ಎಸ್​ಬಿಐ ವೆಬ್​​ಸೈಟ್, ಮೊಬೈಲ್ ಆ್ಯಪ್ ಮೂಲಕ ಜೀವನ ಪ್ರಮಾಣಪತ್ರ ಸಲ್ಲಿಸುವುದು ಹೇಗೆ? ಇಲ್ಲಿದೆ ಸರಳ ವಿಧಾನ

ಜೀವನ ಪ್ರಮಾಣಪತ್ರ ಸಲ್ಲಿಕೆಯನ್ನು ಮತ್ತಷ್ಟು ಸರಳಗೊಳಿಸುವ ನಿಟ್ಟಿನಲ್ಲಿ ಭಾರತೀಯ ಸ್ಟೇಟ್ ಬ್ಯಾಂಕ್ (State Bank of India) ಹೊಸ ವಿಡಿಯೋ ಜೀವನ ಪ್ರಮಾಣಪತ್ರ (Video Life Certificate / VLC) ಸೇವೆಯನ್ನು ಆರಂಭಿಸಿದೆ. ಎಸ್​ಬಿಐ ಅಧಿಕಾರಿಗೆ ವಿಡಿಯೋ ಕರೆ ಮಾಡುವ ಮೂಲಕ ಪಿಂಚಣಿದಾರರು ಇನ್ನು ಜೀವನ ಪ್ರಮಾಣಪತ್ರ ಸಲ್ಲಿಸಬಹುದು. ಕೇಂದ್ರ ಸರ್ಕಾರದ ಪಿಂಚಣಿ ಪಡೆಯುವವರು ಪಿಂಚಣಿ ವಿತರಣಾ ಸಂಸ್ಥೆಗೆ (PDA) ಪ್ರತಿ ವರ್ಷ ಜೀವನ ಪ್ರಮಾಣಪತ್ರ ಸಲ್ಲಿಸುವುದು ಅಗತ್ಯ. ಎಸ್​ಬಿಐನ ಹೊಸ ಸೇವೆಯು ವೆಬ್​ಸೈಟ್ ಅಥವಾ ಮೊಬೈಲ್ ಆ್ಯಪ್ ಮೂಲಕ ವಿಡಿಯೋ ಕರೆ ಮಾಡಿ ಜೀವನ ಪ್ರಮಾಣಪತ್ರ ಸಲ್ಲಿಸಲು ಅವಕಾಶ ಕಲ್ಪಿಸುತ್ತದೆ. ಈ ಸೇವೆಯನ್ನು ಒದಗಿಸಲು ಆರಂಭಿಸಿರುವ ಬಗ್ಗೆ ಇತ್ತೀಚೆಗಷ್ಟೇ ಎಸ್​ಬಿಐ ಟ್ವೀಟ್ ಮೂಲಕ ಗ್ರಾಹಕರಿಗೆ ಸಂದೇಶ ರವಾನಿಸಿತ್ತು.

Video Life Certificates with an ease. Now even family pensioners can avail the services via the SBI Pension Seva Mobile App or website.Visit https://t.co/Mor15ERNpf to know more.#SBI #AmritMahotsav #PensionSeva #VideoLifeCertificate pic.twitter.com/p0gvlK7GP1

ಇದನ್ನೂ ಓದಿ

ಎಚ್​ಡಿಎಫ್​ಸಿ, ಐಸಿಐಸಿಐ, ಎಸ್​ಬಿಐ, ಆ್ಯಕ್ಸಿಸ್; ಎಫ್​ಡಿಗೆ ಹೆಚ್ಚು ಬಡ್ಡಿ ನೀಡುವ ಬ್ಯಾಂಕ್ ಬಗ್ಗೆ ಇಲ್ಲಿದೆ ವಿವರ

RD Account: ಆರ್​ಡಿ ಉಳಿತಾಯ ಖಾತೆ ತೆರೆಯುವ ಮುನ್ನ ಈ ವಿಷಯಗಳನ್ನು ತಿಳಿದಿರಿ

ಆನ್​ಲೈನ್ ಹಣಕಾಸು ವಂಚನೆಗಳಿಂದ ರಕ್ಷಣೆಗೆ ಈ ವಿಚಾರಗಳನ್ನು ಗಮನಿಸಿ

ಮನೆ ತೆರಿಗೆಯಲ್ಲಿ ಎಷ್ಟು ವಿಧಗಳಿವೆ?

— State Bank of India (@TheOfficialSBI) November 7, 2022

ವೆಬ್​ಸೈಟ್ ಅಥವಾ ಮೊಬೈಲ್ ಆ್ಯಪ್ ಮೂಲಕ ವಿಡಿಯೋ ಕರೆ ಮಾಡಿ ಜೀವನ ಪ್ರಮಾಣಪತ್ರ ಸಲ್ಲಿಸುವ ವಿಧಾನದ ಹಂತಗಳನ್ನು ಇಲ್ಲಿ ನೀಡಲಾಗಿದೆ.

