Starlink: 2022ರ ಜನವರಿಗೆ ಭಾರತದಲ್ಲಿ ವಾಣಿಜ್ಯ ಲೈಸೆನ್ಸ್ಗೆ ಅರ್ಜಿ ಸಲ್ಲಿಸಲಿದೆ ಎಲಾನ್ ಮಸ್ಕ್ರ ಸ್ಟಾರ್ಲಿಂಕ್
ಎಲಾನ್ ಮಸ್ಕ್ರ ಸ್ಟಾರ್ಲಿಂಕ್ 2022ರ ಜನವರಿ ಕೊನೆಗೆ ಭಾರತದಲ್ಲಿ ವಾಣಿಜ್ಯ ಲೈಸೆನ್ಸ್ಗಾಗಿ ಅರ್ಜಿ ಹಾಕಲಿದೆ ಎಂದು ಕಂಪೆನಿಯ ಪ್ರಮುಖರು ತಿಳಿಸಿದ್ದಾರೆ.
Updated on: Dec 04, 2021 | 8:34 PM
ಬ್ರಾಡ್‌ಬ್ಯಾಂಡ್ ಮತ್ತು ಇತರ ಸೇವೆಗಳನ್ನು ಒದಗಿಸಲು ಬಿಲಿಯನೇರ್ ಎಲಾನ್ ಮಸ್ಕ್ ಅವರ ರಾಕೆಟ್ ಕಂಪೆನಿ ಸ್ಪೇಸ್‌ಎಕ್ಸ್‌ನ ಉಪಗ್ರಹ ಇಂಟರ್ನೆಟ್ ವಿಭಾಗವಾದ ಸ್ಟಾರ್ಲಿಂಕ್ ಭಾರತದಲ್ಲಿ ವಾಣಿಜ್ಯ ಪರವಾನಗಿಗಾಗಿ ಮುಂದಿನ ವರ್ಷದ ಆರಂಭದಲ್ಲಿ ಅರ್ಜಿ ಸಲ್ಲಿಸಲಿದೆ ಎಂದು ಆ ಕಂಪೆನಿಗಾಗಿ ಇರುವ ದೇಶದ ಮುಖ್ಯಸ್ಥರು ಶುಕ್ರವಾರ ತಿಳಿಸಿದ್ದಾರೆ. “ನಾವು 2022ರ ಜನವರಿ 31ರಂದು ಅಥವಾ ಅದಕ್ಕೂ ಮೊದಲು ವಾಣಿಜ್ಯ ಪರವಾನಗಿಗಾಗಿ ಅರ್ಜಿ ಸಲ್ಲಿಸಿದ್ದೇವೆ ಎಂದು ಭಾವಿಸುತ್ತೇವೆ (ನಾವು ಕೆಲವು ಪ್ರಮುಖ ರಸ್ತೆ ತಡೆಯನ್ನು ತೊಡೆಯದಿದ್ದರೆ),” ಎಂದು SpaceXನಲ್ಲಿ ಭಾರತದ ಸ್ಟಾರ್ಲಿಂಕ್ ದೇಶದ ನಿರ್ದೇಶಕ ಸಂಜಯ್ ಭಾರ್ಗವ ಲಿಂಕ್ಡ್‌ಇನ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.
ಕಂಪೆನಿಯು 2022ರ ಏಪ್ರಿಲ್ ವೇಳೆಗೆ ತನ್ನ ಸೇವೆಗಳನ್ನು ನೀಡಲು ಸಾಧ್ಯವಾದರೆ 2022ರ ಡಿಸೆಂಬರ್ ವೇಳೆಗೆ ಭಾರತದಲ್ಲಿ 2,00,000 ಸ್ಟಾರ್ಲಿಂಕ್ ಸಾಧನಗಳನ್ನು ಹೊಂದುವ ಗುರಿಯನ್ನು ಇರಿಸಿಕೊಂಡಿದೆ ಎಂದು ಭಾರ್ಗವ ಅವರು ಪೋಸ್ಟ್ ಮಾಡಿದ್ದರಲ್ಲಿ ತಿಳಿಸಿದ್ದಾರೆ. ಈ ಸಾಧನಗಳಲ್ಲಿ ಶೇಕಡಾ 80ರಷ್ಟು ಗ್ರಾಮೀಣ ಪ್ರದೇಶಗಳಲ್ಲಿ ಇರಬೇಕು ಎಂದು ಕಂಪೆನಿಯು ಈ ಹಿಂದೆ ಹೇಳಿದೆ. ಬೆಳವಣಿಗೆ ಕಾಣುತ್ತಿರುವ ಕಂಪೆನಿಗಳಲ್ಲಿ ಸ್ಟಾರ್ಲಿಂಕ್ ಕೂಡ ಒಂದು. ಪ್ರಪಂಚದಾದ್ಯಂತ ಲೋ-ಲೇಟೆನ್ಸಿ ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್ ಸೇವೆಗಳನ್ನು ಒದಗಿಸಲು ಭೂಮಿಯ ಕಕ್ಷೆಗೆ ಸಣ್ಣ ಸಣ್ಣ ಉಪಗ್ರಹಗಳನ್ನು ಉಡಾವಣೆ ಮಾಡುವ ಉದ್ದೇಶ ಹೊಂದಿದೆ. ಆ ಮೂಲಕವಾಗಿ ಇಂಟರ್ನೆಟ್ ತಲುಪುವುದಕ್ಕೂ ಕ್ಲಿಷ್ಟಕರವಾದ ಪ್ರದೇಶಗಳಿಗೂ ತಲುಪಿಸುವ ಗುರಿಯಿದೆ.
