ಶೇನ್​ ವಾರ್ನ್​ ಸಿನಿಮಾ: ಭಾರತದಲ್ಲಿ ಚಿಗುರಿದ್ದ ಆ ಕನಸು ನನಸಾಗಲೇ ಇಲ್ಲ; ಏನಿದು ವಿಷಯ?

ಶೇನ್​ ವಾರ್ನ್​ ಸಿನಿಮಾ: ಭಾರತದಲ್ಲಿ ಚಿಗುರಿದ್ದ ಆ ಕನಸು ನನಸಾಗಲೇ ಇಲ್ಲ; ಏನಿದು ವಿಷಯ?
ಬ್ರಾಡ್ ಪಿಟ್. ಶೇನ್ ವಾರ್ನ್, ಲಿಯೊನಾರ್ಡೊ ಡಿಕಾಪ್ರಿಯೊ

ಶೇನ್​ ವಾರ್ನ್ ಅವರು ಆಸ್ಟ್ರೇಲಿಯಾದ ಕ್ರಿಕೆಟರ್​ ಆಗಿದ್ದರೂ ಕೂಡ ಭಾರತದಲ್ಲಿ ಅವರ ಬಯೋಪಿಕ್​ ಮಾಡಲು ತಯಾರಿ ನಡೆದಿತ್ತು! ಆ ಬಗ್ಗೆ ಅವರು ಮಾತನಾಡಿದ್ದರು.

TV9kannada Web Team

| Edited By: Madan Kumar

Mar 05, 2022 | 9:00 AM

ಆಸ್ಟ್ರೇಲಿಯಾದ ಕ್ರಿಕೆಟ್​ ದಿಗ್ಗಜ ಶೇನ್​ ವಾರ್ನ್​ (Shane Warne) ಹೃದಯಾಘಾತದಿಂದ ನಿಧನರಾಗಿರುವುದಕ್ಕೆ ವಿಶ್ವಾದ್ಯಂತ ಇರುವ ಅವರ ಅಭಿಮಾನಿಗಳು ಕಂಬನಿ ಮಿಡಿಯುತ್ತಿದ್ದಾರೆ. ಕ್ರಿಕೆಟ್​ ಲೋಕದ ಅನೇಕ ದಿಗ್ಗಜರು ಶೇನ್​ ವಾರ್ನ್​ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಪ್ರಾರ್ಥಿಸುತ್ತಿದ್ದಾರೆ. ಕ್ರೀಡೆ ಮೂಲಕ ಕೋಟ್ಯಂತರ ಅಭಿಮಾನಿಗಳನ್ನು ಸಂಪಾದಿಸಿದ್ದ ಅವರು ಸಿನಿಮಾದಲ್ಲಿ ನಟಿಸುವ ಬಗ್ಗೆಯೂ ಪ್ಲ್ಯಾನ್​ ಮಾಡಿದ್ದರು. ಅದು ಕೂಡ ಭಾರತದ ಸಿನಿಮಾದಲ್ಲಿ ಎಂಬುದು ವಿಶೇಷ. ಕ್ರಿಕೆಟ್​ ಮತ್ತು ಸಿನಿಮಾ ಜಗತ್ತಿನ ನಡುವೆ ಮೊದಲಿನಿಂದಲೂ ಒಂದು ನಂಟು ಇದೆ. ಕೆಲವು​ ಲೆಜೆಂಡರಿ ಕ್ರಿಕೆಟರ್​​ಗಳ ಕುರಿತು ಸಿನಿಮಾ ಮಾಡಲಾಗಿದೆ. ಅದೇ ರೀತಿ ಶೇನ್​ ವಾರ್ನ್​ ಕುರಿತಾಗಿಯೂ ಸಿನಿಮಾ ಸಿದ್ಧಗೊಳ್ಳುವ ಬಗ್ಗೆ ಮಾತುಕತೆ ನಡೆದಿತ್ತು. ಆದರೆ ಕಾರಣಾಂತರಗಳಿಂದ ಆ ಕನಸು ಕೈಗೂಡಲೇ ಇಲ್ಲ. ಆ ಬಗ್ಗೆ ಸ್ವತಃ ಶೇನ್​ ವಾರ್ನ್​ ಅವರು ಈ ಹಿಂದೆ ಹೇಳಿಕೊಂಡಿದ್ದರು. ಬಯೋಪಿಕ್​ (Shane Warne Biopic) ಮಾತ್ರವಲ್ಲದೇ ಬೇರೆಯವರ ಸಿನಿಮಾಗಳಲ್ಲಿ ನಟಿಸುವಂತೆಯೂ ಅವರಿಗೆ ಆಫರ್​ ನೀಡಲಾಗಿತ್ತು. ಆ ಯೋಜನೆಗಳೆಲ್ಲ ಕಾರ್ಯರೂಪಕ್ಕೆ ಬರುವ ಮುನ್ನವೇ ಶೇನ್​ ವಾರ್ನ್​ ಅವರು 52ನೇ ವಯಸ್ಸಿನಲ್ಲಿ ಇಹಲೋಕ ತ್ಯಜಿಸಿರುವುದು (Shane Warne Death) ನೋವಿನ ಸಂಗತಿ.

