ಐದು ವರ್ಷದೊಳಗೆ ಪಿಎಫ್ ಹಣ ಹಿಂಪಡೆದರೆ ತೆರಿಗೆ ಕಡಿತ; ಈ ಇಪಿಎಫ್ ನಿಯಮಗಳು ತಿಳಿದಿರಲಿ

ಉದ್ಯೋಗಿಗಳ ನಿವೃತ್ತಿಕಾಲದ ಭದ್ರಗೆಗಾಗಿ ಸರ್ಕಾರ ರೂಪಿಸಿದ ಕೆಲ ಪ್ರಮುಖ ಸ್ಕೀಮ್​ಗಳಲ್ಲಿ ಇಪಿಎಫ್ ಒಂದು. ಇದು ಕೇವಲ ಸರ್ಕಾರಿ ಉದ್ಯೋಗಿಗಳಷ್ಟೇ ಅಲ್ಲ ಖಾಸಗಿ ವಲಯದ ಉದ್ಯೋಗಿಗಳಿಗೂ ಲಭ್ಯ ಇರುವ ಯೋಜನೆ. ಎಲ್ಲಾ ಖಾಸಗಿ ಸಂಸ್ಥೆ ಉದ್ಯೋಗಿಗಳಿಗೂ ಕೆಲಸಕ್ಕೆ ಸೇರುವಾಗ ಅವರ ಹೆಸರಿನಲ್ಲಿ ಇಪಿಎಫ್ ಖಾತೆ (EPF- employee provident fund) ತೆರೆಯಲಾಗುತ್ತದೆ. ಮೂಲ ವೇತನದ ಶೇ. 12ರಷ್ಟು ಹಣವನ್ನು ಕಡಿತಗೊಳಿಸಿ ಈ ಖಾತೆಗೆ ವರ್ಗಾವಣೆ ಮಾಡಲಾಗುತ್ತದೆ. ಕಂಪನಿ ಕೂಡ ಇಷ್ಟೇ ಮೊತ್ತವನ್ನು ಖಾತೆಗೆ ತುಂಬಿಸುತ್ತದೆ. ಸರ್ಕಾರ ಪ್ರತೀ ವರ್ಷ ಈ ಖಾತೆಯಲ್ಲಿರುವ ಮೊತ್ತಕ್ಕೆ ಬಡ್ಡಿ ಸೇರಿಸಿ ಕೊಡುತ್ತದೆ. ಸದ್ಯ ಇಪಿಎಫ್​ಗೆ ಶೇ. 8.15ರಷ್ಟು ಬಡ್ಡಿ ನೀಡಲಾಗುತ್ತಿದೆ.

ನಿವೃತ್ತಿಕಾಲಕ್ಕೆ ಭದ್ರತೆಗೆಂದು ಇಪಿಎಫ್ ಸ್ಕೀಮ್ ನಡೆಸಲಾಗುತ್ತಿದೆಯಾದರೂ ಉದ್ಯೋಗಿಗೆ ಮಧ್ಯದಲ್ಲಿ ತುರ್ತು ಸಂದರ್ಭಕ್ಕೆ ಹಣದ ಅವಶ್ಯಕತೆ ಎದುರಾದಾಗ ಮಾತ್ರ ಇಪಿಎಫ್ ಖಾತೆಯಲ್ಲಿರುವ ಒಂದಷ್ಟು ಭಾಗದ ಹಣವನ್ನು ಹಿಂಪಡೆಯಲು ಅವಕಾಶ ಇರುತ್ತದೆ.

ಇದನ್ನೂ ಓದಿ: Home Loan Tricks: ಗೃಹಸಾಲ ಕಟ್ಟಿಕಟ್ಟಿ ಸಾಕಾಗಿದೆಯಾ? ಹೋಲ್ ಲೋನ್ ಬೇಗ ತೀರಿಸುವ ಟ್ರಿಕ್ಸ್ ಇಲ್ಲಿದೆ

ಇಪಿಎಫ್ ಹಿಂಪಡೆಯುವ ನಿಯಮಗಳು ಇಂತಿವೆ:

