ಜರ್ಮನಿ, ರಷ್ಯಾಗಿಂತಲೂ ಭಾರತದಲ್ಲಿ ಹೆಚ್ಚು ಕುಬೇರರು; ಪಾಕಿಸ್ತಾನದಲ್ಲಿ ಇರೋರೇ ನಾಲ್ವರು ಬಿಲಿಯನೇರ್ಸ್; ಇಲ್ಲಿದೆ ದೇಶವಾರು ಪಟ್ಟಿ

ನವದೆಹಲಿ, ಜುಲೈ 8: ಅತಿಹೆಚ್ಚು ಬಿಲಿಯನೇರ್​ಗಳನ್ನು ಹೊಂದಿರುವ ದೇಶಗಳ ಪಟ್ಟಿಯಲ್ಲಿ ಭಾರತ ಮೂರನೇ ಸ್ಥಾನದಲ್ಲಿದೆ. ಭಾರತಕ್ಕಿಂತ ಜಿಡಿಪಿಯಲ್ಲಿ ಮೇಲಿರುವ ಜರ್ಮನಿ ಮತ್ತು ಜಪಾನ್ ದೇಶದಲ್ಲಿ ಕುಬೇರರ ಸಂಖ್ಯೆ ಕಡಿಮೆ ಇದೆ. ವಿಶ್ವದ ನಾಲ್ಕನೇ ಅತಿದೊಡ್ಡ ಆರ್ಥಿಕತೆ ಎನಿಸಿದ ಜಪಾನ್ ದೇಶವು ಬಿಲಿಯನೇರ್​ಗಳ ಸಂಖ್ಯೆಯಲ್ಲಿ 16ನೇ ಸ್ಥಾನದಲ್ಲಿದೆ. ನಿರೀಕ್ಷೆಯಲ್ಲಿ ಅಮೆರಿಕದಲ್ಲಿ ಅತಿಹೆಚ್ಚು ಬಿಲಿಯನೇರ್​ಗಳಿದ್ದಾರೆ. ಅಮೆರಿಕದಲ್ಲಿನ ಅರ್ಧದಷ್ಟು ಬಿಲಿಯನೇರ್​ಗಳು ಚೀನಾದಲ್ಲಿದ್ದಾರೆ. ಫೋರ್ಬ್ಸ್ ಪಟ್ಟಿ ಪ್ರಕಾರ ಭಾರತದಲ್ಲಿ 200 ಮಂದಿ ಬಿಲಿಯನೇರ್ಸ್ ಇದ್ದಾರೆ. ಅಮೆರಿಕ ಮತ್ತು ಚೀನಾದಲ್ಲಿ ಕ್ರಮವಾಗಿ 813 ಮತ್ತು 406 ಬಿಲಿಯನೇರ್ಸ್ ಇದ್ದಾರೆ.

ನೂರಕ್ಕಿಂತ ಹೆಚ್ಚು ಬಿಲಿಯನೇರ್ಸ್ ಹೊಂದಿರುವ ದೇಶಗಳ ಸಂಖ್ಯೆ ಐದು ಮಾತ್ರ. ಈ ಐವರ ಪಟ್ಟಿಯಲ್ಲಿ ಜರ್ಮನಿ ಮತ್ತು ರಷ್ಯಾ ಸೇರಿವೆ. ಅಭಿವೃದ್ಧಿಶೀಲ ದೇಶಗಳ ಪೈಕಿ ಅತಿ ಹೆಚ್ಚು ಕುಬೇರರು ಇರುವುದು ಚೀನಾ ಮತ್ತು ಭಾರತದಲ್ಲೇ. ಬ್ರೆಜಿಲ್ ದೇಶದಲ್ಲಿ 69 ಬಿಲಿಯನೇರ್ಸ್ ಇದ್ದು ಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ. ವರ್ಲ್ಡ್ ಆಫ್ ಸ್ಟಾಟಿಸ್ಟಿಕ್ಸ್​ನ ಎಕ್ಸ್ ಅಕೌಂಟ್​ನಲ್ಲಿ ಟಾಪ್ 40 ಪಟ್ಟಿ ಪ್ರಕಟವಾಗಿದೆ.

