Elon Musk: ಟ್ವಿಟ್ಟರ್ ಖರೀದಿಗೆ 3,55,409 ಕೋಟಿ ರೂ. ಸಿದ್ಧ ಮಾಡಿಕೊಂಡ ಎಲಾನ್ ಮಸ್ಕ್

Elon Musk: ಟ್ವಿಟ್ಟರ್ ಖರೀದಿಗೆ 3,55,409 ಕೋಟಿ ರೂ. ಸಿದ್ಧ ಮಾಡಿಕೊಂಡ ಎಲಾನ್ ಮಸ್ಕ್
ಎಲಾನ್ ಮಸ್ಕ್ (ಸಂಗ್ರಹ ಚಿತ್ರ)

ಟ್ವಿಟ್ಟರ್ ಇಂಕ್. ಖರೀದಿಗೆ 4650 ಕೋಟಿ ಯುಎಸ್​ಡಿ ಮೊತ್ತದೊಂದಿಗೆ ಸಿದ್ಧ ಇರುವುದಾಗಿ ವಿಶ್ವದ ನಂಬರ್ 1 ಶ್ರೀಮಂತ ಎಲಾನ್ ಮಸ್ಕ್ ಹೇಳಿದ್ದಾರೆ.

TV9kannada Web Team

| Edited By: Srinivas Mata

Apr 22, 2022 | 4:56 PM

ಟೆಸ್ಲಾ ಸಿಇಒ ಆದ ಎಲಾನ್ ಮಸ್ಕ್ ಅವರು ಟ್ವಿಟ್ಟರ್ ಇಂಕ್ (Twitter Inc.) ಅನ್ನು ಖರೀದಿಸಲು 4650 ಕೋಟಿ ಅಮೆರಿಕನ್ ಡಾಲರ್ ಹಣಕಾಸು ಒದಗಿಸಿದ್ದಾರೆ ಮತ್ತು ಅದರ ಷೇರುಗಳಿಗೆ ಟೆಂಡರ್ ಪ್ರಸ್ತಾಪವನ್ನು ಪ್ರಾರಂಭಿಸಲು ಯೋಜಿಸುತ್ತಿದ್ದಾರೆ ಎಂದು ಅಮೆರಿಕದ ಷೇರು ಮಾರುಕಟ್ಟೆ ನಿಯಂತ್ರಕರಿಗೆ ಸಲ್ಲಿಸಿದ ಫೈಲಿಂಗ್ ಗುರುವಾರ ತೋರಿಸಿದೆ. ಕಳೆದ ವಾರ ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಸಾಮಾಜಿಕ ಮಾಧ್ಯಮ ಕಂಪೆನಿಯಾದ ಟ್ವಿಟರ್​ ಅನ್ನು ಪ್ರತಿ ಷೇರಿಗೆ ಯುಎಸ್​ಡಿ 54.20 ಅಥವಾ ಸುಮಾರು 43 ಬಿಲಿಯನ್‌ ಯುಎಸ್​ಡಿಗೆ ಖರೀದಿಸುವ ಪ್ರಸ್ತಾವವನ್ನು ಘೋಷಿಸಿದರು. ಆ ಸಮಯದಲ್ಲಿ ಅವರು ಸ್ವಾಧೀನಕ್ಕೆ ಹೇಗೆ ಹಣಕಾಸು ಒದಗಿಸುತ್ತಾರೆ ಎಂದು ಹೇಳಿದ್ದರು.

ಎಲಾನ್ ಮಸ್ಕ್ ಗುರುವಾರ ಅಮೆರಿಕದ ಸೆಕ್ಯೂರಿಟೀಸ್ ನಿಯಂತ್ರಕರಿಗೆ ಸಲ್ಲಿಸಿದ ದಾಖಲೆಗಳಲ್ಲಿ, ಟ್ವಿಟ್ಟರ್​ನ ಎಲ್ಲ ಸಾಮಾನ್ಯ ಸ್ಟಾಕ್ ಅನ್ನು ಪ್ರತಿ ಷೇರಿಗೆ ಯುಎಸ್​ಡಿ 54.20ಕ್ಕೆ ನಗದು ರೂಪದಲ್ಲಿ ಖರೀದಿಸಲು ಟೆಂಡರ್ ಕೊಡುಗೆ ನೀಡಲು ಪರಿಶೋಧಿಸುತ್ತಿರುವುದಾಗಿ ಹೇಳಿದ್ದಾರೆ. ಮಸ್ಕ್ ಅವರ ಪ್ರಸ್ತಾವಕ್ಕೆ ಟ್ವಿಟರ್ ಪ್ರತಿಕ್ರಿಯಿಸಿಲ್ಲ ಎಂದು ದಾಖಲೆಗಳು ಹೇಳುತ್ತವೆ.

