ಟಾಟಾ ಮೋಟಾರ್ಸ್- ಜಮ್ಮು ಅಂಡ್ ಕಾಶ್ಮೀರ್ ಬ್ಯಾಂಕ್ ಪಾಲುದಾರಿಕೆಯಲ್ಲಿ ಆಕರ್ಷಕ ಸಾಲ ಯೋಜನೆ

ಭಾರತದ ಅತಿದೊಡ್ಡ ವಾಣಿಜ್ಯ ವಾಹನ ತಯಾರಕ ಕಂಪೆನಿ ಟಾಟಾ ಮೋಟಾರ್ಸ್ ಈಗ ಜಮ್ಮು ಮತ್ತು ಕಾಶ್ಮೀರ ಬ್ಯಾಂಕ್​ನೊಂದಿಗೆ ಎರಡು ವರ್ಷಗಳ ಒಪ್ಪಂದಕ್ಕೆ ಸಹಿ ಹಾಕಿದೆ. ಈ ಪಾಲುದಾರಿಕೆಯಿಂದ ಟಾಟಾ ಮೋಟಾರ್ಸ್​ನ ವಾಣಿಜ್ಯ ವಾಹನ ಎಲ್ಲಕ್ಕೂ ಪ್ರಯೋಜನಕಾರಿ ಕೊಡುಗೆಗಳು ದೊರೆಯುವಂತಾಗುತ್ತದೆ. ಭಾರೀ, ಮಧ್ಯಮ ಟ್ರಕ್​ಗಳ ಖರೀದಿಯ ಮೇಲೆ ಟಾಟಾ ಮೋಟಾರ್ಸ್ ಮತ್ತು ಜಮ್ಮು- ಕಾಶ್ಮೀರ ಬ್ಯಾಂಕ್​ನ ಜಂಟಿ ಗ್ರಾಹಕರಿಗೆ ವಿಶೇಷ ಟಾಟಾ ಡಿಲೈಟ್ ಪಾಯಿಂಟ್​ಗಳನ್ನು ನೀಡುತ್ತದೆ. ಟಾಟಾ ಮೋಟಾರ್ಸ್- ಜಮ್ಮು-ಕಾಶ್ಮೀರ ಬ್ಯಾಂಕ್ ಹಣಕಾಸು ಸಣ್ಣ ವಾಣಿಜ್ಯ ವಾಹನಗಳು ಮತ್ತು ಪಿಕ್-ಅಪ್ ಟ್ರಕ್​ಗಳಿಗೆ ವಿಶೇಷ ವಾಹನ ನಿರ್ವಹಣಾ ಕಾರ್ಯಕ್ರಮ ಒದಗಿಸಲಿದೆ. ಜಮ್ಮು-ಕಾಶ್ಮೀರ ಬ್ಯಾಂಕ್ ವಿಶೇಷ ಸಾಲದಿಂದ ಮೌಲ್ಯಕ್ಕೆ (ಲೋನ್ ಟು ವ್ಯಾಲ್ಯೂ- ಎಲ್​ಟಿವಿ) ಅನುಪಾತಗಳನ್ನು ಒದಗಿಸುತ್ತದೆ ಮತ್ತು ಸ್ಪರ್ಧಾತ್ಮಕ ಬಡ್ಡಿ ದರಗಳೊಂದಿಗೆ ಎಲ್ಲ ವಾಹನ ವಿಭಾಗಗಳಿಗೆ ವಿಸ್ತೃತ ಅವಧಿಯನ್ನು ಒದಗಿಸುತ್ತದೆ. ಜಮ್ಮು ಮತ್ತು ಕಾಶ್ಮೀರ ಬ್ಯಾಂಕ್ ದೇಶಾದ್ಯಂತ 950ಕ್ಕೂ ಹೆಚ್ಚು ಶಾಖೆಗಳನ್ನು ಹೊಂದಿದೆ.