ಇದನ್ನೂ ಓದಿ: ಲೈಫ್ ಇನ್ಷೂರೆನ್ಸ್ ಪಾಲಿಸಿ ಸರೆಂಡರ್ ಮಾಡಬೇಕೆನ್ನುವವರ ಗಮನಕ್ಕೆ; ಎಲಿಪ್ ಸ್ಕೀಮ್ ಬಗ್ಗೆ ತಿಳಿಯಿರಿ

ಅತಿಹೆಚ್ಚು ಬಿಲಿಯನೇರ್ಸ್ ಇರುವ ದೇಶಗಳು

1. ಅಮೆರಿಕ: 813
2. ಚೀನಾ: 406
3. ಭಾರತ: 200
4. ಜರ್ಮನಿ: 132
5. ರಷ್ಯಾ: 120
6. ಇಟಲಿ: 73
7. ಬ್ರೆಜಿಲ್: 69
8. ಹಾಂಕಾಂಗ್: 67
9. ಕೆನಡಾ: 67
10. ಬ್ರಿಟನ್: 55
11. ಫ್ರಾನ್ಸ್: 53
12. ತೈವಾನ್: 51
13. ಆಸ್ಟ್ರೇಲಿಯಾ: 48
14. ಸ್ವೀಡನ್: 43
15. ಸ್ವಿಟ್ಜರ್​ಲ್ಯಾಂಡ್: 41
16. ಜಪಾನ್: 41
17. ಸಿಂಗಾಪುರ್: 39
18. ಇಸ್ರೇಲ್: 36
19. ಸೌತ್ ಕೊರಿಯಾ: 36
20. ಇಂಡೋನೇಷ್ಯಾ: 35
21. ಸ್ಪೇನ್: 29
22. ಟರ್ಕಿಯೆ: 27
23. ಥಾಯ್ಲೆಂಡ್: 26
24. ಮೆಕ್ಸಿಕೋ: 22
25. ಮಲೇಷ್ಯಾ: 17
26. ಫಿಲಿಪ್ಪೈನ್ಸ್: 16
27. ನೆದರ್​ಲ್ಯಾಂಡ್ಸ್: 14
28. ನಾರ್ವೆ: 12
29. ಚೆಕ್ ರಿಪಬ್ಲಿಕ್: 11
30. ಐರ್ಲೆಂಡ್: 11
31. ಸೈಪ್ರಸ್: 10
32. ಗ್ರೀಸ್: 10
33. ಬೆಲ್ಜಿಯಂ: 10
34. ಆಸ್ಟ್ರಿಯಾ: 9
35. ಡೆನ್ಮಾರ್ಕ್: 9
36. ಪೋಲ್ಯಾಂಡ್: 8
37. ಫಿನ್​ಲ್ಯಾಂಡ್: 7
38. ಚಿಲಿ: 6
39. ಕಜಕಸ್ತಾನ್: 6
40. ವಿಯೆಟ್ನಾಂ: 6

ಇದನ್ನೂ ಓದಿ: ಜೂನ್​ನಲ್ಲಿ 42.4 ಲಕ್ಷ ಹೊಸ ಡೀಮ್ಯಾಟ್ ಖಾತೆ ರಚನೆ; ಷೇರುಪೇಟೆಯತ್ತ ಮುಗಿಬಿದ್ದ ಹೊಸಬರು

ಪಾಕಿಸ್ತಾನದಲ್ಲಿ ನಾಲ್ವರು ಬಿಲಿಯನೇರ್​ಗಳು

ದಕ್ಷಿಣ ಏಷ್ಯನ್ ಭಾಗದಲ್ಲಿ ಭಾರತ ಬಿಟ್ಟರೆ ಹೆಚ್ಚು ಬಿಲಿಯನೇರ್​ಗಳಿರುವುದು ಪಾಕಿಸ್ತಾನದಲ್ಲೇ. ಭಾರತದಲ್ಲಿ 200 ಇದ್ದರೆ ಪಾಕಿಸ್ತಾನದಲ್ಲಿ ಇರುವುದು ನಾಲ್ವರೇ. ಶಾಹಿದ್ ಖಾನ್ 11.6 ಬಿಲಿಯನ್ ಡಾಲರ್ ಆಸ್ತಿಯೊಂದಿಗೆ ಪಾಕಿಸ್ತಾನದ ಅತಿ ಶ್ರೀಮಂತ ಎನಿಸಿದ್ದಾರೆ. ಮಿಯಾನ್ ಮುಹಮ್ಮದ್ ಮನ್​ಶಾ, ಅನ್ವರ್ ಪರ್ವೆಜ್ ಮತ್ತು ನಾಸಿರ್ ಶೋನ್ ಅವರು ಇತರ ಮೂವರು ಬಿಲಿಯನೇರ್ಸ್ ಆಗಿದ್ದಾರೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