Paytm FAStag: ಪೇಟಿಎಂನಲ್ಲೂ ಈಗ ಮತ್ತೆ ಫಾಸ್​ಟ್ಯಾಗ್ ರೀಚಾರ್ಜ್ ಅವಕಾಶ; ಇಲ್ಲಿದೆ ಕ್ರಮಗಳು

ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಮೇಲೆ ಆರ್​ಬಿಐ ನಿರ್ಬಂಧ ಹೇರಿದ್ದ ಹಿನ್ನೆಲೆಯಲ್ಲಿ ಪೇಟಿಎಂನ ಇತರ ಸೇವೆಗಳ ಬಗ್ಗೆ ಅನುಮಾನಗಳಿದ್ದವು. ಈಗ ಪೇಮೆಂಟ್ಸ್ ಬ್ಯಾಂಕ್ (Paytm Payments Bank) ಬದಲು ಬೇರೆ ಬ್ಯಾಂಕುಗಳೊಂದಿಗೆ ಪೇಟಿಎಂ ಹೊಂದಾಣಿಕೆ ಮಾಡಿಕೊಂಡಿರುವುದರಿಂದ ಅದರ ಬೇರೆ ಸೇವೆಗಳು ಅಬಾಧಿತವಾಗಿ ಮುಂದುವರಿಯಲಿದೆ. ಪೇಟಿಎಂ ಪ್ಲಾಟ್​ಫಾರ್ಮ್​ನಲ್ಲಿ ಫಾಸ್​ಟ್ಯಾಗ್ (paytm fastag) ಅನ್ನು ರೀಚಾರ್ಜ್ ಮಾಡಬಹುದು. ಹೊಸ ಫಾಸ್​ಟ್ಯಾಗ್ ಅನ್ನೂ ಕೂಡ ಪೇಟಿಎಂ ಮೂಲಕ ಖರೀದಿಸಬಹುದು. ಫಾಸ್​ಟ್ಯಾಗ್ ಮಾತ್ರವಲ್ಲ ಸೌಂಡ್​ಬಾಕ್ಸ್, ಕಾರ್ಡ್ ಮೆಷೀನ್ ಪೇಮೆಂಟ್ಸ್ ಇತ್ಯಾದಿ ಪೇಟಿಎಂ ಸೇವೆಗಳೂ ಕೂಡ ಮುಂದುವರಿಯುತ್ತಿವೆ.

ಪೇಟಿಎಂನಲ್ಲಿ ಈ ಹಿಂದೆ ಸಿಗುತ್ತಿದ್ದ ಫಾಸ್​ಟ್ಯಾಗ್ ಅದರ ಪೇಮೆಂಟ್ಸ್ ಬ್ಯಾಂಕ್​ಗೆ ಜೋಡಿತವಾಗಿತ್ತು. ಈಗ ಎಚ್​ಡಿಎಫ್​ಸಿ ಬ್ಯಾಂಕ್ ಜೊತೆ ಪೇಟಿಎಂ ಹೊಂದಾಣಿಕೆ ಮಾಡಿಕೊಂಡಿದೆ. ಎಚ್​ಡಿಎಫ್​ಸಿ ಬ್ಯಾಂಕ್ ನೀಡುವ ಫಾಸ್​ಟ್ಯಾಗ್ ಅನ್ನು ಪೇಟಿಎಂ ಪ್ಲಾಟ್​ಫಾರ್ಮ್​ನಲ್ಲಿ ಪಡೆಯಬಹುದು.

ಇದನ್ನೂ ಓದಿ: ಎಫ್​ಡಿ, ಪಿಪಿಎಫ್ ಇತ್ಯಾದಿಯಲ್ಲಿ ಹಣ ಹಾಕಿದರೆ ಎಷ್ಟು ವರ್ಷಕ್ಕೆ ಡಬಲ್ ಆಗುತ್ತೆ? ಇಲ್ಲಿದೆ ನೋಡಿ ರೂಲ್ 72

ಪೇಟಿಎಂನಲ್ಲಿ ಫಾಸ್​ಟ್ಯಾಗ್ ರೀಚಾರ್ಜ್ ಮಾಡುವುದು ಹೇಗೆ?

