‘ಕಲ್ಕಿ 2898 ಎಡಿ’ ನಿರ್ಮಾಪಕರು ಮುಟ್ಟಿದ್ದೆಲ್ಲವೂ ಚಿನ್ನ; 10 ವರ್ಷಗಳಲ್ಲಿ ಸಿಕ್ಕ ಗೆಲುವೆಷ್ಟು?

ನಾಗ್ ಅಶ್ವಿನ್ ನಿರ್ದೇಶನದ, ಅಶ್ವಿನಿ ದತ್ ನಿರ್ಮಾಣದ ‘ಕಲ್ಕಿ 2898 ಎಡಿ’ ಚಿತ್ರದ ಗಳಿಕೆ 700 ಕೋಟಿ ರೂಪಾಯಿ ಆಗಿದೆ. ಈ ಮೂಲಕ ಸಿನಿಮಾ ದಾಖಲೆ ಬರೆದಿದೆ. ಈ ಚಿತ್ರ ಅನಾಯಾಸವಾಗಿ 1 ಸಾವಿರ ಕೋಟಿ ರೂಪಾಯಿ ಗಳಿಕೆ ಮಾಡಬಹುದು ಎಂದು ಬಾಕ್ಸ್ ಆಫೀಸ್ ಪಂಡಿತರು ಊಹಿಸುತ್ತಿದ್ದಾರೆ. ಅಶ್ವಿನಿ ದತ್ ಅವರು ಈ ಚಿತ್ರದಿಂದ ಲಾಭ ಕಂಡಿದ್ದಾರೆ. ಅವರು ಸಿನಿಮಾ ನಿರ್ಮಾಣಕ್ಕೆ ಇಳಿದು 50 ವರ್ಷ ಕಳೆಯುತ್ತಾ ಬಂದಿದೆ. ಆದಾಗ್ಯೂ ಅವರು ಎಂದಿಗೂ ದೊಡ್ಡ ಮಟ್ಟದಲ್ಲಿ ಕೈ ಸುಟ್ಟುಕೊಂಡಿಲ್ಲ.

ಅಶ್ವಿನಿ ದತ್ ಅವರು 1975ರಿಂದ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ.  ‘ಎಡುರುಲೇನಿ ಮನಿಶಿ’ ಅವರ ನಿರ್ಮಾಣದ ಮೊದಲ ಸಿನಿಮಾ. ಈ ಚಿತ್ರ ಗೆಲುವು ಕಂಡಿತು. ಆ ಬಳಿಕ ಅಶ್ವಿನಿ ದತ್ ಹಿಂದಿರುಗಿ ನೋಡಲೇ ಇಲ್ಲ. ಈವರೆಗೆ ಅವರು ಹಲವು ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದಾರೆ. 2022ರಲ್ಲಿ ಅವರು ನಿರ್ಮಿಸಿದ ‘ಸೀತಾ ರಾಮಂ’ ದೊಡ್ಡ ಗೆಲುವು ಕಂಡಿತು. ಇದರಿಂದ ಅವರು ಸಾಕಷ್ಟು ಲಾಭ ಕಂಡರು.

‘ಮಹರ್ಷಿ’, ‘ಮಹಾನಟಿ’ ಸೇರಿ ಅನೇಕ ಚಿತ್ರಗಳನ್ನು ಅವರು ನಿರ್ಮಾಣ ಮಾಡಿದ್ದಾರೆ. ಕನ್ನಡದಲ್ಲಿ ‘ಪ್ರೇಮಕ್ಕೆ ಸೈ’ ಚಿತ್ರವನ್ನು ಅವರು ನಿರ್ಮಿಸಿದ್ದರು. ಅಶ್ವಿನಿ ದತ್ ಅವರು ಸಿನಿಮಾ ನಿರ್ಮಾಣದ ವಿಚಾರದಲ್ಲಿ  ಸಾಕಷ್ಟು ಎಚ್ಚರಿಕೆ ವಹಿಸುತ್ತಾರೆ. ಈ ಕಾರಣದಿಂದಲೇ ಅವರಿಗೆ ಗೆಲುವು ಸಿಗುತ್ತಿದೆ.

ಇತ್ತೀಚೆಗೆ ನಾಗ್ ಅಶ್ವಿನ್ ಅವರು ಒಂದು ಪೋಸ್ಟ್ ಮಾಡಿದ್ದರು. ‘10 ವರ್ಷಗಳ ಹಿಂದೆ ಯೆವಡೆ ಸುಬ್ರಮಣ್ಯಮ್ ಸಿನಿಮಾ ಆರಂಭಿಸಿದೆವು. ಈ ಸಿನಿಮಾ ಸಖತ್ ರಿಸ್ಕಿ ಆಗಿತ್ತು. ಆದಾಗ್ಯೂ ಮಾಡಿದೆವು. ಆ ಬಳಿಕ ನಾವು ಮಾಡಿದ ಎಲ್ಲಾ ಚಿತ್ರಗಳು ಗೆಲುವು ಕಂಡಿವೆ’ ಎಂದು ನಾಗ್ ಅಶ್ವಿನ್ ಹೇಳಿದ್ದಾರೆ.

ವೈಜಯಂತಿ ಮೂವೀಸ್ ಕಳೆದ 10 ವರ್ಷಗಳಲ್ಲಿ ಸರಿಯಾದ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಿದೆ. ಈ ಕಾರಣಕ್ಕೆ ಹಲವು ಸಿನಿಮಾಗಳು ಗೆದ್ದಿವೆ. ‘ಯೆವಡೆ ಸುಬ್ರಮಣ್ಯಮ್’, ‘ಜಾತಿರತ್ನಾಲು’, ‘ಮಹಾನಟಿ’ ಚಿತ್ರಗಳು ಗೆಲುವು ಕಂಡಿವೆ. ‘ಕಲ್ಕಿ 2898 ಎಡಿ’ ಚಿತ್ರದ ಬಗ್ಗೆಯಂತೂ ಹೇಳುವುದೇ ಬೇಡ.

ಇದನ್ನೂ ಓದಿ:‘ಕಲ್ಕಿ 2898 ಎಡಿ’ ಚಿತ್ರಕ್ಕೆ ಹಾಕಿದ ಶ್ರಮ ತೋರಿಸಲು ಹರಿದ ಚಪ್ಪಲಿ ಫೋಟೋ ಹಂಚಿಕೊಂಡ ನಿರ್ದೇಶಕ   

ಸಣ್ಣ ಸಿನಿಮಾಗಳನ್ನು ನಿರ್ಮಾಣ ಮಾಡಿದವರಿಗೆ ದೊಡ್ಡ ಬಜೆಟ್ ಚಿತ್ರಗಳನ್ನು ಹ್ಯಾಂಡಲ್ ಮಾಡೋದು ಕಷ್ಟ ಆಗುತ್ತದೆ. ಆದರೆ, ಇದರಲ್ಲಿ ‘ವೈಜಯಂತಿ ಮೂವೀಸ್’ ಎಡವಿಲ್ಲ. ಅಶ್ವಿನಿ ದತ್ ಅವರು ಯಾವಾಗಲೂ ಎಚ್ವರಿಕೆಯಿಂದ ಸಿನಿಮಾ ನಿರ್ಮಾಣ ಮಾಡುತ್ತಾರೆ.  ಈಗ ‘ಕಲ್ಕಿ 2898 ಎಡಿ’ ಚಿತ್ರದಿಂದ ಅವರು ಲಾಭ ಕಂಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.