Bholaa: ತ್ರಿಶೂಲ ಹಿಡಿದು ಬಂದ ಅಜಯ್​ ದೇವಗನ್​; ಕೌತುಕ ಮೂಡಿಸಿದೆ ‘ಭೋಲಾ’ ಚಿತ್ರದ ಪೋಸ್ಟರ್​

ನಟ ಅಜಯ್​ ದೇವಗನ್ (Ajay Devgn) ಅವರು ಯಶಸ್ಸಿಗಾಗಿ ರಿಮೇಕ್​ ಸೂತ್ರ ಬಳಸುತ್ತಿದ್ದಾರೆ. 2022ರಲ್ಲಿ ‘ದೃಶ್ಯಂ 2’ ಚಿತ್ರದ ಹಿಂದಿ ರಿಮೇಕ್​ನಿಂದ ಅವರಿಗೆ ದೊಡ್ಡ ಗೆಲುವು ಸಿಕ್ಕಿತು. 2023ರಲ್ಲೂ ಅವರು ಅದೇ ಹಾದಿಯಲ್ಲಿ ಸಾಗುತ್ತಿದ್ದಾರೆ. ತಮಿಳಿನ ‘ಖೈದಿ’ ಸಿನಿಮಾವನ್ನು ಅಜಯ್​ ದೇವಗನ್​ ಅವರು ಹಿಂದಿಯಲ್ಲಿ ‘ಭೋಲಾ’ (Bholaa Movie) ಎಂದು ರಿಮೇಕ್​ ಮಾಡುತ್ತಿದ್ದಾರೆ. ಈ ಸಿನಿಮಾದ ಹೊಸ ಪೋಸ್ಟರ್​ ಬಿಡುಗಡೆ ಆಗಿದೆ. ಇದನ್ನು ಕಂಡು ಅಭಿಮಾನಿಗಳು ಥ್ರಿಲ್​ ಆಗಿದ್ದಾರೆ. ಈ ಪೋಸ್ಟರ್ (Bholaa Movie Poster)​ ಜೊತೆಯಲ್ಲಿ ಟೀಸರ್​ ರಿಲೀಸ್​ ದಿನಾಂಕವನ್ನು ತಿಳಿಸಲಾಗಿದೆ. ಜನವರಿ 24ರಂದು ‘ಭೋಲಾ’ ಚಿತ್ರದ 2ನೇ ಟೀಸರ್​ ಬಿಡುಗಡೆ ಆಗಲಿದೆ. ಸದ್ಯ ಅನಾವರಣಗೊಂಡಿರುವ ಪೋಸ್ಟರ್​ ವೈರಲ್​ ಆಗಿದೆ.

ತಮಿಳಿನಲ್ಲಿ ‘ಖೈದಿ’ ಚಿತ್ರಕ್ಕೆ ಲೋಕೇಶ್​ ಕನಗರಾಜ್​ ನಿರ್ದೇಶನ ಮಾಡಿದ್ದರು. ಹಿಂದಿಯ ರಿಮೇಕ್​ನಲ್ಲಿ ಸ್ವತಃ ಅಜಯ್​ ದೇವಗನ್​ ಅವರು ನಿರ್ದೇಶನ ಮಾಡುತ್ತಿದ್ದಾರೆ. ನಿರ್ಮಾಣದ ಜವಾಬ್ದಾರಿ ಕೂಡ ಅವರದ್ದೇ. ‘ಭೋಲಾ’ ಸಿನಿಮಾದಲ್ಲಿನ ಅವರ ಲುಕ್​ ಗಮನ ಸೆಳೆಯುತ್ತಿದೆ. ಕಪ್ಪು ಬಟ್ಟೆ ಧರಿಸಿರುವ ಅವರು ಹಣೆಗೆ ವಿಭೂತಿ ಹಚ್ಚಿದ್ದಾರೆ. ಕೊರಳಿನಲ್ಲಿ ಟವೆಲ್​ ಇದೆ. ಕೈಯಲ್ಲಿ ತ್ರಿಶೂಲ ಹಿಡಿದು ದುಷ್ಟರ ಸಂಹಾರಕ್ಕೆ ಸಜ್ಜಾಗಿರುವ ರೀತಿಯಲ್ಲಿ ಅಜಯ್​ ದೇವಗನ್​ ಪೋಸ್​ ನೀಡಿದ್ದಾರೆ.

