Credit Card Closure: ಕ್ರೆಡಿಟ್ ಕಾರ್ಡ್ ಹಿಂದಿರುಗಿಸಬೇಕೆ? ಬಹಳ ಸಿಂಪಲ್ ಕೆಲಸ

ಒಂದಕ್ಕಿಂತ ಹೆಚ್ಚು ಕ್ರೆಡಿಟ್ ಕಾರ್ಡ್​ಗಳನ್ನು ಹೊಂದಿರುವುದು ಈಗ ಸಾಮಾನ್ಯದ ವಿಷಯ. ಕಾರಣಾಂತರಗಳಿಂದ ಹಲವು ಕ್ರೆಡಿಟ್ ಕಾರ್ಡ್​ಗಳನ್ನು ಪಡೆದಿರುತ್ತೇವೆ. ಒಂದೋ ಎರಡೋ ಕಾರ್ಡ್​ಗಳು ಮಾತ್ರ ಬಳಕೆಯಲ್ಲಿರುತ್ತವೆ. ಉಳಿದವು ನಿರುಪಯುಕ್ತವಾಗಿ ಉಳಿಯಬಹುದು. ಇಂಥ ಕಾರ್ಡ್​ಗಳನ್ನು ಮರಳಿಸುವುದು ಕಷ್ಟವಲ್ಲ. ಬಹಳ ಸುಲಭ ಪ್ರಕ್ರಿಯೆಗಳ ಮೂಲಕ ಕ್ರೆಡಿಟ್ ಕಾರ್ಡ್ ಕ್ಲೋಸ್ (credit card closure) ಮಾಡಬಹುದು. ಇಂಥ ಕೆಲ ವಿಧಾನಗಳ ಪರಿಚಯ ಇಲ್ಲಿದೆ…

ಕಸ್ಟಮರ್ ಕೇರ್ ನಂಬರ್​ಗೆ ಕರೆ ಮಾಡಿ…

ಕ್ರೆಡಿಟ್ ಕಾರ್ಡ್​ ಒದಗಿಸಿ ಸಂಸ್ಥೆಯ ಕಸ್ಟಮರ್ ಸರ್ವಿಸ್ ನಂಬರ್ ಅಥವಾ ಹೆಲ್ಪ್​ಲೈನ್ ನಂಬರ್ ಡಯಲ್ ಮಾಡಿ. ಈ ನಂಬರ್ ನಿಮ್ಮಲ್ಲಿಲ್ಲದಿದ್ದರೆ ಗೂಗಲ್ ಮಾಡಿದರೆ ಸಿಗಬಹುದು. ಆ ನಂಬರ್​ಗೆ ಕರೆ ಮಾಡಿ ಕ್ರೆಡಿಟ್ ಕಾರ್ಡ್ ಮುಚ್ಚಲು ಮನವಿ ಮಾಡಬಹುದು.

ಬ್ಯಾಂಕ್​ಗೆ ಅರ್ಜಿ ಸಲ್ಲಿಸಿ…

ಕ್ರೆಡಿಟ್ ಕಾರ್ಡ್ ಕಂಪನಿಯ ಕಚೇರಿ ಬಳಿ ಹೋಗಿ, ಅರ್ಜಿ ಸಲ್ಲಿಸಬೇಕು. ನಿಮ್ಮ ಕ್ರೆಡಿಟ್ ಕಾರ್ಡ್​ನ ವಿವರಗಳನ್ನು ಇದರಲ್ಲಿ ತುಂಬಿಸಿರಬೇಕು.

ಇದನ್ನೂ ಓದಿ: ಸಂಕ್ರಾಂತಿ, ಗಣರಾಜ್ಯೋತ್ಸವ ಇತ್ಯಾದಿ… 2024ರ ಜನವರಿ ತಿಂಗಳಲ್ಲಿ ಬ್ಯಾಂಕ್ ರಜಾ ದಿನಗಳೆಷ್ಟು? ಕರ್ನಾಟಕದಲ್ಲಿ ಯಾವ್ಯಾವತ್ತು ರಜೆ?

ಇಮೇಲ್ ಮೂಲಕ…

ಕ್ರೆಡಿಟ್ ಕಾರ್ಡ್ ಕಂಪನಿಗಳು ಸಾರ್ವಜನಿಕವಾಗಿ ದೂರುಗಳನ್ನು ಪಡೆಯಲು ಇಮೇಲ್ ಐಡಿ ಹೊಂದಿರುತ್ತವೆ. ಇಮೇಲ್ ಮುಖಾಂತರ ಕ್ರೆಡಿಟ್ ಕಾರ್ಡ್ ರದ್ದುಗೊಳಿಸಲು ಮನವಿ ಕಳುಹಿಸಬಹುದು.

ಆನ್ಲೈನ್​ನಲ್ಲಿ ಮಾಡಬಹುದು

ಕ್ರೆಡಿಟ್ ಕಾರ್ಡ್ ಕಂಪನಿಯ ವೆಬ್ ಅಥವಾ ಆ್ಯಪ್​ಗೆ ಹೋಗಿ ಅಲ್ಲಿ ಲಭ್ಯ ಇರುವ ಫಾರ್ಮ್ ಭರ್ತಿ ಮಾಡಿ, ಕಾರ್ಡ್ ಮುಚ್ಚಲು ಮನವಿ ಮಾಡಬಹುದು. ನೀವು ಅರ್ಜಿ ಸಲ್ಲಿಸಿದ ಬಳಿಕ ಬ್ಯಾಂಕ್​ನವರು ನಿಮ್ಮ ದೃಢೀಕರಣ ಪಡೆಯಲು ಕರೆ ಮಾಡಬಹುದು.

ಇದನ್ನೂ ಓದಿ: ನಾಲ್ಕು ಬ್ಯಾಂಕುಗಳಿಂದ ಎಫ್​ಡಿ ದರ ಹೆಚ್ಚಳ; ಠೇವಣಿಗಳಿಗೆ ಶೇ. 8.60ರವರೆಗೆ ಬಡ್ಡಿ; ಡೆಪಾಸಿಟ್ ಇಡಲು ಸುವರ್ಣಾವಕಾಶ

ಕ್ರೆಡಿಟ್ ಕಾರ್ಡ್ ಮುಚ್ಚುವ ಮುನ್ನ ಈ ವಿಷಯಗಳನ್ನು ಮರೆಯದಿರಿ….

• ಕ್ರೆಡಿಟ್ ಕಾರ್ಡ್​ನ ಎಲ್ಲಾ ಬಾಕಿ ಹಣವನ್ನೂ ಪೂರ್ಣವಾಗಿ ಪಾವತಿಸಿರಬೇಕು.
• ಕಾರ್ಡ್​ನಲ್ಲಿ ಯಾವುದಾದರೂ ರಿವಾರ್ಡ್ ಪಾಯಿಂಟ್ಸ್ ಇತ್ಯಾದಿ ಇದ್ದರೆ ಅದನ್ನು ರಿಡೀಮ್ ಮಾಡಿ ಬಳಸಿಕೊಳ್ಳಿ.
• ಕ್ರೆಡಿಟ್ ಕಾರ್ಡ್ ಉಪಯೋಗಿಸಿ ಯಾವುದಾದರೂ ಆಟೊ ಪೇ ಇತ್ಯಾದಿ ಇದ್ದರೆ ಅದೆಲ್ಲವನ್ನೂ ನಿಲ್ಲಿಸಿ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