High Returns: ಸುಳ್ಳಲ್ಲ; 2-4 ವರ್ಷಕ್ಕೆ ಹಣ ಡಬಲ್ ಮಾಡುತ್ತಿರುವ ಮ್ಯೂಚುವಲ್ ಫಂಡ್ ಸ್ಕೀಮ್​ಗಳಿವು; ಶುರುವಾದಾಗಿನಿಂದ ಇವುಗಳ ರಿಟರ್ನ್ಸ್ ಶೇ. 20ಕ್ಕಿಂತ ಕೆಳಗಿಳಿದೇ ಇಲ್ಲ

ನೀವು ಎಷ್ಟು ಉಳಿಸುತ್ತೀರೋ ಅಷ್ಟು ಹಣ ಗಳಿಕೆಗೆ ಸಮ. ಇದು ಯಾವತ್ತಿದ್ದರೂ ಸಾರ್ವಕಾಲಿಕವಾಗಿ ಅನ್ವಯ ಆಗುವ ಜಾಣ ನುಡಿ. ಹಾಗೆಯೇ, ಕೂಡಿಟ್ಟ ಹಣ ಖರ್ಚಾಗದೇ ಉಳಿಯಲು ಈ ಕಾಲದಲ್ಲಿ ಸಾಧ್ಯವಾ? ನಿಮ್ಮ ಉಳಿತಾಯದ ಹಣ (Savings) ಬೆಳೆಯದೇ ಹೋದರೆ ಉಳಿತಾಯಕ್ಕೆ ಪಟ್ಟ ನಿಮ್ಮ ಶ್ರಮ ವ್ಯರ್ಥವಾದಂತೆಯೇ. ಇವತ್ತು ಹೂಡಿಕೆಗಳಿಗೆ ಸಿಗುವ ಲಾಭವಾದರೂ ಎಷ್ಟಿದೆ? ಬ್ಯಾಂಕ್​ನಲ್ಲಿ ಹಣ ಇಟ್ಟರೆ ವಾರ್ಷಿಕ ಶೇ. 9ರವರೆಗೂ ಬಡ್ಡಿ ಸಿಗುತ್ತದೆ. ಸರ್ಕಾರದ ಉಳಿತಾಯ ಸ್ಕೀಮ್ ಮತ್ತು ಬಾಂಡ್​ಗಳನ್ನು ಖರೀದಿಸಿದರೆ ವರ್ಷಕ್ಕೆ ಶೇ. 8ರವರೆಗೆ ಬಡ್ಡಿ ಬರಬಹುದು. ರಿಯಲ್ ಎಸ್ಟೇಟ್​ಗೆ ಹಣ ಹಾಕಿದರೆ ಶೇ. 10ರಿಂದ ಶೇ. 20ರವರೆಗೆ ಬೆಳೆಯುವ ಸಾಧ್ಯತೆ ಇರುತ್ತದೆ. ಚಿನ್ನದ ಮೇಲೆ ಹಣ ಹಾಕಿದರೆ ಶೇ. 20ರವರೆಗೂ ಮೌಲ್ಯ ಹೆಚ್ಚಬಹುದು. ಷೇರು ವಹಿವಾಟಿನಲ್ಲಿ ಹೈ ರಿಸ್ಕ್ ತೆಗೆದುಕೊಂಡರೆ ಹೆಚ್ಚು ಲಾಭ ಗಳಿಸುವ ಅವಕಾಶ ಇದೆ. ಮ್ಯೂಚುವಲ್ ಫಂಡ್​ಗಳ (Mutual Funds) ಮೂಲಕ ಷೇರುಪೇಟೆಗೆ ಹಣ ಹೂಡಿಕೆ ಮಾಡುವುದು ಬೆಸ್ಟ್ ಎನ್ನುತ್ತಾರೆ ತಜ್ಞರು.

