ಫ್ಯಾಮಿಲಿ ಫೋಟೋದಲ್ಲಿ ಅತ್ತಿಗೆ ಕರೀನಾ ಕಪೂರ್ನ ಹೊರಗಿಟ್ಟ ಸೈಫ್ ಸಹೋದರಿ
ಅಸಲಿ ವಿಷಯ ಏನೇ ಇದ್ದರೂ ಸಹ ನಟಿ ಕರೀನಾ ಕಪೂರ್ ಖಾನ್ ಅವರ ಅಭಿಮಾನಿಗಳಿಗೆ ಇದರಿಂದ ಬೇಸರ ಆಗಿದೆ. ಈ ರೀತಿ ಫ್ಯಾಮಿಲಿಯ ಫೋಟೋದಲ್ಲಿ ಅತ್ತಿಗೆಯನ್ನು ಹೊರಗಿಡುವ ಮೂಲಕ ಸೈಫ್ ತಂಗಿ ಸೋನಾ ಅಲಿ ಖಾನ್ ಅವರು ಅವಮಾನ ಮಾಡಿದ್ದಾರೆ ಎಂದು ಕರೀನಾ ಫ್ಯಾನ್ಸ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಬಾಲಿವುಡ್ನ ಅನೇಕ ಸೆಲೆಬ್ರಿಟಿಗಳು ಈದ್ (Eid 2024) ಆಚರಣೆ ಮಾಡಿದ್ದಾರೆ. ಈ ಸಂದರ್ಭದ ಫೋಟೋಗಳು ವೈರಲ್ ಆಗಿವೆ. ಅವುಗಳಲ್ಲಿ ಹೆಚ್ಚು ಗಮನ ಸೆಳೆಯುತ್ತಿರುವುದು ಸೈಫ್ ಅಲಿ ಖಾನ್ (Saif Ali Khan) ಅವರ ಫ್ಯಾಮಿಲಿ ಫೋಟೋ. ಈ ಫೋಟೋಗಳನ್ನು ಸೈಫ್ ಸಹೋದರಿ, ನಟಿ ಸೋಹಾ ಅಲಿ ಖಾನ್ ಅವರು ಹಂಚಿಕೊಂಡಿದ್ದಾರೆ. ಅದರಲ್ಲಿ ಒಂದು ವಿಲಕ್ಷಣ ಅಂಶವನ್ನು ನೆಟ್ಟಿಗರು ಗಮನಿಸಿದ್ದಾರೆ. ಸೈಫ್ ಅವರ ಎರಡನೇ ಪತ್ನಿ ಕರೀನಾ ಕಪೂರ್ ಖಾನ್ (Kareena Kapoor Khan) ಅವರನ್ನು ಈ ಫೋಟೋದಲ್ಲಿ ಕ್ರಾಪ್ ಮಾಡಲಾಗಿದೆ. ಇದನ್ನು ಕಂಡು ನೆಟ್ಟಿಗರು ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.
ಸೋಹಾ ಅಲಿ ಖಾನ್ ಮತ್ತು ಕರೀನಾ ಕಪೂರ್ ಖಾನ್ ಅವರ ನಡುವೆ ಉತ್ತಮ ಒಡನಾಟವೇ ಇದೆ. ಹಾಗಿದ್ದರೂ ಕೂಡ ಅವರು ಒಟ್ಟೊಟ್ಟಿಗೆ ಕಾಣಿಸಿಕೊಳ್ಳುವುದು ಕಡಿಮೆ. ಈಗ ಸೋನಾ ಅಲಿ ಖಾನ್ ಅವರು ಕರೀನಾ ಕಪೂರ್ ಖಾನ್ರ ಫೋಟೋವನ್ನು ಕ್ರಾಪ್ ಮಾಡಿರುವುದರಿಂದ ಅತ್ತಿಗೆ-ನಾದಿನಿ ನಡುವೆ ಏನೋ ಕಿರಿಕ್ ಆಗಿರಬಹುದೇ ಎಂದು ಅನೇಕರು ಪ್ರಶ್ನೆ ಮಾಡುತ್ತಿದ್ದಾರೆ.
ಇನ್ನು, ಕರೀನಾ ಮತ್ತು ಸೋಹಾ ನಡುವೆ ಕಿರಿಕ್ ಆಗಿರಬಹುದು ಎಂಬ ಅನುಮಾನದಲ್ಲಿ ಹುರುಳಿಲ್ಲ. ಯಾಕೆಂದರೆ, ಸೋನಾ ಅಲಿ ಖಾನ್ ಅವರು ಹಂಚಿಕೊಂಡ ಬೇರೆ ಫೋಟೋದಲ್ಲಿ ಕರೀನಾ ಕಪೂರ್ ಖಾನ್ ಕೂಡ ಇದ್ದಾರೆ. ಇಬ್ಬರೂ ಜೊತೆಯಾಗಿ ಕುಳಿತುಕೊಂಡಿದ್ದಾರೆ. ಏನೋ ಕಣ್ತಪ್ಪಿನಿಂದ ಬೇರೆ ಫೋಟೋದಲ್ಲಿ ಕರೀನಾ ಅವರನ್ನು ಕ್ರಾಪ್ ಮಾಡಲಾಗಿದೆ ಅಷ್ಟೇ.
ಅಸಲಿ ವಿಷಯ ಏನೇ ಇದ್ದರೂ ಕೂಡ ಕರೀನಾ ಕಪೂರ್ ಖಾನ್ ಅವರ ಅಭಿಮಾನಿಗಳಿಗೆ ಇದರಿಂದ ಬೇಸರ ಆಗಿದೆ. ಈ ರೀತಿ ಫ್ಯಾಮಿಲಿ ಫೋಟೋದಲ್ಲಿ ಅತ್ತಿಗೆಯನ್ನು ಹೊರಗಿಡುವ ಮೂಲಕ ಸೋನಾ ಅಲಿ ಖಾನ್ ಅವರು ಅವಮಾನ ಮಾಡಿದ್ದಾರೆ ಎಂದು ಕರೀನಾ ಫ್ಯಾನ್ಸ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇನ್ನುಳಿದ ನೆಟ್ಟಿಗರು ಕಮೆಂಟ್ಗಳ ಮೂಲಕ ಈದ್ ಶುಭಾಶಯ ತಿಳಿಸಿದ್ದಾರೆ.
ಇದನ್ನೂ ಓದಿ: ಯಶ್ ಜೊತೆ ನಟಿಸೋದಕ್ಕೂ ಮೊದಲೇ ಹೆಚ್ಚಿತು ಕರೀನಾ ಕಪೂರ್ ಹವಾ
ಕರೀನಾ ಕಪೂರ್ ಖಾನ್ ಅವರಿಗೆ ಸಖತ್ ಬೇಡಿಕೆ ಇದೆ. ಅವರು ನಟಿಸಿದ ‘ಕ್ರೂ’ ಸಿನಿಮಾ ಇತ್ತೀಚೆಗೆ ಬಿಡುಗಡೆಯಾಗಿ ಸೂಪರ್ ಹಿಟ್ ಆಗಿದೆ. ಯಶ್ ನಟನೆ ‘ಟಾಕ್ಸಿಕ್’ ಸಿನಿಮಾದಲ್ಲೂ ಕರೀನಾ ಅಭಿನಯಿಸುತ್ತಾರೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ಸಾಕಷ್ಟು ಗಾಸಿಪ್ ಹರಿದಾಡುತ್ತಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.