SBM Offer: ಎಸ್​ಬಿಎಂನಲ್ಲಿ ಕೇವಲ 2,000 ರೂಗೆ ಎಫ್​ಡಿ ಇಡಿ; ಸ್ಟೆಪಪ್ ಕ್ರೆಡಿಟ್ ಕಾರ್ಡ್ ಪಡೆಯಿರಿ

ಎಸ್​ಬಿಎಂ ಬ್ಯಾಂಕ್​ನಲ್ಲಿ ಕೇವಲ 2,000 ರೂನಷ್ಟು ನಿಶ್ಚಿತ ಠೇವಣಿ (fixed deposit) ಇಟ್ಟರೆ ಒಂದು ಸ್ಟೆಪ್ ಅಪ್ ಕ್ರೆಡಿಟ್ ಕಾರ್ಡ್ (Step up credit card) ಪಡೆಯುವ ಅವಕಾಶ ಸಿಗುತ್ತದೆ. ಕಳಪೆ ಕ್ರೆಡಿಟ್ ಸ್ಕೋರ್ ಕಾರಣಕ್ಕೆ ಕ್ರೆಡಿಟ್ ಕಾರ್ಡ್​ನಿಂದ ವಂಚಿತರಾಗಿರುವ ಜನರಿಗೆ ಇದು ಅನುಕೂಲವಾಗಬಹುದು. ಫಿಕ್ಸೆಡ್ ಡೆಪಾಸಿಟ್ ಅನ್ನೇ ಅಡಮಾನದಂತೆ ಪರಿಗಣಿಸಿ ಈ ಬ್ಯಾಂಕು ವಿಶೇಷ ಕ್ರೆಡಿಟ್ ಕಾರ್ಡ್ ಅನ್ನು ನೀಡುತ್ತದೆ. ಈ ಸ್ಪೆಪಪ್ ಕ್ರೆಡಿಟ್ ಕಾರ್ಡ್​ಗೆ ಪೈಸಾಬಜಾರ್ ಸಂಸ್ಥೆ ಕೋಬ್ರ್ಯಾಂಡಿಂಗ್ ಪಾರ್ಟ್ನರ್ ಆಗಿದೆ.

ಸ್ಟೆಪ್ ಅಪ್ ಕ್ರೆಡಿಟ್ ಕಾರ್ಡ್​ನಿಂದ ಏನು ಪ್ರಯೋಜನ?

ಕಳಪೆ ಕ್ರೆಡಿಟ್ ಸ್ಕೋರ್ ಹೊಂದಿರುವವರು ಸುಲಭವಾಗಿ ಕ್ರೆಡಿಟ್ ಕಾರ್ಡ್ ಪಡೆಯಬಹುದು. ಉತ್ತಮ ನಿರ್ವಹಣೆ ಮೂಲಕ ಕ್ರೆಡಿಟ್ ಸ್ಕೋರ್ ಉತ್ತಮಪಡಿಸಿಕೊಳ್ಳುವ ಅವಕಾಶ ಸಿಗುತ್ತದೆ.

ಎಸ್​ಬಿಎಂನಲ್ಲಿ ಇಡಲಾಗುವ ಠೇವಣಿಗೆ ಉತ್ತಮ ಬಡ್ಡಿದರ ಸಿಗುತ್ತದೆ. ಶೇ. 8.2ರವರೆಗೂ ವಾರ್ಷಿಕ ಬಡ್ಡಿ ದರ ಇದೆ. ಎಫ್​ಡಿ ಮೂಲಕ ಇರಿಸುವ ನಿಮ್ಮ ದುಡ್ಡಿಗೆ ಬಡ್ಡಿ ಲಾಭದ ಜೊತೆಗೆ ಕ್ರೆಡಿಟ್ ಕಾರ್ಡ್ ಸೌಲಭ್ಯವೂ ದೊರಕಿದಂತಾಗುತ್ತದೆ.

ಇದನ್ನೂ ಓದಿ: ಪೋಸ್ಟ್ ಆಫೀಸ್​ನ ಬೇರೆ ಬೇರೆ ಸ್ಕೀಮ್​ಗಳಲ್ಲಿ ಬಡ್ಡಿ ಎಷ್ಟು ಸಿಗುತ್ತೆ? ಇಲ್ಲಿದೆ ಡೀಟೇಲ್ಸ್

ಯಾವುದಿದು ಎಸ್​ಬಿಎಂ ಬ್ಯಾಂಕ್?

ಎಸ್​ಬಿಎಂ ಬ್ಯಾಂಕ್ ಅನ್ನು ಹಿಂದಿನ ಸ್ಟೇಟ್ ಬ್ಯಾಂಕ್ ಆಫ್ ಮೈಸೂರು ಎಂದು ತಪ್ಪಾಗಿ ತಿಳಿಯುವ ಸಾಧ್ಯತೆ ಹೆಚ್ಚು. ಅದು ಎಸ್​ಬಿಐ ಜೊತೆ ವಿಲೀನವಾಗಿದೆ. ಇದು ಮಾರಿಷಸ್ ಮೂಲದ ಸ್ಟೇಟ್ ಬ್ಯಾಂಕ್ ಆಫ್ ಮಾರಿಷಸ್​ನ ಭಾರತೀಯ ಅಂಗ ಸಂಸ್ಥೆಯಾಗಿದೆ. ಎಸ್​ಬಿಎಂ ಹೋಲ್ಡಿಂಗ್ಸ್ ಮಾರಿಷಸ್ ದೇಶದ ಷೇರು ಮಾರುಕಟ್ಟೆಯಲ್ಲಿ ಮೂರನೇ ಅತಿದೊಡ್ಡ ಸಂಸ್ಥೆಯೂ ಹೌದು.

ಎಸ್​ಬಿಐ ಇಂಡಿಯಾದ ಮುಖ್ಯ ಕಚೇರಿ ಮುಂಬೈನಲ್ಲಿದೆ. ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಇದರ ಶಾಖೆಗಳಿವೆ. ಇದರ ವೆಬ್​ಸೈಟ್ ಲಿಂಕ್ ಇಲ್ಲಿದೆ: www.sbmbank.co.in/

ಇದನ್ನೂ ಓದಿ: ಕ್ರೆಡಿಟ್ ಕಾರ್ಡ್​ನಿಂದ ಬ್ಯಾಂಕ್ ಖಾತೆಗೆ ಹಣ ವರ್ಗಾವಣೆ ಮಾಡುವುದು ಹೇಗೆ? ಇಲ್ಲಿವೆ ಮೂರು ದಾರಿಗಳು

ಠೇವಣಿಗಳಿಗೆ ಅತಿಹೆಚ್ಚು ಬಡ್ಡಿ ನೀಡುವ ಬ್ಯಾಂಕುಗಳಲ್ಲಿ ಎಸ್​ಬಿಎಂ ಒಂದು. ಇದರ 3 ವರ್ಷ 2 ದಿನದ ಠೇವಣಿಗೆ ಶೇ. 8.20ರಷ್ಟು ಬಡ್ಡಿ ಸಿಗುತ್ತದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