Closing bell: ಸತತ ಎರಡನೇ ದಿನ ಸೆನ್ಸೆಕ್ಸ್, ನಿಫ್ಟಿ ಭಾರೀ ಕುಸಿತ

ಮುಂಬೈ: ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಸತತ ಎರಡನೇ ದಿನವಾದ ಗುರುವಾರ (ಮಾರ್ಚ್ 25, 2021) ಸಹ ಇಳಿಕೆ ಕಂಡಿವೆ. ಪಿಎಸ್​ಯು ಬ್ಯಾಂಕ್, ಎಫ್​ಎಂಸಿಜಿ, ವಾಹನ ಹಾಗೂ ಎನರ್ಜಿ ಷೇರುಗಳು ಕುಸಿತ ಕಂಡಿದ್ದರ ಪರಿಣಾಮವಾಗಿ ಸೆನ್ಸೆಕ್ಸ್ ಸೂಚ್ಯಂಕವು 740.19 ಪಾಯಿಂಟ್ ಅಥವಾ ಶೇ 1.51ರಷ್ಟು ಕುಸಿದು 48,440.12 ಪಾಯಿಂಟ್ ಮುಟ್ಟಿತು. ಇನ್ನು ನಿಫ್ಟಿ 224.50 ಪಾಯಿಂಟ್ ಅಥವಾ ಶೇ 1.54ರಷ್ಟು ಕೆಳಗಿಳಿದು 14,324.90 ಪಾಯಿಂಟ್​ನೊಂದಿಗೆ ದಿನಾಂತ್ಯದ ವಹಿವಾಟು ಚುಕ್ತಾ ಮಾಡಿತು. ಈ ದಿನದ ವಹಿವಾಟಿನಲ್ಲಿ 748 ಷೇರುಗಳು ಮೇಲೇರಿದರೆ, 2147 ಕಂಪೆನಿಯ ಷೇರುಗಳು ಕೆಳಗೆ ಇಳಿದವು. 170 ಕಂಪೆನಿ ಷೇರುಗಳಲ್ಲಿ ಯಾವ ಬದಲಾವಣೆಯೂ ಕಂಡುಬರಲಿಲ್ಲ.

ನಿಫ್ಟಿ ಪಿಎಸ್​ಯು ಬ್ಯಾಂಕ್, ಎಫ್​ಎಂಸಿಜಿ, ವಾಹನ, ಮೂಲಸೌಕರ್ಯ, ಮಾಹಿತಿ ತಂತ್ರಜ್ಞಾನ ಮತ್ತು ಎನರ್ಜಿ ಸೂಚ್ಯಂಕಗಳು ಶೇ 2ರಿಂದ 3ರಷ್ಟು ನೆಲ ಕಚ್ಚಿದವು. ಬಿಎಸ್​ಇ ಮಿಡ್​ಕ್ಯಾಪ್ ಮತ್ತು ಸ್ಮಾಲ್​ಕ್ಯಾಪ್ ಶೇಕಡಾ 1.8ರಿಂದ ಶೇಕಡಾ 2.2ರಷ್ಟು ಇಳಿಕೆ ಕಂಡವು. ದೇಶೀಯ ಈಕ್ವಿಟಿ ಮಾರುಕಟ್ಟೆಯಲ್ಲಿ ಮಾರಾಟ ಕಂಡುಬಂದಿದ್ದರ ಮಧ್ಯೆ ಡಾಲರ್ ವಿರುದ್ಧ ರೂಪಾಯಿ ಮೌಲ್ಯ ರೂ. 72.62ಕ್ಕೆ ಕೊನೆಯಾಯಿತು. ಈ ಹಿಂದಿನ ದಿನಾಂತ್ಯದಲ್ಲಿ 72.56ಕ್ಕೆ ವ್ಯವಹಾರ ಮುಗಿದಿತ್ತು. ಇವತ್ತಿನ ವ್ಯವಹಾರದಲ್ಲಿ ಡಾಲರ್ ವಿರುದ್ಧ ರೂಪಾಯಿ 72.57ರಿಂದ 72.69ರ ಮಧ್ಯೆ ವ್ಯವಹಾರ ನಡೆಯಿತು.

ನಿಫ್ಟಿಯಲ್ಲಿ ಏರಿಕೆ ಕಂಡ ಪ್ರಮುಖ ಷೇರುಗಳು ಮತ್ತು ಶೇಕಡಾವಾರು ಪ್ರಮಾಣ ಟಾಟಾ ಸ್ಟೀಲ್- ಶೇ 2.90 ಐಸಿಐಸಿಐ ಬ್ಯಾಂಕ್- ಶೇ 0.71 ಡಾ. ರೆಡ್ಡೀಸ್ ಲ್ಯಾಬ್ಸ್- ಶೇ 0.20 ಎಚ್​ಡಿಎಫ್​ಸಿ: ಶೇ 0.20 ಜೆಎಸ್​ಡಬ್ಲ್ಯು ಸ್ಟೀಲ್- ಶೇ 0.15

ನಿಫ್ಟಿಯಲ್ಲಿ ಇಳಿಕೆ ಕಂಡ ಪ್ರಮುಖ ಷೇರುಗಳು ಮತ್ತು ಶೇಕಡಾವಾರು ಪ್ರಮಾಣ ಮಾರುತಿ ಸುಜುಕಿ- ಶೇ 3.95 ಐಒಸಿ- ಶೇ 3.86 ಎಚ್​ಯುಲ್- ಶೇ 3.52 ಕೋಲ್ ಇಂಡಿಯಾ- ಶೇ 3.17 ಹೀರೋ ಮೋಟೋಕಾರ್ಪ್- ಶೇ 3.04

ಇದನ್ನೂ ಓದಿ: Penny Stocks: ಕೊರೊನಾ ಆತಂಕವಿದ್ದರೂ ಬಂಗಾರದ ಫಸಲು ನೀಡಿದ ಚಿಲ್ಲರೆ ಬೆಲೆಯ ಷೇರುಗಳು ಇವು..