ಯುವತಿ ಸೆಲ್ಫಿ ಕೇಳಿದ್ದಕ್ಕೆ ತಾಪ್ಸಿ ಪನ್ನು ಧಿಮಾಕು; ಕ್ಲಾಸ್ ತೆಗೆದುಕೊಂಡ ನೆಟ್ಟಿಗರು
ತಾಪ್ಸಿ ಪನ್ನು ಅವರಿಗೆ ಅಪಾರ ಸಂಖ್ಯೆಯ ಅಭಿಮಾನಿಗಳು ಇದ್ದಾರೆ. ಅವರನ್ನು ಕಂಡಾಗ ಜನರು ಸೆಲ್ಫಿ ಕೇಳುವುದು ಸಹಜ. ಆದರೆ, ಇತ್ತೀಚೆಗೆ ಯುವತಿಯೊಬ್ಬರು ಬಂದು ಸೆಲ್ಫಿ ಕೇಳಿದ್ದಕ್ಕೆ ತಾಪ್ಸಿ ಪನ್ನು ಅವರು ಧಿಮಾಕಿನಿಂದ ನಡೆದುಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಸಂದರ್ಭದ ವಿಡಿಯೋ ವೈರಲ್ ಆಗಿದೆ. ಕಮೆಂಟ್ ಮಾಡಿದ ಎಲ್ಲರೂ ನಟಿಯ ನಡೆಯಲ್ಲಿ ಪ್ರಶ್ನಿಸಿದ್ದಾರೆ.
ಬಾಲಿವುಡ್ ನಟಿ ತಾಪ್ಸಿ ಪನ್ನು ಅವರು ಆಗಾಗ ಏನಾದರೂ ಕಿರಿಕ್ ಮಾಡಿಕೊಳ್ಳುತ್ತಲೇ ಇರುತ್ತಾರೆ. ತಮ್ಮ ನೇರ ನಡೆ ನುಡಿಯ ಕಾರಣಕ್ಕೆ ಕೆಲವೊಮ್ಮೆ ಅವರು ಟ್ರೋಲ್ ಆಗುತ್ತಾರೆ. ಆದರೆ ಈಗ ಅವರು ಇನ್ನೊಂದು ಕಾರಣದಿಂದ ನೆಟ್ಟಿಗರ ಅಸಮಾಧಾನಕ್ಕೆ ಕಾರಣ ಆಗಿದ್ದಾರೆ. ಅಭಿಮಾನದಿಂದ ಬಂದು ಸೆಲ್ಫಿ ಕೇಳಿದ ಯುವತಿಯೊಬ್ಬರ ಜೊತೆ ತಾಪ್ಸಿ ಪನ್ನು ಅವರು ಒರಟಾಗಿ ನಡೆದುಕೊಂಡಿದ್ದಾರೆ. ಈ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅಷ್ಟಕ್ಕೂ ಈ ಘಟನೆ ನಡೆದಿದ್ದು ಎಲ್ಲಿ? ನೆಟ್ಟಿಗರು ಹೇಗೆ ಪ್ರತಿಕ್ರಿಯಿಸುತ್ತಿದ್ದಾರೆ? ಈ ಎಲ್ಲ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ..
ತಾಪ್ಸಿ ಪನ್ನು ಅವರು ‘ಖೇಲ್ ಖೇಲ್ ಮೇ’ ಸಿನಿಮಾದಲ್ಲಿ ನಟಿಸಿದ್ದಾರೆ. ಅಕ್ಷಯ್ ಕುಮಾರ್ ಜೊತೆ ಅವರು ತೆರೆ ಹಂಚಿಕೊಂಡಿದ್ದಾರೆ. ಈ ಸಿನಿಮಾದ ಹೊಸ ಹಾಡಿನ ಬಿಡುಗಡೆ ಕಾರ್ಯಕ್ರಮ ಇತ್ತೀಚೆಗೆ ಮುಂಬೈನಲ್ಲಿ ನಡೆಯಿತು. ಈ ಕಾರ್ಯಕ್ರಮಕ್ಕೆ ಅನೇಕರನ್ನು ಆಹ್ವಾನಿಸಲಾಗಿತ್ತು. ಸೋಶಿಯಲ್ ಮೀಡಿಯಾದಲ್ಲಿ ಫೇಮಸ್ ಆಗಿರುವ ಅನನ್ಯಾ ದ್ವಿವೇದಿ ಕೂಡ ಬಂದಿದ್ದರು. ಅನನ್ಯಾ ಜೊತೆ ತಾಪ್ಸಿ ಪನ್ನು ಅವರು ಧಿಮಾಕು ಪ್ರದರ್ಶಿಸಿದ್ದಾರೆ.
ಇದನ್ನೂ ಓದಿ: ಮದುವೆ ವಿಷಯ ಮುಚ್ಚಿಟ್ಟಿದ್ದ ತಾಪ್ಸಿ ಪನ್ನು; ವಿಡಿಯೋ ಲೀಕ್ನಿಂದ ರಹಸ್ಯ ಬಯಲು
ಹಾಡಿನ ಬಿಡುಗಡೆ ಬಳಿಕ ಅನನ್ಯಾ ದ್ವಿವೇದಿ ಅವರು ತಾಪ್ಸಿ ಪನ್ನು ಬಳಿ ಹೋಗಿ ಸೆಲ್ಫಿ ಕೇಳಿದರು. ಆದರೆ ಅದಕ್ಕೆ ತಾಪ್ಸಿ ಅವರು ಸಮ್ಮತಿ ನೀಡಲಿಲ್ಲ. ಈ ಸಂದರ್ಭದ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿರುವ ಜನರು ಸಿಕ್ಕಾಪಟ್ಟೆ ಟ್ರೋಲ್ ಮಾಡುತ್ತಿದ್ದಾರೆ. ನಟಿಯ ವರ್ತನೆ ಸರಿಯಿಲ್ಲ ಎಂದು ಅನೇಕರು ಟೀಕೆ ಮಾಡಿದ್ದಾರೆ. ಈ ಬಗ್ಗೆ ತಾಪ್ಸಿ ಅವರು ಪ್ರತಿಕ್ರಿಯಿಸುವುದು ಬಾಕಿ ಇದೆ.
Tapsee strikes again! Swipe for more
byu/Away-Enthusiasm8771 inBollyBlindsNGossip
ವೈರಲ್ ಆಗಿರುವ ಈ ವಿಡಿಯೋ ನೋಡಿ ಅನನ್ಯಾ ದ್ವಿವೇದಿ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ. ‘ಈ ವಿಡಿಯೋದಲ್ಲಿ ಇರುವುದು ನಾನೇ. ಅನೇಕ ಕ್ಯಾಮೆರಾಗಳು ಈಗಾಗಲೇ ಸುತ್ತುವರಿದಿರುವಾಗ ಸೆಲ್ಫಿ ಬೇಡ ಅಂತ ಹೇಳಿದ್ದು ಯಾಕೆ ಅಂತ ನನಗೆ ಅರ್ಥ ಆಗತ್ತಿಲ್ಲ. ಅವರು ನಮ್ಮನ್ನು ಆಹ್ವಾನಿಸಿದ್ದೇ ಅವರ ಹಾಡಿನ ಪ್ರಚಾರಕ್ಕಾಗಿ. ಈ ನಟಿಗೆ ನಿಜಕ್ಕೂ ಉತ್ತಮವಾದ ಪಿಆರ್ ತರಬೇತಿ ಬೇಕಿದೆ’ ಎಂದು ಅನನ್ಯಾ ದ್ವಿವೇದಿ ಅವರು ಕಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.