ಹಂತ 1: ಎಸ್​ಬಿಐನ ಅಧಿಕೃತ ವೆಬ್​ಸೈಟ್​ ಓಪನ್ ಮಾಡಿ ಅಥವಾ ಪೆನ್ಶನ್ ಸೇವಾ ಮೊಬೈಲ್ ಅಪ್ಲಿಕೇಷನ್ ಡೌನ್​ಲೋಡ್ ಮಾಡಿ

ಹಂತ 2: ವೆಬ್​ಸೈಟ್​ನಲ್ಲಿ ಮೇಲ್ಭಾಗದಲ್ಲಿರುವ ‘VideoLC’ ಎಂಬ ಲಿಂಕ್ ಅನ್ನು ಕ್ಲಿಕ್ ಮಾಡಿ. ಮೊಬೈಲ್ ಆ್ಯಪ್​ನಲ್ಲಿ ‘Video Life Certificate’ ಆಯ್ಕೆಯನ್ನು ಸೆಲೆಕ್ಟ್ ಮಾಡಿ

ಹಂತ 3: ನೀವು ಪಿಂಚಣಿ ಸ್ವೀಕರಿಸುವ ಖಾತೆ ಸಂಖ್ಯೆಯನ್ನು ನಮೂದಿಸಿ. ಕ್ಯಾಪ್ಚಾ ನಮೂದಿಸಿ ನಿಮ್ಮ ಆಧಾರ್ ವಿವರಗಳನ್ನು ದೃಢೀಕರಿಸಲು ಬಾಕ್ಸ್​ ಮೇಲೆ ಚೆಕ್ ಮಾಡಿ

ಹಂತ 4: ‘Validate Account’ ಬಟನ್ ಅನ್ನು ಕ್ಲಿಕ್ ಮಾಡಿ. ಬಳಿಕ ಆಧಾರ್ ಜೋಡಣೆಯಾಗಿರುವ ಮೊಬೈಲ್ ಸಂಖ್ಯೆಗೆ ಒಟಿಪಿ ಬರುತ್ತದೆ

ಹಂತ 5: ಸಂಬಂಧಪಟ್ಟ ಪ್ರಮಾಣಪತ್ರಗಳನ್ನು ಸಲ್ಲಿಸಿ ಮುಂದುವರಿಯಲು ಕ್ಲಿಕ್ ಮಾಡಿ

ಹಂತ 6: ಹೊಸ ಪುಟದಲ್ಲಿ ನಿಮ್ಮ ಅನುಕೂಲಕ್ಕೆ ತಕ್ಕಂತೆ ವೀಡಿಯೊ ಕರೆಗಾಗಿ ಅಪಾಯಿಂಟ್‌ಮೆಂಟ್ ನಿಗದಿಪಡಿಸಲು ಸೂಚನೆಗಳನ್ನು ಅನುಸರಿಸಿ. ಎಸ್​ಎಂಎಸ್ ಹಾಗೂ ಇ-ಮೇಲ್ ಮೂಲಕ ದೃಢೀಕರಣ ಸಂದೇಶ ಬರಲಿದೆ.

ಹಂತ 7: ವಿಡಿಯೊ ಕರೆಗೆ ಜಾಯಿನ್ ಆಗಿ

ಹಂತ 8: ವಿಡಿಯೊ ಕರೆಯಲ್ಲಿ ನೀವು ಬ್ಯಾಂಕ್ ಅಧಿಕಾರಿಯ ಎದುರು ವೆರಿಫಿಕೇಷನ್ ಕೋಡ್ ಅನ್ನು ಓದಬೇಕಾಗುತ್ತದೆ. ಜತೆಗೆ ಪಾನ್ ಕಾರ್ಡ್ ಅನ್ನು ತೋರಿಸಬೇಕಾಗುತ್ತದೆ

ಹಂತ 9: ದೃಢೀಕರಣ ಪ್ರಕ್ರಿಯೆ ಮುಗಿದ ಬಳಿಕ ಕ್ಯಾಮೆರಾವನ್ನು ಸ್ಥಿರವಾಹಿ ಹಿಡಿದುಕೊಳ್ಳಿ. ಬ್ಯಾಂಕ್ ಅಧಿಕಾರಿಯು ನಿಮ್ಮ ಮುಖದ ಚಿತ್ರವನ್ನು ಸೆರೆಹಿಡಿಯುತ್ತಾರೆ

ಹಂತ 10: ವಿಡಿಯೋ ಕರೆ ಅವಧಿ ಮುಕ್ತಾಯಗೊಂಡ ಬಗ್ಗೆ ನಿಮಗೆ ಸಂದೇಶ ಬರುತ್ತದೆ. ವಿಡಿಯೊ ಜೀವನ ಪ್ರಮಾಣಪತ್ರ ಸಲ್ಲಿಕೆ ಪ್ರಕ್ರಿಯೆ ಪೂರ್ತಿಗೊಂಡ ಬಗ್ಗೆ ಪಿಂಚಣಿದಾರರಿಗೆ ಎಸ್​ಎಂಎಸ್ ಸಂದೇಶ ಬರುತ್ತದೆ.

ಇನ್ನಷ್ಟು ವಾಣಿಜ್ಯ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