ಬೇರೆ ಬೇರೆ ತಂಡದಲ್ಲಿದ್ರೂ ದಿವ್ಯಾ-ದಿವ್ಯಾ ಹೊಸ ಗೇಮ್ ಪ್ಲಾನ್; ರೋಲ್ ಮಾಡೆಲ್ ಆಗೋ ಆಸೆಯಲ್ಲಿ ದಿವ್ಯಾ ಉರುಡುಗ

ಬಿಗ್​ಬಾಸ್ ಮನೆಯಲ್ಲಿ ಒಮ್ಮೆ ಒಬ್ಬರಿಗೊಬ್ಬರು ಕಿತ್ತಾಡಿಕೊಂಡರೆ ಮತ್ತೊಮ್ಮೆ ಒಂದಾಗಿಬಿಡುತ್ತಾರೆ. ಪರಸ್ಪರ ಜಗಳ ಮಾಡಿ ನಂತರ ಗೆಳೆಯ-ಗೆಳತಿಯರಾಗುತ್ತಾರೆ. ಒಬ್ಬರಿಗೆ ಮತ್ತೊಬ್ಬರು ಆಗಲ್ಲ ಎಂದು ಬದುಕೋಕೆ ಬಿಗ್ ಬಾಸ್ ಬಿಡೋದಿಲ್ಲ. ಅಂಥ ಸಂದರ್ಭಕ್ಕೆ ಸರಿಯಾಗಿ ಯಾವುದೋ ಒಂದು ಟಾಸ್ಕ್ ಕೊಟ್ಟು ಬಿಗ್ ಬಾಸ್ ಮನೆಯ ಚಿತ್ರಣವನ್ನೇ ಬದಲಾಯಿಸಿಬಿಡುತ್ತಾರೆ. ಈ ಸೀಸನ್​ನಲ್ಲೂ ಅಂಥ ಕೆಲವು ಘಟನೆಗಳು ನಡೆದಿವೆ.

ಮೊದಮೊದಲು ಯಾರ ಜೊತೆಗೂ ಮಾತಾಡದೆ ಇರುತ್ತಿದ್ದ ವೈಷ್ಣವಿ, ಟಾಸ್ಕ್ ಬಳಿಕ ರಘು ಗೌಡಗೆ ಕ್ಲೋಸ್ ಆಗಿದ್ದರು. ಅವರಿಬ್ಬರೂ ಉತ್ತಮ ಗೆಳೆಯರಾಗಿ ಪರಸ್ಪರ ಖುಷಿ-ನೋವು ಹಂಚಿಕೊಂಡಿದ್ದರು. ಮೊದಲು ತುಂಬಾ ಒಟ್ಟಾಗಿ ಇರುತ್ತಿದ್ದ ದಿವ್ಯಾ ಸುರೇಶ್ ಮತ್ತು ಮಂಜು ಪಾವಗಡ ಈ ನಡುವೆ ಯಾಕೋ ಸ್ವಲ್ಪ ದೂರವಾಗಿದ್ದರು. ಹೀಗೆ ಸಂಬಂಧಗಳು ಹಾವು ಏಣಿ ಆಟದಂತೆ ತನ್ನ ರೂಪ-ಸ್ಥಿತಿ ಬದಲಿಸುತ್ತಾ ಮನೆಯಲ್ಲಿ ಆಶ್ಚರ್ಯ ಅನಿಸುವಂತಹ ಘಟನೆಗಳು ಆಗುವಂತೆ ಮಾಡುತ್ತಿರುತ್ತದೆ.

ಈಗಲೂ ಅಂಥ ಒಂದು ಘಟನೆ ಬಿಗ್ ಬಾಸ್ ಮನೆಯಲ್ಲಿ ನಡೆದಿದೆ. ಈ ಮೊದಲು ಅಷ್ಟೊಂದು ಕ್ಲೋಸ್ ಆಗಿರದಿದ್ದ ದಿವ್ಯಾ  ಸುರೇಶ್ ಹಾಗೂ ದಿವ್ಯಾ ಉರುಡುಗ ಈಗ ತುಂಬಾ ಕ್ಲೋಸ್ ಆಗಿ ಮಾತನಾಡಿದ್ದಾರೆ. ಅವರಿಬ್ಬರು ಜೊತೆಗೆ ಕೂತು, ತುಂಬಾ ಖುಷಿಯಿಂದ ಮಾತನಾಡಿರುವ ವಿಡಿಯೋ ತುಣುಕನ್ನು ವಾಹಿನಿ ಹಂಚಿಕೊಂಡಿದೆ.

