Krrish 4: ಮತ್ತೆ ಬರಲಿದೆ ‘ಕೋಯಿ ಮಿಲ್​ ಗಯಾ’ ಜಾದೂ? ಹೃತಿಕ್​ ‘ಕ್ರಿಶ್​ 4’ ಚಿತ್ರದಲ್ಲಿ ಟೈಮ್​ ಟ್ರಾವೆಲಿಂಗ್​ ಕಥೆ

Krrish 4: ಮತ್ತೆ ಬರಲಿದೆ ‘ಕೋಯಿ ಮಿಲ್​ ಗಯಾ’ ಜಾದೂ? ಹೃತಿಕ್​ ‘ಕ್ರಿಶ್​ 4’ ಚಿತ್ರದಲ್ಲಿ ಟೈಮ್​ ಟ್ರಾವೆಲಿಂಗ್​ ಕಥೆ
ಜಾದೂ, ಹೃತಿಕ್​ ರೋಷನ್​

Hrithik Roshan: ಹೃತಿಕ್​ ರೋಷನ್​ ನಟನೆಯ ಬಹುನಿರೀಕ್ಷಿತ ‘ಕ್ರಿಶ್​ 4’ ಸಿನಿಮಾದಲ್ಲಿ ಟೈಮ್​ ಟ್ರಾವೆಲಿಂಗ್​ ಕಾನ್ಸೆಪ್ಟ್​ ಬಳಸಿಕೊಂಡು ಜಾದೂ ಪಾತ್ರವನ್ನು ಮತ್ತೆ ತೆರೆಮೇಲೆ ತರಲು ಚಿತ್ರತಂಡ ತೀರ್ಮಾನಿಸುತ್ತಿದೆ ಎಂಬ ಬಗ್ಗೆ ವರದಿ ಆಗಿದೆ.

Madan Kumar

|

Jun 25, 2021 | 12:56 PM

ಬಾಲಿವುಡ್ ಪ್ರೇಕ್ಷಕರಿಗೆ ಒಂದು ಹೊಸ ಅನುಭವ ನೀಡಿದ ಸಿನಿಮಾ ‘ಕೋಯಿ ಮಿಲ್​ ಗಯಾ’. ಆ ಚಿತ್ರದಲ್ಲಿ ಹೃತಿಕ್​ ರೋಷನ್​ ಅವರು ಎರಡು ಶೇಡ್​ನ ಪಾತ್ರ ಮಾಡಿದ್ದರು. ಒಂದರಲ್ಲಿ ಸೂಪರ್​ ಹೀರೋ ರೀತಿ ಕಾಣಿಸಿಕೊಂಡಿದ್ದರು. ಹೃತಿಕ್​ ನಿರ್ವಹಿಸಿದ್ದ ಆ ಪಾತ್ರಕ್ಕೆ ಸೂಪರ್​ ಹೀರೋ ಗುಣಗಳು ಬರಲು ಕಾರಣವಾಗಿದ್ದು ಜಾದೂ ಎಂಬ ಏಲಿಯನ್​. ಆ ಸಿನಿಮಾದಲ್ಲಿ ಜಾದೂ ಪಾತ್ರ ಸಖತ್​ ಇಂಟರೆಸ್ಟಿಂಗ್​ ಆಗಿತ್ತು. ಈಗ ಮತ್ತೆ ಅದೇ ಜಾದೂ ಜೊತೆ ಹೃತಿಕ್​ ನಟಿಸುತ್ತಾರೆ ಎಂಬ ಸುದ್ದಿ ಹರಡಿದೆ.

ಇತ್ತೀಚೆಗಷ್ಟೇ ‘ಕ್ರಿಶ್​​’ ಚಿತ್ರಕ್ಕೆ 14 ವರ್ಷ ಪೂರೈಸಿದ ಹಿನ್ನೆಲೆಯಲ್ಲಿ ಹೃತಿಕ್​ ರೋಷನ್​ ಅವರು ‘ಕ್ರಿಶ್​ 4’ ಸಿನಿಮಾದ ಒಂದು ಮಿನಿ ಟೀಸರ್​ ಹಂಚಿಕೊಂಡಿದ್ದರು. ಆ ಮೂಲಕ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸುವ ಕೆಲಸಕ್ಕೆ ಅವರು ಚಾಲನೆ ನೀಡಿದ್ದರು. ಅದರ ಬೆನ್ನಲ್ಲೇ ‘ಕ್ರಿಶ್​ 4’ ಬಗ್ಗೆ ಒಂದು ಗುಸುಗುಸು ಕೇಳಿಬಂದಿದೆ. ಈ ಸಿನಿಮಾದಲ್ಲಿ ಜಾದೂ ಪಾತ್ರ ಇರಲಿದೆ ಎಂದು ಹೇಳಲಾಗುತ್ತಿದೆ.

