Beware..! ಕಮಿಷನ್ ಆಸೆಗೆ ಬಿದ್ದು ಯಾರಾರಿಗೋ ಹಣ ವರ್ಗಾವಣೆ ಮಾಡದಿರಿ ಹುಷಾರ್..!

ಇವತ್ತಿನ ದಿನಗಳಲ್ಲಿ ತಂತ್ರಜ್ಞಾನ ಬೆಳೆದಂತೆ ಹಣಕಾಸು ಅಕ್ರಮಗಳು (economic offence) ವಿವಿಧ ರೂಪ ಬೆಳೆದಿವೆ. ವಂಚಕರು ವಿವಿಧ ಮಾರ್ಗಗಳನ್ನು ಅನುಸರಿಸುತ್ತಾರೆ. ಹೂಡಿಕೆ ಸ್ಕೀಮ್​ಗಳನ್ನು ಆಕರ್ಷಿಸಿ ಜನರಿಂದ ಬಂಡವಾಳ ಪಡೆದು ವಂಚಿಸುವ ಪ್ರಕರಣಗಳು ಈಗಲೂ ನಡೆಯುತ್ತಿರುತ್ತವೆ. ಕಪ್ಪು ಹಣವನ್ನು (black money) ಬಿಳಿ ಮಾಡುವ ದಂಧೆ ಒಳಗಿಂದೊಳಗೆ ಅವ್ಯಾಹತವಾಗಿ ನಡೆಯುತ್ತದೆ. ತೆರಿಗೆಯಿಂದ ತಪ್ಪಿಸಿಕೊಳ್ಳಲು ಜನರು ಕಳ್ಳ ದಾರಿಗಳನ್ನು ಹಿಡಿಯುತ್ತಾರೆ. ಈ ಪ್ರಯತ್ನದಲ್ಲಿ ಅಮಾಯಕ ಜನರೂ ಬಲಿಪಶುಗಳಾಗುವುದುಂಟು. ಯಾವುದೊ ಸಣ್ಣ ಆಸೆಗೆ ಸಿಲುಕಿ ವಂಚಕರ ಬದಲು ಅಮಾಯಕರು ಕಾನೂನು ಶಿಕ್ಷೆಗೆ ಗುರಿಯಾಗಬಹುದು.

ಹಣದ ಅಕ್ರಮ ವರ್ಗಾವಣೆಗೆ ಅಮಾಯಕರನ್ನು ಹೇಗೆ ಸೆಳೆಯಲಾಗುತ್ತೆ ನೋಡಿ…

ಅಕ್ರಮವಾಗಿ ಹಣ ವರ್ಗಾವಣೆ ಮಾಡುವುದು ಅಪರಾಧ. ಹಣಕಾಸು ಅಪರಾಧಕ್ಕೆ ಕಠಿಣ ಶಿಕ್ಷೆಗಳಿವೆ. ವಂಚಕರು ತಾವು ಸಿಕ್ಕಿ ಬೀಳದಂತೆ ರಹಸ್ಯವಾಗಿ ಅಕ್ರಮ ಹಣ ವರ್ಗಾವಣೆ ಮಾಡುತ್ತಾರೆ. ಭಾರತದಲ್ಲಿ ಇಂಥ ಹವಾಲ ನೆಟ್ವರ್ಕ್ ಬಹಳ ಜೋರಾಗಿದೆ. ಇದರಲ್ಲಿ ಅಮಾಯಕರನ್ನೂ ಶಾಮೀಲಾಗಿಸುವುದುಂಟು.

