ಹೆಚ್ಚಿದ ‘ಜವಾನ್’ ಸಿನಿಮಾ ಕ್ರೇಜ್: ಈವರೆಗೆ ಮಾರಾಟವಾದ ಟಿಕೆಟ್ ಎಷ್ಟು?

ಶಾರುಖ್ ಖಾನ್ ಅಭಿನಯದ ‘ಜವಾನ್’ ಸಿನಿಮಾ (Jawan Movie) ಬಿಡುಗಡೆಗೂ ಮೊದಲೇ ಸಾಲು ಸಾಲು ದಾಖಲೆಗಳನ್ನು ಮಾಡುತ್ತಿದೆ. ಈ ಮೊದಲು ದುಬೈನ ಬುರ್ಜ್ ಖಲೀಫಾ ಕಟ್ಟಡದ ಮೇಲೆ ಟ್ರೇಲರ್ ಬಿಡುಗಡೆಗೊಳಿಸಲಾಗಿತ್ತು. ಶಾರುಖ್ ಖಾನ್ ಕೂಡ ಈ ಕಾರ್ಯಕ್ರಮದಲ್ಲಿ ಭಾಗಿ ಆಗಿದ್ದರು. ಆಡಿಯೋ ಲಾಂಚ್​ನಲ್ಲಿ ಶಾರುಖ್ ಎನರ್ಜಿ ನೋಡಿ ಫ್ಯಾನ್ಸ್ ದಂಗಾಗಿದ್ದರು. ಈಗ ಸಿನಿಮಾ ಟಿಕೆಟ್​ ಪ್ರೀ ಬುಕಿಂಗ್ ವಿಷಯದಲ್ಲಿ ಸುದ್ದಿ ಆಗುತ್ತಿದೆ. ಬಿಡುಗಡೆಗೆ ಮೊದಲೇ ಲಕ್ಷ ಲಕ್ಷ ಟಿಕೆಟ್ ಸೋಲ್ಡ್ ಔಟ್ ಆಗಿದೆ.

‘ಜವಾನ್’ ಸಿನಿಮಾದ ಆನ್​ಲೈನ್​ ಟಿಕೆಟ್ ಬುಕಿಂಗ್ ಒಂದು ವಾರದ ಹಿಂದೆ ಆರಂಭ ಆಗಿತ್ತು. ಈ ಅವಧಿಯಲ್ಲಿ 5 ಲಕ್ಷ ಟಿಕೆಟ್ ಬುಕ್ ಆಗಿವೆ. ಈ ಕುರಿತು ಟ್ರೇಡ್ ವಿಶ್ಲೇಶಕ ಮನೋಬಲ ವಿಜಯಬಾಲನ್ ತಮ್ಮ ಟ್ವಿಟರ್ ಖಾತೆ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ. ಕೆಲ ಚಿತ್ರಮಂದಿರಗಳಲ್ಲಿ ಟಿಕೆಟ್ ದರ 2400 ರೂಪಾಯಿಗೆ ಏರಿಕೆಯಾಗಿದೆ. ಆದರೆ, ಶಾರುಖ್ ಖಾನ್ ಅಭಿಮಾನಿಗಳು ಮುಗಿಬಿದ್ದು ಟಿಕೆಟ್ ಬುಕ್ ಮಾಡುತ್ತಿದ್ದಾರೆ.

ಮಲ್ಟಿಪ್ಲೆಕ್ಸ್​ಗಳಲ್ಲಿ ಅತೀ ಹೆಚ್ಚು ಟಿಕೆಟ್ ಬುಕಿಂಗ್ ಆಗಿದೆ. ಪಿವಿಆರ್​​ನಲ್ಲಿ 1,12,299, ಐನಾಕ್ಸ್​ನಲ್ಲಿ 75,661, ಸಿನಿಪೊಲಿಸ್​ನಲ್ಲಿ 40,557 ಟಿಕೆಟ್ ಬುಕ್ ಆಗಿದ್ದು ಸುಮಾರು 9 ಕೋಟಿಯಷ್ಟು ಗಳಿಕೆ ಕಂಡಿದೆ. ಇನ್ನು ದೆಹಲಿ, ಮುಂಬೈ, ಬೆಂಗಳೂರು, ಹೈದರಾಬಾದ್, ಕೋಲ್ಕತ್ತಾದಲ್ಲಿ ಅತೀ ಹೆಚ್ಚು ಅಡ್ವಾನ್ಸ್ ಬುಕಿಂಗ್ ಆಗಿದೆ

ಮುಂಜಾನೆಯಿಂದಲೇ ಶೋ

‘ಜವಾನ್’ ಚಿತ್ರಕ್ಕೆ ಹಲವು ಕಡೆಗಳಲ್ಲಿ ಮುಂಜಾನೆಯಿಂದಲೇ ಶೋ ಇಡಲಾಗಿದೆ. ಮುಂಬೈನ ಗೈಟಿ ಗ್ಯಾಲಾಕ್ಸಿ ಥಿಯೇಟರ್​ನಲ್ಲಿ ಈವರೆಗೆ ಮುಂಜಾನೆ 6 ಗಂಟೆಗೆ ಯಾವುದೇ ಶೋ ಪ್ರದರ್ಶನ ಕಂಡಿರಲಿಲ್ಲ. ಆದರೆ, ಈಗ ‘ಜವಾನ್’ ಸಿನಿಮಾ ಶೋ 6 ಗಂಟೆಗೆ ಪ್ರದರ್ಶನ ಕಾಣುತ್ತಿದೆ. ಈ ಮೂಲಕ ಇತಿಹಾಸ ಸೃಷ್ಟಿ ಆಗುತ್ತಿದೆ.

ಇದನ್ನೂ ಓದಿ: ‘ಶಾರುಖ್​ ಖಾನ್​ಗೆ ಹೇಳಿ ಜವಾನ್​ ಚಿತ್ರದ ಟಿಕೆಟ್​ ಕೊಡಿಸಿ ಪ್ಲೀಸ್​’: ವಿವೇಕ್​ ಅಗ್ನಿಹೋತ್ರಿ ಬಹಿರಂಗ ಮನವಿ

‘ಜವಾನ್’ ಸಿನಿಮಾ ಹಿಂದಿ, ತಮಿಳು, ತೆಲುಗು ಭಾಷೆಗಳಲ್ಲಿ ಬಿಡುಡೆಗೊಳ್ಳುತ್ತಿದೆ. ಅಟ್ಲಿ ನಿರ್ದೇಶನ ಮಾಡುತ್ತಿರುವ ಈ ಸಿನಿಮಾದಲ್ಲಿ ಶಾರುಖ್ ಖಾನ್, ನಯನತಾರಾ, ದೀಪಿಕಾ ಪಡುಕೋಣೆ, ವಿಜಯ್ ಸೇತುಪತಿ ನಟಿಸಿದ್ದಾರೆ. ಈಗಾಗಲೇ ಸಿನಿಮಾದ ಬಗ್ಗೆ ಭಾರಿ ನರೀಕ್ಷೆ ಸೃಷ್ಟಿ ಆಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