ಸೆಪ್ಟೆಂಬರ್ನಲ್ಲಿ ಎರಡು ಲಕ್ಷ ಕೋಟಿ ರೂ ದಾಟಿದ ಜಿಎಸ್ಟಿ ಸಂಗ್ರಹ; ಈ ವರ್ಷ ಇಲ್ಲಿಯವರೆಗೆ ಸಿಕ್ಕಿದ್ದು 12 ಲಕ್ಷ ಕೋಟಿಗೂ ಹೆಚ್ಚು
ಸೆಪ್ಟೆಂಬರ್ 2026 ರಲ್ಲಿ ಭಾರತದ ಒಟ್ಟು ಜಿಎಸ್ಟಿ ಸಂಗ್ರಹವು ಶೇ. 14.7 ರಷ್ಟು ಏರಿಕೆಯಾಗಿದ್ದು, ₹2,03,521 ಕೋಟಿಗೆ ತಲುಪಿದೆ. ಈ ಹಣಕಾಸು ವರ್ಷದ ಮೊದಲ ಆರು ತಿಂಗಳಲ್ಲಿ ಜಿಎಸ್ಟಿ ಆದಾಯ ₹12.46 ಲಕ್ಷ ಕೋಟಿ ಆಗಿದೆ. ಅತಿಹೆಚ್ಚು ಜಿಎಸ್ಟಿ ಸಂಗ್ರಹಿಸುವ ರಾಜ್ಯಗಳಲ್ಲಿ ಮಹಾರಾಷ್ಟ್ರದ ನಂತರದ ಸ್ಥಾನದಲ್ಲಿ ಕರ್ನಾಟಕ ಮುಂದುವರಿದಿದೆ. ಕರ್ನಾಟಕ ಸೇರಿದಂತೆ ದೇಶದ ಜಿಎಸ್ಟಿ ಆದಾಯದ ಸಂಪೂರ್ಣ ವಿವರ ಇಲ್ಲಿದೆ.
Updated on: Oct 01, 2026 | 1:03 PM
ನವದೆಹಲಿ, ಅಕ್ಟೋಬರ್ 1: ಸರ್ಕಾರಕ್ಕೆ ಒಟ್ಟು ಜಿಎಸ್ಟಿ (GST) ಆದಾಯ ಸಂಗ್ರಹದಲ್ಲಿ ಭರ್ಜರಿ ಏರಿಕೆ ಕಂಡುಬಂದಿದ್ದು, 2026ರ ಸೆಪ್ಟೆಂಬರ್ ಅವಧಿಯಲ್ಲಿ ₹2,03,521 ಕೋಟಿ ಜಿಎಸ್ಟಿ ಸಂಗ್ರಹವಾಗಿದೆ. ಕಳೆದ ವರ್ಷದ ಇದೇ ಅವಧಿಗೆ (ಸೆಪ್ಟೆಂಬರ್ 2025 ರಲ್ಲಿ ₹1,77,365 ಕೋಟಿ) ಹೋಲಿಸಿದರೆ ಜಿಎಸ್ಟಿ ಆದಾಯದಲ್ಲಿ ಶೇ. 14.7 ರಷ್ಟು ಗಣನೀಯ ಪ್ರಗತಿ ದಾಖಲಾಗಿದೆ. ರೀಫಂಡ್ಗಳನ್ನು ಕಳೆದು ನಿವ್ವಳ ಜಿಎಸ್ಟಿ ಆದಾಯದಲ್ಲಿ ಶೇ. 18ರಷ್ಟು ಹೆಚ್ಚಳ ಆಗಿದೆ. ₹1,76,520 ಕೋಟಿ ನಿವ್ವಳ ಜಿಎಸ್ಟಿ ಆದಾಯ ಸರ್ಕಾರಕ್ಕೆ ಸಿಕ್ಕಿದೆ.
