ಚೀನಾದ ಯಾವುದೇ ನಗರಕ್ಕಿಂತಲೂ ಮುಂಬೈನಲ್ಲಿ ಅತಿಹೆಚ್ಚು ಬಿಲಿಯನೇರ್ಗಳು; ಜಾಗತಿಕವಾಗಿ ಮುಂಬೈಗೆ ಮೂರನೇ ಸ್ಥಾನ
Hurun's 2024 Global Rich List: ಮುಂಬೈಗಿಂತ ಹಲವು ಪಟ್ಟು ಬೃಹತ್ ಆಗಿರುವ ಬೀಜಿಂಗ್ ನಗರದಲ್ಲಿ ಬಿಲಿಯನೇರ್ಗಳ ಸಂಖ್ಯೆ ಮುಂಬೈನದಕ್ಕಿಂತ ಕಡಿಮೆ ಇದೆ. ಹುರೂನ್ ಗ್ಲೋಬಲ್ ರಿಚ್ ಲಿಸ್ಟ್ 2024 ಪ್ರಕಾರ ಬಿಲಿಯನೇರ್ಗಳ ಸಂಖ್ಯೆ ಮುಂಬೈನಲ್ಲಿ 92 ಇದ್ದರೆ, ಬೀಜಿಂಗ್ನಲ್ಲಿ 91 ಇದೆ. ಜಾಗತಿಕವಾಗಿ ಮುಂಬೈ 3ನೇ ಸ್ಥಾನಕ್ಕೆ ಲಗ್ಗೆ ಹಾಕಿದೆ. ಹಿಂದಿನ ವರ್ಷದಲ್ಲಿ ಅಗ್ರಸ್ಥಾನದಲ್ಲಿದ್ದ ಬೀಜಿಂಗ್ ಈಗ ನಾಲ್ಕನೇ ಸ್ಥಾನಕ್ಕೆ ಇಳಿದಿದೆ. ನ್ಯೂಯಾರ್ಕ್ ಮತ್ತು ಲಂಡನ್ ನಗರಗಳು ಮೊದಲೆರಡು ಸ್ಥಾನ ಪಡೆದಿವೆ.
ಮುಂಬೈ, ಮಾರ್ಚ್ 26: ಅತಿ ಹೆಚ್ಚು ಬಿಲಿಯನೇರ್ಗಳನ್ನು (Billionaires) ಹೊಂದಿರುವ ಜಾಗತಿಕ ನಗರಗಳ ಪಟ್ಟಿಯಲ್ಲಿ ಮುಂಬೈ ಮೂರನೇ ಸ್ಥಾನಕ್ಕೆ ಏರಿದೆ. ಈ ವಿಚಾರದಲ್ಲಿ ಚೀನಾ ರಾಜಧಾನಿ ಹಾಗೂ ಬೃಹತ್ ನಗರವಾದ ಬೀಜಿಂಗ್ ಅನ್ನು ಮುಂಬೈ ಹಿಂದಿಕ್ಕಿದೆ. ಹುರುನ್ ರಿಸರ್ಚ್ನ ಗ್ಲೋಬಲ್ ರಿಚ್ ಲಿಸ್ಟ್ ಪಟ್ಟಿ (Hurun’s 2024 global rich list) ಪ್ರಕಾರ, ಮುಂಬೈನಲ್ಲಿ 92 ಬಿಲಿಯನೇರ್ಗಳಿದ್ದಾರೆ. ಬೀಜಿಂಗ್ನಲ್ಲಿ ಇವರ ಸಂಖ್ಯೆ 91 ಇದೆ. ಇದರೊಂದಿಗೆ ಏಷ್ಯಾದಲ್ಲೇ ಅತಿಹೆಚ್ಚು ಬಿಲಿಯನೇರ್ಗಳು ಮುಂಬೈನಲ್ಲಿ ಇದ್ದಂತಾಗಿದೆ.
ಹುರುನ್ ಪಟ್ಟಿ ಪ್ರಕಾರ ಅಮೆರಿಕದ ನ್ಯೂಯಾರ್ಕ್ 119 ಬಿಲಿಯನೇರ್ಗಳನ್ನು ಹೊಂದಿ, ಅಗ್ರ ಸ್ಥಾನದಲ್ಲಿದೆ. ಬ್ರಿಟನ್ ರಾಜಧಾನಿ ಲಂಡನ್ ನಗರಿ 97 ಬಿಲಿಯನೇರ್ಗಳೊಂದಿಗೆ ಎರಡನೇ ಸ್ಥಾನದಲ್ಲಿದೆ. ಕಳೆದ ವರ್ಷದ ಪಟ್ಟಿಗಿಂತ ನ್ಯೂಯಾರ್ಕ್, ಲಂಡನ್ ಮತ್ತು ಮುಂಬೈ ಹಲವು ಸ್ಥಾನ ಮೇಲೇರಿವೆ.
ಹುರೂನ್ನ 2023 ಗ್ಲೋಬಲ್ ರಿಚ್ ಲಿಸ್ಟ್ನಲ್ಲಿ ಬೀಜಿಂಗ್ ಅಗ್ರಸ್ಥಾನದಲ್ಲಿತ್ತು. ನ್ಯೂಯಾರ್ಕ್, ಶಾಂಘಾಯ್, ಶೆಂಝೆನ್ ಮೊದಲಾ ನಗರಗಳು ನಂತರದ ಸ್ಥಾನದಲ್ಲಿದ್ದವು. ಈ ಬಾರಿ ಬೀಜಿಂಗ್ನಲ್ಲಿ 18 ಜನರು ಬಿಲಿಯನೇರ್ ಪಟ್ಟ ಕಳೆದುಕೊಂಡಿದ್ದಾರೆ. ಮುಂಬೈನಲ್ಲಿ 26 ಹೊಸ ಬಿಲಿಯನೇರ್ಗಳು ಸೇರ್ಪಡೆಯಾಗಿದ್ದಾರೆ.
