ಮರ್ಸಿಡಿಸ್ ಬೆಂಜ್ನಿಂದ ಬೆಂಗಳೂರಿನಲ್ಲಿ ಅತ್ಯಾಧುನಿಕ ವರ್ಕ್ಶಾಪ್; ಪ್ರೀಮಿಯರ್ ಎಕ್ಸ್ಪ್ರೆಸ್ ಪ್ರೈಮ್ 2.0 ಪುನರಾರಂಭ
ಬೆಂಗಳೂರಿನ ಹೊಸೂರು ರಸ್ತೆಯಲ್ಲಿ ಮರ್ಸಿಡಿಸ್ ಬೆಂಜ್ನಿಂದ ಅತ್ಯಾಧುನಿಕ ವರ್ಕ್ಶಾಪ್ ಆರಂಭ ಮಾಡಲಾಗಿದೆ. ಸರ್ವೀಸ್ ಮಾಡಿ, ಮೂರು ಗಂಟೆಯೊಳಗೆ ಎಕ್ಸ್ಪ್ರೆಸ್ ಡೆಲಿವರಿ ನೀಡಲಾಗುತ್ತದೆ.
Updated on: Nov 11, 2021 | 9:15 PM
ಮರ್ಸಿಡಿಸ್-ಬೆಂಜ್ ತನ್ನ ಜನಪ್ರಿಯ ಸರ್ವೀಸ್ ಉಪಕ್ರಮವಾಗಿರುವ ‘ಪ್ರೀಮಿಯರ್ ಎಕ್ಸ್ಪ್ರೆಸ್ ಪ್ರೈಮ್ 2.0′ ಪುನರಾರಂಭಿಸಿದೆ. ಈಗ 3 ಗಂಟೆಗಳ ಒಳಗೆ ಮರ್ಸಿಡಿಸ್-ಬೆಂಜ್ ಸರ್ವೀಸ್ ಒದಗಿಸಲಾಗುವುದು. ಬೆಂಗಳೂರಿನ ಹೊಸೂರು ರಸ್ತೆಯಲ್ಲಿನ ಅಕ್ಷಯ್ ಮೋಟಾರ್ಸ್ನಲ್ಲಿ ಈ ಸೌಲಭ್ಯ ಆರಂಭಿಸಲಾಗಿದೆ. ಈ ಹೊಸ ವರ್ಕ್ಶಾಪ್, ರೀಟೇಲ್ನಲ್ಲಿ ಮರ್ಸಿಡಿಸ್-ಬೆಂಜ್ನ ಹೊಸ ಬ್ರ್ಯಾಂಡ್ ಪ್ರಸ್ತುತಿ ಆಗಿರುವ ‘ಎಂಎಆರ್ 2020’ ಆಧರಿಸಿದೆ. ‘ಎಂಎಆರ್ 2020’ರ ಪ್ರಮುಖ ಗಮನವು ವಿನ್ಯಾಸ, ವಾಸ್ತುಶಿಲ್ಪ, ಗ್ರಾಹಕ ಆಧಾರಿತ ಪ್ರಕ್ರಿಯೆಗಳು ಮತ್ತು ಡಿಜಿಟಲ್ ವರ್ಧನೆ ಒಳಗೊಂಡ ನಾಲ್ಕು ಸ್ತಂಭಗಳ ಮೇಲೆ ಕೇಂದ್ರೀಕೃತವಾಗಿದೆ. ವಾಹನ ಉದ್ಯಮದಲ್ಲಿಯೇ ಮೊದಲ ಬಾರಿಗೆ ಪರಿಚಯಿಸಿರುವ ‘ಸರ್ವೀಸ್ ಲಾಬಿ’ಯಲ್ಲಿ ಗ್ರಾಹಕರು ತಮ್ಮ ಕಾರ್ನೊಂದಿಗೆ ವರ್ಕ್ಶಾಪ್ ಆವರಣದ ಒಳಗೆ ನೇರವಾಗಿ ಆಗಮಿಸುತ್ತಾರೆ. ನಂತರದ ಯೋಜಿತ ಹಂತಗಳಿಗಾಗಿ ಸ್ಟಾರ್ ಸಹಾಯಕರು ಕಾರ್ ಅನ್ನು ತಮ್ಮ ಸುಪರ್ದಿಗೆ ತೆಗೆದುಕೊಳ್ಳುತ್ತಾರೆ.
