E-Commerce: ಇ-ಕಾಮರ್ಸ್​ಗಳಿ​ಗೆ ಟಕ್ಕರ್ ನೀಡಲು ನಂದನ್ ನಿಲೇಕಣಿ ಅಧ್ವರ್ಯದಲ್ಲಿ ಬೆಂಗಳೂರು ಸೇರಿ ಇತರೆಡೆ ಬರುತ್ತಿದೆ ಡಿಜಿಟಲ್ ಪ್ಲಾಟ್​ಫಾರ್ಮ್

E-Commerce: ಇ-ಕಾಮರ್ಸ್​ಗಳಿ​ಗೆ ಟಕ್ಕರ್ ನೀಡಲು ನಂದನ್ ನಿಲೇಕಣಿ ಅಧ್ವರ್ಯದಲ್ಲಿ ಬೆಂಗಳೂರು ಸೇರಿ ಇತರೆಡೆ ಬರುತ್ತಿದೆ ಡಿಜಿಟಲ್ ಪ್ಲಾಟ್​ಫಾರ್ಮ್
ನಂದನ್ ನಿಲೇಕಣಿ (ಸಂಗ್ರಹ ಚಿತ್ರ)

ಹೊಸ ಇ-ಕಾಮರ್ಸ್ ಡಿಜಿಟಲ್ ಪ್ಲಾಟ್​ಫಾರ್ಮ್ ಅನ್ನು ನಂದನ್ ನಿಲೇಕಣಿ ಅವರ ನೇತೃತ್ವದಲ್ಲಿ ಅಭಿವೃದ್ಧಿಗೊಳಿಸುವ ಮೂಲಕ ಸಣ್ಣ ವ್ಯಾಪಾರಿಗಳು- ವರ್ತಕರಿಗೆ ನೆರವಾಗಲು ಕೇಂದ್ರ ಸರ್ಕಾರ ಮುಂದಾಗಿದೆ. ಬೆಂಗಳೂರು ಸೇರಿದಂತೆ ಇತರ ನಗರಗಳಲ್ಲಿ ಮೊದಲಿಗೆ ಇದು ಬರಲಿದೆ.

TV9kannada Web Team

| Edited By: Srinivas Mata

Apr 28, 2022 | 11:52 PM

ಸಣ್ಣ ಪ್ರಮಾಣದ ವರ್ತಕರಿಗೆ ಓಪನ್ ಟೆಕ್ನಾಲಜಿ ನೆಟ್​ವರ್ಕ್​ಗಾಗಿ ಕಾರ್ಯ ನಿರ್ವಹಿಸಲಾಗುತ್ತಿದೆ. ಅದರ ಮೂಲಕ ಟ್ರೇಡರ್​ಗಳು ಮತ್ತು ಬಳಕೆದಾರರು ಎಲ್ಲವನ್ನೂ ಖರೀದಿ ಹಾಗೂ ಮಾರಾಟ ಮಾಡಬಹುದು. ಮುಕ್ತವಾಗಿ ಸಂಪರ್ಕಕ್ಕೆ ಸಿಗುವ ಈ ಆನ್​ಲೈನ್​ ವ್ಯವಸ್ಥೆ ಹಿಂದಿರುವ ವ್ಯಕ್ತಿ ನಂದನ್ ನಿಲೇಕಣಿ (Nandan Nilekani). ಈ ನೆಟ್​ವರ್ಕ್​ಗೆ ದೊಡ್ಡದೊಡ್ಡ ಇ-ಕಾಮರ್ಸ್ ಕಂಪೆನಿಗಳಾದ ಅಮೆಜಾನ್ ಮತ್ತು ಫ್ಲಿಪ್​ಕಾರ್ಟ್​ಗೆ ಸವಾಲು ಹಾಕುವ ಸಾಮರ್ತ್ಯ ಇದೆ. ಇವುಗಳು ದೇಶದ ಆನ್​ಲೈನ್ ರೀಟೇಲ್ ಮಾರುಕಟ್ಟೆಯ ಶೇ 80ರಷ್ಟು ಪಾಲು ಹೊಂದಿದೆ. “ಇದು (ಓಪನ್ ನೆಟ್​ವರ್ಕ್ ಫಾರ್ ಡಿಜಿಟಲ್ ಕಾಮರ್ಸ್) ಆಲೋಚನೆ ಸಮಯ ಬಂದಿದೆ. ಲಕ್ಷಾಂತರ ಸಂಖ್ಯೆಯಲ್ಲಿ ಇರುವ ಸಣ್ಣ ಪ್ರಮಾಣದ ಮಾರಾಟಗಾರರಿಗೆ ಹೊಸದಾದ ಭಾರೀ ಬೆಳವಣಿಗೆಯ ಡಿಜಿಟಲ್ ಕಾಮರ್ಸ್ ಕ್ಷೇತ್ರಕ್ಕೆ ಸುಲಭ ಮಾರ್ಗ ತೋರುತ್ತದೆ,” ಎಂದಿದ್ದಾರೆ ಇನ್ಫೋಸಿಸ್​ನ ಸಹ ಸಂಸ್ಥಾಪಕರಲ್ಲಿ ಒಬ್ಬರಾದ ನಂದನ್ ನಿಲೇಕಣಿ. ಈ ಹಿಂದೆ ಆಧಾರ್ ಬಯೋಮೆಟ್ರಿಕ್ ಐಡಿ ವ್ಯವಸ್ಥೆಗೆ ನಿಲೇಕಣಿ ಸಹಾಯ ಮಾಡಿದ್ದರು.

