ಯುಪಿಐನಲ್ಲಿ ಸ್ಕ್ಯಾನ್ ಮಾಡಿ, ಇಎಂಐಗಳಲ್ಲಿ ಹಣ ಪಾವತಿಸಿ: ಬರಲಿದೆ ಹೊಸ ಫೀಚರ್

ನವದೆಹಲಿ, ಅಕ್ಟೋಬರ್ 3: ಭಾರತದ ನಂಬರ್ ಒನ್ ಪೇಮೆಂಟ್ ಸಿಸ್ಟಂ ಆಗಿರುವ ಯುಪಿಐ (UPI) ಆಗಾಗ್ಗೆ ಹೊಸ ಹೊಸ ಫೀಚರ್ಸ್ ಸೇರಿಸಿಕೊಳ್ಳುತ್ತಲೇ ಇರುತ್ತದೆ. ಯುಪಿಐನಲ್ಲಿ ರುಪೇ ಕ್ರೆಡಿಟ್ ಕಾರ್ಡ್, ಕ್ರೆಡಿಟ್ ಲೈನ್, ಫ್ಯಾಮಿಲಿ ಶೇರಿಂಗ್ ಇತ್ಯಾದಿ ಹಲವಾರು ಫೀಚರ್​ಗಳನ್ನು ನ್ಯಾಷನಲ್ ಪೇಮೆಂಟ್ ಕಾರ್ಪೊರೇಶನ್ ಇತ್ತೀಚೆಗೆ ಸೇರಿಸಿತ್ತು. ಇದೀಗ ಕ್ರೆಡಿಟ್ ಕಾರ್ಡ್​ಗಳಲ್ಲಿ ಸಿಗುವ ರೀತಿಯಲ್ಲಿ ಯುಪಿಐ ಪಾವತಿಯನ್ನೂ ಇಎಂಐಗಳಾಗಿ ವಿಭಜಿಸುವ ಒಂದು ಅವಕಾಶ ನೀಡಲು ಎನ್​ಪಿಸಿಐ ಯೋಜಿಸುತ್ತಿದೆ.

ಈ ರೀತಿ ಯುಪಿಐ ಪೇಮೆಂಟ್ ಅನ್ನು ಸ್ಪ್ಲಿಟ್ ಮಾಡುವ ಫೀಚರ್ ಇನ್ನೂ ಪ್ರಸ್ತಾಪದ ಹಂತದಲ್ಲಿದ್ದು, ಇದು ಜಾರಿಯಾದರೆ, ಪೇಟಿಎಂ, ಫೋನ್ ಪೇ, ಕ್ರೆಡ್ ಇತ್ಯಾದಿ ಫಿನ್​ಟೆಕ್ ಪ್ಲಾಟ್​ಫಾರ್ಮ್​ಗಳು ಯುಪಿಐ ಪೇಮೆಂಟ್​ನಲ್ಲಿ ಇಎಂಐ ಆಪ್ಷನ್ಸ್ ಒದಗಿಸಬಹುದು.

ಇದನ್ನೂ ಓದಿ: ಅಮೆರಿಕದ್ದೂ ಬೇಡ ರಷ್ಯದ್ದೂ ಬೇಡ, ನಮ್ಮದೇ ಯುದ್ಧವಿಮಾನ ತಯಾರಿಸೋಣ: ಕೋಟ ಹರಿನಾರಾಯಣ ಕಿವಿಮಾತು

ಗ್ರಾಹಕರು ಯುಪಿಐ ಮೂಲಕ ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿ ಪೇಮೆಂಟ್ ಮಾಡುವ ಸಂದರ್ಭದಲ್ಲೇ ಇಎಂಐ ಅವಕಾಶ ನೀಡಲಾಗುತ್ತದೆ. ಪಿಒಎಸ್ ಮೆಷಿನ್​ನಲ್ಲಿ ಕ್ರೆಡಿಟ್ ಕಾರ್ಡ್ ಸ್ವೈಪ್ ಮಾಡುವಾಗ ಪೇಮೆಂಟ್ ಸ್ಪ್ಲಿಟ್ ಮಾಡುವ ರೀತಿಯಲ್ಲಿ ಯುಪಿಐನಲ್ಲೂ ಅಳವಡಿಸಲಾಗಬಹುದು.

