ಪ್ರೀಪೇಯ್ಡ್ ಪ್ಲಾನ್​ನಲ್ಲಿ ಮೊದಲ ಬಾರಿಗೆ ಉಚಿತ ನೆಟ್​ಫ್ಲಿಕ್ಸ್ ಸಬ್ಸ್​ಕ್ರಿಪ್ಷನ್; ರಿಲಾಯನ್ಸ್ ಜಿಯೋದಲ್ಲಿ ಭರ್ಜರಿ ಆಫರ್

ನವದೆಹಲಿ, ಆಗಸ್ಟ್ 20: ರಿಲಾಯನ್ಸ್ ಜಿಯೋ ಸಂಸ್ಥೆ ತನ್ನ ಎರಡು ಪ್ರೀಪೇಡ್ ಪ್ಲಾನ್​ನಲ್ಲಿ ಉಚಿತ ನೆಟ್​ಫ್ಲಿಕ್ಸ್ ಚಂದಾದಾರಿಕೆ ಸೇವೆ (Netflix subscription) ಒದಗಿಸುತ್ತಿದೆ. 1,099 ರೂ ಮತ್ತು 1,499 ರೂ ಪ್ಲಾನ್​ನಲ್ಲಿ ಜಿಯೋ ಬಳಕೆದಾರರು 84 ದಿನಗಳ ಕಾಲ ನೆಟ್​ಫ್ಲಿಕ್ಸ್ ಸಬ್​ಸ್ಕ್ರಿಪ್ಷನ್ ಅನ್ನು ಉಚಿತವಾಗಿ ಕೊಡುತ್ತಿದೆ. ಅತ್ಯಂತ ಜನಪ್ರಿಯ ಎಂಟರ್ಟೈನ್ಮೆಂಟ್ ಒಟಿಟಿಯಾದ ನೆಟ್​ಫ್ಲಿಕ್ಸ್​ನ ಸಬ್​ಸ್ಕ್ರಿಪ್ಷನ್ ಅನ್ನು ಪ್ರೀಪೇಯ್ಡ್ ಗ್ರಾಹಕರಿಗೆ ಒದಗಿಸುತ್ತಿರುವುದು ಇದೇ ಮೊದಲು. ಪೋಸ್ಟ್ ಪೇಯ್ಡ್ ಗ್ರಾಹಕರಿಗೆ ಇದ್ದ ಈ ಸೌಲಭ್ಯ ಪ್ರೀಪೇಯ್ಡ್ ಗ್ರಾಹಕರಿಗೂ ಸಿಕ್ಕಿದೆ. ಈ ನೆಟ್​ಫ್ಲಿಕ್ಸ್ ಆಫರ್ ಮೇಲೆ ತಿಳಿಸಿದ ಎರಡು ಪ್ಲಾನ್​ಗಳಿಂದ ಮಾತ್ರ ಸಿಗುತ್ತಿದೆ. ಅ ಎರಡೂ ಪ್ಲಾನ್​ಗಳು 84 ದಿನಗಳ ವ್ಯಾಲಿಡಿಟಿ ಪೀರಿಯಡ್ ಹೊಂದಿವೆ. ನೆಟ್​ಫ್ಲಿಕ್ಸ್​ನ ಮಾಸಿಕ ಸಬ್ಸ್​ಕ್ರಿಪ್ಷನ್ 149 ರೂ ಇದೆ.

1,099 ರೂ ಜಿಯೋ ಪ್ಲಾನ್

ರಿಲಾಯನ್ಸ್ ಜಿಯೋದ 1,099 ರೂಗಳ ಪ್ರೀಪೇಯ್ಡ್ ಪ್ಲಾನ್ 84 ದಿನಗಳ ಅವಧಿಯದ್ದಾಗಿದ್ದು ಅನ್​ಲಿಮಿಟೆಡ್ 5ಜಿ ಡಾಟಾ ಮತ್ತು ವಾಯ್ಸ್ ಕಾಲ್ ಆಫರ್ ಮಾಡುತ್ತದೆ. ದಿನಕ್ಕೆ 2ಜಿಬಿಯಷ್ಟು ಡಾಟಾ ಬಳಕೆಯ ಅವಕಾಶ ಇರುತ್ತದೆ. ಜೊತೆಗೆ ತಿಂಗಳಿಗೆ 149 ರೂ ಮೌಲ್ಯದ ನೆಟ್​ಫ್ಲಿಕ್ಸ್ ಸಬ್​ಸ್ಕ್ರಿಪ್ಷನ್ ಒದಗಿಸುತ್ತದೆ.

1,499 ರೂ ಜಿಯೋ ಪ್ಲಾನ್

1,499 ರೂಗಳ ಜಿಯೋ ಪ್ರೀಪೇಯ್ಡ್ ಪ್ಲಾನ್​ನಲ್ಲಿ ಮಾಸಿಕ 199 ರೂಗಳ ನೆಟ್​ಫ್ಲಿಕ್ಸ್ ಸಬ್​ಸ್ಕ್ರಿಪ್ಷನ್ ಉಚಿತವಾಗಿ ಸಿಗುತ್ತದೆ. 84 ದಿನಗಳ ವ್ಯಾಲಿಡಿಟಿ ಇದ್ದು ದಿನಕ್ಕೆ 3ಜಿಬಿಯಷ್ಟು ಡಾಟಾ ಒದಗಿಸುತ್ತದೆ.

