ಪ್ರಧಾನಿ ಭಾಷಣ ವೇಳೆ ಲೈಟ್ ಟವರ್ ಏರಿದ ಮಹಿಳೆ; ಯುವ ಜನತೆ ಬೇಸರಗೊಂಡಿದೆ: ಖರ್ಗೆ ಟೀಕೆ

ದೆಹಲಿ ನವೆಂಬರ್ 13: ಬಿಜೆಪಿಯ ಉನ್ನತ ನಾಯಕರ ಜೊತೆ ಮಾತನಾಡಲು ಮಹಿಳೆಯೊಬ್ಬರು ಶನಿವಾರ ಲೈಟ್ ಟವರ್ ಹತ್ತಿದ ಘಟನೆಗೆ ಸಂಬಂಧಿಸಿದಂತೆ ಕಾಂಗ್ರೆಸ್ (Congress) ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ (Mallikarjun Kharge) ಸೋಮವಾರ ಪ್ರಧಾನಿ ನರೇಂದ್ರ ಮೋದಿ (Narendra Modi) ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಇದು ತುಂಬಾ ಗೊಂದಲದ ದೃಶ್ಯ ಎಂದು ಹೇಳಿದ ಖರ್ಗೆ, “ರಾಷ್ಟ್ರ ಎದುರಿಸುತ್ತಿರುವ ನೈಜ ಸಮಸ್ಯೆಗಳ” ಕಡೆಗೆ ತನ್ನ ಗಮನವನ್ನು ಸೆಳೆಯಲು ಮಹಿಳೆ ಟವರ್ ಏರಿದ್ದರು ಎಂದು ಹೇಳಿದ್ದಾರೆ.

ಈ ಬಗ್ಗೆ ಸಾಮಾಜಿಕ ಮಾಧ್ಯಮ ಎಕ್ಸ್​ನಲ್ಲಿ ಪೋಸ್ಟ್ ಮಾಡಿದ ಖರ್ಗೆ ಅವರು ಹೆಚ್ಚಿನ ನಿರುದ್ಯೋಗ ದರ, ಹಣದುಬ್ಬರ ಮತ್ತು ಆರ್ಥಿಕ ಅಸಮಾನತೆಯ ಸಮಸ್ಯೆಗಳನ್ನು ಎತ್ತಿ ತೋರಿಸಿದ್ದು, ಮೋದಿ ಸರ್ಕಾರ “ರ‍್ಯಾಂಕ್ ದ್ರೋಹ” ಮಾಡಿದೆ ಎಂದು ಆರೋಪಿಸಿದರು. ಮಹಿಳೆಯರು, ಎಸ್‌ಸಿ ಮತ್ತು ಎಸ್‌ಟಿಗಳು ಮತ್ತು ಹಿಂದುಳಿದ ವರ್ಗಗಳ ವಿರುದ್ಧದ ಅಪರಾಧಗಳು ಅತಿಯಾಗಿ ಏರಿಕೆ ಆಗಿದೆ ಎಂದು ಅವರು ಹೇಳಿದ್ದಾರೆ.

ದೇಶದ ಯುವಕರು ಉದ್ಯೋಗಕ್ಕಾಗಿ ಹಾತೊರೆಯುತ್ತಿದ್ದಾರೆ. ಆದರೆ ಮೋದಿ ಸರ್ಕಾರದ ಅಡಿಯಲ್ಲಿ 45 ವರ್ಷಗಳಷ್ಟು ನಿರುದ್ಯೋಗ ದರವನ್ನು ಎದುರಿಸಿದ್ದಾರೆ. ಸರ್ಕಾರವು ಆರ್ಥಿಕ ಅಸಮಾನತೆಯನ್ನು ಶಾಶ್ವತಗೊಳಿಸುತ್ತಿದೆ ಎಂದು ಆರೋಪಿಸಿದ ಖರ್ಗೆ 5% ರಷ್ಟು ಶ್ರೀಮಂತರು ದೇಶದ  60% ಕ್ಕಿಂತ  ಹೆಚ್ಚು ಸಂಪತ್ತು ಹೊಂದಿದ್ದಾರೆ, ಮಧ್ಯಮ ವರ್ಗ ಮತ್ತು ಬಡವರು ತೊಂದರೆ ಅನುಭವಿಸುತ್ತಿದ್ದಾರೆ ಎಂದು ಖರ್ಗೆ ಹೇಳಿದ್ದಾರೆ.

