Multibagger: ಈ ಷೇರಿನಲ್ಲಿ ಮಾಡಿದ 1 ಲಕ್ಷ ರೂಪಾಯಿ ಹೂಡಿಕೆ ನೀಡಿದ್ದು 3 ತಿಂಗಳಲ್ಲಿ 13 ಲಕ್ಷ ರೂ. ರಿಟರ್ನ್ಸ್

2021ನೇ ಇಸವಿ ಷೇರು ಮಾರುಕಟ್ಟೆ ಹೂಡಿಕೆದಾರರ ಪಾಲಿಗೆ ಪ್ರಮುಖವಾದ ವರ್ಷವಾಗಿದೆ. ಏಕೆಂದರೆ ದೊಡ್ಡ ಸಂಖ್ಯೆಯಲ್ಲಿ ಷೇರುಗಳು ಅದರ ಷೇರುದಾರರಿಗೆ ಮಲ್ಟಿಬ್ಯಾಗರ್ ರಿಟರ್ನ್ (ಶೇ 100ಕ್ಕಿಂತ ಹೆಚ್ಚು) ಅನ್ನು ತಲುಪಿಸಿವೆ. ಈ ವರ್ಷದಲ್ಲಿ ಭಾರತೀಯ ಸೂಚ್ಯಂಕಗಳು ಹೊಸ ಎತ್ತರಕ್ಕೆ ಏರಿದವು. ಷೇರು ಮಾರುಕಟ್ಟೆ ತಜ್ಞರ ಪ್ರಕಾರ, ಮಾರುಕಟ್ಟೆಯ ಎಲ್ಲ ವಿಭಾಗಗಳು ಭಾರತೀಯ ಸೂಚ್ಯಂಕಗಳಿಗೆ ಉತ್ತೇಜನ ನೀಡುವ ಸೆಗ್ಮೆಂಟ್​ಗಳು ಏರಿಕೆಯಲ್ಲಿ ಇರುವುದರಿಂದ ಇದು ಸಾಧ್ಯ ಆಗಿರಬಹುದು. ಆದ್ದರಿಂದ 2021ರಲ್ಲಿ ಮಲ್ಟಿಬ್ಯಾಗರ್ ಸ್ಟಾಕ್‌ಗಳು ಮತ್ತು ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್‌ಗಳ ಸಂಖ್ಯೆಯಲ್ಲಿ ತೀವ್ರ ಏರಿಕೆ ಕಂಡುಬಂದಿದೆ. 3i ಇನ್ಫೋಟೆಕ್ ಅಂತಹ ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್ ಆಗಿದ್ದು, ಕಳೆದ 3 ತಿಂಗಳಲ್ಲಿ ಶೇ 1200ರಷ್ಟು ಲಾಭವನ್ನು ನೀಡಿದೆ.

ಈ ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್‌ನ ಷೇರು ಬೆಲೆಯ ಇತಿಹಾಸದ ಪ್ರಕಾರ, ಇದು ಕಳೆದ ವಾರ ಎನ್​ಎಸ್ಇ​ಯಲ್ಲಿನ ಎಲ್ಲ 5 ವಹಿವಾಟು ಸೆಷನ್‌ಗಳಲ್ಲಿ ಶೇಕಡಾ 5ರ ಅಪ್ಪರ್ ಸರ್ಕ್ಯೂಟ್ (ಮೇಲ್​ಸ್ತರ) ತಲುಪಿ, ಶೇ 21.50ರಷ್ಟು ಏರಿಕೆಯಾಗಿದೆ. ಕಳೆದ ಒಂದು ತಿಂಗಳಲ್ಲಿ ಈ ಪೆನ್ನಿ ಸ್ಟಾಕ್ 35.85 ರೂಪಾಯಿಯಿಂದ ರೂ. 108.50 ಕ್ಕೆ ಏರಿ, ಈ ಅವಧಿಯಲ್ಲಿ ಶೇ 200ರಷ್ಟು ಏರಿಕೆಯಾಗಿದೆ. ಅದೇ ರೀತಿ, ಕಳೆದ 3 ತಿಂಗಳಲ್ಲಿ ಈ ಮಲ್ಟಿಬ್ಯಾಗರ್ ಸ್ಟಾಕ್ ಪ್ರತಿ ಷೇರಿಗೆ ರೂ. 8.45 ರಿಂದ (ಎನ್‌ಎಸ್‌ಇಯಲ್ಲಿ 27ನೇ ಆಗಸ್ಟ್ 2021ರ ಬೆಲೆ) ರೂ. 108.50 ಮಟ್ಟಕ್ಕೆ (ಎನ್‌ಎಸ್‌ಇಯಲ್ಲಿ 26 ನವೆಂಬರ್ 2021ರಂದು ಮುಕ್ತಾಯದ ಬೆಲೆ) ಏರಿಕೆಯಾಗಿದೆ. ಈ ಸಮಯದಲ್ಲಿ ಸುಮಾರು ಶೇ 1200ರಷ್ಟು ಏರಿಕೆ ದಾಖಲಿಸಿದೆ.

