ಜಾನ್ವಿಗಾದ ಅನ್ಯಾಯವೇ ಕಯಾದು ಲೋಹರ್​ಗೂ ಆಯ್ತಾ? ಬೋಲ್ಡ್ ದೃಶ್ಯದ ಬಗ್ಗೆ ಚರ್ಚೆ

ಇತ್ತೀಚಿನ ದಿನಗಳಲ್ಲಿ ಯುವ ನಿರ್ದೇಶಕರು ತಮ್ಮ ಸಿನಿಮಾಗಳಲ್ಲಿ ಕಥಾನಾಯಕಿಯರ ಪಾತ್ರಗಳನ್ನು ಬಿಂಬಿಸುತ್ತಿರುವ ರೀತಿ ವ್ಯಾಪಕ ಟೀಕೆಗೆ ಗುರಿಯಾಗುತ್ತಿದೆ. ಮಹಿಳಾ ಪಾತ್ರಗಳಿಗೆ ಸೂಕ್ತ ಪ್ರಾಮುಖ್ಯತೆ ನೀಡುವಲ್ಲಿ ನಿರ್ದೇಶಕರು ಎಡವುತ್ತಿದ್ದು, ಪ್ರೇಕ್ಷಕರಲ್ಲಿ ತೀವ್ರ ಕಿರಿಕಿರಿ ಉಂಟುಮಾಡುತ್ತಿದ್ದಾರೆ. ಕೇವಲ ಗ್ಲಾಮರ್ ಗೊಂಬೆಯನ್ನಾಗಿ ನಾಯಕಿಯರನ್ನು ಬಳಸಿಕೊಳ್ಳುತ್ತಿರುವ ಬಗ್ಗೆ ಪ್ರಶ್ನೆ ಎದುರಾಗಿದೆ.

ಇತ್ತೀಚೆಗೆ ತೆರೆಕಂಡ ‘ಪೆದ್ದಿ’ ಸಿನಿಮಾ ರಿಲೀಸ್ ಆಗಿ ಚರ್ಚೆ ಹುಟ್ಟುಹಾಕಿತ್ತು. ‘ಪೆದ್ದಿ’ ಚಿತ್ರದಲ್ಲಿ ಜಾನ್ವಿ ಕಪೂರ್ ಅವರ ಪಾತ್ರಕ್ಕೆ ಯಾವುದೇ ಪ್ರಾಮುಖ್ಯತೆ ಕೊಡದೆ, ಕೇವಲ ಗ್ಲಾಮರ್ ಹೈಲೈಟ್ ಮಾಡಲಾಗಿದೆ. ಇನ್ನು ‘ದಿ ಪ್ಯಾರಡೈಸ್’ ಚಿತ್ರದಲ್ಲಿ ನಿರ್ದೇಶಕ ಶ್ರೀಕಾಂತ್ ಒಡೆಲಾ, ನಾಯಕಿ ಕಾಯಾದು ಲೋಹರ್ ಅವರನ್ನು ಅಡಲ್ಟ್ ಫಿಲ್ಮ್ ನಟಿಯ ಪಾತ್ರದಲ್ಲಿ ತೋರಿಸಿದ್ದಾರೆ. ಕಥೆಯ ಹಿನ್ನೆಲೆಗೆ ಕಾರಣ ನೀಡಲಾಗಿದೆಯಾದರೂ, ಚಿತ್ರದುದ್ದಕ್ಕೂ ಪ್ರದರ್ಶಿಸಲಾದ ಅತಿಯಾದ ಗ್ಲಾಮರ್ ದೃಶ್ಯಗಳನ್ನು ಪ್ರೇಕ್ಷಕರು ಒಪ್ಪಿಕೊಳ್ಳುತ್ತಿಲ್ಲ.

ಎಲ್ಲಕ್ಕಿಂತ ಹೆಚ್ಚಾಗಿ ‘ದಿ ಪ್ಯಾರಡೈಸ್’ ಚಿತ್ರದಲ್ಲಿ ತಾಯಿಯೇ ಮಗಳ ಅಡಲ್ಟ್ ಕಂಟೆಂಟ್ ವೀಡಿಯೋ ಶೂಟ್ ಮಾಡುವುದು ಮತ್ತು ಮಗಳನ್ನು ‘ಸಿಂಗಲ್ ಟೇಕ್ ಆರ್ಟಿಸ್ಟ್’ ಎಂದು ಹೊಗಳುವ ದೃಶ್ಯಗಳಿದ್ದು, ಇದು ವೀಕ್ಷಕರ ಅಸಮಾಧಾನಕ್ಕೆ ಕಾರಣವಾಗಿದೆ. ಈ ರೀತಿಯ ಕಥಾಹಂದರಕ್ಕೆ ಯಾವುದೇ ನೈಜ ಉದ್ದೇಶವಿಲ್ಲ. ಇದು ನಿರ್ದೇಶಕರ ವಿಕೃತ ಮನಸ್ಥಿತಿಯನ್ನು ತೋರಿಸುತ್ತದೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಜನ ತೀವ್ರ ತರಾಟೆಗೆ ತೆಗೆದುಕೊಳ್ಳುತ್ತಿದ್ದಾರೆ.

ಅಂದಹಾಗೆ, ಸಂದೀಪ್ ರೆಡ್ಡಿ ವಂಗಾ ಅವರ ‘ಅನಿಮಲ್’ ಚಿತ್ರದಲ್ಲೂ ಇಂತಹ ಕೆಲವು ದೃಶ್ಯಗಳಿದ್ದರೂ, ಚಿತ್ರದ ಕಥೆ ಮತ್ತು ಇತರ ಅಂಶಗಳು ಪ್ರೇಕ್ಷಕರನ್ನು ಹಿಡಿದಿಟ್ಟುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದವು. ಆದರೆ ವಂಗಾ ಅವರನ್ನು ಹಸಿಹಸಿಯಾಗಿ ಅನುಕರಿಸಲು ಹೊರಟ ಇತರ ಯುವ ನಿರ್ದೇಶಕರು ಈಗ ಟ್ರೋಲ್ ಪಡೆಗೆ ಆಹಾರವಾಗುತ್ತಿದ್ದಾರೆ.

ಇದನ್ನೂ ಓದಿ: ಕೇವಲ ಗ್ಲಾಮರ್​​ಗೆ ಸೀಮಿತವಾದ ನಟಿ ಕಯಾದು ಲೋಹರ್

ಈ ಬೆಳವಣಿಗೆಯಿಂದಾಗಿ ಜಾನ್ವಿ ಕಪೂರ್ ಮತ್ತು ಕಾಯಾದು ಲೋಹರ್ ಮುಂದಿನ ದಿನಗಳಲ್ಲಿ ತೆಲುಗು ಸಿನಿಮಾಗಳನ್ನು ಒಪ್ಪಿಕೊಳ್ಳುವ ಮುನ್ನ ಹತ್ತಾರು ಬಾರಿ ಯೋಚಿಸುವಂತಾಗಿದೆ. ಒಟ್ಟಿನಲ್ಲಿ ಬುಚಿ ಬಾಬು ಮತ್ತು ಶ್ರೀಕಾಂತ್ ಒಡೆಲಾ ಅವರಿಗೆ ಈ ಸಿನಿಮಾಗಳು ದೊಡ್ಡ ಮಟ್ಟದ ಪಾಠ ಕಲಿಸಿದ್ದು, ನಾಯಕಿ ಪಾತ್ರಗಳನ್ನು ಗೌರವಯುತವಾಗಿ ಚಿತ್ರಿಸುವುದು ಎಷ್ಟು ಮುಖ್ಯ ಎಂಬುದು ಈ ಮೂಲಕ ಸಾಬೀತಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.