ಸುದೀಪ್ ಹುಟ್ಟುಹಬ್ಬಕ್ಕೆ ಸರ್ಪ್ರೈಸ್ ನೀಡಿದ ಬಿಗ್ ಬಾಸ್ ಒಟಿಟಿ ಸ್ಪರ್ಧಿಗಳು; ಪ್ರೀತಿಗೆ ಕರಗಿದ ಕಿಚ್ಚ
Kichcha Sudeep Birthday: ಕಿಚ್ಚ ಸುದೀಪ್ ಅವರ ಪಾಲಿಗೆ ‘ಬಿಗ್ ಬಾಸ್’ ವೇದಿಕೆ ತುಂಬ ಸ್ಪೆಷಲ್. ಆ ವಿಶೇಷ ವೇದಿಕೆಯಲ್ಲಿ ಅವರಿಗೆ ಬರ್ತ್ಡೇ ಶುಭಾಶಯ ತಿಳಿಸಲಾಗಿದೆ.
Updated on:Sep 03, 2022 | 7:32 PM
ನಟ ಕಿಚ್ಚ ಸುದೀಪ್ (Kichcha Sudeep) ಅವರಿಗೆ ಅಪಾರ ಸಂಖ್ಯೆಯ ಅಭಿಮಾನಿಗಳಿದ್ದಾರೆ. ಆ ದೊಡ್ಡ ಅಭಿಮಾನಿ ಬಳಗಕ್ಕೆ ಸೆಪ್ಟೆಂಬರ್ 2ರ ದಿನಾಂಕ ಎಂದರೆ ಹಬ್ಬಕ್ಕೆ ಸಮ. ಯಾಕೆಂದರೆ ಅಂದು ಸುದೀಪ್ ಜನ್ಮದಿನ (Kichcha Sudeep Birthday). ಹೌದು, ಈ ದಿನವನ್ನು ಅಭಿಮಾನಿಗಳು ಸಂಭ್ರಮದಿಂದ ಆಚರಿಸಿದ್ದಾರೆ. ಬಿಗ್ ಬಾಸ್ ಮನೆಯಲ್ಲೂ ಈ ಸಡಗರದ ವಾತಾವರಣ ನಿರ್ಮಾಣ ಆಗಿದೆ. ಬರ್ತ್ಡೇ ಮರುದಿನವೇ ಸುದೀಪ್ ಅವರು ‘ಬಿಗ್ ಬಾಸ್ ಕನ್ನಡ ಒಟಿಟಿ’ (Bigg Boss OTT Kannada) ವೀಕೆಂಡ್ ಎಪಿಸೋಡ್ ನಡೆಸಿಕೊಟ್ಟಿದ್ದಾರೆ. ಈ ವೇಳೆ ಎಲ್ಲ ಸ್ಪರ್ಧಿಗಳು ಸುದೀಪ್ಗೆ ಸ್ಪೆಷಲ್ ಆಗಿ ವಿಶ್ ಮಾಡಿದ್ದಾರೆ. ಸ್ಪರ್ಧಿಗಳು ನೀಡಿದ ಈ ಸರ್ಪ್ರೈಸ್ ನೋಡಿ ಕಿಚ್ಚನಿಗೆ ಖುಷಿ ಆಗಿದೆ. ಈ ಸಂಭ್ರಮದ ಮೂಲಕವೇ ವೀಕೆಂಡ್ ಸಂಚಿಕೆ ಆರಂಭ ಆಗಿದೆ.
