Bharat Bond ETF: ಭಾರತ್ ಬಾಂಡ್ ಇಟಿಎಫ್ ಮುಂದಿನ ಕಂತು ವಿತರಣೆ ಡಿಸೆಂಬರ್​ನೊಳಗೆ ಪ್ರಾರಂಭ

ಭಾರತ್ ಬಾಂಡ್ (ಎಕ್ಸ್‌ಚೇಂಜ್ ಟ್ರೇಡೆಡ್ ಫಂಡ್) ಇಟಿಎಫ್‌ನ ಮುಂದಿನ ಕಂತನ್ನು ಈ ವರ್ಷದ ಡಿಸೆಂಬರ್‌ನೊಳಗೆ ಸರ್ಕಾರವು ಪ್ರಾರಂಭಿಸಲಿದೆ ಮತ್ತು ಕೇಂದ್ರ ಸಾರ್ವಜನಿಕ ವಲಯದ ಉದ್ಯಮಗಳ ಬೆಳವಣಿಗೆಯ ಯೋಜನೆಗಳಿಗೆ 10,000 ಕೋಟಿ ರೂಪಾಯಿಗಿಂತ ಹೆಚ್ಚಿನ ಹಣವನ್ನು ಸಂಗ್ರಹಿಸುವ ನಿರೀಕ್ಷೆಯಿದೆ ಎಂದು ಹಣಕಾಸು ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. CPSEಗಳ ನಿಧಿಯ ಅಗತ್ಯಗಳನ್ನು ರೂಪಿಸಲಾಗುತ್ತಿದೆ ಮತ್ತು ಕ್ಯಾಲೆಂಡರ್ ವರ್ಷದ ಅಂತ್ಯದ ವೇಳೆಗೆ ಮೂರನೇ ಕಂತನ್ನು ಪ್ರಾರಂಭಿಸಲಾಗುವುದು. ಈ ಮೊತ್ತವನ್ನು ಇನ್ನೂ ಅಂತಿಮಗೊಳಿಸಿಲ್ಲ ಎಂದು ಅವರು ಹೇಳಿದ್ದಾರೆ. ಆದರೆ ಇದು 10,000 ಕೋಟಿ ರೂಪಾಯಿಗಳಿಗಿಂತ ಹೆಚ್ಚಿರುತ್ತದೆ ಎಂದು ಆ ಅಧಿಕಾರಿ ಹೇಳಿದ್ದಾರೆ.

ಎರಡನೇ ಕಂತು ಮೂರು ಪಟ್ಟು ಹೆಚ್ಚು ಸಬ್​ಸ್ಕ್ರೈಬ್ ಆಗಿತ್ತು ಸದ್ಯಕ್ಕೆ ಇಟಿಎಫ್ ಸಾರ್ವಜನಿಕ ವಲಯದ ಕಂಪೆನಿಗಳ AAA ರೇಟ್ ಬಾಂಡ್‌ಗಳಲ್ಲಿ ಮಾತ್ರ ಹೂಡಿಕೆ ಮಾಡುತ್ತದೆ. ಸಾಲ ಇಟಿಎಫ್ ಮೂಲಕ ಸಂಗ್ರಹಿಸಿದ ನಿಧಿಯು ಭಾಗವಹಿಸುವ ಸಿಪಿಎಸ್‌ಇ ಅಥವಾ ಸಾರ್ವಜನಿಕ ವಲಯದ ಬ್ಯಾಂಕ್​ಗಳ ಸಾಲ ಯೋಜನೆಗಳನ್ನು ಸುಗಮಗೊಳಿಸಲು ಸಹಾಯ ಮಾಡುತ್ತದೆ. ಇದು ಅವರ ಬಂಡವಾಳ ವೆಚ್ಚದ ಅಗತ್ಯಗಳನ್ನು ಪೂರೈಸಲು ಸಹಾಯ ಮಾಡುತ್ತದೆ.

2020ರ ಜುಲೈನಲ್ಲಿ ಪ್ರಾರಂಭವಾದ ಎರಡನೇ ಕಂತಿನಲ್ಲಿ ಮೂರು ಪಟ್ಟು ಹೆಚ್ಚು ಸಬ್‌ಸ್ಕ್ರೈಬ್ ಆಗಿದ್ದು, ಸುಮಾರು 11,000 ಕೋಟಿ ರೂಪಾಯಿ ಸಂಗ್ರಹಿಸಲಾಗಿತ್ತು. ಇಟಿಎಫ್ ತನ್ನ ಮೊದಲ ಆಫರ್​ನಲ್ಲಿ 2019ರ ಡಿಸೆಂಬರ್‌ನಲ್ಲಿ ಸುಮಾರು 12,400 ಕೋಟಿ ರೂಪಾಯಿಗಳ ಪಡೆಯಿತು.

ಎರಡನೇ ಕಂತಿನಲ್ಲಿ ಭಾರತ್ ಬಾಂಡ್ ಇಟಿಎಫ್‌ನಿಂದ ಐದು ಮತ್ತು 12 ವರ್ಷಗಳ ಮೆಚ್ಯೂರಿಟಿ ಆಯ್ಕೆಗಳನ್ನು ನೀಡಲಾಗಿತ್ತು. ಆದರೆ ಮೊದಲ ಕಂತಿನಲ್ಲಿ ಮೂರು ಮತ್ತು 10 ವರ್ಷಗಳ ಆಯ್ಕೆಯನ್ನು ನೀಡಲಾಗಿತ್ತು. ಎಡ್ಲ್​ವೀಸ್ ಅಸೆಟ್ ಮ್ಯಾನೇಜ್‌ಮೆಂಟ್ ಈ ಯೋಜನೆಯ ಫಂಡ್ ಮ್ಯಾನೇಜರ್ ಆಗಿದೆ.

ಇದನ್ನೂ ಓದಿ: Sovereign Gold Bond: ಸವರನ್ ಗೋಲ್ಡ್​ ಬಾಂಡ್​ನ ಬಾಕಿ ನಾಲ್ಕು ಕಂತುಗಳ ವಿತರಣೆ ಅಕ್ಟೋಬರ್ 25ರಿಂದ ಶುರು

Published On - 11:23 pm, Mon, 25 October 21