ಇದನ್ನೂ ಓದಿ: ಭಾರತದಲ್ಲಿ ಎಐ ಯೋಜನೆಗಳಿಗೆ ಭವಿಷ್ಯ ಇಲ್ಲ: ಮಾಜಿ ಗೂಗಲ್ ಉದ್ಯೋಗಿ ಹತಾಶೆಯಿಂದ ಹೇಳಿದ್ದು ಯಾಕೆ ಗೊತ್ತಾ?
ಹುರೂನ್ ಬಿಲಿಯನೇರ್ಗಳ ಪಟ್ಟಿ
- ನ್ಯೂಯಾರ್ಕ್: 119 ಬಿಲಿಯನೇರ್ಗಳು
- ಲಂಡನ್: 97
- ಮುಂಬೈ: 92
- ಬೀಜಿಂಗ್: 91
- ಶಾಂಘೈ: 87
- ಶೆಂಝೆನ್: 84
- ಹಾಂಕಾಂಗ್: 65
ಚೀನಾ ದೇಶದಲ್ಲಿ ಒಟ್ಟಾರೆ 814 ಬಿಲಿಯನೇರ್ಗಳಿದ್ದಾರೆ. ಅದಕ್ಕೆ ಹೋಲಿಸಿದರೆ ಭಾರತದಲ್ಲಿ ಸಂಖ್ಯೆ ಕಡಿಮೆ. ಇಲ್ಲಿ ಬಿಲಿಯನೇರ್ಗಳ ಸಂಖ್ಯೆ 271.
ಬಿಲಿಯನೇರ್ಗಳೆಂದರೆ ಯಾರು?
ಒಂದು ಬಿಲಿಯನ್ ಎಂದರೆ ನೂರು ಕೋಟಿ ಅಥವಾ ಶತಕೋಟಿ. ಕನಿಷ್ಠ ನೂರು ಕೋಟಿ ಡಾಲರ್ ಮೌಲ್ಯದ ಸಂಪತ್ತು ಹೊಂದಿರುವವರನ್ನು ಬಿಲಿಯನೇರ್ಗಳೆಂದು ಪರಿಗಣಿಸಲಾಗುತ್ತದೆ. ಭಾರತೀಯ ರುಪಾಯಿ ಲೆಕ್ಕದಲ್ಲಿ ಸುಮಾರು 8,300ರಿಂದ 8,500 ಕೋಟಿ ರೂ ಸಂಪತ್ತಿರುವ ಕುಬೇರರು ಬಿಲಿಯನೇರ್ಗಳೆನಿಸುತ್ತಾರೆ.
ಬೆಂಗಳೂರಿನಲ್ಲಿ ಎಷ್ಟಿದ್ದಾರೆ ಬಿಲಿಯನೇರ್ಗಳು?
2023ರ ಫೋರ್ಬ್ಸ್ ಪಟ್ಟಿ ಪ್ರಕಾರ ಭಾರತದಲ್ಲಿ ಬಿಲಿಯನೇರ್ಗಳಿರುವ ನಗರಗಳ ಪಟ್ಟಿಯಲ್ಲಿ ಮುಂಬೈ ಮೊದಲ ಸ್ಥಾನ ಪಡೆದರೆ, ಬೆಂಗಳೂರು ಮೂರನೇ ಸ್ಥಾನದಲ್ಲಿದೆ. ದೆಹಲಿ ಎರಡನೇ ಸ್ಥಾನ ಹೊಂದಿದೆ.
ಬೆಂಗಳೂರಿನಲ್ಲಿ ಎಷ್ಟಿದ್ದಾರೆ ಬಿಲಿಯನೇರ್ಗಳು?
2023ರ ಫೋರ್ಬ್ಸ್ ಪಟ್ಟಿ ಪ್ರಕಾರ ಭಾರತದಲ್ಲಿ ಬಿಲಿಯನೇರ್ಗಳಿರುವ ನಗರಗಳ ಪಟ್ಟಿಯಲ್ಲಿ ಮುಂಬೈ ಮೊದಲ ಸ್ಥಾನ ಪಡೆದರೆ, ಬೆಂಗಳೂರು ಮೂರನೇ ಸ್ಥಾನದಲ್ಲಿದೆ. ದೆಹಲಿ ಎರಡನೇ ಸ್ಥಾನ ಹೊಂದಿದೆ.
ಇದನ್ನೂ ಓದಿ: ಕಮಿಷನ್ ಆಸೆಗೆ ಬಿದ್ದು ಯಾರಾರಿಗೋ ಹಣ ವರ್ಗಾವಣೆ ಮಾಡದಿರಿ ಹುಷಾರ್..!
ಆದರೆ, ಹುರೂನ್ ಕಳೆದ ವರ್ಷ ಬಿಡುಗಡೆ ಮಾಡಿದ ಪಟ್ಟಿಯೊಂದರ ಪ್ರಕಾರ ಬೆಂಗಳೂರಿನಲ್ಲಿ ಅತಿಹೆಚ್ಚು ಸೆಲ್ಫ್ ಮೇಡ್ ಬಿಲಿಯನೇರ್ಗಳಿದ್ದಾರೆ. ಅಂದರೆ, ಸ್ವಂತ ಬಲದಲ್ಲಿ ಬಿಸಿನೆಸ್ ಬೆಳೆಸಿ ಬಿಲಿಯನೇರ್ಗಳಾದವರು ಬೆಂಗಳೂರಿನಲ್ಲೇ ಹೆಚ್ಚು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