CheQ: ಬಿಲ್ ಕಟ್ಟಿದರೆ ಶೇ. 1.5ರಷ್ಟು ರಿಟರ್ನ್; ಬೆಂಗಳೂರಿನ ಸ್ಟಾರ್ಟಪ್ ಆಫರ್; ಕ್ರೆಡ್​ಗಿಂತ ಇದು ಭಿನ್ನವಾ?

ಬೆಂಗಳೂರು: ಕ್ರೆಡ್ ಆ್ಯಪ್ ಮಾದರಿಯಲ್ಲಿ ಬೆಂಗಳೂರಿನಲ್ಲಿ ಚೆಕ್ (CheQ) ಎನ್ನುವ ಹೊಸ ಸ್ಟಾರ್ಟಪ್ ಆರಂಭಗೊಂಡಿದ್ದು, ಇದು ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಗಳಿಗೆ ಅಮೋಘ ರಿಟರ್ನ್ಸ್ ಆಫರ್ ಮಾಡುತ್ತಿದೆ. ಪ್ರತೀ ಕ್ರೆಡಿಟ್ ಕಾರ್ಡ್ ಬಿಲ್ ಕಟ್ಟಿದರು ಆ ಬಿಲ್ ಮೊತ್ತದ ಶೇ. 1ರಷ್ಟು ಹಣ ಗ್ರಾಹಕರಿಗೆ ವಾಪಸ್ ಸಂದಾಯವಾಗುತ್ತದೆ. ಇದೀಗ ಆ್ಯಕ್ಸಿಸ್ ಬ್ಯಾಂಕ್ ಜೊತೆ CheQ ಹೊಂದಾಣಿಕೆ ಮಾಡಿಕೊಂಡಿದ್ದು, ಆ್ಯಕ್ಸಿಸ್ ಬ್ಯಾಂಕ್​ನ ಕ್ರೆಡಿಟ್ ಕಾರ್ಡ್ ಬಿಲ್ ಕಟ್ಟಿದರೆ ಶೇ. 1.5ರಷ್ಟು ಹಣ ರಿಟರ್ನ್ ಸಿಗುತ್ತದೆ.

ಇಲ್ಲಿ ಬಿಲ್ ಕಟ್ಟಿದಾಗ ನೇರವಾಗಿ ಹಣ ರಿಟರ್ನ್ ಆಗುವುದಿಲ್ಲ. ಅಂದರೆ ನೇರ ಕ್ಯಾಷ್ ಬ್ಯಾಕ್ ಸಿಗುವುದಿಲ್ಲ. ಚೆಕ್ ಚಿಪ್ಸ್ (CheQ Chips) ಅಥವಾ ಅಂಕಗಳ ಪಟ್ಟಿಗೆ ಇದು ಸೇರುತ್ತಾ ಹೋಗುತ್ತದೆ. ಅದನ್ನು ನೀವು ಯಾವಾಗ ಬೇಕಾದರೂ ಕ್ಯಾಷ್ ಆಗಿ ಪರಿವರ್ತಿಸಿಕೊಳ್ಳಬಹುದು. ಅಥವಾ ವೋಚರ್ ರೂಪದಲ್ಲಿ ನಿರ್ದಿಷ್ಟ ಶಾಪಿಂಗ್​ಗೆ ಇದನ್ನು ಬಳಸಿಕೊಳ್ಳಬಹುದು.