ಸವಾಲುಗಳ ಹೊರತಾಗಿಯೂ ಈ ಕಾರ್ಯಕ್ಕೆ ನಿಲೇಕಣಿ ಸೂಕ್ತವಾದ ವ್ಯಕ್ತಿ ಎಂದು ಪಾಲೊ ಆಲ್ಟೊ ಮೂಲದ ಜಂಟಿ ಬಂಡವಾಳ ಸಂಸ್ಥೆಯ ಜನರಲ್ ಕ್ಯಾಟಲಿಸ್ಟ್ ಮ್ಯಾನೇಜಿಂಗ್ ಪಾರ್ಟನರ್ ಹೇಮಂತ್ ತನೇಜಾ ಹೇಳಿರುವುದಾಗಿ ಬ್ಲೂಮ್​ಬರ್ಗ್ ವರದಿ ಮಾಡಿದೆ.

ಏನಿದು ಓಪನ್ ನೆಟ್​ವರ್ಕ್ ಫಾರ್ ಡಿಜಿಟಲ್ ಕಾಮರ್ಸ್? ಒಎನ್​ಡಿಸಿ ಎಂಬುದು ಓಪನ್ ಟೆಕ್ನಾಲಜಿ ನೆಟ್​ವರ್ಕ್. ಅದು ಓಪನ್ ಪ್ರೋಟೊಕಾಲ್ ಮೇಲೆ ಆಧಾರ ಪಟ್ಟಿರುತ್ತದೆ. ಮತ್ತು ಸ್ಥಳೀಯ ವಾಣಿಜ್ಯದ ಎಲ್ಲ ಸೆಗ್ಮೆಂಟ್​ಗಳು, ಅಂದರೆ ಸಾಗಣೆ, ದಿನಸಿ, ಆಹಾರ ಆರ್ಡರ್ ಮತ್ತು ಡೆಲಿವರಿ, ಹೋಟೆಲ್ ಬುಕ್ಕಿಂಗ್ ಹಾಗೂ ಪ್ರಯಾಣ ಮತ್ತಿತರವುಗಳನ್ನು ಸಕ್ರಿಯಗೊಳಿಸುತ್ತದೆ. ಅದು ಕೂಡ ಯಾವುದೇ ನೆಟ್​ವರ್ಕ್ ಸಕ್ರಿಯಗೊಂಡ ಅಪ್ಲಿಕೇಷನ್​ ಅನ್ವೇಷಿಸುತ್ತದೆ ಮತ್ತು ತೊಡಗಿಕೊಳ್ಳುತ್ತದೆ. ಈ ಪ್ಲಾಟ್​ಫಾರ್ಮ್ ಹೊಸ ಅವಕಾಶಗಳನ್ನು ಸೃಷ್ಟಿಸುವ ಗುರಿ ಹೊಂದಿದ್ದು, ಡಿಜಿಟಲ್ ಪಾರಮ್ಯವನ್ನು ಕಡಿತಗೊಳಿಸುತ್ತದೆ. ಮತ್ತು ಕಿರು, ಸಣ್ಣ ಮತ್ತು ಮಧ್ಯಮ ಗಾತ್ರದ ಸಂಸ್ಥೆಗಳು ಹಾಗೂ ಸಣ್ಣ ಪ್ರಮಾಣದ ವ್ಯವಹಾರಸ್ಥರನ್ನು ಬೆಂಬಲಿಸುತ್ತದೆ ಮತ್ತು ಆನ್​ಲೈನ್ ಪ್ಲಾಟ್​ಫಾರ್ಮ್​ಗಳನ್ನು ಪಡೆಯಲು ಸಹಾಯ ಮಾಡುತ್ತದೆ. ಅಂದಹಾಗೆ ಇದು ವಾಣಿಜ್ಯ ಇಲಾಖೆ ಅಡಿಯಲ್ಲಿ ಬರುವ ಡಿಪಾರ್ಟ್​ಮೆಂಟ್ ಫಾರ್ ಪ್ರಮೋಷನ್ ಆಫ್ ಇಂಡಸ್ಟ್ರಿ ಅಂಡ್ ಇಂಟರ್ನಲ್ ಟ್ರೇಡ್ (DPIIT) ಉಪಕ್ರಮ ಆಗಿದೆ.

ಈ ರೀತಿಯದ್ದು ಇದೇ ಮೊದಲಾಗಿದೆ. ಒಎನ್​ಡಿಸಿಯು ಸಣ್ಣ ವರ್ತಕರು ಮತ್ತು ವ್ಯಾಪಾರಿಗಳಿಗೆ ಆರ್ಥಿಕತೆಯ ಗಾತ್ರ ಹೆಚ್ಚಿಸಿಕೊಳ್ಳಲು ನೆರವಾಗುತ್ತದೆ. ಶೀಘ್ರದಲ್ಲೇ ಈ ನೆಟ್​ವರ್ಕ್ ಐದು ನಗರಗಳಲ್ಲಿ- ದೆಹಲಿ, ಬೆಂಗಳೂರು, ಕೊಯಮತ್ತೂರು, ಭೋಪಾಲ್ ಮತ್ತು ಶಿಲ್ಲಾಂಗ್​ನಲ್ಲಿ ಬಳಕೆದಾರರನ್ನು ಆರಿಸಿಕೊಳ್ಳುವುದಕ್ಕೆ ಜಾರಿಗೆ ಬರಲಿದೆ.

ಇದನ್ನೂ ಓದಿ: Account Aggregator Framework: ಫೋನ್​ ಬಿಲ್​ನ ಸರಿಯಾದ ಪಾವತಿ ಸಹ ಸಾಲ ಸಿಗಲು ನೆರವಾಗುತ್ತದೆ ಎಂದಿದ್ದೇಕೆ ನಿಲೇಕಣಿ

Follow us on

Related Stories

Most Read Stories

Click on your DTH Provider to Add TV9 Kannada