Mobile Call Tariff: ಹಲೋ, ಮೊಬೈಲ್ ಫೋನ್ ಕರೆ ದರಗಳ ಏರುವ ಸಾಧ್ಯತೆಯಿದೆ ಗಮನಿಸಿ

ಏರುತ್ತಿರುವ ಹಣದುಬ್ಬರದ (Inflation) ಮಧ್ಯೆ ಟೆಲಿಕಾಂ ಸೇವೆಗಳು ಮತ್ತೊಮ್ಮೆ ದುಬಾರಿ ಆಗಬಹುದು. ವಾಸ್ತವವಾಗಿ, ಕೆಲವು ತಿಂಗಳ ಹಿಂದೆ ದರ ಹೆಚ್ಚಳದಿಂದಾಗಿ ಮೂರು ಖಾಸಗಿ ವಲಯದ ಟೆಲಿಕಾಂಗಳ ಒಟ್ಟು ಚಂದಾದಾರರ ಬೇಸ್ 37 ಮಿಲಿಯನ್ ಕಡಿಮೆಯಾಗಿದೆ, ಆದರೆ ಅವರ ಸಕ್ರಿಯ ಚಂದಾದಾರರ ಬೇಸ್ ಶೇ 3ರಷ್ಟು ಹೆಚ್ಚಾಗಿದೆ. ಅಂದರೆ, 29 ಮಿಲಿಯನ್. ಅಂತಹ ಪರಿಸ್ಥಿತಿಯಲ್ಲಿ, ಕಂಪೆನಿಗಳು ಸೇವಾ ದರಗಳಲ್ಲಿ ಮತ್ತೊಂದು ಹೆಚ್ಚಳದ ಬಗ್ಗೆ ಯೋಚಿಸಬಹುದು. CRISILನ ವರದಿಯ ಪ್ರಕಾರ, ಆಗಸ್ಟ್ 2021 ಮತ್ತು ಫೆಬ್ರವರಿ 2022ರ ನಡುವೆ ರಿಲಯನ್ಸ್ ಜಿಯೋದ ಒಟ್ಟು ಚಂದಾದಾರರ ನೆಲೆಯಲ್ಲಿ ತೀವ್ರ ಕುಸಿತ ಕಂಡುಬಂದಿದೆ. ಮತ್ತೊಂದೆಡೆ, ಕಂಪೆನಿಯ ಸಕ್ರಿಯ ಚಂದಾದಾರರು ಮಾರ್ಚ್ 2022 ತ್ರೈಮಾಸಿಕದಲ್ಲಿ ಶೇ 94ರಷ್ಟು ಬೆಳೆದಿದ್ದಾರೆ. ಒಂದು ವರ್ಷದ ಹಿಂದೆ, ಕಂಪೆನಿಯ ಸಕ್ರಿಯ ಚಂದಾದಾರರು ಕೇವಲ ಶೇ 78 ಮಾತ್ರ. ಭಾರ್ತಿ ಏರ್‌ಟೆಲ್‌ನ ಸಕ್ರಿಯ ಚಂದಾದಾರರು ಮಾರ್ಚ್ ತ್ರೈಮಾಸಿಕದಲ್ಲಿ 11 ಮಿಲಿಯನ್‌ನಿಂದ 99ರಷ್ಟು ಬೆಳೆದಿದ್ದಾರೆ. ಐಡಿಯಾದ ಸಕ್ರಿಯ ಚಂದಾದಾರರು 30 ಮಿಲಿಯನ್‌ನಿಂದ ಕುಸಿದಿದ್ದಾರೆ.

ಕಂಪೆನಿಗಳ ಗಳಿಕೆಯು 2020-21ರಲ್ಲಿ ಶೇ 20-25ರಷ್ಟು ಬೆಳೆಯುತ್ತದೆ ಎಂದು ಅಂದಾಜಿಸಲಾಗಿದ್ದು, ಟೆಲಿಕಾಂ ಕಂಪೆನಿಗಳ ಪ್ರತಿ ಬಳಕೆದಾರರಿಗೆ ಸರಾಸರಿ ಆದಾಯ (ARPU) ಶೇ 11ರಷ್ಟು ಏರಿಕೆಯಾಗಿ, ರೂ. 149ಕ್ಕೆ ತಲುಪಿದೆ. ಕಾರಣ ಏನೆಂದರೆ, ಡಿಸೆಂಬರ್ 2019ರಲ್ಲಿ, ಈ ಕಂಪೆನಿಗಳು ದರವನ್ನು ಹೆಚ್ಚಿಸಿವೆ. ಆದರೆ ಅವರ ARPU ಬೆಳವಣಿಗೆಯು 2021-22ರಲ್ಲಿ ಶೇ 5ಕ್ಕೆ ಕುಸಿಯಿತು.

ಈ ಕಂಪೆನಿಗಳು 2022-23ರಲ್ಲಿ ಶೇ 15-20 ARPU ಬೆಳವಣಿಗೆಯನ್ನು ಹೊಂದಿರಬೇಕು. ಇದು ಕಳೆದ ಹಣಕಾಸು ವರ್ಷದಲ್ಲಿ ದರ ಹೆಚ್ಚಳದ ಪೂರ್ಣ ವರ್ಷದ ಲಾಭ ಮತ್ತು ಪ್ರಸಕ್ತ ಹಣಕಾಸು ವರ್ಷದಲ್ಲಿ ದರ ಹೆಚ್ಚಳದ ಸಾಧ್ಯತೆಯ ಕಾರಣದಿಂದ ಆಗಿರುತ್ತದೆ. ಈ ಕಾರಣದಿಂದಾಗಿ, ದೇಶದ ಪ್ರಮುಖ ಮೂರು ಟೆಲಿಕಾಂ ಕಂಪೆನಿಗಳ ಆದಾಯವು ಶೇ 20-25ರಷ್ಟು ಹೆಚ್ಚಾಗುವ ನಿರೀಕ್ಷೆಯಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ

ಇದನ್ನೂ ಓದಿ: ಮೊಬೈಲ್​ಗಳ ಖಾಸಗಿ ಮಾಹಿತಿಗೆ ಚೀನಾ ಕನ್ನ: ಮಾಲ್​ವೇರ್ ದಾಟಿಸಲು ಲೋನ್ ಆ್ಯಪ್ ಬಳಕೆ, ಸಾಲ ಪಡೆದವರ ಸುಲಿಗೆ