ರೂ. 4.5 ಕೋಟಿ ಮೊತ್ತದ ಹೂಡಿಕೆಯಲ್ಲಿ 20,000 ಚದರ ಅಡಿ ಪ್ರದೇಶದಲ್ಲಿ ವಿಶಾಲವಾಗಿ ಇದು ಹರಡಿದೆ. ವೃತ್ತಿಪರ ತರಬೇತಿ ಪಡೆದ 50 ಸಿಬ್ಬಂದಿ, 11 ಬೇಗಳು (ಇದರಲ್ಲಿ 6 ಪ್ರೊಡಕ್ಟಿವ್) ಪ್ರತಿ ವರ್ಷಕ್ಕೆ 4,500ಕ್ಕೂ ಹೆಚ್ಚು ಕಾರುಗಳನ್ನು ಸರ್ವೀಸ್ ಮಾಡುವ ಸೌಲಭ್ಯ ಇದೆ. ಇಕ್ಯುಸಿ ಐಷಾರಾಮಿ ಇವಿ ಸೇರಿದಂತೆ ಮರ್ಸಿಡಿಸ್-ಬೆಂಜ್ನ ಪ್ರಯಾಣಿಕ ಕಾರುಗಳ ಎಲ್ಲ ಮಾದರಿಗಳಿಗೆ ಈ ವರ್ಕ್ಶಾಪ್ ಸೇವೆ ಒದಗಿಸಲಿದೆ. ಪ್ರೀಮಿಯಂ ಎಕ್ಸ್ಪ್ರೆಸ್ ಪ್ರೈಮ್ 2.0: ಅಕ್ಷಯ ಮೋಟಾರ್ಸ್ನ ಈ ವರ್ಕ್ ಶಾಪ್ನಲ್ಲಿ ಮರ್ಸಿಡಿಸ್-ಬೆಂಜ್ ಪಿಇಪಿ ಸೇವೆಯನ್ನು ಮರುಪ್ರಾರಂಭಿಸುತ್ತಿದೆ. ಇದರೊಂದಿಗೆ, ಗ್ರಾಹಕರು ತಮ್ಮ ಕಾರುಗಳಿಗೆ 3 ಗಂಟೆಗಳಲ್ಲಿ ಸರ್ವಿಸ್ ಪಡೆಯಬಹುದು. ಇದು ಬೆಂಗಳೂರಿನಲ್ಲಿ ಮರ್ಸಿಡಿಸ್-ಬೆಂಜ್ನ 4ನೇ ವರ್ಕ್ಶಾಪ್ ಆಗಿದೆ. ಮರ್ಸಿಡಿಸ್-ಬೆಂಜ್ ಈಗ ಭಾರತದಾದ್ಯಂತ 47 ನಗರಗಳಲ್ಲಿ 100 ಗ್ರಾಹಕ-ಟಚ್ ಪಾಯಿಂಟ್ಗಳನ್ನು ಹೊಂದಿದೆ.
ಮರ್ಸಿಡಿಸ್-ಬೆಂಜ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಮಾರ್ಟಿನ್ ಷ್ವೆಂಕ್, ಮರ್ಸಿಡಿಸ್-ಬೆಂಜ್ ಇಂಡಿಯಾದ ಗ್ರಾಹಕ ಸೇವೆಗಳು ಮತ್ತು ಕಾರ್ಪೊರೇಟ್ ವ್ಯವಹಾರಗಳ ಉಪಾಧ್ಯಕ್ಷ ಶೇಖರ್ ಭಿಡೆ, ಅಕ್ಷಯ ಮೋಟಾರ್ಸ್ನ ವ್ಯವಸ್ಥಾಪಕ ನಿರ್ದೇಶಕ ಡಾ.ಎಂ.ಪಿ.ಶ್ಯಾಮ್ ಶೆಟ್ಟಿ ಅವರ ಉಪಸ್ಥಿತಿಯಲ್ಲಿ ಬೆಂಗಳೂರಿನಲ್ಲಿ ಅಕ್ಷಯ ಮೋಟರ್ಸ್ನ ಈ ಹೊಸ ಸರ್ವೀಸ್ ಕೇಂದ್ರವನ್ನು ಉದ್ಘಾಟಿಸಲಾಯಿತು. ಮಾರ್ಟಿನ್ ಷ್ವೆಂಕ್ ಅವರು ಮಾತನಾಡಿ, ಹಲವಾರು ಮಾನದಂಡಗಳ ಗ್ರಾಹಕ ಸೇವಾ ಉಪಕ್ರಮಗಳನ್ನು ಪರಿಚಯಿಸುವ ವಿಷಯದಲ್ಲಿ ಮರ್ಸಿಡಿಸ್-ಬೆಂಜ್ ಇಂಡಿಯಾಕ್ಕೆ 2021 ಒಂದು ಪ್ರಮುಖ ವರ್ಷವಾಗಿದೆ. ಹೊಸ ಪೀಳಿಗೆಯ ಕಾರುಗಳಿಗೆ ವಾಹನ ಉದ್ಯಮದಲ್ಲಿಯೇ ಅತ್ಯುತ್ತಮವಾಗಿರುವ 8 ವರ್ಷಗಳ ವಾರಂಟಿಯನ್ನು ಪರಿಚಯಿಸುವುದರಿಂದ ಹಿಡಿದು ಎಂಬಿ ವ್ಯಾಲ್ಯೂ ಸರ್ವೀಸ್ ಪರಿಚಯದವರೆಗೆ, ನಮ್ಮ ಗ್ರಾಹಕರಿಗೆ ಕಿರಿಕಿರಿ ಮುಕ್ತ ಮಾಲೀಕತ್ವದ ಅನುಭವವನ್ನು ಒದಗಿಸಲು ನಾವು ಪ್ರಯತ್ನಿಸುತ್ತಿದ್ದೇವೆ. ಈ ಹೊಸ ಸರ್ವೀಸ್ ಸೌಲಭ್ಯದ ಸೇರ್ಪಡೆಯು ಈ ಮಾರುಕಟ್ಟೆಯಲ್ಲಿನ ಎಲ್ಲ ಸರ್ವೀಸ್ ಅಗತ್ಯಗಳನ್ನು ಹೊಂದುವ ಮೂಲಕ ನಮ್ಮ ಗ್ರಾಹಕರಿಗೆ ಪೂರ್ಣ ಪ್ರಮಾಣದಲ್ಲಿ ನೆರವು ನೀಡಲಿದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಮರ್ಸಿಡಿಸ್-ಎಎಮ್ಜಿಯ ಮೊಟ್ಟಮೊದಲ ಪ್ಲಗ್-ಇನ್ ಹೈಬ್ರಿಡ್ ಕಾರು ಬಂದೇ ಬಿಟ್ಟಿತ್ತು!
