ಆಹಾರ ಉದ್ಯಮದಲ್ಲಿ ಸಮಾನ ಅವಕಾಶಕ್ಕೆ ಎಫ್​ಎಸ್​ಎಸ್​ಎಐ ತಂತ್ರ; ಮಹಿಳೆಯರು, ತೃತೀಯ ಲಿಂಗಿಗಳಿಗೆ ವಿಶೇಷ ವ್ಯವಸ್ಥೆ

ನವದೆಹಲಿ, ಸೆಪ್ಟೆಂಬರ್ 26: ಭಾರತೀಯ ಆಹಾರ ಸುರಕ್ಷತೆ ಮತ್ತು ಪ್ರಮಾಣಗಳ ಪ್ರಾಧಿಕಾರವಾದ ಎಫ್​ಎಸ್​ಎಸ್​ಎಐ (FSSAI- Food Safety and Standards Authority of India) ಇದೀಗ ತನ್ನ ಆಹಾರ ಸುರಕ್ಷತೆ ಅನುಸರಣೆ ವ್ಯವಸ್ಥೆಯ ಪೋರ್ಟಲ್​ನಲ್ಲಿ (FoSCoS- food safety compliance system) ಸ್ಪೆಷನ್ ಕೆಟಗರಿ ರಚಿಸಿದೆ. ಆಹಾರ ಉದ್ಯಮದಲ್ಲಿರುವ ಮಹಿಳೆಯರು ಮತ್ತು ತೃತೀಯ ಲಿಂಗಿಗಳನ್ನು ಈ ವಿಶೇಷ ವರ್ಗಕ್ಕೆ ಪರಿಗಣಿಸಲಾಗಿದೆ. ಪರವಾನಿಗೆ ಪ್ರಕ್ರಿಯೆಯಲ್ಲಿ ಇವರಿಗೆ ಹೆಚ್ಚು ಅನುಕೂಲ ಸಿಗಲಿದೆ. ಅಂದರೆ ಇವರಿಗೆ ಬೇಗ ಪರವಾನಿಗೆ ಸಿಗುವಂತೆ ಈ ಸ್ಪೆಷಲ್ ಕೆಟಗರಿ ಮಾಡಲಾಗಿದೆ.

ಆಹಾರ ಉದ್ಯಮದಲ್ಲಿ ಪುರುಷ ಉದ್ಯಮಿಗಳ ಪ್ರಾಬಲ್ಯ ಹೆಚ್ಚಿದೆ. ಈ ಉದ್ಯಮದಲ್ಲಿ ಮಹಿಳೆಯರು ಮತ್ತು ತೃತೀಯ ಲಿಂಗಿಗಳನ್ನೂ ಪಾಲ್ಗೊಳ್ಳುವಂತೆ ಉತ್ತೇಜಿಸಲು ಎಫ್​ಎಸ್​ಎಸ್​ಎಐ ಈ ಕ್ರಮ ಕೈಗೊಂಡಿದೆ. ಸ್ಪೆಷಲ್ ಕೆಟಗರಿಯಲ್ಲಿ ದಾಖಲಾದ ಅರ್ಜಿಗಳನ್ನು ಬೇಗ ವಿಲೇವಾರಿ ಮಾಡಿ ಲೈಸೆನ್ಸ್ ವಿತರಿಸುವುದು ಸುಲಭವಾಗಲಿದೆ. ಅರ್ಜಿ ಸಲ್ಲಿಕೆ ವೇಳೆಯೇ ಆಧಾರ್ ಅಥವಾ ಪ್ಯಾನ್ ಮೂಲಕ ಸ್ಪೆಷಲ್ ಕೆಟಗರಿ ವ್ಯಕ್ತಿಗಳನ್ನು ಗುರುತಿಸಿ ವಿಭಾಗಿಸಲಾಗುತ್ತದೆ. ಆದ್ಯತೆ ಮೇರೆಗೆ ಈ ಕೆಟಗರಿಯ ಅರ್ಜಿಗಳನ್ನು ಬೇಗನೇ ಪ್ರೋಸಸ್ ಮಾಡಿ ಪರವಾನಿಗೆ ನೀಡುವ ಉದ್ದೇಶ ಇದೆ.

