Urfi Javed: ‘ನಾನು ನಿನ್ನ ಮಗಳಾ?’: ಬಟ್ಟೆ ಬಗ್ಗೆ ಬುದ್ಧಿ ಹೇಳಲು ಬಂದ ವ್ಯಕ್ತಿಗೆ ತಿರುಗೇಟು ನೀಡಿದ ಉರ್ಫಿ ಜಾವೇದ್​

Follow us on

ನಟಿ ಉರ್ಫಿ ಜಾವೇದ್​ (Urfi Javed) ಅವರ ಒಂದಿಲ್ಲೊಂದು ವಿಡಿಯೋ ಆಗಾಗ ವೈರಲ್​ ಆಗುತ್ತಲೇ ಇರುತ್ತದೆ. ಅವರು ಸುದ್ದಿ ಆಗುವುದೇ ಬಟ್ಟೆಗಳ ಕಾರಣಕ್ಕೆ ಎಂದರೆ ತಪ್ಪಿಲ್ಲ. ಪ್ರತಿ ದಿನ ಅವರು ಚಿತ್ರ ವಿಚಿತ್ರವಾದ ಬಟ್ಟೆ (Urfi Javed Dress) ಧರಿಸಿ ಪೋಸ್​ ನೀಡುತ್ತಾರೆ. ತುಂಬ ಬೋಲ್ಡ್​ ಆದಂತಹ ಫೋಟೋಗಳನ್ನು (Urfi Javed Photo) ಅವರು ಹಂಚಿಕೊಳ್ಳುತ್ತಾರೆ. ಇದಕ್ಕೆ ಅನೇಕರಿಂದ ವಿರೋಧ ವ್ಯಕ್ತವಾಗಿದ್ದೇ ಹೆಚ್ಚು. ಸೋಶಿಯಲ್​ ಮೀಡಿಯಾದಲ್ಲಿ ಉರ್ಫಿ ಜಾವೇದ್​ ಅವರ ಬಟ್ಟೆ ಬಗ್ಗೆ ಟ್ರೋಲ್​ ಆಗುತ್ತಲೇ ಇರುತ್ತದೆ. ಇತ್ತೀಚೆಗೆ ಅವರಿಗೆ ವ್ಯಕ್ತಿಯೊಬ್ಬರು ಬುದ್ಧಿಮಾತು ಹೇಳಲು ಬಂದಿದ್ದಾರೆ. ಆ ವ್ಯಕ್ತಿಗೆ ಉರ್ಫಿ ಜಾವೇದ್​ ಅವರು ಸ್ಥಳದಲ್ಲೇ ತಿರುಗೇಟು ನೀಡಿದ್ದಾರೆ.

ವಿಮಾನ ನಿಲ್ದಾಣದಲ್ಲಿ ಉರ್ಫಿ ಜಾವೇದ್​ ಅವರು ಕಾಣಿಸಿಕೊಂಡರು. ಅವರ ಫೋಟೋ ಮತ್ತು ವಿಡಿಯೋಗಳನ್ನು ಸೆರೆ ಹಿಡಿಯಲು ಪಾಪರಾಜಿಗಳು ಮುತ್ತಿಕೊಂಡರು. ಉರ್ಫಿಯ ಬಟ್ಟೆ ನೋಡಿ ಅಲ್ಲಿದ್ದ ವ್ಯಕ್ತಿಯೊಬ್ಬರು ಕೋಪಗೊಂಡಿದ್ದಾರೆ. ‘ಇಂಥ ಬಟ್ಟೆ ಧರಿಸಿ ಭಾರತದ ಹೆಸರು ಹಾಳು ಮಾಡ್ತೀರಲ್ಲ..’ ಎಂದು ಆ ವ್ಯಕ್ತಿ ಬುದ್ಧಿಮಾತು ಹೇಳಿದ್ದಾರೆ. ಅದು ಉರ್ಫಿ ಜಾವೇದ್​ಗೆ ಇಷ್ಟ ಆಗಿಲ್ಲ. ಬುದ್ಧಿಮಾತು ಹೇಳಲು ಬಂದ ವ್ಯಕ್ತಿ ವಿರುದ್ಧ ಉರ್ಫಿ ಜಾವೇದ್​ ಅವರು ಗರಂ ಆಗಿದ್ದಾರೆ.

‘ನಾನು ನಿನ್ನ ಮಗಳಾ? ಅಲ್ಲಾ ತಾನೇ? ನನಗೆ ಅಪ್ಪನಾಗಲು ಬರಬೇಡ’ ಎಂದು ಉರ್ಫಿ ಜಾವೇದ್​ ಅವರು ಖಡಕ್​ ಆಗಿ ತಿರುಗೇಟು ನೀಡಿದ್ದಾರೆ. ಈ ಸಂದರ್ಭದ ವಿಡಿಯೋ ವೈರಲ್​ ಆಗಿದೆ. ಇದನ್ನು ಕಂಡು ಅಭಿಮಾನಿಗಳು ಬಗೆಬಗೆಯಲ್ಲಿ ಕಮೆಂಟ್​ ಮಾಡುತ್ತಿದ್ದಾರೆ. ಅನೇಕರು ಉರ್ಫಿ ಜಾವೇದ್​ಗೆ ಬೆಂಬಲ ನೀಡುತ್ತಿದ್ದಾರೆ. ಯಾವ ರೀತಿ ಬಟ್ಟೆ ಧರಿಸಬೇಕು ಎಂಬ ಸ್ವತಂತ್ರ್ಯ ಉರ್ಫಿ ಜಾವೇದ್​ಗೆ ಇದೆ ಎಂದು ನೆಟ್ಟಿಗರು ಸಪೋರ್ಟ್​​ ಮಾಡಿದ್ದಾರೆ. ಇನ್ನೂ ಕೆಲವರು ಎಂದಿನಂತೆ ಉರ್ಫಿ ಜಾವೇದ್​ಗೆ ಕಮೆಂಟ್​ಗಳ ಮೂಲಕ ಕ್ಲಾಸ್​ ತೆಗೆದುಕೊಂಡಿದ್ದಾರೆ.

ಇದನ್ನೂ ಓದಿ: Urfi Javed: ಟೊಮ್ಯಾಟೋವನ್ನೇ ಆಭರಣವಾಗಿ ಧರಿಸಿದ ಉರ್ಫಿ ಜಾವೇದ್​; ಇದೇ ಈಗ ಬಂಗಾರ

ಹಿಂದಿ ಕಿರುತೆರೆಯಲ್ಲಿ ಮಿಂಚಬೇಕು ಎಂಬುದು ಉರ್ಫಿ ಜಾವೇದ್​ ಅವರ ಆಸೆ ಆಗಿತ್ತು. ಅದಕ್ಕೆ ತಕ್ಕಂತೆ ಅವರಿಗೆ ಅವಕಾಶ ಸಿಗಲಿಲ್ಲ. ‘ಬಿಗ್​ ಬಾಸ್​ ಒಟಿಟಿ’ ಮೊದಲ ಸೀಸನ್​ನಲ್ಲಿ ಸ್ಪರ್ಧಿಸಿದ ಬಳಿಕ ಅವರಿಗೆ ಖ್ಯಾತಿ ಹೆಚ್ಚಿತು. ಆದರೆ ಅದರ ನಂತರ ಅವರಿಗೆ ಸಿನಿಮಾದಲ್ಲಾಗಲೀ, ಸೀರಿಯಲ್​ನಲ್ಲಾಗಲೀ ಅವಕಾಶ ಸಿಗಲಿಲ್ಲ. ಅದರ ಬದಲು ಬೋಲ್ಡ್​ ಆದಂತಹ ಬಟ್ಟೆಗಳನ್ನು ಧರಿಸಿ ಪೋಸ್​ ನೀಡುವುದನ್ನೇ ಅವರು ನಿತ್ಯದ ಕಾಯಕ ಮಾಡಿಕೊಂಡಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.