‘ಕ್ರಿಶ್​ 4’ ಸಿನಿಮಾದಲ್ಲಿ ಟೈಮ್​ ಟ್ರಾವೆಲಿಂಗ್​ ಕಾನ್ಸೆಪ್ಟ್​ ಬಳಸಿಕೊಂಡು ಜಾದೂ ಪಾತ್ರವನ್ನು ಮತ್ತೆ ತೆರೆಮೇಲೆ ತರಲು ಚಿತ್ರತಂಡ ತೀರ್ಮಾನಿಸುತ್ತಿದೆ ಎಂಬ ಬಗ್ಗೆ ವರದಿ ಆಗಿದೆ. ಆದರೆ ಈ ಕುರಿತು ಯಾರೂ ಅಧಿಕೃತ ಹೇಳಿಕೆ ನೀಡಿಲ್ಲ. ‘ಭೂತಕಾಲ ಮುಗಿಯಿತು. ಭವಿಷ್ಯ ಕಾಲ ಏನನ್ನು ತರುತ್ತದೆ ಅಂತ ನೋಡೋಣ’ ಎಂಬ ಕ್ಯಾಪ್ಷನ್​ ಜೊತೆಗೆ ಕ್ರಿಶ್​ 4 ಚಿತ್ರದ ಟೀಸರ್​ ಅನ್ನು ಹೃತಿಕ್​ ಹಂಚಿಕೊಂಡಿದ್ದರು. ಆ ಕ್ಯಾಪ್ಷನ್​ನಲ್ಲಿ ಭೂತ-ಭವಿಷ್ಯದ ಬಗ್ಗೆ ಅವರು ಪ್ರಸ್ತಾಪ ಮಾಡಿರುವುದರಿಂದ ಟೈಮ್​ ಟ್ರಾವೆಲಿಂಗ್​ ಬಗೆಗಿನ ಅನುಮಾನಕ್ಕೆ ಪುಷ್ಠಿ ಸಿಕ್ಕಂತಾಗಿದೆ. ಈ ಟೀಸರ್​ನಲ್ಲಿ ಹೃತಿಕ್​ ರೋಷನ್​ ಅವರು ಮಾಸ್ಕ್​ ಕಿತ್ತು ಎಸೆಯುವ ದೃಶ್ಯ ಇದೆ. ಇಷ್ಟು ವರ್ಷಗಳ ಕಾಲ ಕಾಣಿಸಿಕೊಂಡಿದ್ದ ಕಪ್ಪು ಮಾಸ್ಕ್​ ಬದಲಿಗೆ ನೀಲಿ ಬಣ್ಣದ ಮಾಸ್ಕ್​ ಬಳಸಲಾಗಿರುವುದು ಕೂಡ ಕೌತುಕಕ್ಕೆ ಕಾರಣ ಆಗಿದೆ.

2020ರಲ್ಲಿಯೇ ‘ಕ್ರಿಶ್​ 4’ ಸಿನಿಮಾ ತೆರೆಕಾಣಬೇಕಿತ್ತು. ಆದರೆ ನಿರ್ದೇಶಕ, ಹೃತಿಕ್​ ರೋಷನ್​ ತಂದೆ ರಾಕೇಶ್​ ರೋಷನ್​ ಅವರು ಕ್ಯಾನ್ಸರ್​ಗೆ ಚಿಕಿತ್ಸೆ ಪಡೆಯಲು ಆರಂಭಿಸಿದ್ದರಿಂದ ಚಿತ್ರದ ಕೆಲಸಗಳು ನಿಂತಿದ್ದವು. ಅಲ್ಲದೆ, ಲಾಕ್​ಡೌನ್​ ಮತ್ತು ಕೊರೊನಾ ವೈರಸ್​ ಕಾರಣದಿಂದಾಗಿಯೂ ವಿಳಂಬ ಆಗಿತ್ತು. ಆದರೆ ಈಗ ಕಾಲ ಕೂಡಿಬಂದಂತೆ ಕಾಣುತ್ತಿದೆ.

ಇದನ್ನೂ ಓದಿ:

ಹೃತಿಕ್​ ಜತೆ ಕೈ ಜೋಡಿಸಲಿದ್ದಾರೆ ದಕ್ಷಿಣ ಭಾರತದ ಹೀರೋ: 150 ಕೋಟಿ ದಾಟಲಿದೆ ಸಿನಿಮಾ ಬಜೆಟ್​!

ಹೃತಿಕ್​ ಜೊತೆ ರೊಮ್ಯಾನ್ಸ್​ ಮಾಡಲಿದ್ದಾರೆ ದೀಪಿಕಾ ಪಡುಕೋಣೆ: ಈ ಚಿತ್ರಕ್ಕೆ ನಿರ್ದೇಶಕರಾರು ಗೊತ್ತಾ?

Follow us on

Related Stories

Most Read Stories

Click on your DTH Provider to Add TV9 Kannada