ಇನ್ನು, ಈ ಹಣಕಾಸು ವರ್ಷದಲ್ಲಿ ಇಲ್ಲಿಯವರೆಗೆ, ಅಂದರೆ ಏಪ್ರಿಲ್ನಿಂದ ಸೆಪ್ಟೆಂಬರ್ವರೆಗಿನ ಆರು ತಿಂಗಳ ಅವಧಿಯಲ್ಲಿ ಸಂಗ್ರಹವಾದ ಒಟ್ಟು ಜಿಎಸ್ಟಿ ₹12.46 ಲಕ್ಷ ಕೋಟಿ ದಾಟಿದೆ. ನಿವ್ವಳ ಜಿಎಸ್ಟಿ ಆದಾಯ ₹10.66 ಲಕ್ಷ ಕೋಟಿ ದಾಖಲಾಗಿದೆ.
2026ರ ಸೆಪ್ಟೆಂಬರ್ ತಿಂಗಳ ಜಿಎಸ್ಟಿ ಸಂಗ್ರಹ ವಿವರ
- ಆಂತರಿಕ ವಹಿವಾಟುಗಳಿಂದ (Domestic Revenue) ₹1,37,996 ಕೋಟಿ ಜಿಎಸ್ಟಿ ಸಂಗ್ರಹವಾಗಿದ್ದು, ಶೇ. 10.1 ರಷ್ಟು ಪ್ರಗತಿ ಕಾಣಿಸಿದೆ.
- ಸರಕುಗಳ ಆಮದಿನ ಮೇಲಿನ ಜಿಎಸ್ಟಿ (Import Revenue) ಸಂಗ್ರಹವು ₹65,525 ಕೋಟಿಗೆ ತಲುಪಿದ್ದು, ಶೇ. 25.9 ರಷ್ಟು ಭಾರಿ ಏರಿಕೆ ದಾಖಲಿಸಿದೆ.
ಇದನ್ನೂ ಓದಿ: LPG Cylinder Price Hike: ಹೋಟೆಲ್‌, ರೆಸ್ಟೋರೆಂಟ್‌ಗಳಿಗೆ ಹೆಚ್ಚಿದ ಹೊರೆ, ವಾಣಿಜ್ಯ ಎಲ್‌ಪಿಜಿ ಸಿಲಿಂಡರ್ ದರ ಭಾರೀ ಹೆಚ್ಚಳ
ಸೆಪ್ಟೆಂಬರ್ನಲ್ಲಿ ದಾಖಲಾದ ವಿವಿಧ ಜಿಎಸ್ಟಿಗಳು
ಒಟ್ಟು ಜಿಎಸ್ಟಿ ಸಂಗ್ರಹ: ₹2,03,521
- ಸಿಜಿಎಸ್‌ಟಿ (CGST): ₹37,762 ಕೋಟಿ
- ಎಸ್‌ಜಿಎಸ್‌ಟಿ (SGST): ₹45,363 ಕೋಟಿ
- ಐಜಿಎಸ್ಟಿ (IGST): ₹1,20,396 ಕೋಟಿ
ಒಟ್ಟು ರಿಫಂಡ್ (Total Refunds): ₹27,001 ಕೋಟಿ ಪಾವತಿಸಲಾಗಿದ್ದು, ನಿವ್ವಳ ಜಿಎಸ್ಟಿ ಆದಾಯವು (Net GST Revenue) ₹1,76,520 ಕೋಟಿಗೆ ತಲುಪಿದೆ.