ಮಸ್ಕ್ ಸ್ವತಃ 33.5 ಶತಕೋಟಿ ಡಾಲರ್ ಹಾಕಲು ಬದ್ಧರಾಗಿದ್ದಾರೆ. ಇದರಲ್ಲಿ ಯುಎಸ್​ಡಿ 21 ಶತಕೋಟಿ ಈಕ್ವಿಟಿ ಮತ್ತು ಯುಎಸ್​ಡಿ 12.5 ಶತಕೋಟಿ ಮಾರ್ಜಿನ್ ಲೋನ್‌ಗಳು ವಹಿವಾಟಿಗೆ ಹಣಕಾಸು ಒದಗಿಸುತ್ತವೆ. ನಿಯಂತ್ರಕ ಫೈಲಿಂಗ್ ಪ್ರಕಾರ, ಮೋರ್ಗನ್ ಸ್ಟಾನ್ಲಿ ಸೇರಿದಂತೆ ಇತರ ಬ್ಯಾಂಕ್‌ಗಳು ಟ್ವಿಟ್ಟರ್​ಗೆ ಮತ್ತೊಂದು ಯುಎಸ್​ಡಿ 13 ಶತಕೋಟಿ ಸಾಲವನ್ನು ಒದಗಿಸಲು ಒಪ್ಪಿಕೊಂಡಿವೆ.

“ಮಸ್ಕ್​ಗೆ ಸಂಬಂಧಿಸಿದ ಕಂಪೆನಿಗಳು ಸರಿಸುಮಾರು ಯುಎಸ್​ಡಿ 46.5 ಶತಕೋಟಿ ಮೊತ್ತವನ್ನು ಒದಗಿಸಲು ಬದ್ಧತೆ ಪತ್ರಗಳನ್ನು ಸ್ವೀಕರಿಸಿವೆ,” ಎಂದು ಫೈಲಿಂಗ್​ನಲ್ಲಿ ತಿಳಿಸಲಾಗಿದೆ. ಟೆಂಡರ್ ಪ್ರಸ್ತಾವದ ಅಡಿಯಲ್ಲಿ ಸುಮಾರು ಶೇ 9ರಷ್ಟು ಟ್ವಿಟ್ಟರ್ ಷೇರುಗಳನ್ನು ಹೊಂದಿರುವ ಮಸ್ಕ್, ಮಂಡಳಿಯನ್ನು ಬೈಪಾಸ್ ಮಾಡುವ ಮೂಲಕ ಇತರ ಷೇರುದಾರರಿಗೆ ನೇರವಾಗಿ ತನ್ನ ಪ್ರಸ್ತಾವವನ್ನು ಮುಂದಿಡುತ್ತಾರೆ. ಕಳೆದ ವಾರ ಟ್ವಿಟರ್‌ನ ಮಂಡಳಿಯು “ಪಾಯಿಸನ್ ಪಿಲ್” ರಕ್ಷಣೆಯನ್ನು ಅಳವಡಿಸಿಕೊಂಡಿದ್ದು, ಅದು ಸ್ವಾಧೀನದ ಪ್ರಯತ್ನವನ್ನು ನಿಷೇಧಿಸುವಷ್ಟು ದುಬಾರಿ ಆಗಬಹುದು.

ಪಾಯಿಸನ್ ಪಿಲ್ ಎಂಬುದು ಕಂಪೆನಿ ಅಳವಡಿಸಿಕೊಳ್ಳುವ ರಣತಂತ್ರವಾಗಿದೆ. ಆ ಕಂಪೆನಿಯನ್ನು ಸ್ವಾಧೀನ ಪಡಿಸಿಕೊಳ್ಳುವ ಪ್ರಯತ್ನವನ್ನು ನಿರುತ್ತೇಜನಗೊಳಿಸುವ ಕ್ರಮ ಇದು. ಈಗಾಗಲೇ ಇರುವ ಷೇರುದಾರರು ರಿಯಾಯಿತಿ ಬೆಲೆಯಲ್ಲಿ ಇನ್ನಷ್ಟು ಷೇರು ಖರೀದಿಸುವಂತೆ ಹಕ್ಕನ್ನು ನೀಡಲಾಗುತ್ತದೆ.

ಇದನ್ನೂ ಓದಿ: Elon Musk: ಇನ್ನೆರಡು ವರ್ಷದಲ್ಲಿ ಎಲಾನ್ ಮಸ್ಕ್ ಆಸ್ತಿ 1 ಲಕ್ಷ ಕೋಟಿ ಯುಎಸ್​ಡಿ, ಅಂದರೆ 76 ಲಕ್ಷ ಕೋಟಿ ರೂ. ಅಂತಿದೆ ಈ ವರದಿ

Follow us on

Related Stories

Most Read Stories

Click on your DTH Provider to Add TV9 Kannada