ಅದು 2015ರ ಸಮಯ. ಶೇನ್​ ವಾರ್ನ್​ ಅವರು ಬಾಲಿವುಡ್​ ಸಿನಿಮಾದಲ್ಲಿ ನಟಿಸುತ್ತಾರೆ ಎಂಬ ಗುಸುಗುಸು ಹರಿದಾಡಿತ್ತು. ನಂತರ ಆ ಸುದ್ದಿಯನ್ನು ಅವರು ಖಚಿತಪಡಿಸಿದ್ದರು. ‘ಒಂದು ಆಫರ್​ ಬಂದಿದೆ. ಯಾರೋ ನನಗಾಗಿ ಏನೋ ಪ್ಲ್ಯಾನ್​ ಮಾಡಿಕೊಂಡಿದ್ದಾರೆ’ ಎಂದು ಶೇನ್​ ವಾರ್ನ್​ ಹೇಳಿದ್ದರು. ಆದರೆ ಆ ಸಿನಿಮಾದ ಪ್ಲ್ಯಾನ್​ ಮುಂದೇನಾಯಿತು ಎಂದು ತಿಳಿಯಲಿಲ್ಲ. ಅವರು ಸಿನಿಮಾದಲ್ಲಿ ನಟಿಸಿದ ಬಗ್ಗೆ ಯಾವುದೇ ಮಾಹಿತಿ ಕೂಡ ಹೊರಬೀಳಲಿಲ್ಲ.

ಕೆಲವು ಸಮಯದ ಬಳಿಕ ಶೇನ್​ ವಾರ್ನ್​ ಅವರ ಬಯೋಪಿಕ್​ ಬಗ್ಗೆ ಪ್ರಸ್ತಾಪ ಆಯಿತು. ಅವರು ಆಸ್ಟ್ರೇಲಿಯಾದ ಕ್ರಿಕೆಟರ್​ ಆಗಿದ್ದರೂ ಕೂಡ ಭಾರತದಲ್ಲಿ ಅವರ ಬಯೋಪಿಕ್​ ಮಾಡಲು ತಯಾರಿ ನಡೆದಿತ್ತು! ಆದರೆ ಕೊವಿಡ್​ ಕಾರಣದಿಂದ ಆ ಸಿನಿಮಾದ ಕೆಲಸಗಳಿಗೆ ಬ್ರೇಕ್​ ಬಿತ್ತು. ನಂತರ ಮಾತನಾಡಿದ್ದ ಶೇನ್​ ವಾರ್ನ್ ಅವರು, ‘ಈ ವರ್ಷದ ಕೊನೆಯಲ್ಲಿ ಅಥವಾ ಮುಂದಿನ ವರ್ಷ ಆರಂಭದಲ್ಲಿ ನಾವು ಆ ಪ್ರಾಜೆಕ್ಟ್​ ಮತ್ತೆ ಕೈಗೆತ್ತಿಕೊಳ್ಳುತ್ತೇವೆ. ಏನಾಗುತ್ತಿದೆ ಅಂತ ನೋಡೋಣ’ ಎಂದು ​ಹೇಳಿದ್ದರು. ತಮ್ಮ ಪಾತ್ರದಲ್ಲಿ ಹಾಲಿವುಡ್​ ಹೀರೋಗಳಾದ ಬ್ರಾಡ್​ ಪಿಟ್​ ಅಥವಾ ಲಿಯೊನಾರ್ಡೊ ಡಿಕಾಪ್ರಿಯೊ ನಟಿಸಬೇಕು ಎಂದು ಅವರು ಹಂಬಲ ವ್ಯಕ್ತಪಡಿಸಿದ್ದರು.

