ಭಾರತದಲ್ಲಿ ಎಲ್ಐಸಿ ಏಜೆಂಟ್ಗಳು ತಿಂಗಳಿಗೆ ಎಷ್ಟು ದುಡಿಯುತ್ತಾರೆ? ಏಜೆಂಟ್ಗಳಾಗುವುದು ಹೇಗೆ?
LIC agents earnings in Karnataka and India: ಭಾರತೀಯ ಜೀವ ವಿಮಾ ನಿಗಮ ದೇಶದ ಅತಿದೊಡ್ಡ ಇನ್ಷೂರೆನ್ಸ್ ಸಂಸ್ಥೆ. ಸರ್ಕಾರಿ ಸ್ವಾಮ್ಯದ ಈ ಸಂಸ್ಥೆಯಲ್ಲಿ 14 ಲಕ್ಷ ಇನ್ಷೂರೆನ್ಸ್ ಏಜೆಂಟ್ಗಳ ಬಳಗ ಇದೆ. ಸರಾಸರಿಯಾಗಿ 13,000 ರೂನಷ್ಟು ದುಡಿಮೆ ಮಾಡುತ್ತಾರೆ ಈ ಏಜೆಂಟ್ಗಳು. ಕರ್ನಾಟಕದಲ್ಲಿ ಇರುವ 81 ಸಾವಿರ ಏಜೆಂಟ್ಗಳ ಸರಾಸರಿ ಗಳಿಕೆ 13,265 ರೂ ಎನ್ನಲಾಗಿದೆ.
Updated on: Aug 18, 2024 | 4:28 PM
ನವದೆಹಲಿ, ಆಗಸ್ಟ್ 18: ಭಾರತದ ಅತಿದೊಡ್ಡ ವಿಮಾ ಸಂಸ್ಥೆಯಾದ ಲೈಫ್ ಇನ್ಷೂರೆನ್ಸ್ ಕಾರ್ಪೊರೇಶನ್ ಅತಿದೊಡ್ಡ ಏಜೆಂಟ್ಗಳ ಬಳಗ ಹೊಂದಿದೆ. ಎಲ್ಐಸಿ ಇನ್ಷೂರೆನ್ಸ್ ಏಜೆಂಟ್ಗಳ ಸಂಖ್ಯೆ ದೇಶಾದ್ಯಂತ ಸುಮಾರು 14 ಲಕ್ಷ ಇದೆ. ಉದ್ಯೋಗಿಗಳನ್ನು ಸೇರಿಸಿದರೆ ಸಂಖ್ಯೆ ಇನ್ನೂ ಹೆಚ್ಚಾಗುತ್ತದೆ. ಅತಿಹೆಚ್ಚು ಮಂದಿಗೆ ಕೆಲಸ ಕೊಟ್ಟಿರುವ ಸಂಸ್ಥೆಗಳಲ್ಲಿ ಎಲ್ಐಸಿ ಒಂದು. ಇಲ್ಲಿ ಎಲ್ಐಸಿ ಏಜೆಂಟ್ಗಳಿಗೆ ನಿಶ್ಚಿತ ಸಂಬಳ ಎಂಬುದು ಇರುವುದಿಲ್ಲ. ಪ್ರತೀ ಏಜೆಂಟ್ಗಳೂ ಕೂಡ ಕಮಿಷನ್ ಆಧಾರದ ಮೇಲೆ ಆದಾಯ ಗಳಿಸುತ್ತಾರೆ. ಕರ್ನಾಟಕದಲ್ಲಿ ಒಟ್ಟು 81,674 ಎಲ್ಐಸಿ ಏಜೆಂಟ್ಗಳು ಇದ್ದು, ಇವರು ಗಳಿಸುವ ಆದಾಯ ತಿಂಗಳಿಗೆ ಸರಾಸರಿಯಾಗಿ 13,265 ರೂ ಎನ್ನಲಾಗಿದೆ.
