NEET UG 2025 ಫಲಿತಾಂಶ: ಕರ್ನಾಟಕದ ನಿಖಿಲ್‌ಗೆ 17ನೇ ರ‍್ಯಾಂಕ್: ಇಲ್ಲಿದೆ ಕನ್ನಡಿಗರ ಸಾಧನೆ

ಬೆಂಗಳೂರು, (ಜೂನ್ 14): ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ಂದು (ಜೂನ್ 14) ರಾಷ್ಟ್ರೀಯ ಅರ್ಹತಾ ಮತ್ತು ಪ್ರವೇಶ ಪರೀಕ್ಷೆ (NEET-UG) 2025 ರ ಪದವಿ  ಫಲಿತಾಂಶ ಪ್ರಕಟಿಸಿದೆ. 12.36 ಲಕ್ಷಕ್ಕೂ ಹೆಚ್ಚು ಅಭ್ಯರ್ಥಿಗಳು ವೈದ್ಯಕೀಯ ಕೋರ್ಸ್ ಪ್ರವೇಶಕ್ಕೆ ಅರ್ಹತೆ ಪಡೆದಿದ್ದಾರೆ. ರಾಜಸ್ಥಾನದ ಮಹೇಶ್ ಕುಮಾರ್ ಟಾಪರ್ ಆಗಿ ಹೊರಹೊಮ್ಮಿದರೆ, ಮಧ್ಯಪ್ರದೇಶದ ಉತ್ಕರ್ಷ್ ಅವಧಿಯಾ ಎರಡನೇ ಸ್ಥಾನ ಪಡೆದಿದ್ದಾರೆ. ಮಹಿಳಾ ವಿಭಾಗದಲ್ಲಿ ದೆಹಲಿಯ ಅವಿಕಾ ಅಗರ್ವಾಲ್ ಟಾಪರ್ ಆಗಿದ್ದಾರೆ. ಇನ್ನು ಕರ್ನಾಟಕದ ನೀಖಿಲ್ ಸೋನದ್ ದೇಶಕ್ಕೆ 17ನೇ ರ್ಯಾಂಕ್ ಪಡೆದುಕೊಂಡಿದ್ದಾರೆ.

ನೀಟ್ ಯುಜಿ 2025 ಗೆ ನೋಂದಾಯಿಸಿಕೊಂಡಿದ್ದ 22,76,069 ಅಭ್ಯರ್ಥಿಗಳಲ್ಲಿ 22,09,318 ಅಭ್ಯರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದರು. ಈ ಪೈಕಿ 9,37,411 ಪುರುಷರು, 12,71,896 ಮಹಿಳೆಯರು ಮತ್ತು 11 ತೃತೀಯ ಲಿಂಗಿಗಳು. ಇದರಲ್ಲಿ ಪಟ್ಟು 12,36,531 ಅಭ್ಯರ್ಥಿಗಳು ಪಾಸಾಗಿದ್ದಾರೆ. ಇದರಲ್ಲಿ 5,14,063 ಪುರುಷರು, 7,22,462 ಮಹಿಳೆಯರು ಮತ್ತು 6 ತೃತೀಯ ಲಿಂಗಿಗಳಾಗಿದ್ದಾರೆ.

ಇದನ್ನೂ ಓದಿ: NEET UG Result 2025: NEET UG ಫಲಿತಾಂಶ ಪ್ರಕಟ; ರಿಸಲ್ಟ್​​​​ ಪರಿಶೀಲಿಸಲು ಲಿಂಕ್​​ ಇಲ್ಲಿದೆ

ಕರ್ನಾಟಕದ ಸಾಧನೆ

ಕರ್ನಾಟಕದ ಒಟ್ಟು 1,47,782 ಅಭ್ಯರ್ಥಿಗಳು ಪರೀಕ್ಷೆಗೆ ನೊಂದಾಯಿಸಿದ್ದರು. ಆದ್ರೆ, 1,42,369 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು, ಇದರಲ್ಲಿ 83,582 ಅರ್ಹತೆ ಪಡೆದುಕೊಂಡರು.

ಟಾಪ್ 10 ರ‍್ಯಾಂಕ್ ಪಡೆದ ವಿದ್ಯಾರ್ಥಿಗಳ ಪಟ್ಟಿ

1. ಮಹೇಶ್ ಕುಮಾರ್  ಫಸ್ಟ್​ ರ‍್ಯಾಂಕ್
2.  ಉತ್ಕರ್ಷ್ ಅವಧಿಯಾ ಸೆಕೆಂಡ್ ರ‍್ಯಾಂಕ್
3. ಕೃಶಾಂಗ್ ಜೋಶಿ ಮೂರನೇ ರ‍್ಯಾಂಕ್
4. ಮೃಣಾಲ್ ಕಿಶೋರ್ ಝಾ ನಾಲ್ಕನೇ ರ‍್ಯಾಂಕ್
5. ಅವಿಕಾ ಅಗ್ಗರ್ವಾಲ್ ಐದನೇ ರ‍್ಯಾಂಕ್
6.  ಜೆನಿಲ್ ವಿನೋದ್‌ಭಾಯಿ ಭಾಯಾನಿ 6ನೇ ರ‍್ಯಾಂಕ್
7. ಕೇಶವ್ ಮಿತ್ತಲ್ 7ನೇ ರ‍್ಯಾಂಕ್
8. ಝಾ ಭಾವ್ಯ ಚಿರಾಗ್ 8ನೇ ರ‍್ಯಾಂಕ್
9.  ಹರ್ಷ್ ಕೆಡವತ್ 9ನೇ ರ‍್ಯಾಂಕ್
10.  ಆರವ್ ಅಗ್ರವಾಲ್ 10ನೇ ರ‍್ಯಾಂಕ್

ಟಾಪ್ 100ರಲ್ಲಿ ಸ್ಥಾನ ಪಡೆದ ಕರ್ನಾಟಕದ ವಿದ್ಯಾರ್ಥಿಗಳ ಪಟ್ಟಿ

• ನೀಖಿಲ್ ಸೋನದ್ ದೇಶದಕ್ಕೆ 17ನೇ  ರ್ಯಾಂಕ್​,
• ರುಚಿರ್ ಗುಪ್ತಾ ದೇಶದಕ್ಕೆ 22ನೇ ರ್ಯಾಂಕ್
• ತೇಜಸ್ ಸೈಲೇಶ್ 38ನೇ  ರ್ಯಾಂಕ್.
• ಪಿ ಜಾಗಿರ್ದಾರ್ 42 ನೇ ನೀಟ್ ರ್ಯಾಂಕ್
• ಹರಿಣಿ ಶರ್ಮಾ 72 ನೇ ನೀಟ್ ರ್ಯಾಂಕ್
• ದಿಗಂತ್ 80 ನೇ ನೀಟ್ ರ್ಯಾಂಕ್
• ನಿಧಿ ಕೆ ಜಿ 84 ನೇ ನೀಟ್ ರ್ಯಾಂಕ್