RD Account: ಆರ್ಡಿ ಉಳಿತಾಯ ಖಾತೆ ತೆರೆಯುವ ಮುನ್ನ ಈ ವಿಷಯಗಳನ್ನು ತಿಳಿದಿರಿ

ಈ ಮಾದರಿಯ ಹೂಡಿಕೆ ಅಥವಾ ಠೇವಣಿ ಯೋಜನೆಯಲ್ಲಿ ಕನಿಷ್ಠ ಮೊತ್ತ ಬ್ಯಾಂಕ್ನಿಂದ ಬ್ಯಾಂಕ್ಗೆ ವ್ಯತ್ಯಾಸ ಇರುತ್ತದೆ. ಸಾಮಾನ್ಯವಾಗಿ ಕನಿಷ್ಠ 1,000 ರೂ.ನಿಂದ ಹೂಡಿಕೆ ಮಾಡಬಹುದಾಗಿದೆ. ಆರ್ಡಿ ಯೋಜನೆಯ ಇತರ ಪ್ರಮುಖ ಲಕ್ಷಣಗಳು ಇಲ್ಲಿವೆ.

ಸಾಂದರ್ಭಿಕ ಚಿತ್ರ

TV9 Web | Updated By: Ganapathi Sharma
Updated on: Nov 11, 2022 | 12:53 PM

ಆರ್ಡಿ ಎಂದೇ ಪ್ರಸಿದ್ಧವಾಗಿರುವ ರಿಕರಿಂಗ್ ಡೆಪಾಸಿಟ್ (Recurring Deposit) ಸಮಂಜಸ ಗಳಿಕೆಯ ನಿರೀಕ್ಷೆಯೊಂದಿಗೆ ನಿರ್ದಿಷ್ಟ ಅವಧಿಗೆ ಮಾಡುವ ಹೂಡಿಕೆಯಾಗಿದೆ. ಈ ವಿಧಾನದಲ್ಲಿ ಮೆಚ್ಯೂರಿಟಿ ಅವಧಿಯ ವರೆಗೆ ನಿರ್ದಿಷ್ಟ ಮೊತ್ತವನ್ನು ಹೂಡಿಕೆ (investment) ಮಾಡುತ್ತಿದ್ದು, ನಂತರ ಬಡ್ಡಿ ಸಮೇತ ಮೊತ್ತವನ್ನು ಹಿಂಪಡೆಯಬಹುದಾಗಿದೆ. ಆರ್ಡಿಯು ನಿಯಮಿತವಾಗಿ ಉಳಿತಾಯ ಮಾಡುವಂತೆ ಜನರನ್ನು ಪ್ರೇರೇಪಿಸುತ್ತದೆ. ಈ ಮಾದರಿಯ ಹೂಡಿಕೆ ಅಥವಾ ಠೇವಣಿ ಯೋಜನೆಯಲ್ಲಿ ಕನಿಷ್ಠ ಮೊತ್ತ ಬ್ಯಾಂಕ್ನಿಂದ ಬ್ಯಾಂಕ್ಗೆ ವ್ಯತ್ಯಾಸ ಇರುತ್ತದೆ. ಸಾಮಾನ್ಯವಾಗಿ ಕನಿಷ್ಠ 1,000 ರೂ.ನಿಂದ ಹೂಡಿಕೆ ಮಾಡಬಹುದಾಗಿದೆ. ಆರ್ಡಿ ಯೋಜನೆಯ ಇತರ ಪ್ರಮುಖ ಲಕ್ಷಣಗಳು ಇಲ್ಲಿವೆ.

ಕನಿಷ್ಠ ಆರು ತಿಂಗಳುಗಳಿಂದ ಗರಿಷ್ಠ 10 ವರ್ಷಗಳ ವರೆಗೆ ಠೇವಣಿ ಇಡಬಹುದಾಗಿದೆ.
ಸ್ಥಿರ ಠೇವಣಿ (ಎಫ್ಡಿ) ಮಾದರಿಯಲ್ಲೇ ಆರ್ಡಿಗೂ ಬಡ್ಡಿ ದರ ನಿಗದಿಪಡಿಸಲಾಗುತ್ತದೆ.
ಅವಧಿಪೂರ್ವ ಹಿಂಪಡೆಯುವಿಕೆ ನಿರ್ಬಂಧಿಸಲಾಗಿದೆ. ಕೆಲವೊಂದು ಷರತ್ತುಗಳೊಂದಿಗೆ ಅವಧಿಪೂರ್ವ ಹಿಂಪಡೆಯುವ ಅವಕಾಶಗಳು ಇರುತ್ತವೆ. ಆದರೆ ಮೆಚ್ಯೂರಿಟಿ ವೇಳೆ ದೊರೆಯುವ ಎಲ್ಲ ಪ್ರಯೋಜನಗಳು ಇದರಿಂದ ದೊರೆಯಲಾರವು.

ಆರ್ಡಿ ಠೇವಣಿ ಹೊಂದಲು ಅರ್ಹತೆಗಳೇನು?

ಯಾರು ಬೇಕಾದರೂ ಆರ್ಡಿ ಖಾತೆ ತೆರೆಯಬಹುದು
10 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರೂ ಗುರುತಿನ ದೃಢೀಕರಣ ಒದಗಿಸಿದರೆ ಠೇವಣಿ ಖಾತೆ ತೆರೆಯಬಹುದು.

ಯಾವೆಲ್ಲ ದಾಖಲೆಗಳು ಬೇಕಾಗುತ್ತವೆ?

