Asin: ಡಿವೋರ್ಸ್​ ವದಂತಿಗೆ ತೆರೆ ಎಳೆದ ನಟಿ ಆಸಿನ್​; ನಿಟ್ಟುಸಿರು ಬಿಟ್ಟ ಅಭಿಮಾನಿಗಳು

ಒಂದು ಕಾಲದ ಬ್ಯುಸಿ ನಟಿ ಆಸಿನ್​ (Asin) ಅವರು ಈಗ ಸಿನಿಮಾಗಳಿಂದ ದೂರ ಉಳಿದುಕೊಂಡಿದ್ದಾರೆ. ಅವರ ಬಗ್ಗೆ ಡಿವೋರ್ಸ್​​ಗೆ (Divorce) ಸಂಬಂಧಿಸಿದಂತೆ ಗಾಸಿಪ್​ಗಳು ಹುಟ್ಟಿಕೊಂಡಿವೆ. ಅವುಗಳಿಗೆ ಸ್ವತಃ ಆಸಿನ್​ ಅವರು ತೆರೆ ಎಳೆದಿದ್ದಾರೆ. ಈ ನಟಿಯ ದಾಂಪತ್ಯ ಜೀವನದಲ್ಲಿ ಬಿರುಗಾಳಿ ಎದ್ದಿದೆ ಎಂದು ಕೆಲವರು ಸುದ್ದಿ ಹಬ್ಬಿಸಿದ್ದರು. ಅದರಿಂದ ಅಭಿಮಾನಿಗಳಿಗೆ ಕೊಂಚ ಬೇಸರ ಆಗಿತ್ತು. ಆದರೆ ಈಗ ಆಸಿನ್​ ಅವರು ಪ್ರತಿಕ್ರಿಯೆ ನೀಡುವ ಮೂಲಕ ಎಲ್ಲ ಅಂತೆ-ಕಂತೆಗಳಿಗೆ (Gossip) ಪೂರ್ಣ ವಿರಾಮ ಇಟ್ಟಿದ್ದಾರೆ. ತಮ್ಮ ಸಂಸಾರ ಚೆನ್ನಾಗಿಯೇ ಇದೆ ಎಂದು ಆಸಿನ್​ ಹೇಳಿದ್ದಾರೆ. ಈಗ ಅವರು ವಿದೇಶ ಪ್ರವಾಸದಲ್ಲಿ ಸಮಯ ಕಳೆಯುತ್ತಿದ್ದಾರೆ.

ಕಾಲಿವುಡ್​ನಲ್ಲಿ ಫೇಮಸ್​ ಆಗಿದ್ದ ಆಸಿನ್ ಅವರು ಮೈಕ್ರೋಮ್ಯಾಕ್ಸ್ ಸಂಸ್ಥಾಪಕ ರಾಹುಲ್ ಶರ್ಮಾ ಅವರನ್ನು 2016ರಲ್ಲಿ ಮದುವೆಯಾದರು. ಆ ಬಳಿಕ ಅವರು ಚಿತ್ರರಂಗಕ್ಕೆ ವಿದಾಯ ಹೇಳಿದರು. ಕೆಲವು ದಿನಗಳಿಂದ ಈಚೆಗೆ ಅವರು ಸಂಸಾರದ ಬಗ್ಗೆ ಗುಮಾನಿ ಶುರುವಾಗಿತ್ತು. ಪತಿಗೆ ಸಂಬಂಧಿಸಿದ ಎಲ್ಲ ಫೋಟೋಗಳನ್ನು ಅವರು ಡಿಲೀಟ್​ ಮಾಡಿದ್ದೇ ಇಂಥ ಅನುಮಾನ ಹುಟ್ಟಲು ಕಾರಣ ಆಗಿತ್ತು. ಆದರೆ ತಮ್ಮ ಸಂಸಾರದಲ್ಲಿ ಯಾವುದೇ ಕಿರಿಕ್​ ಇಲ್ಲ ಎಂದು ಆಸಿನ್​ ಹೇಳಿದ್ದಾರೆ. ಇನ್​ಸ್ಟಾಗ್ರಾಮ್​ ಸ್ಟೋರಿ ಮೂಲಕ ಅವರು ತಮ್ಮ ಸ್ಪಷ್ಟನೆ ನೀಡಿದ್ದಾರೆ.

