Multibagger stock: ಈ ಮಲ್ಟಿಬ್ಯಾಗರ್ ಸ್ಟಾಕ್ ಮೇಲೆ 3 ವರ್ಷದ ಹಿಂದೆ ಮಾಡಿದ 1 ಲಕ್ಷದ ಹೂಡಿಕೆ ಈಗ ಎಷ್ಟು ಕೋಟಿ ಗೊತ್ತೆ?

Multibagger stock: ಈ ಮಲ್ಟಿಬ್ಯಾಗರ್ ಸ್ಟಾಕ್ ಮೇಲೆ 3 ವರ್ಷದ ಹಿಂದೆ ಮಾಡಿದ 1 ಲಕ್ಷದ ಹೂಡಿಕೆ ಈಗ ಎಷ್ಟು ಕೋಟಿ ಗೊತ್ತೆ?
ಸಾಂದರ್ಭಿಕ ಚಿತ್ರ

ಈ ಮಲ್ಟಿಬ್ಯಾಗರ್ ಸ್ಟಾಕ್​ನಲ್ಲಿ ಮೂರು ವರ್ಷದ ಹಿಂದೆ 1 ಲಕ್ಷ ರೂಪಾಯಿಯನ್ನು ಹೂಡಿಕೆ ಮಾಡಿದ್ದಲ್ಲಿ ಅದು ಈಗ 2 ಕೋಟಿ ರೂಪಾಯಿ ಆಗಿದೆ. ಯಾವುದು ಆ ಸ್ಟಾಕ್ ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.

TV9kannada Web Team

| Edited By: Srinivas Mata

Dec 24, 2021 | 6:50 PM

ಕೊವಿಡ್19 ಪರಿಣಾಮ ಜಾಗತಿಕ ಆರ್ಥಿಕತೆಯ ಮೇಲೆ ಆಗಿರುವುದರ ಮಧ್ಯೆಯೂ ಭಾರತದ ಷೇರು ಮಾರುಕಟ್ಟೆಯು ಹೂಡಿಕೆದಾರರಿಗೆ ಅಮೋಘ ರಿಟರ್ನ್ಸ್ ನೀಡಿದೆ. ಸುಮಾರು ಒಂದೂವರೆ ವರ್ಷಗಳ ಈ ಅವಧಿಯಲ್ಲಿ, 2021ನೇ ಇಸವಿಯಲ್ಲಿ ಉತ್ತಮ ಸಂಖ್ಯೆಯ ಷೇರುಗಳು ಮಲ್ಟಿಬ್ಯಾಗರ್ ಸ್ಟಾಕ್‌ಗಳ ಪಟ್ಟಿಗೆ ಸೇರ್ಪಡೆ ಆಗಿವೆ. ಷೇರುಪೇಟೆಯಲ್ಲಿ ಹೆಚ್ಚಿನ ಸಂಖ್ಯೆಯ ಪೆನ್ನಿ ಸ್ಟಾಕ್‌ಗಳು ಅದರ ಷೇರುದಾರರಿಗೆ ಮಲ್ಟಿಬ್ಯಾಗರ್ ರಿಟರ್ನ್ ನೀಡಿವೆ. 2021ರ ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್‌ಗಳಲ್ಲಿ ಡಿಗ್​ಜಮ್ ಷೇರು ಸಹ ಒಂದು. ಈ ಪೆನ್ನಿ ಜವಳಿ ಸ್ಟಾಕ್ ಕಳೆದ 3 ವರ್ಷಗಳಲ್ಲಿ ರೂ. 0.97 (97 ಪೈಸೆ)ರಿಂದ ರೂ. 194 ಕ್ಕೆ ಏರಿ, ಈ ಅವಧಿಯಲ್ಲಿ ಸುಮಾರು ಶೇ 19,900ರಷ್ಟು ಏರಿಕೆಯಾಗಿದೆ.

ಡಿಗ್​ಜಮ್ ಷೇರು ಬೆಲೆ ಇತಿಹಾಸ ಡಿಗ್​ಜಮ್ ಷೇರು ಬೆಲೆ ಇತಿಹಾಸ ನೋಡುವುದಾದರೆ, ಈ ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್ ಕಳೆದ ಒಂದು ತಿಂಗಳಲ್ಲಿ ರೂ. 66.60ರಿಂದ ರೂ. 194ಕ್ಕೆ ಏರಿದೆ. ಈ ಅವಧಿಯಲ್ಲಿ ಸುಮಾರು ಶೇ 90ರಷ್ಟು ಏರಿಕೆಯಾಗಿದೆ. ಕಳೆದ 3 ತಿಂಗಳಲ್ಲಿ ಈ ಮಲ್ಟಿಬ್ಯಾಗರ್ ಸ್ಟಾಕ್ ರೂ. 17.27 ರಿಂದ ರೂ. 194ಕ್ಕೆ ಏರಿ, ಈ ಮೂಲಕ ಸುಮಾರು ಶೇ 1000ರಷ್ಟು ರಿಟರ್ನ್ಸ್ ನೀಡಿದೆ. ಕಳೆದ ಒಂದು ವರ್ಷದಲ್ಲಿ ರೂ.3.98 ರಿಂದ ರೂ.194ಕ್ಕೆ ಹೆಚ್ಚಳವಾಗಿ, ಸುಮಾರು ಶೇ 4800ರಷ್ಟು ಏರಿಕೆ ದಾಖಲಿಸಿದೆ. ಕಳೆದ ಮೂರು ವರ್ಷಗಳಲ್ಲಿ ಈ ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್ ಬೆಲೆಯು ರೂ. 0.97ರಿಂದ ರೂ. 194ರ ಹಂತಕ್ಕೆ ತಲುಪಿ, ಈ ಅವಧಿಯಲ್ಲಿ ಸುಮಾರು 200 ಪಟ್ಟಿ ಮೇಲೇರಿದೆ.

