Bank working hours: ಕೋವಿಡ್- 19 ಎರಡನೇ ಅಲೆ ಪ್ರಭಾವದಿಂದ ಬ್ಯಾಂಕ್ಗಳ ಕಾರ್ಯ ನಿರ್ವಹಣೆ ಅವಧಿಯಲ್ಲಿ ಬದಲಾವಣೆ
ಕೋವಿಡ್- 19 ಎರಡನೇ ಅಲೆಯ ಕಾರಣಕ್ಕೆ ಖಾಸಗಿ ಹಾಗೂ ಸರ್ಕಾರಿ ಬ್ಯಾಂಕ್ಗಳ ಕಾರ್ಯ ನಿರ್ವಹಿಸುವ ಅವಧಿ ಮೊಟಕಾಗಿದೆ. ಅಂದ ಹಾಗೆ ನೀವು ವ್ಯವಹರಿಸುವ ಬ್ಯಾಂಕ್ನ ಕಾರ್ಯ ನಿರ್ವಹಣೆ ಅವಧಿಯನ್ನು ಚೆಕ್ ಮಾಡಿದ್ರಾ?
Updated on: May 20, 2021 | 4:41 PM
ಭಾರತದಲ್ಲಿ ಕೊರೊನಾ ಎರಡನೇ ಅಲೆಯ ಹಿನ್ನೆಲೆಯಲ್ಲಿ ಭಾರತೀಯ ಬ್ಯಾಂಕ್ ಒಕ್ಕೂಟವು (IBA) ಬ್ಯಾಂಕ್ಗಳಿಗೆ ಸಲಹೆ ಮಾಡಿದ್ದು, ಬೆಳಗ್ಗೆ 10ರಿಂದ ಮಧ್ಯಾಹ್ನ 2ರ ಮಧ್ಯೆ ಕಾರ್ಯ ನಿರ್ವಹಿಸುವಂತೆ ತಿಳಿಸಿದೆ. ರಾಜ್ಯ ಮಟ್ಟದ ಬ್ಯಾಂಕಿಂಗ್ ಸಮಿತಿ (SLBC) ಕನ್ವೀನರ್ಗಳಿಗೆ ಈ ಬಗ್ಗೆ ಪತ್ರ ಬರೆಯಲಾಗಿದೆ. ರೂಪಾಂತರಿ ವೈರಸ್ ಮರುಕಳಿಸಿರುವುದರಿಂದ ನಾವು ಸವಾಲಿನ ಸನ್ನಿವೇಶ ಎದುರಿಸುತ್ತಿದ್ದೇವೆ. ಹಲವು ರಾಜ್ಯಗಳಲ್ಲಿ ಪ್ರತಿ ದಿನ ಸೋಂಕಿತ ಪ್ರಕರಣಗಳು ಹೆಚ್ಚುತ್ತಿದ್ದು, ಆರ್ಥಿಕ ಚಟುವಟಿಕೆಗಳಿಗೆ ಗಂಭೀರವಾದ ಆತಂಕ ಎದುರಾಗಿದೆ ಎಂದು ತಿಳಿಸಿದ್ದರು. ಈ ಆದೇಶದ ನಂತರ ಖಾಸಗಿ ಹಾಗೂ ಸರ್ಕಾರಿ ಬ್ಯಾಂಕ್ಗಳು ಬ್ಯಾಂಕಿಂಗ್ ಕಾರ್ಯ ನಿರ್ವಹಣೆ ಅವಧಿಯನ್ನು ಕಡಿಮೆ ಮಾಡಿದ್ದವು. ಆದರೆ ರಾಜ್ಯ ಮಟ್ಟದ ಕನ್ವೀನರ್ಗಳಿಗೆ ಒಂದು ಗೊಂದಲ ಇತ್ತು. ಕೋವಿಡ್-19 ಗಮನದಲ್ಲಿ ಇಟ್ಟುಕೊಂಡು ಈ ನಿಯಮವನ್ನು ತಮ್ಮ ಪ್ರದೇಶದಲ್ಲಿ ಜಾರಿಗೆ ತರಬೇಕಾ ಅಥವಾ ಬೇಡವಾ? ಎಂಬ ಪ್ರಶ್ನೆ ಅದು.