ಅಂಡಮಾನ್ ಮತ್ತು ನಿಕೋಬಾರ್ ಐಲ್ಯಾಂಡ್ನಲ್ಲಿ ಎಲ್ಐಸಿ ಏಜೆಂಟ್ ತಿಂಗಳಿಗೆ 20,446 ರೂ ಗಳಿಸುತ್ತಾರೆ. ಇದು ದೇಶದಲ್ಲೇ ಗರಿಷ್ಠ. ಹಿಮಾಚಲಪ್ರದೇಶದಲ್ಲಿ ಪ್ರತೀ ಏಜೆಂಟ್ನ ಸರಾಸರಿ ಗಳಿಕೆ 10,328 ರೂ. ಇದು ಕನಿಷ್ಠ.
ಉತ್ತರಪ್ರದೇಶದಲ್ಲಿ ಅತಿಹೆಚ್ಚು ಎಲ್ಐಸಿ ಏಜೆಂಟ್ಗಳಿದ್ದಾರೆ. 1.84 ಎಲ್ಐಸಿ ಏಜೆಂಟ್ಗಳ ಸರಾಸರಿ ಮಾಸಿಕ ಗಳಿಕೆ 11,887 ರೂ. ಇನ್ನು, ಮಹಾರಾಷ್ಟ್ರದಲ್ಲಿ ಇರುವ 1.61 ಲಕ್ಷ ಏಜೆಂಟ್ಗಳು ತಿಂಗಳಿಗೆ 14,931 ರೂ ದುಡಿಯುತ್ತಾರೆ. ಪಶ್ಚಿಮ ಬಂಗಾಳದಲ್ಲಿ ಇರುವ 1.20 ಲಕ್ಷ ಎಲ್ಐಸಿ ಏಜೆಂಟ್ಗಳ ಸರಾಸರಿ ಗಳಿಕೆ 13,512 ರೂ.
ಇದನ್ನೂ ಓದಿ: ರಾಮನಗರದ ಬಿಡದಿಯಲ್ಲಿ ಟೊಯೋಟೆಟ್ಸು ಕಂಪನಿಯಿಂದ ಹೊಸ ಘಟಕ; 450 ಕೋಟಿ ರೂ ಹೂಡಿಕೆ
ರಾಜ್ಯವಾರು ಎಲ್ಐಸಿ ಏಜೆಂಟ್ಗಳ ಸಂಖ್ಯೆ ಮತ್ತು ಸರಾಸರಿ ಗಳಿಕೆ (ತಿಂಗಳಿಗೆ)
- ಉತ್ತರಪ್ರದೇಶ: 1.84 ಲಕ್ಷ ಏಜೆಂಟ್ಗಳ ಸರಾಸರಿ ಗಳಿಕೆ 11,887 ರೂ.
- ಮಹಾರಾಷ್ಟ್ರ: 1.61 ಲಕ್ಷ ಏಜೆಂಟ್ಗಳ ಸರಾಸರಿ ಗಳಿಕೆ 14,931 ರೂ
- ಪಶ್ಚಿಮ ಬಂಗಾಳ: 1.20 ಲಕ್ಷ ಏಜೆಂಟ್ಗಳ ಸರಾಸರಿ ಗಳಿಕೆ 13,512 ರೂ
- ತಮಿಳುನಾಡು: 87,347 ಏಜೆಂಟ್ಗಳ ಸರಾಸರಿ ಗಳಿಕೆ 13,444 ರೂ
- ಕರ್ನಾಟಕ: 81,674 ಏಜೆಂಟ್ಗಳ ಸರಾಸರಿ ಗಳಿಕೆ 13,265 ರೂ
- ರಾಜಸ್ಥಾನ: 75,310 ಏಜೆಂಟ್ಗಳ ಸರಾಸರಿ ಗಳಿಕೆ 13,960 ರೂ
- ಮಧ್ಯಪ್ರದೇಶ: 63,779 ಏಜೆಂಟ್ಗಳ ಸರಾಸರಿ ಗಳಿಕೆ 11,647 ರೂ.
