ನಯನಾತಾರಾ ಹಾಗೂ ವಿಘ್ನೇಶ್ ಪೈಕಿ ಶ್ರೀಮಂತ ಯಾರು? ಇಲ್ಲಿದೆ ವಿವರ  

ನಟಿ ನಯನತಾರಾಗೆ ಇಂದು (ನವೆಂಬರ್ 18) ಜನ್ಮದಿನ. ಅವರಿಗೆ ಎಲ್ಲ ಕಡೆಗಳಿಂದ ವಿಶ್​ಗಳು ಬರುತ್ತಿವೆ. ಇತ್ತೀಚೆಗೆ ಅವರು ಸಾಕಷ್ಟು ಸುದ್ದಿಯಲ್ಲಿ ಇದ್ದಾರೆ. ಧನುಷ್ ಹಾಡನ್ನು ಬಳಕೆ ಮಾಡಿದ ವಿಚಾರಕ್ಕೆ ಸಂಬಂಧಿಸಿ ಅವರು ನಯನಾತಾರಾಗೆ ನೋಟಿಸ್ ಕಳುಹಿಸಿದ್ದಾರೆ. ಈ ಬಗ್ಗೆ ಅವರು ಓಪನ್ ಲೆಟರ್ ಬರೆದಿದ್ದಾರೆ. ಸದ್ಯ ವಿಘ್ನೇಶ್ ಶಿವನ್ ಜೊತೆ ಮದುವೆ ಆಗಿ ನಯನತಾರಾ ಹಾಯಾಗಿದ್ದಾರೆ. ಹಾಗಾದರೆ ಇಬ್ಬರಲ್ಲಿ ಯಾರು ಹೆಚ್ಚು ಶ್ರೀಮಂತರು? ಆ ಬಗ್ಗೆ ಇಲ್ಲಿದೆ ವಿವರ.

ವಿಘ್ನೇಶ್ ಹಾಗೂ ನಯನಾತಾರಾ ಅವರ ಒಟ್ಟೂ ಆಸ್ತಿ 215 ಕೋಟಿ ರೂಪಾಯಿ. ನಯನತಾರಾ ಅವರ ಆಸ್ತಿ 165 ಕೋಟಿ ರೂಪಾಯಿ ಆದರೆ, ವಿಘ್ನೇಶ್ ಶಿವನ್ ಆಸ್ತಿ 50 ಕೋಟಿ ರೂಪಾಯಿ. ವಿಘ್ನೇಶ್​ಗಿಂತ ನಯನತಾರಾ ಹೆಚ್ಚು ಶ್ರೀಮಂತರು. ಪತಿಗಿಂತ ನಯನತಾರಾಗೆ ಹೆಚ್ಚು ಜನಪ್ರಿಯತೆ ಇದೆ. ಇದನ್ನು ಎಲ್ಲರೂ ಒಪ್ಪಿಕೊಳ್ಳುತ್ತಾರೆ.

ನಯನತಾರಾ ಅವರು ದಕ್ಷಿಣ ಭಾರತದ ಖ್ಯಾತ ನಟಿ. ಅವರಿಗೆ ಬಾಲಿವುಡ್​ನಲ್ಲೂ ಬೇಡಿಕೆ ಸೃಷ್ಟಿ ಆಗಿದೆ. ‘ಜವಾನ್’ ಸಿನಿಮಾದಲ್ಲಿ ಶಾರುಖ್ ಜೊತೆ ನಟಿಸಿ ಅವರು ಖ್ಯಾತಿ ಪಡೆದರು. ಅವರು ಪ್ರತಿ ಚಿತ್ರಕ್ಕೆ 10 ಕೋಟಿ ರೂಪಾಯಿ ಚಾರ್ಜ್ ಮಾಡುತ್ತಾರೆ. ಬ್ರ್ಯಾಂಡ್ ಪ್ರಚಾರಕ್ಕೆ 5 ಕೋಟಿ ರೂಪಾಯಿ ಪಡೆಯುತ್ತಾರೆ. ನಯನತಾರಾ ಹಲವು ಕಡೆಗಳಲ್ಲಿ ಪ್ರಾಪರ್ಟಿ ಹೊಂದಿದ್ದಾರೆ. ಇದರ ಬೆಲೆ 100 ಕೋಟಿ ರೂಪಾಯಿ ದಾಟಿದೆ. ಅವರು ಹೈದರಾಬಾದ್​ನಲ್ಲೂ ಮನೆ ಹೊಂದಿದ್ದು, 15 ಕೋಟಿ ರೂಪಾಯಿ ಇದರ ಬೆಲೆ ಎನ್ನಲಾಗಿದೆ. ಅವರು ಚೆನ್ನೈನಲ್ಲಿ 4 ಬಿಎಚ್​ಕೆ ಮನೆ ಹೊಂದಿದ್ದಾರೆ. ಕೇರಳದಲ್ಲೂ ಅವರಿಗೆ ಮನೆ ಇದೆ. ಅವರು ಖಾಸಗಿ ಜೆಟ್ ಖರೀದಿ ಮಾಡಿದ್ದಾರೆ ಎಂದು ಕೂಡ ಹೇಳಲಾಗುತ್ತಿದೆ.

ಇದನ್ನೂ ಓದಿ: ಪ್ರಭುದೇವ ಮದುವೆ ಆಗಲು ನಯನತಾರಾ ಹೊರಟಾಗ; ಕೋರ್ಟ್ ಮೆಟ್ಟಿಲೇರಿತ್ತು ಪ್ರಕರಣ

ವಿಘ್ನೇಶ್ ಶಿವನ್ ಅವರು ಗೀತ ಸಾಹಿತಿ ಕೂಡ ಹೌದು. ಪ್ರತಿ ಹಾಡಿಗೆ ಅವರು 1ರಿಂದ 3 ಲಕ್ಷ ರೂಪಾಯಿ ಪಡೆಯುತ್ತಾರೆ. ಅವರು ಸಿನಿಮಾ ನಿರ್ದೇಶನಕ್ಕೆ ಕೋಟಿ ಪಡೆಯುತ್ತಾರೆ. ಅವರು ತಮ್ಮದೇ ಮನೆ ಹೊಂದಿದ್ದಾರೆ. ವಿಘ್ನೇಶ್ ಶಿವನ್ ಅವರು ನಿರ್ದೇಶಕರಾಗಿ ಗುರುತಿಸಿಕೊಂಡರೆ, ನಯನಾತಾರಾ ನಟಿ ಆಗಿ ಜನಪ್ರಿಯತೆ ಪಡೆದಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.