ಇದರ ಪ್ರತಿಸ್ಪರ್ಧಿಗಳು Amazon.comನ ಕೈಪರ್ ಮತ್ತು OneWeb ಅನ್ನು ಒಳಗೊಂಡಿವೆ. ಇದು ಬ್ರಿಟಿಷ್ ಸರ್ಕಾರ ಮತ್ತು ಭಾರತದ ಭಾರ್ತಿ ಎಂಟರ್‌ಪ್ರೈಸಸ್‌ನ ಸಹ-ಮಾಲೀಕತ್ವವನ್ನು ಹೊಂದಿದೆ. ಸ್ಟಾರ್ಲಿಂಕ್ ಈಗಾಗಲೇ ಭಾರತದಲ್ಲಿ ತನ್ನ ಸಾಧನಗಳಿಗಾಗಿ 5,000ಕ್ಕೂ ಹೆಚ್ಚು ಮುಂಗಡ-ಆರ್ಡರ್ಗಳನ್ನು ಪಡೆದಿದ್ದರೂ ಅದು ಯಾವುದೇ ಸೇವೆಗಳನ್ನು ಪ್ರಾರಂಭಿಸಿಲ್ಲ. ಹಾಗಿದ್ದರೂ ಭಾರತ ಸರ್ಕಾರವು ಕಳೆದ ವಾರ, ಸ್ಟಾರ್‌ಲಿಂಕ್‌ಗೆ ಚಂದಾದಾರರು ಆಗಬೇಡಿ ಎಂದು ಜನರಿಗೆ ಸಲಹೆ ನೀಡಿದೆ. ಏಕೆಂದರೆ ಅದು ದೇಶದಲ್ಲಿ ಕಾರ್ಯ ನಿರ್ವಹಿಸಲು ಪರವಾನಗಿ ಹೊಂದಿಲ್ಲ. ಇದು ಕಂಪೆನಿಗೆ ಎಚ್ಚರಿಕೆ ನೀಡಿದ್ದು, ಬುಕ್ಕಿಂಗ್ ಮತ್ತು ಸೇವೆಗಳನ್ನು ನೀಡುವುದನ್ನು ತಡೆಯಲು ಆದೇಶಿಸಿದೆ.
ಸ್ಟಾರ್ಲಿಂಕ್ ತನ್ನ ಸಾಧನಗಳಿಗೆ ಮುಂಗಡ-ಆರ್ಡರ್ಗಳನ್ನು ತೆಗೆದುಕೊಳ್ಳುವುದನ್ನು ನಿಲ್ಲಿಸಿದೆ. ಅದರ ವೆಬ್‌ಸೈಟ್ ಪ್ರಕಾರ, “ಬಾಕಿ ಉಳಿದಿರುವ ನಿಯಂತ್ರಕ ಅನುಮೋದನೆ”ಯನ್ನು ಉಲ್ಲೇಖಿಸಿದೆ. ಕಳೆದ ತಿಂಗಳು ಕಂಪೆನಿಯು ಸ್ಟಾರ್ಲಿಂಕ್ ಸ್ಯಾಟಲೈಟ್ ಕಮ್ಯುನಿಕೇಷನ್ಸ್ ಪ್ರೈವೇಟ್ ಲಿಮಿಟೆಡ್ ಎಂಬ ಸ್ಥಳೀಯ ಘಟಕವನ್ನು ನೋಂದಾಯಿಸಿತು, ಇದು ದೇಶದಲ್ಲಿ ವ್ಯವಹಾರವನ್ನು ಪ್ರಾರಂಭಿಸಲು ದಾರಿ ಮಾಡಿಕೊಟ್ಟಿತು.
ಇದನ್ನೂ ಓದಿ: Elon Musk: ಎಲಾನ್ ಮಸ್ಕ್ ಸ್ಟಾರ್ ಲಿಂಕ್ ಇಂಟರ್ನೆಟ್ ಪ್ಲಾನ್ ಖರೀದಿಸಬೇಡಿ: ಭಾರತ ಸರ್ಕಾರದಿಂದ ಎಚ್ಚರಿಕೆ