ಇದನ್ನೂ ಓದಿ: Family Business: ಮುಂದಿನ ಪೀಳಿಗೆ ನಾಯಕ ಸುದರ್ಶನ್ ವೇಣು, ಉದಯೋನ್ಮುಖ ಮಹಿಳಾ ಉದ್ಯಮಿ ರೋಷನಿ ನಾದರ್​ಗೆ ಪ್ರಶಸ್ತಿ

ನೆಟ್​ಫ್ಲಿಕ್ಸ್ ಮತ್ತು ರಿಲಾಯನ್ಸ್ ಜಿಯೋ ಮಧ್ಯೆ ವ್ಯಾವಹಾರಿಕ ಹೊಂದಾಣಿಕೆ ಆಗಿದ್ದರಿಂದ ಜಿಯೋ ಪ್ರೀಪೇಡ್ ಪ್ಲಾನ್​ನಲ್ಲಿ ನೆಟ್​ಫ್ಲಿಕ್ಸ್ ಚಂದಾದಾರಿಕೆಯನ್ನು ಉಚಿತವಾಗಿ ಕೊಡಲಾಗುತ್ತಿದೆ.

ಹೋಳಿ ಹಬ್ಬದಂದೇ ಚಂದ್ರಗ್ರಹಣ; ಈ 4 ರಾಶಿಗೆ ಹೆಜ್ಜೆಹೆಜ್ಜೆಗೂ ಕಂಟಕ..!

On Mar 12, 2025

ಹೋಳಿ ಹಬ್ಬದಂದು ಈ ವಸ್ತು ದಾನ ಮಾಡಬೇಡಿ

On Mar 6, 2025

ಹೋಳಿ ಹಬ್ಬಕ್ಕೆ ಈ ಖಾದ್ಯಗಳನ್ನು ತಯಾರಿಸಿ

On Mar 10, 2022

ಹೋಳಿ ಸಂಭ್ರಮದಲ್ಲಿ ಮಿಂದೆದ್ದ ಐಪಿಎಲ್ ಸ್ಟಾರ್​ಗಳು

On Mar 26, 2024

‘ನಮ್ಮ ಬಳಕೆದಾರರಿಗೆ ವಿಶ್ವದರ್ಜೆಯ ಸೇವೆಗಳನ್ನು ಕೊಡಲು ಬದ್ಧರಾಗಿದ್ದೇವೆ. ಈ ನಿಟ್ಟಿನಲ್ಲಿ ನಮ್ಮ ಪ್ರೀಪೇಡ್ ಪ್ಲಾನ್​ನಲ್ಲಿ ನೆಟ್​ಫ್ಲಿಕ್ಸ್ ಆಫರ್ ಮಾಡಿದ್ದೇವೆ’ ಎಂದು ಜಿಯೋ ಪ್ಲಾಟ್​ಫಾರ್ಮ್ಸ್ ಲಿ ಸಂಸ್ಥೆಯ ಸಿಇಒ ಕಿರಣ್ ಥಾಮಸ್ ಹೇಳಿದ್ದಾರೆ.

ಇದನ್ನೂ ಓದಿ: 3 ವರ್ಷಗಳಿಂದ ಮಲ್ಟಿಬ್ಯಾಗರ್ ಆದ ಬಜಾಬ್ ಫೈನಾನ್ಸ್; ಷೇರುಮೌಲ್ಯದ ಜೊತೆಗೆ ಠೇವಣಿಗಳೂ ಅಗಾಧ ಬೆಳವಣಿಗೆ

‘ಹಲವು ವರ್ಷಗಳಲ್ಲಿ ನಾವು ಭಾರತದ ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆದ ಹಲವು ಸ್ಥಳೀಯ ಕಾರ್ಯಕ್ರಮಗಳು, ಸಾಕ್ಷ್ಯಚಿತ್ರಗಳು ಹಾಗೂ ಚಲನಚಿತ್ರಗಳನ್ನು ನಿರ್ಮಿಸಿದ್ದೇವೆ… ಜಿಯೋದೊಂದಿಗೆ ನಮ್ಮ ಹೊಂದಾಣಿಕೆಯಿಂದಾಗಿ ಹೆಚ್ಚಿನ ಗ್ರಾಹಕರಿಗೆ ನಮ್ಮ ಕಾರ್ಯಕ್ರಮಗಳು ತಲುಪಲು ಸಾಧ್ಯವಾಗುತ್ತದೆ’ ಎಂದು ನೆಟ್​ಫ್ಲಿಕ್ಸ್​ನ ಟೋನಿ ಝಮೆಕೋವಸ್ಕಿ ಹೇಳಿದ್ದಾರೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 4:11 pm, Sun, 20 August 23