ಅಚ್ಚರಿ ಎಂದರೆ ಅದು ಹಾಲಿವುಡ್​ ಸಿನಿಮಾ ಆಗಿರಲಿದ್ದು, ಭಾರತ ಪ್ರೇಕ್ಷಕರಿಗಾಗಿ ತಯಾರಿಸಬೇಕು ಎಂದುಕೊಳ್ಳಲಾಗಿತ್ತು. ಡ್ರಗ್ಸ್​, ಪರಸ್ತ್ರೀ ಸಹವಾಸ, ವಿವಾದ ಸೇರಿದಂತೆ ಶೇನ್​ ವಾರ್ನ್​ ಅವರ ಬದುಕಿನ ಎಲ್ಲ ವಿವರಗಳನ್ನೂ ಆ ಸಿನಿಮಾ ಒಳಗೊಂಡಿರಬೇಕು ಎಂದು ಪ್ಲ್ಯಾನ್​ ಮಾಡಲಾಗಿತ್ತು. ಆದರೆ ಆ ಕೆಲಸ ಕೈಗೂಡುವುದಕ್ಕೂ ಮುನ್ನವೇ ಶೇನ್​ ವಾರ್ನ್​ ವಿಧಿವಶರಾಗಿದ್ದಾರೆ. ಅವರ ನಿಧನಕ್ಕೆ ಬಾಲಿವುಡ್​ನ ಅನೇಕ ಸೆಲೆಬ್ರಿಟಿಗಳು ಕಂಬನಿ ಮಿಡಿದ್ದಾರೆ. ಶಿಲ್ಪಾ ಶೆಟ್ಟಿ, ಅಜಯ್​ ದೇವಗನ್​, ಅಕ್ಷಯ್​ ಕಮಾರ್​, ವರುಣ್​ ಧವನ್​, ರಣವೀರ್​ ಸಿಂಗ್​ ಸೇರಿದಂತೆ ಹಲವು ಸೆಲೆಬ್ರಿಟಿಗಳು ಶೇನ್​ ವಾರ್ನ್​ಗೆ ಶ್ರದ್ಧಾಂಜಲಿ ಅರ್ಪಿಸಿದ್ದಾರೆ.

ಇದನ್ನೂ ಓದಿ:

Shane Warne Passes Away: ಹೃದಯಾಘಾತದಿಂದ ಆಸ್ಟ್ರೇಲಿಯಾದ ದಿಗ್ಗಜ ಕ್ರಿಕೆಟರ್ ಶೇನ್​ ವಾರ್ನ್ ನಿಧನ

Shane Warne Passes Away: ತನ್ನ ನೆಲದಲ್ಲಿ ಈಡೇರದ ಶೇನ್ ವಾರ್ನ್ ಕನಸ್ಸನ್ನು ಭಾರತದ ಐಪಿಎಲ್ ನನಸು ಮಾಡಿತ್ತು..!

Follow us on

Related Stories

Most Read Stories

Click on your DTH Provider to Add TV9 Kannada