ಆ ವಿಡಿಯೋದಲ್ಲಿ ಅವರಿಬ್ಬರು ಹೊಸ ಗೇಮ್ ಪ್ಲಾನ್ ಹಾಕಿಕೊಂಡಿದ್ದಾರೆ. ‘ಬೆಸ್ಟ್ ಆಡೋಣ ಬ್ರೋ’ ಎಂದು ದಿವ್ಯಾ ಉರುಡುಗ ದಿವ್ಯಾ ಸುರೇಶ್​ಗೆ ಸ್ಫೂರ್ತಿ ತುಂಬಿದ್ದಾರೆ. ಹೊರಗಡೆ ನೋಡೋ ಹುಡುಗೀರಿಗೆಲ್ಲ ನಮ್ಮನ್ನ ನೋಡಿ ಆಸೆ ಆಗಬೇಕು. ನಮ್ಮ ಹಾಗೆ ಆಗ್ಬೇಕು ಅಂತ ಅವ್ರಿಗೆ ಅನಿಸಬೇಕು ಎಂದು ತಮ್ಮ ಕನಸು ತೋಡಿಕೊಂಡಿದ್ದಾರೆ. ಇದಕ್ಕೆ ದಿವ್ಯಾ ಸುರೇಶ್ ಕೂಡ ಸಮ್ಮತಿ ಸೂಚಿಸಿದ್ದಾರೆ.

ದಿವ್ಯಾ ಉರುಡುಗ-ದಿವ್ಯಾ ಸುರೇಶ್

ಈಗ ನಡೆಯುತ್ತಿರೋ ಆಟದಲ್ಲಿ ಪರಸ್ಪರ ಬೇರೆ ತಂಡದಲ್ಲಿ ಇರುವ ದಿವ್ಯಾ-ದಿವ್ಯಾ, ಟಾಸ್ಕ್​ನ ಗಲಾಟೆ, ಜಗಳ, ಮನಸ್ತಾಪಗಳನ್ನು ಅಲ್ಲೇ ಬಿಡೋಣ. ಬೇರೆವ್ರ ರೀತಿ ಕಿರುಚಾಡೋದು ಬೇಡ ಅಂದಿದ್ದಾರೆ. ಆದ್ರೆ ಈ ವಿಷ್ಯಕ್ಕೆ ಕೆಲವು ಅಭಿಮಾನಿಗಳು ಖುಷಿಪಟ್ಟಿದ್ರೆ, ಇನ್ನು ಕೆಲವರು ಬೈದುಕೊಂಡಿದ್ದಾರೆ. ನೀವಿಬ್ರು ವೈಷ್ಣವಿನ ನೋಡಿ ಕಲಿಬೇಕು ಎಂದು ಹೇಳಿದ್ದಾರೆ. ಈ ರೀತಿ ಗೇಮ್ ಪ್ಲಾನ್ ಮಾಡ್ಕೊಂಡು ಆಟ ಆಡೊ ತಂತ್ರ ಇದು ಅಂತಲೂ ಜನರು ಆಡಿಕೊಂಡಿದ್ದಾರೆ.

ಇದನ್ನೂ ಓದಿ: ಬಿಗ್​ ಬಾಸ್​ನಲ್ಲಿ ಗುಟ್ಟಾಗಿ ನಡೆಯುತ್ತಿದ್ದ ನಾಮಿನೇಷನ್​ ಈಗ ಬಟಾಬಯಲು! ಯಾರಿಗೆಲ್ಲ ಕಾದಿದೆ ಅಪಾಯ?

ಇದನ್ನೂ ಓದಿ: ಬಿಗ್​ ಬಾಸ್​ನಿಂದ ರಘುಗೆ ಒಂದು ನ್ಯಾಯ, ಉಳಿದವರಿಗೊಂದು ನ್ಯಾಯ? ನಿಧಿ ತಲೆಯಲ್ಲಿ ಬಂತು ಡೌಟ್​

(Bigg Boss Kannada 8 Divya Suresh Divya Uruduga new game plan Divya wants to become Role Model)