ಆ ಕಾರಣದಿಂದಲೇ ನಿಮಗೆ ಗೊತ್ತಿರಬೇಕಾದ ಸಂಗತಿ ಏನೆಂದರೆ, ಬಹುತೇಕ ಬ್ಯಾಂಕ್ಗಳು ಬೆಳಗ್ಗೆ 10ರಿಂದ ಮಧ್ಯಾಹ್ನ 2ರ ತನಕ ಮಾತ್ರ ಕಾರ್ಯ ನಿರ್ವಹಿಸುತ್ತಿವೆ. ಈಗ ನಡೆಯುತ್ತಿರುವ ಅವಧಿಯು ಮೇ 31, 2021ರ ತನಕ ಜಾರಿಯಲ್ಲಿ ಇರುತ್ತದೆ. ಠೇವಣಿ ಸಂಗ್ರಹ, ನಗದು ವಿಥ್ಡ್ರಾ, ಹಣ ವರ್ಗಾವಣೆ ಮತ್ತು ಸರ್ಕಾರದ ವ್ಯವಹಾರಗಳನ್ನು ಕಡ್ಡಾಯವಾಗಿ ಮಾಡುವಂತೆ ಸೂಚಿಸಲಾಗಿದೆ. ತಮ್ಮ ರಾಜ್ಯ ಅಥವಾ ಕೇಂದ್ರಾಡಳಿತ ಪ್ರದೇಶದಲ್ಲಿ ಪರಿಸ್ಥಿತಿ ಹೇಗಿದೆ ಅಂತ ಆಯಾ ರಾಜ್ಯ ಮಟ್ಟದ ಬ್ಯಾಂಕಿಂಗ್ ಸಮಿತಿ ಪರಿಶೀಲನೆ ಮಾಡುತ್ತದೆ. ಆ ನಂತರ ಹೆಚ್ಚುವರಿ ಸೇವೆ ಏನು ಒದಗಿಸಬಹುದು ಅಂತ ತೀರ್ಮಾನಿಸುತ್ತದೆ ಎಂದು ಐಬಿಎ ಪತ್ರದಲ್ಲೇ ತಿಳಿಸಲಾಗಿತ್ತು.
ಉದ್ಯೋಗಿಗಳನ್ನು ಪಾಳಿಯ ಆಧಾರದಲ್ಲಿ ಕೆಲಸಕ್ಕೆ ಕರೆಯಬಹುದು. ಅಥವಾ ಯಾವ ರೀತಿಯ ಕೆಲಸ, ಹುದ್ದೆ ಮತ್ತು ಆ ಸಂಸ್ಥೆಯ ಗಾತ್ರ ಏನು ಎಂಬ ಆಧಾರದಲ್ಲಿ ಆ ಸಿಬ್ಬಂದಿಗೆ ವರ್ಕ್ ಫ್ರಮ್ ಹೋಮ್ ಮಾಡುವುದಕ್ಕೆ ಕೂಡ ಅವಕಾಶ ನೀಡಬಹುದು. ಒಟ್ಟಾರೆ ಶೇ 50ರಷ್ಟು ಸಿಬ್ಬಂದಿಯನ್ನು ಮಾತ್ರ ಕಚೇರಿಗೆ ಬರುವಂತೆ ಹೇಳಬುಹುದು ಹಾಗೂ ಅದು ಕೂಡ ಪಾಳಿ ಆಧಾರದಲ್ಲಿ ಎಂದು ಹೇಳಲಾಗಿದೆ. ಇನ್ನು ದೇಶದ ಅತಿ ದೊಡ್ಡ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಿಂದ ತಮ್ಮ ಶಾಖೆಗಳಲ್ಲಿ ಹೊಸ ಸಮಯ ಹಾಗೂ ನಿಯಮವನ್ನು ಪರಿಚಯಿಸಲಾಗಿದೆ. ಫೋನ್ ಬ್ಯಾಂಕಿಂಗ್ ಮತ್ತು ಇಂಟರ್ನೆಟ್ ಬ್ಯಾಂಕಿಂಗ್ ಅನ್ನು ಪ್ರೋತ್ಸಾಹಿಸಲಾಗುತ್ತಿದೆ.
ಹಣ ವರ್ಗಾವಣೆ, ಡೆಪಾಸಿಟ್ ಮಾಡುವುದಕ್ಕೆ, ನಿರ್ವಹಣೆಗೆ, ಬಿಲ್ ಪಾವತಿಗೆ, ಎಟಿಎಂ ಕಾರ್ಡ್ ಅಪ್ಲೈ ಮಾಡುವಂತಿದ್ದರೆ, ಚೆಕ್ ಬುಕ್ಗಳಿಗೆ, ಯುಪಿಐ ಎನೇಬಲ್ ಅಥವಾ ಡಿಸೇಬಲ್ ಮಾಡಲು ಹಾಗೂ ಬ್ಯಾಂಕ್ ಸ್ಟೇಟ್ಮೆಂಟ್ಗಳನ್ನು ಡೌನ್ಲೋಡ್ ಮಾಡುವುದಕ್ಕೆ ಇಂಟರ್ನೆಟ್ ಬ್ಯಾಂಕಿಂಗ್ ಬಳಸುವಂತೆ ಸೂಚಿಸಲಾಗಿದೆ. ಖಾಸಗಿ ಬ್ಯಾಂಕ್ಗಳಿಂದ ಕೂಡ ಬ್ಯಾಂಕ್ ವ್ಯವಹಾರದ ಅವಧಿಯನ್ನು ಬದಲಿಸಲಾಗಿದೆ.
ಇದನ್ನೂ ಓದಿ: SBI KYC: ಆನ್ಲೈನ್ನಲ್ಲಿ ಎಸ್ಬಿಐ ಕೆವೈಸಿ ಅಪ್ಡೇಟ್ ಮಾಡಲು ಆಗದಿದ್ದಲ್ಲಿ ದೂರು ಸಲ್ಲಿಸುವುದು ಹೇಗೆ?
(Due to corona virus second wave changes in banking working hours. Time has been reduced. Here is the details)
