How to: ಮ್ಯುಚುವಲ್ ಫಂಡ್ನಲ್ಲಿ ಹೂಡಿಕೆ ಕ್ರಮಗಳೇನು? ಹೂಡಿಕೆ ಮಾಡುವ ಮುನ್ನ ತಿಳಿದಿರಬೇಕಾದ ವಿಚಾರಗಳಿವು…
Mutual Funds Investments: ಮ್ಯುಚುವಲ್ ಫಂಡ್ನಲ್ಲಿ ಹೂಡಿಕೆ ಮಾಡುವ ಮುನ್ನ ನಿಮ್ಮಲ್ಲಿ ಲಭ್ಯ ಇರುವ ಹಣ, ಮುಂದಿನ ಆದಾಯ ಎಲ್ಲವನ್ನೂ ಪರಿಗಣಿಸಬೇಕು. ರಿಸ್ಕ್ ಪ್ರಮಾಣ ಕಡಿಮೆ ಮಾಡಲು ಕೆಲ ಹೂಡಿಕೆಯನ್ನು ಎಫ್ಡಿ, ಗವರ್ನ್ಮೆಂಟ್ ಬಾಂಡ್ ಇತ್ಯಾದಿಯಲ್ಲಿ ಹಾಕಬೇಕು. ಸಾಕಷ್ಟು ಮ್ಯುಚುವಲ್ ಫಂಡ್ ಕಂಪನಿಗಳಿದ್ದು, ಪ್ರತಿಯೊಂದು ಸಂಸ್ಥೆಯೂ ವಿವಿಧ ಮ್ಯುಚುವಲ್ ಫಂಡ್ಗಳನ್ನು ನಿರ್ವಹಿಸುತ್ತದೆ.
Updated on:Dec 18, 2023 | 4:21 PM
ಮ್ಯೂಚುವಲ್ ಫಂಡ್ನಲ್ಲಿ ನೀವು ಹೂಡಿಕೆ ಮಾಡಲು ನಿರ್ಧರಿಸಿದ್ದು, ಹಣ ಹಾಕುವ ಮುನ್ನ ಒಂದಿಷ್ಟು ವಿಚಾರಗಳನ್ನು ತಿಳಿದಿರಬೇಕು. ಎಲ್ಲಾ ಮ್ಯುಚುವಲ್ ಫಂಡ್ಗಳೂ (Mutual Funds) ಭರ್ಜರಿ ಲಾಭ ತರಲ್ಲ. ನಷ್ಟ ತರುವ ಫಂಡ್ಗಳೂ ಇರುತ್ತವೆ ಎಂಬ ಕಟುವಾಸ್ತವ ಸತ್ಯ ತಿಳಿದಿರಬೇಕು. ಮಾರುಕಟ್ಟೆಯಲ್ಲಿರುವ ವಿವಿಧ ಮ್ಯುಚುವಲ್ ಫಂಡ್ಗಳನ್ನು ಅವಲೋಕಿಸಿ. ಹಿಂದಿನ ಕೆಲವಾರು ವರ್ಷಗಳಿಂದ ಅವು ಎಷ್ಟು ರಿಟರ್ನ್ ವಿಚಾರದಲ್ಲಿ ಎಷ್ಟು ಸ್ಥಿರತೆ ಹೊಂದಿವೆ ಎಂಬುದನ್ನು ಅವಲೋಕಿಸಿ.
ಇದಕ್ಕೆ ಮುನ್ನ, ನಿಮ್ಮ ಹೂಡಿಕೆಯ ಸಾಮರ್ಥ್ಯ ಎಷ್ಟು; ಎಷ್ಟು ಹಣ ಹೂಡಿಕೆಗೆ ಲಭ್ಯ ಇದೆ ಎಂಬುದು ಮುಖ್ಯ. ಇದರಲ್ಲಿ ಎಮರ್ಜೆನ್ಸಿ ವೆಚ್ಚಕ್ಕೆ ಒಂದಿಷ್ಟು ಹಣವನ್ನು ಆರ್ಡಿ, ಎಫ್ಡಿಯಂತಹುಗಳಲ್ಲಿ ಹಾಕಿರಿ.