ಕನ್ನಡ ಬಿಗ್ ಬಾಸ್ ಮೊದಲ ಸೀಸನ್ನಿಂದಲೂ ಸುದೀಪ್ ಅವರೇ ನಿರೂಪಣೆ ಮಾಡುತ್ತ ಬಂದಿದ್ದಾರೆ. ಈ ಶೋನಲ್ಲಿ ವಿವಾದಾತ್ಮಕ ಸ್ಪರ್ಧಿಗಳು ಕೂಡ ಭಾಗವಹಿಸುತ್ತಾರೆ. ಎಂಥದ್ದೇ ಪರಿಸ್ಥಿತಿ ಬಂದರೂ ಸುದೀಪ್ ಅವರು ಚೆನ್ನಾಗಿ ನಿಭಾಯಿಸುತ್ತಾರೆ. ಆ ಕಾರಣಕ್ಕೆ ಅವರನ್ನು ಪ್ರೇಕ್ಷಕರು ಇಷ್ಟಪಡುತ್ತಾರೆ. ಇನ್ನು, ಬಿಗ್ ಬಾಸ್ ಶೋ ಬಗ್ಗೆ ಸುದೀಪ್ ಅವರಿಗೆ ವಿಶೇಷ ಪ್ರೀತಿ ಇದೆ. ತುಂಬ ಕಾಳಜಿಯಿಂದ ಅವರು ಈ ಶೋ ನಡೆಸಿಕೊಡುತ್ತಾರೆ.
ಬಿಗ್ ಬಾಸ್ ಆಟ ಮುಗಿದ ಬಳಿಕವೂ ಸ್ಪರ್ಧಿಗಳ ಜೊತೆ ಸುದೀಪ್ ಸ್ನೇಹ ಮುಂದುವರಿಯುತ್ತದೆ. ಮಾಜಿ ಸ್ಪರ್ಧಿಗಳ ಸಿನಿಮಾ ಕರಿಯರ್ಗೆ ಅವರು ಸದಾ ಬೆಂಬಲ ನೀಡುತ್ತಾರೆ. ಈ ಎಲ್ಲ ಕಾರಣಗಳಿಂದಾಗಿ ಸುದೀಪ್ ಅವರಿಗೆ ಬಿಗ್ ಬಾಸ್ ಶೋ ತುಂಬ ಸ್ಪೆಷಲ್. ಅಂಥ ವೇದಿಕೆಯಿಂದ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಹರಿದುಬಂದಿದೆ. ಎಲ್ಲರೂ ಎದ್ದು ನಿಂತು ಕಿಚ್ಚನಿಗೆ ವಿಶ್ ಮಾಡಿದ್ದಾರೆ. ಎಲ್ಲರ ಪ್ರೀತಿಗೆ ಸುದೀಪ್ ತಲೆ ಬಾಗಿದ್ದಾರೆ.
ಇಷ್ಟು ವರ್ಷಗಳ ಕಾಲ ಟಿವಿಯಲ್ಲಿ ‘ಬಿಗ್ ಬಾಸ್ ಕನ್ನಡ’ ಶೋ ನಡೆದುಕೊಂಡು ಬಂದಿತ್ತು. ಒಟ್ಟು 8 ಸೀಸನ್ಗಳನ್ನು ಯಶಸ್ವಿಯಾಗಿ ಪೂರೈಸಲಾಗಿದೆ. 9ನೇ ಸೀಸನ್ ಆರಂಭಕ್ಕೂ ಮುನ್ನ ‘ಬಿಗ್ ಬಾಸ್ ಕನ್ನಡ ಒಟಿಟಿ’ ಮೊದಲ ಸೀಸನ್ ಶುರುವಾಗಿದೆ. ಇದು ಕನ್ನಡದ ಪ್ರೇಕ್ಷಕರಿಗೆ ಹೊಸದು. ವೂಟ್ ಸೆಲೆಕ್ಟ್ ಮೂಲಕ ಈ ಶೋ ಪ್ರಸಾರ ಆಗುತ್ತಿದ್ದು, ಅಂತಿಮ ಘಟ್ಟ ತಲುಪುತ್ತಿದೆ. ಆರು ವಾರದ ಈ ಶೋನಲ್ಲಿ ಭಾಗವಹಿಸಿದ ಕೆಲವರಿಗೆ ‘ಬಿಗ್ ಬಾಸ್ ಕನ್ನಡ ಸೀಸನ್ 9’ಕ್ಕೆ ಎಂಟ್ರಿ ಸಿಗಲಿದೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 7:32 pm, Sat, 3 September 22