ಹೂಡಿಕೆ ಮೇಲೆ ಪರಿಣಾಮ ಈ ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್‌ನ ಷೇರಿನ ಬೆಲೆ ಇತಿಹಾಸದ ಆಧಾರದಲ್ಲಿ ನೋಡುವುದಾದರೆ, ಹೂಡಿಕೆದಾರರು ಒಂದು ತಿಂಗಳ ಹಿಂದೆ ಈ ಸ್ಟಾಕ್‌ನಲ್ಲಿ ರೂ. 1 ಲಕ್ಷ ಹೂಡಿಕೆ ಮಾಡಿದ್ದರೆ, ಆ 1 ಲಕ್ಷ ಇಂದು ರೂ. 1.90 ಲಕ್ಷ ಆಗಿರುತ್ತಿತ್ತು. ಹೂಡಿಕೆದಾರರು 3 ತಿಂಗಳ ಹಿಂದೆ ಈ ಷೇರುಗಳಲ್ಲಿ ರೂ. 1 ಲಕ್ಷ ಹೂಡಿದ್ದರೆ, 11 ಲಕ್ಷ ರೂ. ಆಗಿರುತ್ತಿತ್ತು. ಅದೇ ರೀತಿ, ಹೂಡಿಕೆದಾರರು ಒಂದು ವರ್ಷದ ಹಿಂದೆ ಈ ಪೆನ್ನಿ ಸ್ಟಾಕ್‌ನಲ್ಲಿ 1 ಲಕ್ಷ ಹೂಡಿಕೆ ಮಾಡಿದ್ದರೆ ಮತ್ತು ಇಲ್ಲಿಯವರೆಗೆ ಆ ಷೇರುಗಳನ್ನು ಉಳಿಸಿಕೊಂಡಿದ್ದರೆ ಆ 1 ಲಕ್ಷ 49 ಲಕ್ಷ ಆಗಿರುತ್ತಿತ್ತು. ಹೂಡಿಕೆದಾರರು 3 ವರ್ಷಗಳ ಹಿಂದೆ ಈ ಷೇರುಗಳಲ್ಲಿ 1 ಲಕ್ಷ ಹೂಡಿಕೆ ಮಾಡಿದ್ದರೆ ಮತ್ತು ಈ ಮಲ್ಟಿಬ್ಯಾಗರ್​ನಲ್ಲಿನ 1 ಲಕ್ಷ ರೂಪಾಯಿ ಇಂದು ರೂ. 2 ಕೋಟಿಗೆ ಬದಲಾಗುತ್ತಿತ್ತು.

3 ವರ್ಷಗಳಲ್ಲಿ ಆಲ್ಫಾ ರಿಟರ್ನ್ ನೀಡಿದೆ ಈ ಸ್ಟಾಕ್ 2021 ರಲ್ಲಿ ಆಲ್ಫಾ ಸ್ಟಾಕ್‌ಗಳಲ್ಲಿ ಒಂದಾಗಿದೆ. ಇದು ಪ್ರಮುಖ ಮಾನದಂಡ ಸೂಚ್ಯಂಕಗಳಿ ರಿಟರ್ನ್ಸ್​ಗಿಂತ ಬಹಳ ಮುಂದಿದೆ. ಅದೇ 3 ವರ್ಷಗಳಲ್ಲಿ ಎನ್‌ಎಸ್‌ಇ ನಿಫ್ಟಿ ಸುಮಾರು ಶೇ 57.60ರಷ್ಟು ಆದಾಯವನ್ನು ನೀಡಿದರೆ, ಬಿಎಸ್‌ಇ ಸೆನ್ಸೆಕ್ಸ್ ಹೂಡಿಕೆದಾರರಿಗೆ ಸುಮಾರು ಶೇ 59ರಷ್ಟು ಲಾಭವನ್ನು ನೀಡಿದೆ.

ಇದನ್ನೂ ಓದಿ: Multibagger Stocks: ಏನಿದು ಮಲ್ಟಿಬ್ಯಾಗರ್ ಸ್ಟಾಕ್? ಇದನ್ನು ಗುರುತಿಸುವುದು ಹೇಗೆ ತಿಳಿಯಿರಿ

Follow us on

Related Stories

Most Read Stories

Click on your DTH Provider to Add TV9 Kannada