ಇದನ್ನೂ ಓದಿ: ಡೆಟ್ ಫಂಡ್ ಎಂದರೇನು? ಎಫ್​ಡಿಗೂ ಅದಕ್ಕೂ ಏನು ವ್ಯತ್ಯಾಸ? ಯಾವುದರಿಂದ ಹೆಚ್ಚು ಲಾಭ? ಇಲ್ಲಿದೆ ಡೀಟೇಲ್ಸ್

ವಿವಿಧ ಸ್ಕೀಮ್​ಗಳ ಹೆಸರಿನಲ್ಲಿ ಅಮಾಯಕರನ್ನು ಸೆಳೆದು, ಅವರ ಮೂಲಕ ಬೇರೆ ಬ್ಯಾಂಕ್ ಖಾತೆಗೆ ಹಣ ರವಾನೆ ಮಾಡಿಸಲಾಗುತ್ತದೆ. ಈ ಕಾರ್ಯಕ್ಕೆ ಒಂದಷ್ಟು ಹಣ ಸಿಗುತ್ತದೆ. ಈ ಆಸೆಯಿಂದ ಜನರು ಯಾರಾರಿಗೋ ಅಪರಿಚಿತರಿಗೆ ಹಣ ವರ್ಗಾವಣೆ ಮಾಡುತ್ತಾರೆ.

ಅಪರಿಚಿತರಿಗೆ ಬ್ಯಾಂಕ್ ಖಾತೆಯಿಂದ ನಗದು ಹಣ ಡ್ರಾ ಮಾಡಿ ಕೊಡುವುದು ಇತ್ಯಾದಿ ಕೆಲಸಗಳನ್ನೂ ಮಾಡಿಸಲಾಗುತ್ತದೆ.

ವ್ಯಕ್ತಿಗಳು ಮಾತ್ರವಲ್ಲ, ಸಂಸ್ಥೆಗಳ ಬ್ಯಾಂಕ್ ಖಾತೆಗಳನ್ನೂ ಈ ರೀತಿ ದುರ್ಬಳಕೆ ಮಾಡಿಕೊಳ್ಳಲಾಗುತ್ತದೆ. ನಕಲಿ ಮಾಲೀಕರು ಮತ್ತು ಸಂಸ್ಥೆಗಳ ಹೆಸರಿನಲ್ಲಿ ಬ್ಯಾಂಕ್ ಖಾತೆಗಳನ್ನು ಸೃಷ್ಟಿಸಿ ಅವುಗಳ ಮೂಲಕ ಮನಿ ಲಾಂಡರಿಂಗ್ ನಡೆಯುತ್ತದೆ. ಹಾಗೆಯೇ, ಅಮಾಯಕ ಜನರನ್ನೂ ಕೂಡ ಮನಿ ಲಾಂಡರಿಂಗ್​ಗೆ ಬಳಸಬಹುದು. ಇನ್ನೂ ಕೆಲವರು ಎಲ್ಲಾ ಗೊತ್ತಿದ್ದೇ ಈ ರೀತಿ ಅಕ್ರಮ ಹಣ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವುದುಂಟು.

ಇದನ್ನೂ ಓದಿ: 63 ಜನರಿದ್ದ ಕೂಡು ಕುಟುಂಬದಲ್ಲಿ ಜನಿಸಿದ ಉದಯ್ ಕೋಟಕ್​ಗೆ, ಇಡೀ ಕಂಪನಿ ಒಂದು ಜಾಯಿಂಟ್ ಫ್ಯಾಮಿಲಿ ಇದ್ದಂತೆ

ಇಂಥ ಅಕ್ರಮ ಹಣದ ಆಟಕ್ಕೆ ನೀವು ಗೊತ್ತಿಲ್ಲದೇ ಪಾಲ್ಗೊಂಡಿದ್ದರೂ, ಕಾನೂನಿನ ಕೈ ನಿಮ್ಮವರೆಗೂ ಬರಬಹುದು. ಮನಿ ಲಾಂಡರಿಂಗ್ ಕಾಯ್ದೆ ಸೇರಿದಂತೆ ಆರ್ಥಿಕ ಅಪರಾಧಕ್ಕೆ ಸಾಕಷ್ಟು ಶಿಕ್ಷೆಗಳಿರುತ್ತವೆ. ಯಾರದ್ದೋ ಕೂಸಿಗೆ ನೀವು ಅಪ್ಪ ಆಗಿ ಶಿಕ್ಷೆ ಅನುಭವಿಸಬೇಕಾದೀತು ಜೋಕೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