Kotak Mahindra Bank: ಕೊಟಕ್ ಮಹೀಂದ್ರಾ ಬ್ಯಾಂಕ್​ನಿಂದ ಕನಿಷ್ಠ ಮಟ್ಟದ ಬಡ್ಡಿ ದರಕ್ಕೆ ಗೃಹ ಸಾಲ; ಇಲ್ಲಿದೆ ವಿವರ

TV9kannada Web Team

TV9kannada Web Team | Edited By: Srinivas Mata

Updated on: Sep 11, 2021 | 11:50 PM

ಕೊಟಕ್ ಮಹೀಂದ್ರಾ ಬ್ಯಾಂಕ್​ನಿಂದ ಗೃಹ ಸಾಲದ ಮೇಲೆ ಅತ್ಯಂತ ಕಡಿಮೆ ಬಡ್ಡಿ ದರ ಇದೆ. ಆ ಬಗ್ಗೆ ವಿವರ ಇಲ್ಲಿದೆ.

Kotak Mahindra Bank: ಕೊಟಕ್ ಮಹೀಂದ್ರಾ ಬ್ಯಾಂಕ್​ನಿಂದ ಕನಿಷ್ಠ ಮಟ್ಟದ ಬಡ್ಡಿ ದರಕ್ಕೆ ಗೃಹ ಸಾಲ; ಇಲ್ಲಿದೆ ವಿವರ
ಕೊಟಕ್ ಮಹೀಂದ್ರಾ ಬ್ಯಾಂಕ್ (ಪ್ರಾತಿನಿಧಿಕ ಚಿತ್ರ)

ಕೊಟಕ್ ಮಹೀಂದ್ರಾ ಬ್ಯಾಂಕ್​ ಲಿಮಿಟೆಡ್​ನಿಂದ ವರ್ಷಗಳಲ್ಲೇ ಅತ್ಯಂತ ಕನಿಷ್ಠ ಮಟ್ಟದ ಗೃಹ ಸಾಲದ ಬಡ್ಡಿ ದರ ಶೇ 6.5ರಲ್ಲಿ ನೀಡಲಾಗುತ್ತಿದೆ. ಆರ್​ಬಿಐ ಹಣಕಾಸು ನೀತಿಯಲ್ಲಿ ಅತ್ಯಂತ ಕನಿಷ್ಠ ಬಡ್ಡಿ ದರ, ಅಪಾರ ನಗದು ಮತ್ತು ಸ್ಥಿರವಾದ ಗೃಹ ಸಾಲದ ಮಾರ್ಕೆಟ್​ನಲ್ಲಿ ಬ್ಯಾಂಕ್​ನಿಂದ ದೊಡ್ಡ ಮಟ್ಟದ ಪಾಲು ತೆಗೆದುಕೊಳ್ಳಲು ಪ್ರಯತ್ನ ಸಾಗಿದೆ. 2018ರಿಂದ ಈಚೆಗೆ ಭಾರೀ ಪ್ರಮಾಣದಲ್ಲಿ ಈ ದರ ಇಳಿಕೆ ಆಗಿದೆ. ಹಬ್ಬದ ಸಂದರ್ಭದಲ್ಲಿ ಕೊಟಕ್ ಮಹೀಂದ್ರಾ ಬ್ಯಾಂಕ್​ನಿಂದ 15 ಬೇಸಿಸ್ ಪಾಯಿಂಟ್​ ಇಳಿಕೆ ಆಗಿ, ಶೇ 6.5ರಷ್ಟು ತಲುಪಿದೆ. ಸೆಪ್ಟೆಂಬರ್ 10ನೇ ತಾರೀಕಿನಿಂದ ಆರಂಭವಾಗಿ ನವೆಂಬರ್​ 8ನೇ ತಾರೀಕಿನ ತನಕ ಈ ದರ ಜಾರಿಯಲ್ಲಿ ಇರುತ್ತದೆ. ಗೃಹ ಸಾಲವೂ ಸೇರಿದಂತೆ ಫ್ಲೋಟಿಂಗ್ ರೀಟೇಲ್ ಸಾಲಗಳು ಎಕ್ಸ್​ಟರ್ನಲ್ ಬೆಂಚ್​ಮಾರ್ಕ್​ಗೆ ಜೋಡಣೆ ಆಗಿದೆ ಎಂದು ಖಾತ್ರಿ ಪಡಿಸಬೇಕಾಗುತ್ತದೆ. ಆದ್ದರಿಂದ ರೆಪೋ ದರದಲ್ಲಿ ಯಾವುದೇ ಏರಿಕೆ ಆದಲ್ಲಿ ಸಾಲದ ದರದಲ್ಲಿ ಬದಲಾವಣೆ ಆಗುತ್ತದೆ. ಸಾಲದ ಗುಣಮಟ್ಟದಲ್ಲಿ ಯಾವುದೇ ಬದಲಾವಣೆ ಆದರೂ ಇದರಿಂದ ಮರುಹೊಂದಾಣಿಕೆ ಆಗುತ್ತದೆ.