ಅಂತೆಯೇ ಮ್ಯುಚುವಲ್ ಫಂಡ್​ಗಳ ಮೇಲೆ ಹೂಡಿಕೆ ಮಾಡುವ ಜನರ ಸಂಖ್ಯೆ ಬೆಳೆಯುತ್ತಿದೆ. ಕೆಲವಿಷ್ಟು ಮ್ಯೂಚುವಲ್ ಫಂಡ್​ಗಳು ಭರ್ಜರಿ ಲಾಭಗಳನ್ನು ತಂದುಕೊಟ್ಟಿರುವುದುಂಟು. ವರ್ಷಕ್ಕೆ ಶೇ. 20ಕ್ಕಿಂತಲೂ ಹೆಚ್ಚು ರಿಟರ್ನ್ ಕೊಡುತ್ತಾ ಬಂದಿರುವ 12 ಮ್ಯೂಚುವಲ್ ಫಂಡ್​ಗಳನ್ನು ತಜ್ಞರು ಪಟ್ಟಿ ಮಾಡಿದ್ದಾರೆ. ಇವು ಯಾವುದೋ ಒಂದು ಅಥವಾ ಎರಡು ವರ್ಷ ಹೀಗೆ ಶೇ. 20ಕ್ಕಿಂತ ಹೆಚ್ಚು ರಿಟರ್ನ್ ಕೊಟ್ಟಿಲ್ಲ, ಅವು ಸ್ಥಾಪನೆ ಆದಾಗಿನಿಂದ ಹೈ ರಿಟರ್ನ್ ಕೊಡುತ್ತಿವೆ. ಇವುಗಳಲ್ಲಿ ಹೂಡಿಕೆ ಮಾಡಲಾಗಿರುವ ಹಣ 3-4 ವರ್ಷಕ್ಕೆ ಡಬಲ್ ಆಗಿರುವುದುಂಟು.

ಇದನ್ನೂ ಓದಿ: LIC Premium Income: ಪ್ರೀಮಿಯಮ್​ಗಳಿಂದ ಎಲ್​ಐಸಿ ಈ ವರ್ಷ ಗಳಿಸಿದ ಆದಾಯ ಎಷ್ಟು? ಖಾಸಗಿ ವಿಮಾ ಕಂಪನಿಗಳದ್ದೆಷ್ಟು?

ಆರಂಭದಿಂದಲೂ ವರ್ಷಕ್ಕೆ ಶೇ. 20ಕ್ಕಿಂತ ಹೆಚ್ಚು ರಿಟರ್ನ್ ಕೊಡುತ್ತಿರುವ ಮ್ಯೂಚುವಲ್ ಸ್ಮಾಲ್ ಕ್ಯಾಪ್ ಫಂಡ್​ಗಳು:

1. ಬಂಧನ್ ಎಮರ್ಜಿಂಗ್ ಬ್ಯುಸಿನೆಸಸ್ ಫಂಡ್: ಶೇ. 28.80
2. ಎಡೆಲ್​ವೇಸ್ ಸ್ಮಾಲ್ ಕ್ಯಾಪ್ ಫಂಡ್: ಶೇ. 24.63
3. ಬ್ಯಾಂಕ್ ಆಫ್ ಇಂಡಿಯಾ ಸ್ಮಾಲ್ ಕ್ಯಾಪ್ ಫಂಡ್: ಶೇ. 27.42
4. ಕೆನರಾ ರೋಬೆಕೋ ಸ್ಮಾಲ್ ಕ್ಯಾಪ್ ಫಂಡ್: ಶೇ. 25.45
5. ನಿಪ್ಪೋನ್ ಇಂಡಿಯಾ ಸ್ಮಾಲ್ ಕ್ಯಾಪ್ ಫಂಡ್: ಶೇ. 24.30
6. ಎಸ್​ಬಿಐ ಸ್ಮಾಲ್ ಕ್ಯಾಪ್ ಫಂಡ್: ಶೇ. 24.70
7. ಆ್ಯಕ್ಸಿಸ್ ಸ್ಮಾಲ್ ಕ್ಯಾಪ್ ಫಂಡ್: ಶೇ. 23.24
8. ಡಿಎಸ್​ಪಿ ಸ್ಮಾಲ್ ಕ್ಯಾಪ್ ಫಂಡ್: ಶೇ. 20.58
9. ಎಚ್​ಎಸ್​ಬಿಸಿ ಸ್ಮಾಲ್ ಕ್ಯಾಪ್ ಫಂಡ್: ಶೇ. 20.47
10. ಇನ್ವೆಸ್ಕೋ ಇಂಡಿಯಾ ಸ್ಮಾಲ್ ಕ್ಯಾಪ್ ಫಂಡ್: ಶೇ. 20.47
11. ಟಾಟಾ ಸ್ಮಾಲ್ ಕ್ಯಾಪ್ ಫಂಡ್: ಶೇ. 23.84
12. ಯುಟಿಐ ಸ್ಮಾಲ್ ಕ್ಯಾಪ್ ಫಂಡ್: ಶೇ. 21.59

