Debit Card EMI: ಕೊಟಕ್ ಮಹೀಂದ್ರಾ ಡೆಬಿಟ್ ಕಾರ್ಡ್ದಾರರಿಗೆ ಸ್ಮಾರ್ಟ್ ಇಎಂಐ ಪರಿಚಯಿಸಿದ ಕೆಎಂಬಿಎಲ್
ಕೊಟಕ್ ಮಹೀಂದ್ರಾ ಬ್ಯಾಂಕ್ನಿಂದ ಡೆಬಿಟ್ ಕಾರ್ಡ್ದಾರರಿಗೆ ಸ್ಮಾರ್ಟ್ ಇಎಂಐ ವ್ಯವಸ್ಥೆ ಆರಂಭಿಸಲಾಗಿದೆ. ಇದರ ಬಗ್ಗೆ ಸಂಪೂರ್ಣ ವಿವರ ಇಲ್ಲಿದೆ.
Updated on: Aug 11, 2021 | 11:14 AM
ಕೊಟಕ್ ಮಹೀಂದ್ರಾ ಬ್ಯಾಂಕ್ ಲಿಮಿಟೆಡ್ನಿಂದ (KMBL) ಮಂಗಳವಾರದಂದು ತಿಳಿಸಿರುವಂತೆ, ಎಲ್ಲ ಅರ್ಹ ಕೊಟಲ್ ಡೆಬಿಟ್ ಕಾರ್ಡ್ದಾರರು ಸಹ ಈಗ ತಮ್ಮ ಮಧ್ಯಮ ಹಾಗೂ ಹೆಚ್ಚಿನ ಮೌಲ್ಯದ ಖರೀದಿಗೆ ಡೆಬಿಟ್ ಕಾರ್ಡ್ ವ್ಯವಸ್ಥೆಗೆ ಇಎಂಐ ಪಡೆಯಬಹುದು. ದೇಶಾದ್ಯಂತ ಇರುವ ಎಲ್ಲ ಆಫ್ಲೈನ್ ಹಾಗೂ ಆನ್ಲೈನ್ ಮಳಿಗೆಗಳಲ್ಲಿ ಖರೀದಿ ಮಾಡಬಹುದು. ಕೊಟಕ್ ಸ್ಮಾರ್ಟ್ ಇಎಂಐ ಮೂಲಕ ಈ “ಬೈ ನೌ, ಪೇ ಲೇಟರ್” ಶುರು ಮಾಡಲಾಗಿದೆ. ಕೆಎಂಬಿಎಲ್ ಗ್ರಾಹಕರಿ ಏನನ್ನಾದರೂ ಮತ್ತು ಎಲ್ಲವನ್ನೂ ವರ್ಚುವಲಿ ಖರೀದಿಸಬಹುದು. ಅದು ದಿನಸಿ ಇರಬಹುದು, ಫ್ಯಾಷನ್, ಸ್ಮಾರ್ಟ್ಫೋನ್ನಿಂದ ಎಲೆಕ್ಟ್ರಾನಿಕ್ಸ್ ತನಕ ಯಾವುದೇ ವರ್ತಕರ ಮೂಲಕ ಖರೀದಿಸಿ ಮತ್ತು ಆ ನಂತರ ಸುಲಭ ಕಂತುಗಳಲ್ಲಿ ಪಾವತಿಸಬಹುದು.