ಅಗ್ಗದ ಗೃಹ ಸಾಲದ ಬಡ್ಡಿ ದರ ಇರುವ ಬ್ಯಾಂಕ್​ಗಳ ವಿವರ ಹೀಗಿವೆ: ಕೊಟಕ್​ ಮಹೀಂದ್ರಾ ಬ್ಯಾಂಕ್* ಶೇ 6.5- ಶೇ 7.3 ಸ್ಟೇಟ್​ ಬ್ಯಾಂಕ್ ಆಫ್ ಇಂಡಿಯಾ ಶೇ 6.7- ಶೇ 7.3 ಬ್ಯಾಂಕ್​ ಆಫ್ ಬರೋಡ ಶೇ 6.75 ಮತ್ತು ಮೇಲ್ಪಟ್ಟ ಎಚ್​ಡಿಎಫ್​ಸಿ ಲಿಮಿಟೆಡ್​ ಶೇ 6.75- 8 ಐಸಿಐಸಿಐ ಬ್ಯಾಂಕ್ ಶೇ 6.9- ಶೇ 8 ಆಕ್ಸಿಸ್ ಬ್ಯಾಂಕ್ ಶೇ 6.9 ಮತ್ತು ಮೇಲ್ಪಟ್ಟು (* ಶೇ 6.5ರ ಬಡ್ಡಿ ದರ ಸೆಪ್ಟೆಂಬರ್​ 10ರಿಂದ ನವೆಂಬರ್ 8, 2021ರ ಮಧ್ಯೆ ಇರುತ್ತದೆ)

ತಾಜಾ ಸುದ್ದಿ

ಕಡಿಮೆ ಬಡ್ಡಿದರವು ಎಲ್ಲ ಗಾತ್ರದ ಮೊತ್ತಕ್ಕೂ ಲಭ್ಯ ಆಗುತ್ತದೆ ಎಂದು ಕೊಟಕ್ ಮಹೀಂದ್ರಾ ಬ್ಯಾಂಕ್ ಗ್ರಾಹಕ ಆಸ್ತಿ ಅಧ್ಯಕ್ಷರಾದ ಅಂಬುಜ್ ಚಂದ್ರ ಹೇಳಿದ್ದಾರೆ. ಸದ್ಯಕ್ಕೆ ಶೇ 15ರಿಂದ 20ರಷ್ಟು ಬ್ಯಾಂಕ್​ನ ಹೋಮ್​ ಲೋನ್ ವಿತರಣೆ ಅತ್ಯಂತ ಕಡಿಮೆ ದರಕ್ಕೆ ಆಗುತ್ತಿದೆ. ಚಂದ್ರ ಅವರ ಪ್ರಕಾರ, ಬ್ಯಾಂಕ್​ ಪಾಲಿಗೆ ಗೃಹ ಸಾಲವು ಪ್ರಮುಖ ಗಮನ ಕೇಂದ್ರೀಕರಿಸುವ ಅಂಶವಾಗಿದೆ. ವೇತನದಾರರು ಮತ್ತು ಸ್ವ ಉದ್ಯೋಗಿ ಗ್ರಾಹಕರಿಗೆ ಗೃಹ ಸಾಲ ನೀಡುತ್ತಿದ್ದೇವೆ ಎಂದಿದ್ದಾರೆ. ಈಚೆಗೆ ಕ್ರೆಡಿಟ್​ ಕಾರ್ಡ್​ಗಳು ಸೇರಿದಂತೆ ಎಲ್ಲ ರೀಟೇಲ್​ ಉತ್ಪನ್ನಗಳಿಗೆ ಪ್ರಬಲ ಬೇಡಿಕೆ ಕಂಡುಬರುತ್ತಿದೆ ಎಂದು ಅವರು ತಿಳಿಸಿದ್ದಾರೆ.

ಜೂನ್ 30ಕ್ಕೆ ಆಸ್ತಿ ಅಡುಮಾನ ಮಾಡಿದ ಸಾಲ ಹಾಗೂ ಗೃಹ ಸಾಲ ವರ್ಷದಿಂದ ವರ್ಷಕ್ಕೆ ಶೇ 18ರಷ್ಟು ಹೆಚ್ಚಳವಾಗಿ, 55,623 ಕೋಟಿ ಆಗಿದೆ. ಬ್ಯಾಂಕಿಂಗ್​ ವಲಯದಲ್ಲಿ ಹೌಸಿಂಗ್ ಲೋನ್​ಗಳು ವರ್ಷದ ಹಿಂದಿನ ಅವಧಿಗೆ ಹೋಲಿಸಿದಲ್ಲಿ ಈ ಜುಲೈನಲ್ಲಿ ಶೇ 10ರಷ್ಟು ಏರಿಕೆ ಆಗಿದೆ.

ಇದನ್ನೂ ಓದಿ: Debit Card EMI: ಕೊಟಕ್ ಮಹೀಂದ್ರಾ ಡೆಬಿಟ್​ ಕಾರ್ಡ್​ದಾರರಿಗೆ ಸ್ಮಾರ್ಟ್ ಇಎಂಐ ಪರಿಚಯಿಸಿದ ಕೆಎಂಬಿಎಲ್

(Kotak Mahindra Bank Housing Loan Interest Rate Start At 6.5 Percent From September 10th To November 8th 2021)

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada