ಬ್ರೇಕಪ್ ಬಳಿಕ ಮೊದಲ ಬಾರಿ ಮುಖಾಮುಖಿ; ಮಲೈಕಾನ ತಬ್ಬಿ ಆಲಂಗಿಸಿದ ಅರ್ಜುನ್ ಕಪೂರ್

ಬಣ್ಣದ ಜಗತ್ತಿನ ಅನೇಕ ಜೋಡಿಗಳು ಬೇರೆ ಆದ ನಂತರ ಪರಸ್ಪರ ಸ್ನೇಹ ಸಂಬಂಧವನ್ನು ಕಾಪಾಡಿಕೊಳ್ಳುವುದನ್ನು ಕಾಣಬಹುದು. ಆದರೆ ನಟಿ ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ಅವರೊಂದಿಗೆ ಇಂತಹದ್ದೇನೂ ಸಂಭವಿಸರಲಿಲ್ಲ. ಆದರೆ, ಇತ್ತೀಚೆಗೆ ಮುಂಬೈನಲ್ಲಿ ನಡೆದ ಕಾರ್ಯಕ್ರಮ ಒಂದರಲ್ಲಿ ಇವರು ಮುಖಾಮುಖಿ ಆದರು.

ಇಬ್ಬರೂ ಮುಖಾ ಮುಖಿ ಆದಾಗ ಇಬ್ಬರಿಗೂ ಮುಜುಗರ ಆಯಿತು. ಆದರೆ, ಸುತ್ತಲೂ ಅನೇಕ ಪಾಪರಾಜಿಗಳು ಮತ್ತು ಛಾಯಾಗ್ರಾಹಕರು ಇದ್ದ ಕಾರಣ, ಮಲೈಕಾ ಮತ್ತು ಅರ್ಜುನ್ ಪರಸ್ಪರ ತಬ್ಬಿಕೊಂಡು ಮಾತನಾಡಲು ಪ್ರಯತ್ನಿಸಿದರು. ಆದರೆ ಅದರ ನಂತರ, ಇಬ್ಬರ ನಡುವಿನ ಹಿಂಜರಿಕೆ ಮತ್ತೆ ಕಾಣಿಸಿಕೊಳ್ಳಲು ಪ್ರಾರಂಭಿಸಿತು. ಈ ವೀಡಿಯೊಗಳು ಪ್ರಸ್ತುತ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ. ನೆಟ್ಟಿಗರು ಇದಕ್ಕೆ ವಿವಿಧ ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ.

ಅರ್ಜುನ್ ಕಪೂರ್ ಸಹೋದರಿ ಜಾನ್ವಿ ಕಪೂರ್ ಅವರ ‘ಹೋಮ್‌ಬೌಂಡ್’ ಚಿತ್ರದ ಪ್ರದರ್ಶನಕ್ಕೆ ಆಗಮಿಸಿದ್ದರು. ಅದೇ ಸಮಯದಲ್ಲಿ, ಮಲೈಕಾ ಕೂಡ ಅಲ್ಲಿ ಹಾಜರಿದ್ದರು. ಒಂದು ವೀಡಿಯೊದಲ್ಲಿ, ಮಲೈಕಾ ಮತ್ತು ಅರ್ಜುನ್ ಇದ್ದಕ್ಕಿದ್ದಂತೆ ಮುಖಾಮುಖಿ ಆದರು. ಮಲೈಕಾ ಮೊದಲು ಅರ್ಜುನ್‌ನನ್ನು ನೋಡುತ್ತಾರೆ ಆದರೆ ಅವರನ್ನು ನಿರ್ಲಕ್ಷಿಸುತ್ತಾರೆ. ಅರ್ಜುನ್ ಕೂಡ ಮಲೈಕಾಳನ್ನು ನೋಡುತ್ತಾರೆ ಮತ್ತು ನಂತರ ನಟಿ ನೇಹಾ ಧೂಪಿಯಾ ಅವರೊಂದಿಗೆ ಮಾತನಾಡಲು ಪ್ರಾರಂಭಿಸುತ್ತಾರೆ. ಮಲೈಕಾ ಅಲ್ಲಿಂದ ಹೊರಟುಹೋಗುತ್ತಾರೆ. ಇಬ್ಬರೂ ಪರಸ್ಪರ ಮಾತನಾಡುವುದನ್ನು ತಪ್ಪಿಸುತ್ತಾರೆ.