ಈ ಮಲ್ಟಿಬ್ಯಾಗರ್ ಪೆನ್ನಿ ಸ್ಟಾಕ್‌ನ ಷೇರಿನ ಬೆಲೆ ಇತಿಹಾಸವನ್ನು ಗಣನೆಗೆ ತೆಗೆದುಕೊಂಡರೆ, ಹೂಡಿಕೆದಾರರು ಒಂದು ವಾರದ ಹಿಂದೆ ಈ ಸ್ಟಾಕ್‌ನಲ್ಲಿ 1 ಲಕ್ಷ ರೂಪಾಯಿ ಹೂಡಿಕೆ ಮಾಡಿದ್ದರೆ ಆ ಮೊತ್ತವು ಇಂದು 1.21 ಲಕ್ಷ ರೂಪಾಯಿ ಆಗಿರುತ್ತಿತ್ತು. ಅದೇ ರೀತಿ, ಹೂಡಿಕೆದಾರರು ಒಂದು ತಿಂಗಳ ಹಿಂದೆ 1 ಲಕ್ಷ ಹೂಡಿಕೆ ಮಾಡಿದ್ದರೆ ಮತ್ತು ಇಲ್ಲಿಯವರೆಗೆ ಈ ಷೇರುಗಳನ್ನು ಮಾರದೇ ಉಳಿಸಿಕೊಂಡಿದ್ದರೆ ಆ 1 ಲಕ್ಷ ಇಂದು 3 ಲಕ್ಷವಾಗಿ ಬದಲಾಗುತ್ತಿತ್ತು. ಇನ್ನು, 3 ತಿಂಗಳ ಹಿಂದೆ ಈ ಮಲ್ಟಿಬ್ಯಾಗರ್ ಸ್ಟಾಕ್‌ನಲ್ಲಿ 1 ಲಕ್ಷ ರುಪಾಯಿಯನ್ನು ಹೂಡಿಕೆ ಮಾಡಿ, ತಲಾ 8.45ರಂತೆ ಒಂದು ಷೇರನ್ನು ಖರೀದಿಸಿದ್ದರೆ ಮತ್ತು ಹೂಡಿಕೆದಾರರು ಈ ಷೇರುಗಳನ್ನು ಹಾಗೇ ಉಳಿಸಿಕೊಂಡಿದ್ದರೆ ಆ 1 ಲಕ್ಷ ರೂಪಾಯಿ ಇಂದು 13 ಲಕ್ಷ ಆಗಿರುತ್ತಿತ್ತು.

ಇದನ್ನೂ ಓದಿ: Multibagger: ಮಾಯಾಬಜಾರ್ ಸಿನಿಮಾ ನೆನಪಿಸುವಂಥ ಈ ಷೇರಿನಲ್ಲಿನ 1 ಲಕ್ಷ ರೂ. ಹೂಡಿಕೆ ವರ್ಷದಲ್ಲಿ 31 ಲಕ್ಷ ರೂಪಾಯಿ