯ ಮಹಾಪೂರ!

ಸಿಬಿಎಸ್ ನ್ಯೂಸ್ ಪ್ರಕಾರ, ಜಸ್ಟಿನ್ ಈ ಪದವಿ ಪತ್ರವನ್ನು ಪಡೆಯುವಾಗ ಅಲ್ಲಿದ್ದ ಅನೇಕರು ಚಪ್ಪಾಳೆ ಮೂಲಕ ಹುರಿದುಂಬಿಸಿದ್ದರು, ಇನ್ನೂ ಜಸ್ಟಿನ್ ಮರಿಯಾನಿ ಜತೆಗೆ ಆಕೆಯ ಕ್ಲಾಸ್​​​ಗೆ ಬಂದು ಕುಳಿತುಕೊಳ್ಳುತ್ತಿತ್ತು. ಇದೀಗ ಮರಿಯಾನಿ ಬ್ಯಾಚುಲರ್ ಆಫ್ ಸೈನ್ಸ್ ಪದವಿ ಪಡೆಕೊಂಡಿದ್ದಾರೆ.

ಇನ್ನೂ ವೀಡಿಯೊವನ್ನು ನೋಡಿ ಅನೇಕರು ಎಂತಹ ಅದ್ಭುತ ಕ್ಷಣ ಎಂದು ಕಮೆಂಟ್​​ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರ ಇದು ನಾನು ನೋಡಿದ ಅತ್ಯಂತ ಮಧುರವಾದ ವಿಷಯ ಎಂದು ಹೇಳಿದ್ದಾರೆ. ಇನ್ನೂ ಅದೇ ಕಾಲೇಜಿನ ಮರಿಯಾನಿ ಮತ್ತು ಜಸ್ಟಿನ್​​ಗೆ ಅಭಿನಂದನೆ ಸಲ್ಲಿಸಿದ್ದಾರೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