• ಇಪಿಎಫ್​ಒ ರೂಪಿಸಿರುವ ನಿಯಮಗಳ ಪ್ರಕಾರ ಉದ್ಯೋಗಿ ನಿವೃತ್ತಿ ಹೊಂದಿದ ಬಳಿಕ ಪಿಎಫ್ ಹಣ ಹಿಂಪಡೆಯಬೇಕು. ಈ ನಿವೃತ್ತಿ ವಯಸ್ಸು 55 ವರ್ಷ ಎಂದು ನಿಗದಿ ಮಾಡಲಾಗಿದೆ.
• ನಿವೃತ್ತಿಗೆ ಒಂದು ವರ್ಷ ಮುನ್ನ, ಅಂದರೆ 54ನೇ ವಯಸ್ಸಿನಲ್ಲಿ ಶೇ. 90ರಷ್ಟು ಪಿಎಫ್ ಮೊತ್ತವನ್ನು ವಿತ್​ಡ್ರಾ ಮಾಡಬಹುದು.
• ಉದ್ಯೋಗ ಕಳೆದುಕೊಂಡಾಗ, ಒಂದು ತಿಂಗಳ ಬಳಿಕ ಶೇ. 75ರಷ್ಟು ಪಿಎಫ್ ಹಣ ಹಿಂಪಡೆಯಬಹುದು. ಎರಡು ತಿಂಗಳ ಬಳಿಕ ಇಡೀ ಪಿಎಫ್ ಮೊತ್ತವನ್ನು ಬೇಕಾದರೆ ಪಡೆಯಬಹುದು.
• ಅನಾರೋಗ್ಯ ಇತ್ಯಾದಿ ತುರ್ತು ಸಂದರ್ಭಗಳು ಬಂದಾಗಲೂ ಉದ್ಯೋಗಿ ತನ್ನ ಪಿಎಫ್ ಖಾತೆಯಿಂದ ಅಡ್ವಾನ್ಸ್ ರೂಪದಲ್ಲಿ ಹಣ ಹಿಂಪಡೆಯಬಹುದು.

ಇದನ್ನೂ ಓದಿ: ಪಬ್ಲಿಕ್ ಪ್ರಾವಿಡೆಂಟ್ ಫಂಡ್, ವಾಲಂಟರಿ ಪ್ರಾವಿಡೆಂಟ್ ಫಂಡ್, ನ್ಯಾಷನಲ್ ಪೆನ್ಷನ್ ಸಿಸ್ಟಂ; ಇವುಗಳಲ್ಲಿ ಯಾವುದರಲ್ಲಿ ಹೂಡಿಕೆ ಉತ್ತಮ?

ಇಪಿಎಫ್ ಹಣಕ್ಕೆ ಮತ್ತು ಅದನ್ನು ಹಿಂಪಡೆಯುವುದಕ್ಕೆ ತೆರಿಗೆ ಅನ್ವಯ ಆಗುತ್ತದಾ?

• ಇಪಿಎಫ್ ಖಾತೆಗೆ ಕಂಪನಿ ವತಿಯಿಂದ ತುಂಬಿಸಲಾಗುವ ಹಣ ಮತ್ತು ಅದರ ಮೇಲಿನ ಬಡ್ಡಿಗೆ ತೆರಿಗೆ ಅನ್ವಯ ಆಗುತ್ತದೆ.
• ಇಪಿಎಫ್ ಖಾತೆಗೆ ಉದ್ಯೋಗಿಯ ಸಂಬಳದಿಂದ ಕಡಿತ ಆಗುವ ಹಣಕ್ಕೂ ತೆರಿಗೆ ಅನ್ವಯ ಆಗುತ್ತದೆ.
• ಐದು ವರ್ಷ ಸೇವೆಗಿಂತ ಮುನ್ನವೇ ಇಪಿಎಫ್ ಖಾತೆಯಿಂದ 50,000ಕ್ಕೂ ಹೆಚ್ಚು ಹಣವನ್ನು ವಿತ್​ಡ್ರಾ ಮಾಡಿದರೆ ಆ ಮೊತ್ತಕ್ಕೆ ಟಿಡಿಎಸ್ ಕಡಿತ ಆಗುತ್ತದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