ಇದನ್ನೂ ಓದಿ: Bank Crisis: ಬ್ಯಾಂಕುಗಳಿಗೆ ವೈರಲ್ ಫೀವರ್; ಸಿಗ್ನೇಚರ್ ದಿವಾಳಿ; ಅಮೆರಿಕದಲ್ಲಿ ಮಕಾಡೆ ಮಲಗಿದ 3ನೇ ಬ್ಯಾಂಕ್

CheQ ಆ್ಯಪ್ ಮೂಲಕ ನಾವು ಕ್ರೆಡಿಟ್ ಕಾರ್ಡ್ ಬಿಲ್​ಗಳನ್ನು ಪಾವತಿಸಬಹುದು. ಲೋನ್ ಇಎಂಐಗಳನ್ನೂ ಕಟ್ಟಬಹುದು. ಆ ಎಲ್ಲಾ ಪಾವತಿಗೂ ಶೇ. 1ರಷ್ಟು ಹಣ ರಿಟರ್ನ್ ಬರುತ್ತದೆ.

Cred ವರ್ಸಸ್ CheQ

ಕ್ರೆಡ್ ಆ್ಯಪ್ ನೀವು ಬಳಸುತ್ತಿರಬಹುದು. ಇದೂ ಕೂಡ ಆರಂಭದಲ್ಲಿ ಕ್ರೆಡಿಟ್ ಕಾರ್ಡ್ ಬಿಲ್​ಗಳ ಪಾವತಿಗೆ ಒಂದು ಪ್ಲಾಟ್​ಫಾರ್ಮ್ ಆಗಿ ಸೇವೆ ಆರಂಭಿಸಿತು. ಬಳಿಕ ಕ್ರೆಡ್ ಬೇರೆ ಬೇರೆ ಸೇವೆಗಳನ್ನೂ ಆರಂಭಿಸಿದೆ. ಕ್ರೆಡ್ ಕೂಡ ತನ್ನ ಕ್ಯಾಷ್​ಬ್ಯಾಕ್ ಆಫರ್​ಗಳಿಂದ ಹಲವಾರು ಗ್ರಾಹಕರನ್ನು ಸೆಳೆದಿತ್ತು. ಈಗ ಕ್ರೆಡ್ ಹಾದಿಯಲ್ಲಿ CheQ ಸಾಗುತ್ತಿದೆ. ಕ್ರೆಡ್ ಆ್ಯಪ್​ಗಿಂತಲೂ CheQನ ವಿನ್ಯಾಸ ಸರಳವಾಗಿದೆ. ಇದರ ರಿವಾರ್ಡಿಂಗ್ ಪಾಯಿಂಟ್ ಇತ್ಯಾದಿ ವ್ಯವಸ್ಥೆ ಕ್ರೆಡ್​ಗಿಂತ ಪಾರದರ್ಶಕವಾಗಿದೆ ಎಂಬುದು ಸಾಮಾನ್ಯರ ಅನಿಸಿಕೆ.

ಇದನ್ನೂ ಓದಿ: PhonePe: ಫೋನ್​ಪೇ ವಾರ್ಷಿಕ ಟಿಪಿವಿ 84 ಕೋಟಿ; ಆರ್​ಬಿಐನಿಂದ ಸಿಕ್ಕಿತು ಪಿಎ ಲೈಸೆನ್ಸ್

CheQ ಆ್ಯಪ್​ನಲ್ಲಿ ಖಾತೆ ತೆರೆಯುವುದು ಬಹಳ ಸರಳ. ಪಾನ್ ನಂಬರ್, ಮೊಬೈಲ್ ನಂಬರ್ ಮತ್ತು ಇಮೇಲ್ ವಿಳಾಸ ಇದ್ದರೆ ಸಾಕು. ಕ್ರೆಡ್​ನಲ್ಲೂ ಈ ಮೂರೇ ದಾಖಲೆ ಸಾಕಾದರೂ ಕ್ರೆಡಿಟ್ ಸ್ಕೋರ್ 750ಕ್ಕಿಂತ ಉತ್ತಮವಾಗಿರಬೇಕು. ಇಲ್ಲದಿದ್ದರೆ ಕ್ರೆಡ್ ಆ್ಯಪ್ ಖಾತೆ ತೆರೆಯುವುದೇ ಅಸಾಧ್ಯ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 11:52 am, Mon, 13 March 23