ಇಎಂಐ ಫೀಚರ್​ನಿಂದ ಬ್ಯಾಂಕು ಹಾಗೂ ಫಿನ್​ಟೆಕ್​ಗಳಿಗೂ ಲಾಭದ ಅವಕಾಶ

ಇಎಂಐ ಆಪ್ಷನ್​ನಲ್ಲಿ ಶೇ. 1.5ರಷ್ಟು ಇಂಟರ್​ಮಿಟೆಂಟ್ ಫೀ ಹಾಕಲು ಎನ್​ಪಿಸಿಐ ಯೋಜಿಸಿದೆ. ಇದು ಫಿನ್​ಟೆಕ್ ಅ್ಯಪ್​ಗಳು ಹಾಗೂ ಬ್ಯಾಂಕುಗಳಿಗೆ ಆದಾಯ ಗಳಿಸಲು ಒಳ್ಳೆಯ ಮಾರ್ಗವೆನಿಸಲಿದೆ. ಯುಪಿಐನಲ್ಲಿ ಹೆಚ್ಚಿನ ವಹಿವಾಟುಗಳಿಂದ ಯಾರಿಗೂ ಸದ್ಯಕ್ಕೆ ಲಾಭ ಸಿಗುತ್ತಿಲ್ಲ. ಸ್ಪ್ಲಿಟ್ ಪೇಮೆಂಟ್​ನಲ್ಲಿ ವಿಧಿಸುವ ಇಂಟರ್​ಮಿಟೆಂಟ್ ಫೀ ಒಂದು ಆದಾಯ ಮೂಲ ಸೃಷ್ಟಿಸಬಹುದು.

ಇದನ್ನೂ ಓದಿ: ನೀರಲ್ಲಿ ಹೋಮ ಮಾಡಿದಂತಾಯ್ತು ಅಮೆರಿಕದ 19,000 ಕೋಟಿ ರೂ ಮೆಗಾ ಸೋಲಾರ್ ಪ್ರಾಜೆಕ್ಟ್

ಈಗಾಗಲೇ ವಿವಿಧ ಬ್ಯಾಂಕುಗಳು ಪೇಟಿಎಂ, ನವಿಯಂತಹ ಫಿನ್​ಟೆಕ್ ಕಂಪನಿಗಳ ಜೊತೆ ಟೈಯಪ್ ಮಾಡಿಕೊಂಡು ಬಳಕೆದಾರರಿಗೆ ಕ್ರೆಡಿಟ್ ಲೈನ್ ಆಫರ್ ಮಾಡುತ್ತಿವೆ. ಇಎಂಐ ವಿಚಾರದಲ್ಲೂ ಇದೇ ಬೆಳವಣಿಗೆ ಆಗಬಹುದು.

ಈ ಇಎಂಐ ಫೀಚರ್ ದೊಡ್ಡ ಪ್ರಮಾಣದ ಪೇಮೆಂಟ್​ಗೆ ಅನುಕೂಲವಾಗಲಿದೆ. ದೊಡ್ಡ ಪೇಮೆಂಟ್​ಗಳಿಗೆ ಕ್ರೆಡಿಟ್ ಕಾರ್ಡ್ ಬಳಸುತ್ತಿರುವವರು ಯುಪಿಐನಲ್ಲೇ ಪೇಮೆಂಟ್ ಮಾಡಬಹುದು. ಇದರಿಂದ ಯುಪಿಐ ಬಳಕೆ ಮತ್ತಷ್ಟು ಹೆಚ್ಚಲಿದೆ. ಹೆಚ್ಚಿನ ಮೊತ್ತದ ಪೇಮೆಂಟ್​ನಲ್ಲೂ ಯುಪಿಐ ಮೇಲುಗೈ ಸಾಧಿಸಲು ಸಾಧ್ಯವಾಗಲಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