The Food Safety and Standards Authority of India (FSSAI) has introduced a new provision of ‘Special Category’ in the online Food Safety Compliance System (FoSCoS) portal. The newly launched provision aims at promoting gender equality and equal opportunities for women and… pic.twitter.com/q6AJULZcHp

— ANI (@ANI) September 26, 2023

ಇದನ್ನೂ ಓದಿ: ವೈಮಾನಿಕ ಕ್ಷೇತ್ರಕ್ಕೆ ಹೋಗುವ ಒಂದು ರೂ ಹಣದಿಂದ ಆರ್ಥಿಕತೆಗೆ 3 ಪಟ್ಟು ಲಾಭವಾ? ಇಂಡಿಗೋ ಸಿಇಒ ಪೀಟರ್ ಎಲ್ಬರ್ಸ್ ವಿಶ್ಲೇಷಣೆ

ಹೊರಗೆ ಅಡುಗೆ ಮಾಡುವುದನ್ನು ತಪ್ಪಿಸಿ: ಸಿಹಿ ತಯಾರಕರಿಗೆ ಎಫ್​ಎಸ್​ಎಸ್​ಎಐ ಸೂಚನೆ

ಇದೇ ವೇಳೆ ಹಬ್ಬದ ಸೀಸನ್​ನಲ್ಲಿ ಆಹಾರ ಸುರಕ್ಷತೆ ಕಾಯ್ದುಕೊಳ್ಳಲು ಸಾಧ್ಯವಾಗುವಂತೆ ಎಫ್​ಎಸ್​ಎಸ್​ಎಐ ಸಂಸ್ಥೆ ನಿನ್ನೆ ಆಹಾರ ಉದ್ದಿಮೆದಾರರಿಗೆ ಅಡ್ವೈಸರಿ ಹೊರಡಿಸಿದೆ. ಬಹಿರಂಗ ಸ್ಥಳದಲ್ಲಿ ಆಹಾರ ತಯಾರಿಸದಂತೆ ಸಿಹಿ ತಯಾರಕರಿಗೆ ನೀಡಿರುವ ಸೂಚನೆಯು ಅಡ್ವೈಸರಿಯಲ್ಲಿ ಒಳಗೊಂಡಿದೆ. ಬಹಿರಂಗ ಸ್ಥಳದಲ್ಲಿ ಅಡುಗೆ ಮಾಡಿದಾಗ ವಾತಾವರಣದ ಕಲುಷ ವಸ್ತುಗಳು ಆಹಾರಕ್ಕೆ ಬೆರೆಯಬಹುದಾದ್ದರಿಂದ ಈ ಎಚ್ಚರಿಕೆ ನೀಡಲಾಗಿದೆ.

ಇನ್ನು, ಹಾಲು ಮತ್ತು ಹಾಲಿನ ಪದಾರ್ಥಗಳಾದ ಖೊವಾ, ಪನೀರ್, ತುಪ್ಪ ಇತ್ಯಾದಿಯ ಕಲಬೆರೆಕೆ ಸಾಧ್ಯತೆ ಹೆಚ್ಚಿರುವುದನ್ನು ಎಫ್​ಎಸ್​ಎಸ್​ಎಐ ಗುರುತಿಸಿದ್ದು, ಅದನ್ನು ತಡೆಯುವಂತೆ ಎಫ್​ಬಿಒಗಳಿಗೆ (ಫುಡ್ ಬಿಸಿನೆಸ್ ಆಪರೇಟರ್ಸ್) ಸೂಚಿಸಲಾಗಿದೆ.

ಇದನ್ನೂ ಓದಿ: ವರ್ಕ್ ಫ್ರಂ ಹೋಮ್ ಕಡಿಮೆ ಆಗುತ್ತಿದ್ದಂತೆಯೇ ಭಾರತದಲ್ಲಿ ಸಿಗರೇಟ್ ಮಾರಾಟ ಹೆಚ್ಚಳ

ಇನ್ನು ಹೋಟೆಲ್​ಗಳಲ್ಲಿ ಆಹಾರ ಕರೆಯಲಾಗುವ ಎಣ್ಣೆಯ ಗುಣಮಟ್ಟವನ್ನು ಪರಿಶೀಲಿಸುವಂತೆಯೂ ನಿನ್ನೆಯ ಸಭೆಯಲ್ಲಿ ಎಫ್​ಬಿಒಗಳಿಗೆ ತಿಳಿಸಲಾಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 6:42 pm, Tue, 26 September 23