• ಪೇಟಿಎಂ ಆ್ಯಪ್ ತೆರೆದು ಕೆಳಗೆ ಸ್ಕ್ರೋಲ್ ಮಾಡಿ. ಬಿಲ್ ಪೇಮೆಂಟ್ಸ್ ಸೆಕ್ಷನ್ ಅಡಿಯಲ್ಲಿ ‘ಫಾಸ್​ಟ್ಯಾಗ್ ರೀಚಾರ್ಜ್’ ಆಯ್ಕೆ ಕಾಣಬಹುದು. ಅದನ್ನು ಒತ್ತಿರಿ.
• ಫಾಸ್​ಟ್ಯಾಗ್ ನೀಡುವ ಬ್ಯಾಂಕ್ ಅನ್ನು ಆಯ್ಕೆ ಮಾಡಿ
• ಫಾಸ್​ಟ್ಯಾಗ್ ಲಿಂಕ್ ಆಗಿರುವ ವಾಹನದ ನಂಬರ್ ಅನ್ನು ಹಾಕಿ, ಪ್ರೊಸೀಡ್ ಒತ್ತಿರಿ.
• ರೀಚಾರ್ಜ್ ಮಾಡಬಯಸುವ ಮೊತ್ತವನ್ನು ನಮೂದಿಸಿ.
• ಬಳಿಕ ಪ್ರೊಸೀಡ್ ಟು ಪೇ ಅನ್ನು ಒತ್ತಿರಿ.

ಇದನ್ನೂ ಓದಿ: ಸರ್ಕಾರದಿಂದ ಹೊಸ ವೇತನ ಕ್ರಮಕ್ಕೆ ಆಲೋಚನೆ; ಜಾರಿಯಾದರೆ ಬಹಳ ಹೆಚ್ಚಾಗಲಿದೆ ಕನಿಷ್ಠ ಸಂಬಳ

ಪೇಟಿಎಂನಲ್ಲಿ ಎಚ್​ಡಿಎಫ್​ಸಿ ಫಾಸ್​ಟ್ಯಾಗ್ ಖರೀದಿಸುವುದು ಹೇಗೆ?

• ಪೇಟಿಎಂ ಆ್ಯಪ್​ನಲ್ಲಿ ಸರ್ವಿಸಸ್ ಕೆಟಗರಿಯಲ್ಲಿ ಎಚ್​ಡಿಎಫ್​ಸಿ ಫಾಸ್​ಟ್ಯಾಗ್ ಇರುತ್ತದೆ. ಇದು ಹುಡುಕುವುದು ಕಷ್ಟವಾದರೆ, ಆ್ಯಪ್​ನ ಸರ್ಚ್​ನಲ್ಲಿ ‘Buy HDFC FASTag’ ಎಂದು ನಮೂದಿಸಿ ಸರ್ಚ್ ಮಾಡಿ. ಬಳಿಕ ಅದರ ಮೇಲೆ ಟ್ಯಾಪ್ ಮಾಡಿ.
• ಇದರಲ್ಲಿ ಹೆಸರು, ಜನ್ಮದಿನಾಂಕ, ಪ್ಯಾನ್ ನಂಬರ್, ಇಮೇಲ್ ಐಡಿ, ವಾಹನ ನೊಂದಣಿ ಸಂಖ್ಯೆ, ವಾಹನದ ಎಂಜಿನ್ ಸಂಖ್ಯೆ ಈ ವಿವರ ಸಲ್ಲಿಸಬೇಕು.
• ಇದಾದ ಬಳಿಕ ಹಣ ಪಾವತಿಸಬೇಕು.
• ನಿಮ್ಮ ಮನೆ ವಿಳಾಸಕ್ಕೆ ಎಚ್​ಡಿಎಫ್​ಸಿ ಫಾಸ್​ಟ್ಯಾಗ್ ತಲುಪುತ್ತದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