ಇದನ್ನೂ ಓದಿ

Nysa Devgan: ಅಜಯ್ ದೇವಗನ್ ಮಗಳ ಬೋಲ್ಡ್​ ಅವತಾರಕ್ಕೆ ಪಡ್ಡೆಗಳು ಫಿದಾ

Nysa Devgan: ಬೋಲ್ಡ್​ ಬಟ್ಟೆ ಧರಿಸಿ ಟ್ರೋಲ್​ ಆದ ಅಜಯ್​ ದೇವಗನ್​-ಕಾಜೋಲ್​ ದಂಪತಿ ಮಗಳು ನಿಸಾ

‘ದೃಶ್ಯಂ 2’ನಿಂದ ದೊಡ್ಡ ಗೆಲುವು ಕಂಡ ಅಜಯ್ ದೇವಗನ್; ಇಲ್ಲಿವೆ ಅವರ ಟಾಪ್ 5 ಚಿತ್ರಗಳು

Drishyam 2 Twitter Review: ‘ದೃಶ್ಯಂ 2’ ಟ್ವಿಟರ್​ ವಿಮರ್ಶೆ; ಅಜಯ್​ ದೇವಗನ್​ ಚಿತ್ರಕ್ಕೆ ಪ್ರೇಕ್ಷಕರ ರಿಯಾಕ್ಷನ್​ ಇಲ್ಲಿದೆ..

ಇದನ್ನೂ ಓದಿ: ಸ್ಟಾರ್​ ಹೀರೋ ಜತೆಗಿನ ಜಗಳದ ಬಗ್ಗೆ ಮೌನ ಮುರಿದ ಅಜಯ್​ ದೇವಗನ್​: ‘ಇದೆಲ್ಲ ಫ್ಯಾನ್ಸ್​ ಕೆಲಸ’ ಎಂದ ನಟ

‘ಭೋಲಾ’ ಸಿನಿಮಾದಲ್ಲಿ ಖ್ಯಾತ ನಟಿ ಟಬು ಕೂಡ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ. ಅಜಯ್​ ದೇವಗನ್​ ಜೊತೆ ಅವರು ನಟಿಸುತ್ತಿರುವ 9ನೇ ಸಿನಿಮಾ ಇದು. ಈ ಚಿತ್ರದಲ್ಲಿ ಅವರಿಗೆ ಪೊಲೀಸ್​ ಅಧಿಕಾರಿಯ ಪಾತ್ರವಿದೆ. ಅವರ ಫಸ್ಟ್​ ಲುಕ್​ ಕೂಡ ಗಮನ ಸೆಳೆಯುತ್ತಿದೆ. ಈ ಸಿನಿಮಾ ಮೂಲಕ ಮತ್ತೊಂದು ಭರ್ಜರಿ ಗೆಲುವು ಪಡೆಯಲು ಅಜಯ್​ ದೇವಗನ್​ ಕಾದಿದ್ದಾರೆ.

ಇದನ್ನೂ ಓದಿ: Nysa Devgan: ಬೋಲ್ಡ್​ ಬಟ್ಟೆ ಧರಿಸಿ ಟ್ರೋಲ್​ ಆದ ಅಜಯ್​ ದೇವಗನ್​-ಕಾಜೋಲ್​ ದಂಪತಿ ಮಗಳು ನಿಸಾ

ತಮಿಳಿನ ಮೂಲ ಚಿತ್ರಕ್ಕಿಂತಲೂ ‘ಭೋಲಾ’ ಕಥೆಯಲ್ಲಿ ಸಾಕಷ್ಟು ಬದಲಾವಣೆಗಳನ್ನು ಮಾಡಿಕೊಂಡು ರಿಮೇಕ್​ ಮಾಡಲಾಗುತ್ತಿದೆ ಎಂಬ ಮಾತಿದೆ. ಆ ಕಾರಣದಿಂದಲೂ ಈ ಸಿನಿಮಾ ಮೇಲೆ ಕೌತುಕ ಮೂಡಿದೆ. ವಿಶೇಷ ಏನೆಂದರೆ ಈ ಚಿತ್ರ 3ಡಿ ರೂಪದಲ್ಲೂ ಮೂಡಿಬರುತ್ತಿದೆ. ಅಮಲಾ ಪೌಲ್​ ಕೂಡ ಒಂದು ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

View this post on Instagram

A post shared by Ajay Devgn (@ajaydevgn)

ಮಾರ್ಚ್​ 30ರಂದು ‘ಭೋಲಾ’ ಸಿನಿಮಾ ರಿಲೀಸ್​ ಆಗಲಿದೆ. ಈ ಸಿನಿಮಾದ ಇನ್ನೊಂದು ವಿಶೇಷ ಏನೆಂದರೆ ಇದಕ್ಕೆ ಸಂಗೀತ ನೀಡಿರುವುದು ಕನ್ನಡಿಗ ರವಿ ಬಸ್ರೂರು. ‘ಕೆಜಿಎಫ್​’ ಚಿತ್ರದ ಸಕ್ಸಸ್​ ಬಳಿಕ ಪರಭಾಷೆಯಲ್ಲಿ ಅವರಿಗೆ ಬೇಡಿಕೆ ಹೆಚ್ಚಿದೆ. ‘ಭೋಲಾ’ ಚಿತ್ರಕ್ಕೆ ಅವರು ಹಿನ್ನೆಲೆ ಸಂಗೀತ ನೀಡಿರುವುದರಿಂದ ಸಿನಿಮಾ ಮೇಲಿನ ಕ್ರೇಜ್​ ಹೆಚ್ಚಲು ಕಾರಣ ಆಗಿದೆ.

​ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 6:38 pm, Sat, 21 January 23