ಈ ಪಾಲುದಾರಿಕೆಯ ಬಗ್ಗೆ ಪ್ರತಿಕ್ರಿಯಿಸಿರುವ ಟಾಟಾ ಮೋಟಾರ್ಸ್ ವಾಣಿಜ್ಯ ವಾಹನ ವ್ಯಾಪಾರ ಘಟಕದ ಅಧ್ಯಕ್ಷ ಗಿರೀಶ್ ವಾಘ್, “ಜಮ್ಮು ಮತ್ತು ಕಾಶ್ಮೀರದ ಮಾರುಕಟ್ಟೆ ನಾಯಕನಾಗಿ, ಕೇಂದ್ರಾಡಳಿತ ಪ್ರದೇಶದ ಅತಿದೊಡ್ಡ ಬ್ಯಾಂಕ್​ನೊಂದಿಗೆ ಸೇರಲು ನಾವು ಸಂತೋಷಗೊಂಡಿದ್ದೇವೆ. ಜಮ್ಮು ಮತ್ತು ಕಾಶ್ಮೀರ ಬ್ಯಾಂಕ್​ನೊಂದಿಗೆ ಈ ಪಾಲುದಾರಿಕೆಯು ನಮ್ಮ ಗ್ರಾಹಕರಿಗೆ ವಾಹನ ಹಣಕಾಸು ಪ್ರಕ್ರಿಯೆಯನ್ನು ಸುಲಭಗೊಳಿಸುತ್ತದೆ. ಇದು ಸರಕು, ಪ್ರಯಾಣಿಕರ ಮತ್ತು ನಿರ್ಮಾಣ ವಿಭಾಗಗಳಲ್ಲಿ ಟಾಟಾ ಮೋಟಾರ್ಸ್​ನ ವ್ಯಾಪಕ ಶ್ರೇಣಿಯ ಉತ್ಪನ್ನಗಳೊಂದಿಗೆ ಕೇಂದ್ರಾಡಳಿತ ಪ್ರದೇಶದ ಅಭಿವೃದ್ಧಿಗೆ ಉತ್ತೇಜನ ನೀಡುತ್ತದೆ. ಜಮ್ಮು ಮತ್ತು ಕಾಶ್ಮೀರ ಬ್ಯಾಂಕಿಗೆ ಇರುವ ಅನುಭವವನ್ನು ಬಳಸಿಕೊಳ್ಳುತ್ತೇವೆ. ನಮ್ಮ ಪ್ರಯತ್ನಗಳೊಂದಿಗೆ ಹಣಕಾಸಿನ ತಡೆರಹಿತ ಲಭ್ಯತೆಯನ್ನು ಖಚಿತಪಡಿಸುತ್ತೇವೆ ಎಂದಿದ್ದಾರೆ.

ಈ ಸಂದರ್ಭದಲ್ಲಿ ಮಾತನಾಡಿದ ಜಮ್ಮ ಮತ್ತು ಕಾಶ್ಮೀರ ಬ್ಯಾಂಕ್ ಅಧ್ಯಕ್ಷ ಹಾಗೂ ಮ್ಯಾನೇಜಿಂಗ್ ಡೈರೆಕ್ಟರ್ ಆದ ಆರ್.ಕೆ.ಚಿಬ್ಬರ್, “ದೊಡ್ಡ ಮತ್ತು ಗುಣಮಟ್ಟದ ಬ್ರ್ಯಾಂಡ್​ಗಳೊಂದಿಗೆ ಪಾಲುದಾರಿಕೆಯು ಜೆ.ಕೆ.ಬ್ಯಾಂಕ್​ನ ಸ್ಟ್ರಾಟೆಜಿಕ್ ಯೋಜನೆಯ ಕೇಂದ್ರಬಿಂದು ಆಗಿದೆ. ನಮ್ಮ ಗ್ರಾಹಕರಿಗೆ ವ್ಯಾಪಕ ಮತ್ತು ಎಂಡ್-ಟು-ಎಂಡ್ ಹಣಕಾಸು ಪರಿಹಾರಗಳ ಲಭ್ಯತೆಯಲ್ಲಿ ಖಚಿತಪಡಿಸಿಕೊಳ್ಳಲು ಟಾಟಾ ಮೋಟಾರ್ಸ್​ನೊಂದಿಗೆ ಪಾಲುದಾರಿಕೆಯನ್ನು ನಾವು ಒಂದು ಅವಕಾಶವಾಗಿ ನೋಡುತ್ತೇವೆ. ಈ ಒಪ್ಪಂದವು ಗ್ರಾಹಕರಿಗೆ ಪ್ರೀಮಿಯಂ ಗೋ-ಟು-ಮಾರ್ಕೆಟ್ ಪ್ಯಾಕೇಜ್​ಗೆ ಅನುವು ಮಾಡಿಕೊಡುತ್ತದೆ. ಜಮ್ಮು ಮತ್ತು ಕಾಶ್ಮೀರ ಬ್ಯಾಂಕ್​ನ ಹೆಚ್ಚು ಕಸ್ಟಮೈಸ್ ಹಣಕಾಸು ಸಾಲ ಯೋಜನೆಗಳು ಟಾಟಾ ಮೋಟಾರ್ಸ್ ನೀಡುವ ವಾಣಿಜ್ಯ ವಾಹನಗಳ ವೈವಿಧ್ಯಮಯ ಆಯ್ಕೆಗಳೊಂದಿಗೆ ಸೇರಿವೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: Tata passenger vehicles: ಟಾಟಾ ಮೋಟಾರ್ಸ್ ಪ್ರಯಾಣಿಕರ ವಾಹನಗಳ ಬೆಲೆ ಮೇ 8ರಿಂದ ಏರಿಕೆ

(Tata Motors signed MOU with Jammu and Kashmir bank for commercial vehicle finance solution)