ಭಾರತದಲ್ಲಿ ಪ್ರೇಮ ವಿವಾಹವಾದವರಲ್ಲೇ ಜಾಸ್ತಿ ವಿಚ್ಛೇದನ: ಸುಪ್ರೀಂಕೋರ್ಟ್

‘ನಮ್ಮ ಬೇಸಿಗೆ ರಜೆಯ ನಡುವಿನಲ್ಲಿ, ನಾವಿಬ್ಬರು ಅಕ್ಕ-ಪಕ್ಕ ಕುಳಿತು ಬೆಳಗ್ಗಿನ ಉಪಹಾರ ಸವಿಯುತ್ತಿರುವಾಗ ಒಂದು ಕಾಲ್ಪನಿಕ ಮತ್ತು ಆಧಾರರಹಿತವಾದ ಸುದ್ದಿ ನೋಡಿದೆವು. ಮದುವೆಗಾಗಿ ನಾವು ಕುಟುಂಬದವರ ಜೊತೆ ಪ್ಲ್ಯಾನಿಂಗ್​ ಮಾಡುತ್ತಿದ್ದಾಗ ನಮ್ಮ ಬ್ರೇಕಪ್​ ಬಗ್ಗೆ ಸುದ್ದಿ ಕೇಳಿಬಂದಿತ್ತು. ಆ ದಿನಗಳು ಈಗ ನನಗೆ ನೆನಪಾಗುತ್ತಿದೆ. ಇಂಥ ಸುದ್ದಿ ಓದಿ ನಿರಾಸೆ ಆಯಿತು. ಇಲ್ಲದಿದ್ದರೆ ಈ ರಜೆ ಅದ್ಭುತವಾಗಿ ಇರುತ್ತಿತ್ತು. ನಿಮ್ಮ ದಿನ ಚೆನ್ನಾಗಿರಲಿ’ ಎಂದು ಆಸಿನ್​ ಬರೆದುಕೊಂಡಿದ್ದಾರೆ. ಗಾಸಿಪ್​ ಹಬ್ಬಿಸುವವರಿಗೆ ಆ ಮೂಲಕ ಅವರು ಚಾಟಿ ಬೀಸಿದ್ದಾರೆ.

ಡಿವೋರ್ಸ್​ ಚಿಂತೆ ಬಿಟ್ಟು ಬಿಂದಾಸ್​ ಆಗಿ ಫೋಟೋಶೂಟ್​ ಮಾಡಿಸಿದ ಚಿರಂಜೀವಿ ಮನೆಮಗಳು ನಿಹಾರಿಕಾ

2001ರಿಂದಲೂ ಚಿತ್ರರಂಗದಲ್ಲಿ ಸಕ್ರಿಯವಾಗಿದ್ದ ಆಸಿನ್​ ಅವರು ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸಿದ್ದರು. ತಮಿಳು, ತೆಲುಗು ಮಾತ್ರವಲ್ಲದೇ ಹಿಂದಿ ಚಿತ್ರರಂಗದಲ್ಲೂ ಅವರಿಗೆ ಬೇಡಿಕೆ ಇತ್ತು. ಸೂರ್ಯ, ಸಲ್ಮಾನ್​ ಖಾನ್​, ಆಮಿರ್​ ಖಾನ್​, ಅಕ್ಷಯ್​ ಕುಮಾರ್​ ಮುಂತಾದ ಸ್ಟಾರ್​ ನಟರ ಜೊತೆ ಅಭಿನಯಿಸಿ ಅವರು ಫೇಮಸ್​ ಆಗಿದ್ದರು. ಆದರೆ 2015ರ ಬಳಿಕ ಅವರು ಯಾವುದೇ ಸಿನಿಮಾ ಒಪ್ಪಿಕೊಳ್ಳಲಿಲ್ಲ. ಅವರು ಕಮ್​ಬ್ಯಾಕ್​ ಮಾಡಲಿ ಎಂದು ಫ್ಯಾನ್ಸ್ ಬಯಸುತ್ತಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.