ಇದನ್ನೂ ಓದಿ: Money Management: ಏನು ಮಾಡಿದರೂ ಹಣಕಾಸು ಸಂಕಷ್ಟ ಕಳೆಯುತ್ತಿಲ್ಲವಾ? ಈ ಟಿಪ್ಸ್ ಅನುಸರಿಸಿ
ಮ್ಯುಚುವಲ್ ಫಂಡ್ನಲ್ಲಿ ಹೇಗೆ ಹೂಡಿಕೆ?
ಆನ್ಲೈನ್ನಲ್ಲೇ ಮ್ಯುಚುವಲ್ ಫಂಡ್ಗಳಲ್ಲಿ ಹೂಡಿಕೆ ಮಾಡಬಹುದು. ಸಾಕಷ್ಟು ಮ್ಯುಚುವಲ್ ಫಂಡ್ ಕಂಪನಿಗಳಿವೆ. ಅವುಗಳ ಪ್ರತ್ಯೇಕ ಆ್ಯಪ್ಗಳಿವೆ. ಜೊತೆಗೆ ಪೇಟಿಎಂ ಇತ್ಯಾದಿ ಥರ್ಡ್ ಪಾರ್ಟಿ ಫಂಡ್ ಅಗ್ರಿಗೇಟರ್ಗಳೂ ಇರುತ್ತವೆ. ಅಲ್ಲಿಯೂ ನೀವು ಮ್ಯುಚುವಲ್ ಫಂಡ್ ಮೇಲೆ ಹೂಡಿಕೆ ಮಾಡಬಹುದು.
ಡಿಮ್ಯಾಟ್ ಅಕೌಂಟ್ ಇಲ್ಲದೆಯೂ ಮ್ಯುಚುವಲ್ ಫಂಡ್ನಲ್ಲಿ ಹಣ ತೊಡಗಿಸಬಹುದು. ಅದಕ್ಕೆ ಫೋಲಿಯೋ ಅಕೌಂಟ್ ತೆರೆಯಬಹುದು. ಅಥವಾ ನೆಟ್ ಬ್ಯಾಂಕಿಂಗ್ ಮೂಲಕ ಮ್ಯುಚುವಲ್ ಫಂಡ್ನಲ್ಲಿ ಹೂಡಿಕೆ ಮಾಡಬಹುದು. ಆಧಾರ್ ಮತ್ತು ಪ್ಯಾನ್ ನಂಬರ್ ಅನ್ನು ಕೆವೈಸಿ ದಾಖಲೆಯಾಗಿ ಪಡೆಯಲಾಗುತ್ತದೆ.
ಇದನ್ನೂ ಓದಿ: ಮ್ಯುಚುವಲ್ ಫಂಡ್ನಲ್ಲಿ ಹೂಡಿಕೆ ಮಾಡುವ ಆಲೋಚನೆಯಾ? ಫೈವ್ ಸ್ಟಾರ್ ರೇಟಿಂಗ್ ಇರುವ ಜನಪ್ರಿಯ ಫಂಡ್ಗಳಿವು…
ಅಂತಿಮವಾಗಿ, ಮ್ಯುಚುವಲ್ ಫಂಡ್ನಲ್ಲಿ ಹೂಡಿಕೆ ಮಾಡಿದಾಗ ಅದು ಉಚಿತ ಇರುವುದಿಲ್ಲ. ವಿವಿಧ ಶುಲ್ಕಗಳಿರುತ್ತವೆ. ಎಂಟ್ರಿ ಲೋಡ್, ಎಕ್ಸಿಟ್ ಲೋಡ್, ಟ್ರಾನ್ಸಾಕ್ಷನ್ ಶುಲ್ಕ, ಎಕ್ಸ್ಪೆನ್ಸ್ ರೇಶಿಯೋ ಇತ್ಯಾದಿ ತಿಳಿದಿರಲಿ.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 4:20 pm, Mon, 18 December 23
