ಮನೆಗಿಂತ ಐಷಾರಾಮಿಯಾಗಿದೆ ಕರಣ್ ಜೋಹರ್ ವ್ಯಾನಿಟಿ ವ್ಯಾನ್; ಇದರಲ್ಲಿವೆ ಐದು ಮುಖ್ಯ ವಸ್ತುಗಳು

ಖ್ಯಾತ ನಿರ್ಮಾಪಕ, ನಿರ್ದೇಶಕ ಕರಣ್ ಜೋಹರ್ (Karan Johar) ಅವರು ಬಾಲಿವುಡ್​ನಲ್ಲಿ ದೊಡ್ಡ ಹೆಸರು ಮಾಡಿದ್ದಾರೆ. ಅನೇಕ ಸ್ಟಾರ್​​ಕಿಡ್​ಗಳಿಗೆ ಅವರೇ ಗಾಡ್ ಫಾದರ್. ಅವರನ್ನು ಅನೇಕರು ಆರಾಧಿಸುತ್ತಾರೆ. ಆದರೆ, ಇನ್ನೂ ಕೆಲವರಿಗೆ ಕರಣ್ ಜೋಹರ್ ಅವರ ಮೇಲೆ ಎಲ್ಲಿಲ್ಲದ ದ್ವೇಷ. ಪ್ರೀತಿಸುವವರನ್ನು ಮತ್ತಷ್ಟು ಪ್ರೀತಿಸುತ್ತಾರೆ ಕರಣ್​. ಆದರೆ, ದ್ವೇಷ ಮಾಡುವವರ ಬಗ್ಗೆ ಅವರು ಅಷ್ಟಾಗಿ ತಲೆಕೆಡಿಸಿಕೊಳ್ಳುವುದಿಲ್ಲ. ಕರಣ್ ಜೋಹರ್ ಅವರು ಸೋಶಿಯಲ್ ಮೀಡಿಯಾದಲ್ಲಿ (Social Media) ಆ್ಯಕ್ಟೀವ್ ಆಗಿದ್ದಾರೆ. ಅವರು ಹೊಸ ಹೊಸ ವಿಡಿಯೋ ಹಂಚಿಕೊಳ್ಳುತ್ತಾರೆ. ಈಗ ಕರಣ್ ಜೋಹರ್ ಅವರು ತಮ್ಮ ವ್ಯಾನಿಟಿ ವ್ಯಾನ್​ನ ವಿಡಿಯೋ ಹಂಚಿಕೊಂಡಿದ್ದಾರೆ. ಇದು ಸಖತ್ ಐಷಾರಾಮಿ ಆಗಿದೆ.

ಹಲವು ಸೆಲೆಬ್ರಿಟಿಗಳು ತಮ್ಮದೇ ಸ್ವಂತ ವ್ಯಾನಿಟಿ ಹೊಂದಿದ್ದಾರೆ. ಶೂಟಿಂಗ್ ಸಂದರ್ಭದಲ್ಲಿ ಸೆಟ್​​ನಲ್ಲಿ ಈ ವಾಹನ ಬಂದು ನಿಲ್ಲುತ್ತದೆ. ಚಿತ್ರೀಕರಣದ ಬಿಡುವಿನಲ್ಲಿ ಸೆಲೆಬ್ರಿಟಿಗಳು ಇಲ್ಲಿ ವಿಶ್ರಾಂತಿ ಪಡೆಯುತ್ತಾರೆ. ಡ್ರೆಸ್ ಚೇಂಜ್, ಮೇಕಪ್ ಎಲ್ಲವೂ ಇಲ್ಲಿಯೇ ನಡೆಯುತ್ತದೆ. ಕರಣ್ ಜೋಹರ್ ಕೂಡ ತಮ್ಮದೇ ಆದ ಐಷಾರಾಮಿ ವ್ಯಾನ್ ಹೊಂದಿದ್ದಾರೆ. ಅದು ಹೇಗಿದೆ ಎಂಬುದನ್ನು ವಿಡಿಯೋ ಮೂಲಕ ತೋರಿಸಿದ್ದಾರೆ.

ವ್ಯಾನಿಟಿ ವ್ಯಾನ್​ನಲ್ಲಿ ಐದು ಪ್ರಮುಖ ವಸ್ತುಗಳಿಗೆ ಕರಣ್ ಜೋಹರ್ ಜಾಗ ನೀಡಿದ್ದಾರೆ. ಕಣ್ಣಿಗೆ ಹಾಕುವ ಕನ್ನಡಕ ಇಡಲು ಕರಣ್ ವಿಶೇಷ ವ್ಯವಸ್ಥೆ ಮಾಡಿಕೊಂಡಿದ್ದಾರೆ. ಇದಲ್ಲದೆ ಉಂಗುರ, ಕುಳಿತುಕೊಳ್ಳಲು ಐಷಾರಾಮಿ ಸೋಫಾ ಈ ವಾಹನದಲ್ಲಿದೆ. ಕರಣ್ ಜಾಕೆಟ್ ಹಾಕೋಕೆ ಇಷ್ಟಪಡುತ್ತಾರೆ. ಅದರ ಕಲೆಕ್ಷನ್​ ಕೂಡ ಇದೆ. ಕಾಫಿ ಮಷಿನ್ ಕೂಡ ಇದರಲ್ಲಿದೆ. ಬಂದ ಅತಿಥಿಗಳಿಗೆ ಕಾಫಿ ನೀಡಬೇಕಾಗುತ್ತದೆ ಎನ್ನುವ ಕಾರಣಕ್ಕೆ ಇದನ್ನು ಇಡಲಾಗಿದೆ. ಮನೆಯಿಂದ ತಂದ ಊಟವನ್ನು ಬಿಸಿ ಮಾಡಿ ತಿನ್ನಲು ಓವನ್ ಕೂಡ ಇಟ್ಟುಕೊಂಡಿದ್ದಾರೆ ಅವರು.

ಇದನ್ನೂ ಓದಿ: ‘ಬಾಲಿವುಡ್​ ಕಲಾವಿದರಲ್ಲಿ ನನಗೆ ಟ್ಯಾಲೆಂಟ್​ ಎಂಬುದು ಕಂಡೇ ಇಲ್ಲ’; ಅಚ್ಚರಿಯ ಹೇಳಿಕೆ ನೀಡಿದ ಕರಣ್ ಜೋಹರ್

ಸಿನಿಮಾ ವಿಚಾರಕ್ಕೆ ಬರೋದಾದರೆ ಕರಣ್ ಜೋಹರ್ ಅವರು ಹಲವು ವರ್ಷಗಳ ಬಳಿಕ ನಿರ್ದೇಶನಕ್ಕೆ ಮರಳುತ್ತಿದ್ದಾರೆ. ಅವರ ನಿರ್ದೇಶನದ ‘ರಾಕಿ ಔರ್ ರಾಣಿ ಕಿ ಪ್ರೇಮ್​ ಕಹಾನಿ’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಈ ಚಿತ್ರದ ಶೂಟಿಂಗ್ ಮುಗಿದೆ. ಆಲಿಯಾ ಭಟ್ ಪ್ರೆಗ್ನೆಂಟ್ ಆಗಿದ್ದ ಕಾರಣಕ್ಕೆ ಸಿನಿಮಾ ರಿಲೀಸ್ ದಿನಾಂಕ ವಿಳಂಬ ಆಗಿದೆ. ಆಲಿಯಾ ಜತೆ ರಣವೀರ್ ಸಿಂಗ್ ಅವರು ನಟಿಸಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