ಕೊಟಕ್ ಸ್ಮಾರ್ಟ್ ಇಎಂಐ ಪಡೆಯುವುದು ಹೇಗೆ? * ಕೊಟಕ್ ಮಹೀಂದ್ರಾ ಡೆಬಿಟ್ ಕಾರ್ಡ್ದಾರರು ಕೊಟಕ್ ಡೆಬಿಟ್ ಕಾರ್ಡ್ ಬಳಸಿ ಯಾವುದೇ ಆನ್ಲೈನ್/ಆಫ್ಲೈನ್ ಸ್ಟೋರ್ನಲ್ಲಿ ಖರೀದಿ ಮಾಡಬಹುದು. * ಆ ನಂತರ ಎಸ್ಸೆಮ್ಮೆಸ್ ಮೂಲಕ ಲಿಂಕ್ ಬರುತ್ತದೆ. ಅದನ್ನು ಬಳಸಿಕೊಂಡು ವಹಿವಾಟನ್ನು ಇಎಂಐ ಆಗಿ ಕನ್ವರ್ಟ್ ಮಾಡಿಕೊಳ್ಳಬಹುದು. * ಗ್ರಾಹಕರು ಲಿಂಕ್ ಮೇಲೆ ಕ್ಲಿಕ್ ಮಾಡಿ, ತಮ್ಮ ಆದ್ಯತೆಯ ಇಎಂಐ ಅವಧಿಯನ್ನು ಆರಿಸಿಕೊಳ್ಳಬೇಕು. ಮಾಹಿತಿಯನ್ನು ಪರಿಶೀಲನೆ ಮಾಡಿ, ವಹಿವಾಟನ್ನು ಖಾತ್ರಿಪಡಿಸಬೇಕು. * ವಹಿವಾಟು ಆ ತಕ್ಷಣವೇ ಇಎಂಐ ಆಗಿ ಕನ್ವರ್ಟ್ ಆಗುತ್ತದೆ. * ಸ್ವೈಪ್ ಮಾಡಿದಂಥ ಮೂಲ ಮೊತ್ತವು ಗ್ರಾಹಕರ ಖಾತೆಗೆ ಜಮೆ ಆಗುತ್ತದೆ.
ಈ ತನಕ ಹೇಗಿತ್ತು ಅಂದರೆ, ಬ್ಯಾಂಕ್ನಿಂದ ಒಪ್ಪಂದ ಮಾಡಿಕೊಂಡ ವರ್ತಕರ ಮಳಿಗೆಗಳಲ್ಲಿ ವಹಿವಾಟು ನಡೆಸಿದಲ್ಲಿ ಮಾತ್ರ ಇಎಂಐ ಆಗಿ ಕನ್ವರ್ಟ್ ಆಗುತ್ತಿತ್ತು. ಕೊಟಕ್ ಸ್ಮಾರ್ಟ್ ಇಎಂಐ ಅಡಿಯಲ್ಲಿ ಕೆಎಂಬಿಎಲ್ನಿಂದ ಡೆಬಿಟ್ ಕಾರ್ಡ್ ಮೇಲಿನ ಇಎಂಐ ಅನ್ನು ದೇಶದಾದ್ಯಂತ ವಿಸ್ತರಣೆ ಮಾಡಲಾಗಿದೆ. ಜತೆಗೆ ಎಲ್ಲ ವಿಭಾಗಗಳಿಗೂ (ಕೆಟಗಿರಿ) ಅನ್ವಯ ಆಗುತ್ತದೆ. ಕೊಟಕ್ ಮಹೀಂದ್ರಾ ಬ್ಯಾಂಕ್ ಹೇಳಿರುವಂತೆ, ರೂ. 5000 ಹಾಗೂ ಅದಕ್ಕಿಂತ ಮೇಲ್ಪಟ್ಟ ವಹಿವಾಟನ್ನು ಯಾವುದೇ ಕಾಗದ ವ್ಯವಹಾರ ಅಥವಾ ದಾಖಲಾತಿಗಳ ಅಗತ್ಯ ಇಲ್ಲದೆ ಇಎಂಐ ಆಗಿ ಬದಲಾಯಿಸಿಕೊಳ್ಳಬಹುದು.
ಇದನ್ನೂ ಓದಿ: Pay Your Contact: ಕೊಟಕ್ ಮಹೀಂದ್ರಾ ಬ್ಯಾಂಕ್ ಗ್ರಾಹಕರು ಮೊಬೈಲ್ ನಂಬರ್ ಮೂಲಕವೇ ಹಣ ಪಾವತಿಸಬಹುದು
ಇದನ್ನೂ ಓದಿ: Housing loan: ಶೇ 7ರೊಳಗೆ ಇಳಿಯಿತು ಈ ಬ್ಯಾಂಕ್ಗಳ ಗೃಹ ಸಾಲ ಬಡ್ಡಿ ದರ
(Kotak Mahindra Bank Launched Smart EMI Facilities For Debit Cardholders)