While the Prime Minister was speaking in Telangana, in a very disturbing visual, a girl climbed up an electricity pole in order to attract attention to the REAL issues facing the nation.

Young India is fed up with Modi Govt’s rank betrayal.

▫️ They aspired for Jobs, but in…

— Mallikarjun Kharge (@kharge) November 13, 2023

ಮೋದಿ ಸರ್ಕಾರವು ಏಕತೆ ಮತ್ತು ಸೌಹಾರ್ದತೆಯನ್ನು ಬೆಳೆಸುವ ಬದಲು ದೇಶದ ಜನರಲ್ಲಿ ದ್ವೇಷ ಮತ್ತು ವಿಭಜನೆಯ ಬೀಜಗಳನ್ನು ಬಿತ್ತಿದೆ ಎಂದಿದ್ದಾರೆ ಖರ್ಗೆ.

“ಪ್ರಧಾನಿ ತೆಲಂಗಾಣದಲ್ಲಿ ಮಾತನಾಡುತ್ತಿದ್ದಾಗ, ಅತ್ಯಂತ ಗೊಂದಲದ ದೃಶ್ಯದಲ್ಲಿ, ರಾಷ್ಟ್ರ ಎದುರಿಸುತ್ತಿರುವ ನೈಜ ಸಮಸ್ಯೆಗಳತ್ತ ಗಮನ ಸೆಳೆಯುವ ಸಲುವಾಗಿ ಹುಡುಗಿಯೊಬ್ಬಳು ವಿದ್ಯುತ್ ಕಂಬವನ್ನು ಹತ್ತಿದಳು” ಎಂದು ಕಾಂಗ್ರೆಸ್ ಅಧ್ಯಕ್ಷರು X ನಲ್ಲಿ ಬರೆದಿದ್ದಾರೆ. ಮೋದಿ ಸರ್ಕಾರದ ರ‍್ಯಾಂಕ್ ದ್ರೋಹ ದಿಂದಾಗಿ ಯುವ ಭಾರತವು ಬೇಸರಗೊಂಡಿದೆ ಎಂದು ಖರ್ಗೆ ಹೇಳಿದ್ದಾರೆ.

ಇದನ್ನೂ ಓದಿ: ತೆಲಂಗಾಣ: ವೇದಿಕೆಯಲ್ಲಿ ಮಾದಿಗ ನಾಯಕನಿಗೆ ಸಾಂತ್ವನ ಹೇಳಿದ ಪ್ರಧಾನಿ ಮೋದಿ

ಪ್ರಧಾನಿ ಮೋದಿ ಸಿಕಂದರಾಬಾದ್‌ನಲ್ಲಿ ಸಭೆಯನ್ನು ಉದ್ದೇಶಿಸಿ ಮಾತನಾಡುತ್ತಿದ್ದಾಗ ಮಹಿಳೆಯೊಬ್ಬರು ಲೈಟ್ ಟವರ್ ಅನ್ನು ಹತ್ತಿದರು. ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾದ ವಿಡಿಯೊದಲ್ಲಿ, ಪ್ರಧಾನಿ ಮಹಿಳೆಯಲ್ಲಿ ಕೆಳಗಿಳಿಯುವಂತೆ ಪದೇ ಪದೇ ಒತ್ತಾಯಿಸುತ್ತಿರುವುದು ಕಾಣಬಹುದು

“ದಯವಿಟ್ಟು ಟವರ್ ಹತ್ತಬೇಡಿ. ತಂತಿ ಸರಿಯಾಗಿಲ್ಲ ಮತ್ತು ಶಾರ್ಟ್ ಸರ್ಕ್ಯೂಟ್ಗೆ ಕಾರಣವಾಗಬಹುದು. ಇದು ಸರಿಯಾದ ಕ್ರಮವಲ್ಲ. ದಯವಿಟ್ಟು ಟವರ್ ನಿಂದ ಕೆಳಗೆ ಇಳಿಯಿರಿ. ನಿಮ್ಮ ಮಾತು ಕೇಳಲು ನಾನಿದ್ದೇನೆ” ಎಂದು ಪ್ರಧಾನಿ ಮೋದಿ ಆ ಮಹಿಳೆಗೆ ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