ಇದನ್ನೂ ಓದಿ

ಯಾವ ಬ್ಯಾಂಕ್ನಲ್ಲಿ ಆರ್ಡಿ ಖಾತೆ ತೆರೆಯಲು ಉದ್ದೇಶಿಸಿದ್ದೀರೋ ಆ ಬ್ಯಾಂಕ್ನ ಅರ್ಜಿ
ಪಾಸ್ಪೋರ್ಟ್ ಸೈಜ್ನ ಫೋಟೊ
ಗುರುತಿನ ದಾಖಲೆಗಳು ಮತ್ತು ವಿಳಾಸ ದೃಢೀಕರಣ ದಾಖಲೆಗಳು
ಬ್ಯಾಂಕ್ ಬಯಸಿದಲಿ ಕೆವೈಸಿ ದಾಖಲೆಗಳನ್ನೂ ನೀಡಬೇಕಾಗುತ್ತದೆ.

ಆನ್ಲೈನ್ನಲ್ಲಿ ಆರ್ಡಿ ಖಾತೆ ತೆರೆಯುವುದು ಹೇಗೆ?

ನೆಟ್ ಬ್ಯಾಂಕಿಂಗ್ಗೆ ಲಾಗಿನ್ ಆಗಿ
ಆರ್ಡಿ ಖಾತೆ ತೆರೆಯುವುದಕ್ಕೆ ಸಂಬಂಧಿಸಿದ ಆಯ್ಕೆಯನ್ನು ಕ್ಲಿಕ್ ಮಾಡಿ
ಅವಧಿ ಮತ್ತು ಕಂತಿನ ಮೊತ್ತದ ವಿವರಗಳನ್ನು ಭರ್ತಿ ಮಾಡಿ
ಬಳಿಕ ನಿಮ್ಮ ಉಳಿತಾಯ ಖಾತೆಯನ್ನು ಆರ್ಡಿ ಖಾತೆ ಜತೆ ಲಿಂಕ್ ಮಾಡುವ ಆಯ್ಕೆಯನ್ನು ಕ್ಲಿಕ್ ಮಾಡಿ

ಆಫ್ಲೈನ್ನಲ್ಲಿ ಆರ್ಡಿ ಖಾತೆ ತೆರೆಯುವುದು ಹೇಗೆ?

ಸಮೀಪದ ಬ್ಯಾಂಕ್ ಶಾಖೆಗೆ ಭೇಟಿ ನೀಡಿ
ಆರ್ಡಿ ಖಾತೆ ತೆರೆಯುವುದಕ್ಕೆ ಸಂಬಂಧಿಸಿದ ಅರ್ಜಿಯನ್ನು ಭರ್ತಿ ಮಾಡಿ
ಕಂತಿನ ಹಣವನ್ನು ಪಾವತಿ ಮಾಡಲು ಚೆಕ್ ನೀಡುವ ಮೂಲಕ ದೃಢೀಕರಿಸಿ
ಅಗತ್ಯವಿದ್ದಲ್ಲಿ ಕೆವೈಸಿ ವಿವರ, ದಾಖಲೆಗಳನ್ನು ಸಲ್ಲಿಸಿ

ಅವಧಿಪೂರ್ವ ಹಿಂಪಡೆಯಲು ಇದೆಯೇ?

ಬ್ಯಾಂಕ್ಗಳು ಆರ್ಡಿಯ ಅವಧಿಪೂರ್ವ ಹಿಂಪಡೆಯುವಿಕೆಗೆ ಬಡ್ಡಿಯ ಶೇಕಡಾ 1.00ರ ವರೆಗೆ ಶುಲ್ಕ ವಿಧಿಸುತ್ತವೆ
ಬಡ್ಡಿ ದರ ಬ್ಯಾಂಕ್ನಿಂದ ಬ್ಯಾಂಕ್ಗೆ ವ್ಯತ್ಯಾಸ ಇರಬಹುದು
ಅವಧಿಗೂ ಮುನ್ನ ಹಿಂಪಡೆಯುವಾಗ ಠೇವಣಿ ಇಡುವ ಸಂದರ್ಭದಲ್ಲಿ ಭರವಸೆ ನೀಡಿದ್ದ ಪ್ರಮಾಣದಲ್ಲಿ ಬಡ್ಡಿ ದೊರೆಯಲಾರದು. ಬಡ್ಡಿ ದರವನ್ನು ಬ್ಯಾಂಕ್ಗಳು ಶೇಕಡಾ 1ರಿಂದ 2ರಷ್ಟು ಕಡಿತ ಮಾಡುವ ಸಾಧ್ಯತೆ ಇದೆ
ಆರ್ಡಿಗೆ ಕನಿಷ್ಠ ಲಾಕ್ ಇನ್ ಅವಧಿ ಮೂರು ತಿಂಗಳುಗಳಾಗಿವೆ. ಈ ಅವಧಿಗೂ ಮೊದಲೇ ಹಿಂಪಡೆಯುವುದಾದರೆ ಬಡ್ಡಿ ದೊರೆಯಲಾರದು. ಠೇವಣಿ ಇಟ್ಟ ಮೊತ್ತ ಮಾತ್ರ ವಾಪಸ್ ದೊರೆಯಬಹುದು.

ವೈಯಕ್ತಿಕ ಹಣಕಾಸಿಗೆ ಸಂಬಂಧಿಸಿದ ಇನ್ನಷ್ಟು ಮಾಹಿತಿಗೆ ಇಲ್ಲಿ ಕ್ಲಿಕ್ ಮಾಡಿ

LIVETV

ನಮ್ಮ ಚಾನಲ್ ಫಾಲೋ ಮಾಡಿ