ಇದನ್ನೂ ಓದಿ:ಮಾಡೆಲಿಂಗ್ ಕೆಲಸದಲ್ಲಿ ಮಲೈಕಾ ಅರೋರಾ ಸಿಕ್ಕಾಪಟ್ಟೆ ಬ್ಯುಸಿ

ನಂತರ, ಮಲೈಕಾ ಮತ್ತು ಅರ್ಜುನ್ ಮತ್ತೆ ಮುಖಾಮುಖಿಯಾದಾಗ, ಅವರು ಒಬ್ಬರನ್ನೊಬ್ಬರು ಅಪ್ಪಿಕೊಳ್ಳುತ್ತಾರೆ. ಅರ್ಜುನ್ ಮಲೈಕಾರನ್ನು ಏನೋ ಕೇಳುತ್ತಾರೆ. ಅವರು ಕೂಡ ಅದಕ್ಕೆ ಉತ್ತರಿಸಿ ಅಲ್ಲಿಂದ ಮತ್ತೆ ಹೊರಟುಹೋಗುತ್ತಾರೆ. ಬ್ರೇಕಪ್ ನಂತರ ಇದ್ದಕ್ಕಿದ್ದಂತೆ ಮುಖಾಮುಖಿಯಾಗುವ ಹಿಂಜರಿಕೆ ಅವರಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತಿತ್ತು.

View this post on Instagram

A post shared by Filmfare (@filmfare)

ಈ ವಿಡಿಯೋಗೆ ನೆಟ್ಟಿಗರು ವಿವಿಧ ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ. ‘ಒಂದೇ ಕಡೆ ಪ್ರೀತಿ, ಮತ್ತೊಂದೆಡೆ ಈ ವಿಚಿತ್ರ ಕ್ಷಣ’ ಎಂದು ಒಬ್ಬರು ಬರೆದಿದ್ದಾರೆ. ಮತ್ತೊಬ್ಬರು ‘ತುಂಬಾ ವಿಚಿತ್ರ ಕ್ಷಣ’ ಎಂದು ಹೇಳಿದ್ದಾರೆ. ಕೆಲವರು ಮಲೈಕಾ ಮತ್ತು ಅರ್ಜುನ್ ಮತ್ತೆ ಒಂದಾಗಬೇಕೆಂದು ಕೋರಿದ್ದಾರೆ. ಇಬ್ಬರೂ ಸುಮಾರು ಆರು ವರ್ಷಗಳಿಂದ ಸಂಬಂಧದಲ್ಲಿದ್ದರು. ಅವರು ತಮ್ಮ ಸಂಬಂಧವನ್ನು ಸಾರ್ವಜನಿಕವಾಗಿ ಒಪ್ಪಿಕೊಂಡಿದ್ದರು. 2024ರ ಆರಂಭದಲ್ಲಿ ಅವರು ಬೇರ್ಪಟ್ಟರು.

‘ನಾನು ಈಗ ಒಂಟಿಯಾಗಿದ್ದೇನೆ’ ಎಂದು ಅರ್ಜುನ್ ಒಂದು ಕಾರ್ಯಕ್ರಮವೊಂದರಲ್ಲಿ ಎಲ್ಲರ ಮುಂದೆ ಹೇಳಿದ್ದರು. ಅದಾದ ನಂತರ, ಮಲೈಕಾ ಪರೋಕ್ಷವಾಗಿ ತಾನು ಯಾವುದೇ ಸಂಬಂಧದಲ್ಲಿಲ್ಲ ಎಂದು ಸ್ಪಷ್ಟಪಡಿಸಿದರು. ಮಲೈಕಾ ಅವರ ತಂದೆ ನಿಧನರಾದಾಗ  ಅರ್ಜುನ್ ಸಾಂತ್ವನ ಹೇಳಲು ಬಂದಿದ್ದರು.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