ಕರ್ನಾಟಕದಲ್ಲಿ ಜಿಎಸ್ಟಿ ಸಂಗ್ರಹದ ಸಾಧನೆ
ಕರ್ನಾಟಕ ರಾಜ್ಯವು ಜಿಎಸ್ಟಿ ಸಂಗ್ರಹದಲ್ಲಿ ಉತ್ತಮ ಸಾಧನೆ ಮುಂದುವರಿಸಿದೆ. ಆಮದು ಸರಕು ಹೊರತುಪಡಿಸಿ, ಕರ್ನಾಟಕದ ಆಂತರಿಕ ಜಿಎಸ್ಟಿ ಆದಾಯವು ₹13,884 ದಾಖಲಾಗಿದೆ. ಕಳೆದ ವರ್ಷದ ಸೆಪ್ಟೆಂಬರ್ನಲ್ಲಿ ₹12,001 ಜಿಎಸ್ಟಿ ಪಡೆಯಲಾಗಿತ್ತು. ಶೇ. 16ರಷ್ಟು ಜಿಎಸ್ಟಿ ಸಂಗ್ರಹ ಹೆಚ್ಚಿಸಿದ ರಾಜ್ಯ.
ರಾಜ್ಯ ಎಸ್‌ಜಿಎಸ್‌ಟಿ ಮತ್ತು ಐಜಿಎಸ್ಟಿ ಹಂಚಿಕೆ ಸೇರಿದಂತೆ (Post-Settlement SGST) ಕರ್ನಾಟಕವು 2026ರ ಸೆಪ್ಟೆಂಬರ್ನಲ್ಲಿ ₹8,094 ಕೋಟಿ ಆದಾಯ ಪಡೆದಿದ್ದು, ಶೇ. 14 ರಷ್ಟು ಹೆಚ್ಚಳ ದಾಖಲಿಸಿದೆ.
ಇದನ್ನೂ ಓದಿ: 3ನೇ ಕ್ವಾರ್ಟರ್ಗೆ ಸಣ್ಣ ಉಳಿತಾಯ ಯೋಜನೆಗಳಿಗೆ ಬಡ್ಡಿದರ ಘೋಷಣೆ; ವಿವಿಧ ಸ್ಕೀಮ್ಗಳ ಬಡ್ಡಿದರದಲ್ಲಿ ಇಲ್ಲ ಬದಲಾವಣೆ
ಸೆಪ್ಟೆಂಬರ್ನಲ್ಲಿ ಅತಿಹೆಚ್ಚು ಜಿಎಸ್ಟಿ ಸಂಗ್ರಹಿಸಿದ ರಾಜ್ಯಗಳು
- ಮಹಾರಾಷ್ಟ್ರ: ₹29,986 ಕೋಟಿ
- ಕರ್ನಾಟಕ: ₹13,884 ಕೋಟಿ
- ಗುಜರಾತ್: ₹12,222 ಕೋಟಿ
- ತಮಿಳುನಾಡು: ₹10,188 ಕೋಟಿ
- ಹರ್ಯಾಣ: ₹10,097 ಕೋಟಿ
ಅತಿಹೆಚ್ಚು ಜಿಎಸ್ಟಿ ಸೆಟಲ್ಮೆಂಟ್ ಪಡೆದ ರಾಜ್ಯಗಳು
- ಮಹಾರಾಷ್ಟ್ರ: ₹16,881 ಕೋಟಿ
- ಗುಜರಾತ್: ₹8,167 ಕೋಟಿ
- ಕರ್ನಾಟಕ: ₹8,094 ಕೋಟಿ
- ತಮಿಳುನಾಡು: ₹7,320 ಕೋಟಿ
- ಉತ್ತರಪ್ರದೇಶ: ₹7,277 ಕೋಟಿ
ದೇಶದ ಹಬ್ಬದ ಋತುವಿನ ವ್ಯಾಪಾರ-ವಹಿವಾಟುಗಳು ಚುರುಕುಗೊಂಡಿರುವುದು ಮತ್ತು ಆರ್ಥಿಕ ಚಟುವಟಿಕೆಗಳು ಸಕ್ರಿಯವಾಗಿರುವುದು ಈ ಭರ್ಜರಿ ಜಿಎಸ್ಟಿ ಸಂಗ್ರಹಕ್ಕೆ ಪ್ರಮುಖ ಕಾರಣವಾಗಿದೆ ಎಂದು ತಜ್ಞರು ಅಂದಾಜಿಸಿದ್ದಾರೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