- ದೆಹಲಿ: 40,469 ಏಜೆಂಟ್ಗಳ ಸರಾಸರಿ ಗಳಿಕೆ 15,169 ರೂ
- ಹಿಮಾಚಲಪ್ರದೇಶ: 12,731 ಏಜೆಂಟ್ಗಳ ಸರಾಸರಿ ಗಳಿಕೆ 10,328 ರೂ
- ಅಂಡಮಾನ್ ಮತ್ತು ನಿಕೋಬಾರ್: 273 ಏಜೆಂಟ್ಗಳ ಸರಾಸರಿ ಗಳಿಕೆ 20,446 ರೂ.
ಎಲ್ಐಸಿ ಏಜೆಂಟ್ ಆಗುವುದು ಹೇಗೆ?
ಎಲ್ಐಸಿಯಲ್ಲಿ ಏಜೆಂಟ್ ಆಗಿ ಕೆಲಸ ಮಾಡುವವರು ಕನಿಷ್ಠ ದ್ವಿತೀಯ ಪಿಯುಸಿ ಓದಿರಬೇಕು. ಐಆರ್ಡಿಎಐ ಪ್ರತೀ ವರ್ಷ ನಡೆಸುವ ಪರೀಕ್ಷೆಯಲ್ಲಿ ತೇರ್ಗಡೆ ಆಗಿರಬೇಕು. ನಿಮ್ಮ ಸ್ಥಳದ ಸಮೀಪ ಇರುವ ಎಲ್ಐಸಿ ಕಚೇರಿಯಲ್ಲಿ ಏಜೆಂಟ್ ಆಗಿ ಸೇರಲು ಅಲ್ಲಿನ ಬ್ರ್ಯಾಂಚ್ ಮ್ಯಾನೇಜರ್ ಅವರನ್ನು ಸಂಪರ್ಕಿಸಿ ವಿಚಾರಿಸಬಬಹುದು. ಇಂಟರ್ವ್ಯೂನಲ್ಲಿ ನೀವು ಏಜೆಂಟ್ ಆಗಿ ಆಯ್ಕೆಯಾದ ಬಳಿಕ ನಾಲ್ಕು ದಿನಗಳ ತರಬೇತಿ ಇರುತ್ತದೆ.
ಇದನ್ನೂ ಓದಿ: ರಾಮನಗರದ ಬಿಡದಿಯಲ್ಲಿ ಟೊಯೋಟೆಟ್ಸು ಕಂಪನಿಯಿಂದ ಹೊಸ ಘಟಕ; 450 ಕೋಟಿ ರೂ ಹೂಡಿಕೆ
ಎಲ್ಐಸಿ ಏಜೆಂಟ್ಗೆ ನಿರ್ದಿಷ್ಟ ಸಂಬಳ ಇರುವುದಿಲ್ಲ. ವರ್ಷಕ್ಕೆ ಇಷ್ಟು ಬಿಸಿನೆಸ್ ತರಬೇಕಾಗುತ್ತದೆ. ನೀವು ಮಾಡಿಸುವ ಎಲ್ಐಸಿ ಪಾಲಿಸಿಗಳ ಪ್ರೀಮಿಯಮ್ಗಳಿಂದ ನಿಮಗೆ ಕಮಿಷನ್ ಸಿಗುತ್ತದೆ. ಎರಡನೇ ಮತ್ತು ಮೂರನೇ ವರ್ಷದ ಪ್ರೀಮಿಯಮ್ಗಳಿಂದ ಶೇ. 7.5ರಷ್ಟು ಕಮಿಷನ್ ಸಿಗುತ್ತದೆ. ನಾಲ್ಕನೇ ವರ್ಷದಿಂದ ಪ್ರತೀ ಪ್ರೀಮಿಯಮ್ ಮೇಲೆ ಶೇ. 5ರಷ್ಟು ಕಮಿಷನ್ ಸಿಗುತ್ತದೆ.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
