TV9kannada Web Team | Edited By: Srinivas Mata
Sep 28, 2021 | 4:13 PM
ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್, ನಿಫ್ಟಿ ಸೆಪ್ಟೆಂಬರ್ 28ನೇ ತಾರೀಕಿನ ಮಂಗಳವಾರದಂದು ಇಳಿಕೆಯಲ್ಲಿ ದಿನಾಂತ್ಯದ ವಹಿವಾಟನ್ನು ಮುಕ್ತಾಯಗೊಳಿಸಿದೆ. ಆದರೆ ಈ ದಿನದ ಕನಿಷ್ಠ ಮಟ್ಟದಿಂದ ಚೇತರಿಸಿಕೊಳ್ಳುವುದಕ್ಕೆ ಸಾಧ್ಯವಾಗಿದೆ. ಅದಕ್ಕೆ ಕಾರಣವಾಗಿದ್ದು ಲೋಹ, ವಿದ್ಯುತ್ ಮತ್ತು ತೈಲ ಹಾಗೂ ಅನಿಲ ಕಂಪೆನಿಯ ಷೇರುಗಳಲ್ಲಿನ ಖರೀದಿ. ಈ ದಿನದ ಕೊನೆಗೆ ಸೆನ್ಸೆಕ್ಸ್ 410.28 ಪಾಯಿಂಟ್ಸ್ ಅಥವಾ ಶೇ 0.68ರಷ್ಟು ಇಳಿಕೆ ಕಂಡು, 59,667.60 ಪಾಯಿಂಟ್ಸ್ನಲ್ಲಿ ವ್ಯವಹಾರ ಮುಗಿಸಿತು. ಇನ್ನು ನಿಫ್ಟಿ 106.50 ಅಥವಾ ಶೇ 0.60ರಷ್ಟು ಕುಸಿತ ಕಂಡು 17,748.60 ಪಾಯಿಂಟ್ಸ್ನಲ್ಲಿ ವಹಿವಾಟು ಚುಕ್ತಾ ಮಾಡಿತು. ಇಂದಿನ ವಹಿವಾಟಿನಲ್ಲಿ 1463ರಷ್ಟು ಕಂಪೆನಿಯ ಷೇರುಗಳು ಏರಿಕೆಯನ್ನು ದಾಖಲಿಸಿದರೆ, 1715 ಕಂಪೆನಿಯ ಷೇರುಗಳು ಇಳಿಕೆ ಕಂಡವು ಮತ್ತು 164 ಕಂಪೆನಿಯ ಷೇರುಗಳಲ್ಲಿ ಯಾವುದೇ ಬದಲಾವಣೆ ಆಗಲಿಲ್ಲ.
ಬಿಎಸ್ಇ ಮಿಡ್ಕ್ಯಾಪ್ ಮತ್ತು ಸ್ಮಾಲ್ಕ್ಯಾಪ್ ಸೂಚ್ಯಂಕಗಳು ತಲಾ ಶೇ 0.5ರಷ್ಟು ಇಳಿಕೆ ಕಂಡವು. ವಲಯವಾರು ನೋಡುವುದಾದರೆ, ಮಾಹಿತಿ ತಂತ್ರಜ್ಞಾನ ಹಾಗೂ ರಿಯಾಲ್ಟಿ ಸೂಚ್ಯಂಕಗಳು ಶೇ 2ರಿಂದ ಶೇ 3ರಷ್ಟು ಕುಸಿದವು. ವಿದ್ಯುತ್, ತೈಲ ಹಾಗೂ ಅನಿಲ ಮತ್ತು ಲೋಹದ ಸೂಚ್ಯಂಕಗಳು ಏರಿಕೆಯಲ್ಲೇ ಮುಕ್ತಾಯ ಆದವು. ಮಾರ್ಕೆಟ್ನಲ್ಲಿ ಇಳಿಕೆ ಕಂಡುಬಂದಿದ್ದರೂ ನಿಫ್ಟಿ50 17,600 ಪಾಯಿಂಟ್ನಲ್ಲಿ ಉಳಿಸಿಕೊಳ್ಳಲು ಯತ್ನಿಸಿದೆ. ಇದರರ್ಥ ಏನೆಂದರೆ 17,550ರಿಂದ 17,600 ಪಾಯಿಂಟ್ಸ್ ಬಹಳ ಮುಖ್ಯವಾದ ಸಪೋರ್ಟ್ ಝೋನ್. ಅದು ಉಳಿದುಕೊಳ್ಳುವುದು ಬಹಳ ಮುಖ್ಯ ಎನ್ನುತ್ತಾರೆ ವಿಶ್ಲೇಷಕರು. ಒಂದು ವೇಳೆ ಈ ಮಟ್ಟವನ್ನು ಉಳಿಸಿಕೊಳ್ಳಲು ಸಾಧ್ಯವಾದಲ್ಲಿ 18 ಸಾವಿರ ಪಾಯಿಂಟ್ಸ್ ತಲುಪಬಹುದು ಎಂದು ಅಭಿಪ್ರಾಯ ಪಡುತ್ತಾರೆ.
ನಿಫ್ಟಿಯಲ್ಲಿ ಏರಿಕೆ ಕಂಡ ಪ್ರಮುಖ ಷೇರುಗಳು ಹಾಗೂ ಶೇಕಡಾವಾರು ಪ್ರಮಾಣ ಪವರ್ ಗ್ರಿಡ್ ಕಾರ್ಪೊರೇಷನ್ ಶೇ 4.52 ಕೋಲ್ ಇಂಡಿಯಾ ಶೇ 4.49 ಎನ್ಟಿಪಿಸಿ ಶೇ 4.02 ಐಒಸಿ ಶೇ 3.62 ಬಿಪಿಸಿಎಲ್ ಶೇ 2.14
ನಿಫ್ಟಿಯಲ್ಲಿ ಇಳಿಕೆ ಕಂಡ ಪ್ರಮುಖ ಷೇರುಗಳು ಹಾಗೂ ಶೇಕಡಾವಾರು ಪ್ರಮಾಣ ಭಾರ್ತಿ ಏರ್ಟೆಲ್ ಶೇ -3.65 ಟೆಕ್ ಮಹೀಂದ್ರಾ ಶೇ -3.44 ಬಜಾಜ್ ಫೈನಾನ್ಸ್ ಶೇ -3.23 ಡಿವೀಸ್ ಲ್ಯಾಬ್ಸ್ ಶೇ -3.01 ಬಜಾಜ್ ಫಿನ್ಸರ್ವ್ ಶೇ -2.67
ಇದನ್ನೂ ಓದಿ: Stock Market Tips: 60 ಸಾವಿರ ಪಾಯಿಂಟ್ಸ್ ತಲುಪಿದ ನಂತರ ಷೇರು ಮಾರ್ಕೆಟ್ ಮುಂದೆ ಏನಾಗಬಹುದು?
(Closing Bell Stock Market Index Sensex Recovered From Low Levels And Ends With More Than 400 Points Down)