ಇದನ್ನೂ ಓದಿ: Adani Bonds: ಹೂಡಿಕೆದಾರರ ವಿಶ್ವಾಸ ಗಳಿಸಲು ಅದಾನಿ ಹರಸಾಹಸ; ಡಾಲರ್ ಸಾಲಪತ್ರಗಳ ಮರುಖರೀದಿಗೆ ಹೆಜ್ಜೆ; ಅದಾನಿ ನಡೆಯ ಮರ್ಮವೇನು?

ಷೇರುಪೇಟೆಯಲ್ಲಿ ಸಣ್ಣ ಮೊತ್ತದ ಕಂಪನಿಗಳ ಮೇಲೆ ಮ್ಯೂಚುವಲ್ ಫಂಡ್ ಸಂಸ್ಥೆಗಳು ಹೂಡಿಕೆ ಮಾಡುತ್ತವೆ. ಇಂಥ ಹೂಡಿಕೆಗಳನ್ನು ಸ್ಮಾಲ್ ಕ್ಯಾಪ್ ಫಂಡ್ ಎನ್ನಲಾಗುತ್ತದೆ. ಮ್ಯೂಚುವಲ್ ಫಂಡ್​ನ ಮ್ಯಾನೇಜರ್​ಗಳು ಮಾರುಕಟ್ಟೆ ಮತ್ತು ಹೂಡಿಕೆ ತಜ್ಞರೇ ಆಗಿರುತ್ತಾರೆ. ಸಣ್ಣ ಬಜೆಟ್​ನ ಯಾವ ಕಂಪನಿಗಳು ಬೆಳೆಯಬಲ್ಲವು, ಷೇರುಗಳ ಬೆಲೆ ಏರಬಲ್ಲವು ಎಂಬುದನ್ನು ಬಹುತೇಕ ನಿಖರವಾಗಿ ಅಂದಾಜು ಮಾಡಬಲ್ಲರು ಈ ಫಂಡ್ ಮ್ಯಾನೇಜರುಗಳು. ಆದರೂ ಕೂಡ ಸದಾ ಕಾಲಕ್ಕೂ ಮ್ಯೂಚುವಲ್ ಫಂಡ್ ಸರಿ ಎಂದು ನಿಶ್ಚಿತವಾಗಿ ಹೇಳಲಾಗದು. ಇದ್ದುದ್ದರಲ್ಲಿ ಈವರೆಗೆ ಅವುಗಳ ಸಾಧನೆ ಗಮನಿಸಿ ನಿರ್ಣಯಕ್ಕೆ ಬರುವುದಾದರೆ ಮೇಲಿನ ಮ್ಯೂಚುವಲ್ ಫಂಡ್​ಗಳ ಪಟ್ಟಿ ಅನುಕೂಲ ತರಬಹುದು.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